發夢進入了森林

 

她發夢進入了森林, 那兒好大霧沒有陽光引路.  

在夢裡, 她大聲高呼 : 「 我好辛苦呀」!

明天, 掛上八號風球就可以乖乖留在家發夢了.

雪-2026.07.25

 

我的自由被剝削了

 

明天清早8點又要起身, 不可以瞓到自然醒, 明天大清早就要出門去上班.  同事要趕報表無人肯返工, 迫住要我返工幫幫她. 也幫幫自已追一點功課,阿姐早兩天追我交功課...唔俾遲交. 

好想大聲叫...放過我啦 ! 我想自由自在的在家, 我唔想返工呀 ! 公司已欠我好多假, 我應該要放假, 唔應該再去無償上班的. 

我最應該要去會展睇動漫, 去探我最好朋友仔.  她有攤位在那兒...我應該去那兒幫她做義工的. 做自已認為快樂事情.  

我的自由被剝削了, 我要同朋友仔說一聲 : 「   對不起 !  對不起 ! 會展我不能來了」. 

雪

2026.07.24

早點上床攤一攤

 

唉 ! 又要過無眠夜, 又整晚眼光光等天光了. 

好不好睡不著找好兄弟, 消磨返一兩個鐘. 

今晚, 早點上床攤一攤, 不要過了生理時鐘就不會失眠. 

同你傾一陣先...

我中了六合彩

1 , 6 , 37 .......

你有無中呀 ! 我無去收錢.  

雪-2026.07.23

椰子汁/ 椰子水

 

別別以為椰子水是純天然飲料就日日飲, 好味清甜可口也要好好控制.  原來糖份, 同鉀都好高的. 

‧  以下皆以 100 克椰子水做為計算。

吃泰菜時就愛飲它.  你喜歡椰子水嗎? 有無好品牌推薦 ? 

椰子汁/ 椰子水...我都很喜歡. 

熱量（kcal）	水份（g）	蛋白質（g）	脂肪（g）	碳水化合物（g）
18	94.5	0.1	0	4.9
糖（g）	鈉（mg）	鉀（mg）	鈣（mg）	鎂（mg）
6.1	10	214	18	8
磷（mg）	葉酸（ug）	維生素C（mg）	維生素B6（mg）	菸鹼素（mg）
10	5.5	1	0.01	0.06
維生素B2（mg）	膳食纖維（g）
0.01	0

買幾個靚芒果

 

現在我無膽量去泰國旅行,  無緣吃這些美麗, 美味我芒果糯米飯了, 

唔去泰國無得吃?  去泰國餐廳就可以了. 

為了一解我想吃芒果的相思之苦.  

買幾個靚芒果回家, 大口大口咬. 

昨晚才說肚子痛, 今日又想放縱自已想吃甜的香的.

雪-2026.07.21 

金毛玲

 

有點肚痛, 可能吃錯食物.  要抱抱金毛玲安撫自已. 

今晚不要再涯眼瞓了, 要早點瞓.   唔好THREADS 好多壞人, 不停地CALL 我, 抓留言, 又早安又晚安, 吃飯了嗎 !? 要上班嗎..... 

真係好得閒, 可是我無力.  

我玩玩金毛玲算啦.   遲點才介紹你認識金毛玲.  今晚由佢來陪伴我. 

早抖啦 !

雪

2026.07.20

2026.07.19 的平凡日記

今日好忙, 一早起身去海旁買我最愛小擠魚, 之後去了附近餐廳吃早餐, 吃了一個很耐無吃的沙爹鮮牛肉米. 

之後, 又去了街市買海鮮, 今晚要弄好的給居企人吃. 準備做凍蟹, 清蒸養東星班, 蝦醬鮮魷炒通菜.  

買完東東回家就馬上準備先做好隻凍蟹放雪櫃 , 洗好醃好隻鮮魷.  之後, 又要洗衣服, 弄好剛買回家的鮮花. 

之後趕住出門, 下午去旺角同他會合, 吃了天婦羅做午餐. 逛了一陣子商場.  

四點多就回到家了 ! 

我頂唔住先眠一陣, 叫他隨便坐, 他慣了當自家居企一樣的.  

笑...他見我睡得很深層次還幫我洗定菜.  晚上, 就一家人吃個平常晚飯, 吹了一陣水. 他們就趕回家了.  

之後, 我的他說去OK 找零食兼買多幾罐可樂和凍飲, 今晚唔走要留在我家嘆冷氣和睇阿根廷和西班牙終極對決.  笑...我家不供應飲品的. 

我呢 ! 買了西班牙嬴冠軍.   

你呢 ! 買了打和定買阿根廷呀 ?