用15 分鐘 想一想有什麼同營幕前的你說.
講一講剛剛電視節目 ? 哈哈哈...幾好睇疫境廚神咩咩咩盛宴.
哎呀 ! 俾佢鬧呀 ! 自已又唔可以吃蟹又要睇, 佢話又要減肥唔食嘢重睇這些美食節目 !?
而家不阿爺又肥媽, 是因為好多人都無出街吃飯. 個個在家開飯煮兩味. 所以, 這些電視節目大賣旺場 !!
好多人都喜愛煮食物給身邊另一半.
做咩上面張相出來呀 !? 主要呢 係....有日我差點買了這個款的火爐回家. 當然, 想要的炭爐重要藝術過這張照片很多. 只是沒理由在家中燒炭......架.
等我搬到去村屋住有花園時就會帶它回家. 你又想買玩具 ?
笑....想吓姐, 發吓夢都得掛, 做人有時候有夢想會快樂點.
想想這些其實都幾快樂.
雪
2020.11.14
接二連三有人要轉贈我氣炸鍋, 第一時間好想要的, 因為近排社會上較新興流行的煮食用具, 以熱氣流加熱食物. 沒有想清楚就說好呀 ! 「 多謝」.
幸好 ! 過了30分鐘, 突然間醒起自已家人蒸,焗,爐不就是有熱風功能. 不就是常用來熱風烤酥脆餅食.
是不是無必要擺多一個器具在家中呀 !? 哎呀 ! 「我都是唔要啦」. 地方細好難再放多一個.
他....好失望, 我沒有收留他的氣炸鍋.
唔緊要啦 ! 我睇一睇有無朋友岩用, 或者幫你找人要, 有消息再通知你.
有時候, 買煮食用具就要想清楚, 睇清楚是否合適自已使用才好去擁有, 買了回來用一次就話要送俾人又浪費金錢, 又要煩去找到合適人, 真是有點難度.
家中都有一些輕巧炸爐, 榨汁攪拌豆漿機, 十人電飯煲, 電子燉盅....一放就擺了好幾年未有拿出來使用. 我又不捨得送給別人, 所以還是自已好好保全愛護.
嘻...我要對它們好一點, 得閒要拎它們出來灌灌熱油, 浸浸暖水, 嘆嘆飯香.
嘻...要約一大班嘩鬼好友才可以出動這些道具.
唔好學我, 別亂買廚具, 買時要想清楚, 不要胡亂購物......擺到一地都是廚具時就笑掉大牙.
我終於知道錯, 唔好學我.
雪
2020.11.12
好朋友帶湯俾我飲...豬骨煲黑豆, 果皮加片薑.
嘩, 真係好好味. 好香陳皮兼且是一碗很好香好濃湯, 好感思身邊有這一個她.
一邊呷著熱暖濃湯, 有種很溫暖感覺. 這碗湯有點似老豆以前煲的湯但又不是一樣樣.
好朋友就是互相關懷, 大家都用時間和愛心去經營彼此情誼.
每個人也有自已閏蜜, 自已好知己.
她永遠也不會將自已放第二位, 不會說出傷害好友自尊.
也不會只想著擴闊自己朋友圈而將你擺在朋友二號位置.
這個她有時候很多美麗謊言, 滿口甜言蜜語, 她最鐘意哄人笑. 一點也不怕嘔心肉麻, 做作.
但誰叫你自已明知道是假的也會被逗得樂上好幾天.
做你好友一號 ? 所以有靚湯飲嗎 !?
有你對我好. 快樂了 ! 忘了勞累生活.
佢話碗湯好滋補, 驅風去濕...咩咁 ? 是幾廿歲老人家飲湯水的嗎 !?
她笑了 !
下次整龍蝦湯或者海虎翅放出來都潮一點毫一點.
雪
男生要減肥是有點難度, 特別是那些大胖胖平時大食慣.
叫他節食實在是有點委屈了他. 雙管齊吓啦 !
1. 多做運動, 盡量消耗卡路里, 燃燒熱量.
2. 當然要減少食量, 首要先減澱粉質, 炭水化合物...
基於這個條件...減少吃蛋糕, 麵包, 粥粉麵飯.
笑...點算啦 ! 唔洗怕, 設計一好美味餐單尚有很多食物不會至肥的. 剛剛又在網上看到一個蝦仁雞肉小丸子.
材料有蝦切碎粒, 留原隻放面裝飾, 雞肉刴碎, 洋蔥切丁, 加蚝油, 味淋, 白胡椒,香油打成膠.
搓成小丸子, 外面LOOK 上生菜絲後放蒸盆入爐蒸高溫蒸十分鐘即可.
大隻男可以吃五粒再配蒜泥炒青菜一碟. 如果尚肚仔餓可吃多條魚.
笑....無白飯撐得住嗎 ?
花多點心思啦 ! 花多點時間上網找創意食譜啦 ! 花多點時間去市場找材料啦 !
想健康又想身材好...想 FIT 就一定要花多點時間啦 !
加油呀 ! 加油呀 ! 加油呀肥仔.
雪
2020.11.09
黐線架 ! 那有人生日叫人送鑽石戒子架 !?
她真的沒有這麼厚面皮, 不過如果是喜歡的人送又怎計算呀 !
唔鐘意就一定唔會收啦 ! 厚禮收了都不知怎去還.
鐘意的人又收唔收好, 平平地假貨都唔怕收, 平時戴也不怕遺失. 沒有什麼意義...
如果太明貴就要看一看兩人關係, 是否這隻戒子有著另一層意圖 ?
真係想問一問佢, 你成日送戒子俾女生的嗎 !?
她...不太喜歡收男生戒子, 也不喜歡送戒子給男生做禮物.
避免不必要的無形責任, 無形承諾.
有時候作為女生, 都喜歡在特別日子送給自已特別禮物. 嘻嘻 ! 今年世界不景送禮物給自已都要計算得清清楚楚. 不作無謂浪費.
2019年尾才送了兩份禮物給自已, 等等等...看一看有沒有雙糧或花紅, 有才買禮物給自已.
我今年生日禮物要泡湯了.
雪
2020.11.08
