2019年7月30日星期二
撕裂了我隻耳仔
有兩條友仔好烏蠅一樣, 不停地將些新聞從新講一次, 播完又播, 講完又講. 好喃嘸師傅一樣.
我有睇新聞亦都有上FACEBOOK. 讀好多, 睇片睇到眼痛啦.
專心開緊工時候, 文件多到似座山, 你兩條友就得閑到係度吹水, 嘈到你個頭都痛, 搞到我分晒心做錯了野.
嬲得滯呢 ! 真係想爆燥媽差佢, 將祖父, 祖母都叫埋出來.
但又要強迫自已保持忍耐力, 無奈也要借一借自已這個平台發洩一下.
明天返工又唔知他們會有什麼議題.
一陣又話黃色頭盔好貴又知什麼牌子, 一大堆人名, 佢又講咩, 她又說什麼. 唔知道還以為他是專欄分析主播.
我想塞實隻耳仔擋住他的隔幾個位煩音.
撕裂呀 ! 就來撕裂了我隻耳仔.
我想靜一靜呀 !
雪
2019.07.30
2019年7月29日星期一
唔等我佢食飯先
叔叔你今年幾多歲, 叔叔你點解成日轉工, 無一份隱定工作 ? 叔叔年輕時愛人不愛他.
愛了一個大叔........
現在他要找一個年紀十六歲的, 像當年的一個她.
完滿一個心中死結.
叔叔, 是大話叔叔. 講野無句真.
幾廿歲人重想找個十六又無萬千家財, 又無黃金屋. 有個不離不棄的長髮大嫂就別這麼多心啦.
大叔話約了大嫂同我一起吃飯.
唔得呀 ! 趕住回家做飯俾某人,.
笑 ! 佢識自已叫外賣, 叫麥當當食剩個吉盒同汽水紙杯.
垃圾都唔掉呀 ! 走廊唔會有人捉你架 !
早知, 我同叔叔去吃好野啦 ! 趕回家有人竟然食到飽晒. 我自已搞到無飯食.
唯有落街吃大快活.
唔好叫我買卡樂 B 薯片呀 ! 嬲緊你唔等我食飯.
雪
2019.07.29
2019年7月28日星期日
快速餐飲文化
真係呀 ! 喜歡一個人就會常常地將他的事講出來.
而佢呢....話唔准我唱通街他的事.......
佢真係好衰衰, 在雪櫃找到包日式魚卷做主菜. 配幾條菜芯梗加個日清麵. 弄了個創意麵食喎.
靜靜在這爆佢的廚房秘密.
1. 日式魚卷每一條切成三個小圈子, 菜心不要葉切小圓形勁浪費.
2. 將日清麵三個放熱水, 焗熟. 隔水備用.
3 加泰國雞蛋一隻將混合成做蛋花, 倒在材料四中.
4 魚卷同圓形菜芯梗, 放滾水中淺灼後, 加入原來味粉, 加入生粉水埋獻.
5 將材料四倒入材料貳之中.
他說原來應使用菠菜會更加好味添 ! 敝在得菜芯...
早就知 ! 會出現這一種快速餐飲文化. 是已經好隆而重之地安排.
早知就自已整自已鐘意食的野.
雪
雪
2019.07.28
2019年7月27日星期六
監視住他手行為
佢話叫我自已約朋友去玩不用陪他留在家, 陪他自閉, 陪他在雪屋企坐監.
坐監坐得他咁開心, 日日隱居在這又有人供應兩餐. 重有勁凍冷氣嘆三餸飯供應.
寫出來網友也當我在說笑.
他無聊了一整個下午, 在床下底摷了些舊漫畫, 舊小說還有我們的兒時舊相簿給他打發時間.
放心啦 ! 我這兒是一個荒蕪小島平時好太平, 出街去SHOPPING 應沒問題.
他又無做壞事, 出去遊過行無人會拉佢架, 別要在扮驚恐啦. 住元朗的人才要驚.
算啦 ! 由得在這孤島暫住幾天順便可以監視住他手行為.
返正, 我又有假我也想找人陪.
喂 ! 不如...今晚由你操鑊剷, 煮餐住家飯俾我吃. 俾些材料你去發揮.
1. 菜心
2. 雞扒
3. 廣島蚝
4. 蕃茄
5. 蛋
6. 辣召
7. 麵包
9. 薯仔
10. 冬菇
11. 馬友
睇睇他整到些什麼出來, 以上是雪櫃存貨. 笑, 如果他唔肯整就出街吃. 一定由他結帳.
星期六留在家的一天.
雪
2019.07.27
2019年7月26日星期五
2019年7月25日星期四
放下了一個心裡大包袱
突然間有寫作話題多麼好呢 !?
今日不再寫日記啦 ! 這麼多年來寫過多少謊言, 又寫幾多歲月中的細節, 重覆的生活沒有什麼可值得回味.
我驚你會嫌惡, 日覆日一樣人生日記, 很枯燥的工作日誌.
其實這兩天也有些開心事, 放下了一個心裡大包袱.
又對將來擁有希望, 是未來抱有新希望.
暫時, 不能透露說出你一定笑爆嘴. 不是不讓你了解我的生活.
因為有著很大, 很私密. 講出來就沒有私隱.
講出來就令你對我好奇減低了 !
有點似, 有點似, 有點似, 有點似.
喂 ! 你想講什麼, 有點似在寫謊言. 沒呀 !
我係在講人話, 係講真話, 是老實人一名. 無耍你們的, 我無學林太說美麗謊言.
好啦 ! 遲點想好了才出一篇謊言故事.
晚安啦 !
雪
2019年7月24日星期三
沒有勇氣將愛慕之情相送
曾經朝晚都相見, 曾經講她的志願, 曾經跟他說她喜歡日出而作,
曾經... 想跟他說未來.
心情很混亂, 密密地默出曾經的記憶, 可曾寫低他倆共同回憶記號 ?
記憶就像一扇窗, 望見月兒時候會想起他. 想起他在見到月兒的另一遍天空.
愛你的情, 始終不釋放, 愛你的意, 始終不懂說. 多麼想放情跟你傾訴.
連訂情信物也沒有, 這個生於古時女生, 有沒有勇氣將愛慕之情相送呀 !?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今晚, 很平安沒有混亂事故, 勿擔心. 而 早了出門原來坐巴士又舒服又快捷.
晚安啦 !
雪
2019.07.24
2019年7月22日星期一
要收租
識個網友話家住元朗, 種到一些很香又十級勁辣召. 話剛好這兩天收成話想送一點給我. 叫我入元朗取
傻啦 ! 而家要攞條命仔駁入去元朗市取辣召, 唔是掛 .
~ 我要吃都有些存貨 在冰箱幾個月前 (手信) . 要花費車錢又要預俾人用武器待候.
~ 要吃辣召去街市買菜時叫檔主阿大嫂送都得啦.
一點也不合羅輯思為, 他一定在整估我, 最後才發覺他意思是林鄭辣招呀.
一覺瞓醒還未有時間看時事新聞, 都不明白他在優我一默, 原來發生了這麼一大件事.
我第一時間想到的事, 這麼危險, 就馬上WHATSAPP另一個他, 叫他不要穿黑衫.
他回: [黑衫, 黑褲, 黑色鴨仔帽, 洗咩驚呀 ]!
嚇得我一時之間不知怎樣按手機, 應打什麼文字去勸導他, 不要太激進, 要愛惜身體,
他回: [不要太長氣啦 ]!
[知道啦 ]
[我一陣會坐地鐵].
時間一分一秒過去, 點算再勸又驚他嬲.
[坐緊港島線入南區, 成晚無瞓, 里在你家應好安全].
有人又到來自出自入........... 幫我上貨, 無廁紙呀 ! 唔該.
收租......
雪
2019.07.22
2019年7月21日星期日
神探高斯列 2
今日, 終於沒有去會展免得無故擠在人群之中, 無不必要我也不出外了. 你放工時因住情況, 也要因住危險情度盡快遠離灣仔金鐘一帶. 回家後發個短訊給我免我憂心忡忡.
今日書展不知道, 你老闆檔口會否拍蒼蠅呢 !?
佢呢, 整日行行企企, 站在一邊狂發短訊, 喔...老闆鐘錢 !
阿薯話, 不要說太多. 俾老闆知道要將他份糧買晒零食, 慰勞手足.
有荀野通知我呀 ! 我留待最後一天才去執平書 !
今日在家看緊倪匡的神探高斯列 2, 早前很快跳看, 今日要再看多一次[未卜先知] , 是一本有開玄學書藉, 有五個章節:
1 ) 魔鬼的舞蹈
2 ) 未卜先知
3) 怪人橫禍
4) 妖女煞星
5) 金酋長
如果一個人(術數師傅) 擁有未卜先知技能, 又能夠在人的心靈最脆弱, 心身沉重, 內心酸澀時候得到指引. 在人生路上猶豫未決, 得到明燈指引是多麼幸運.
書中 [未卜先知] 內容不是這樣的, 是說某人迷信而由高斯破解騙局為主線. 我不作太多劇透了. 你自已找本書出來看看.
雪
2019.07.21
2019年7月20日星期六
出街定唔出街
係...係咪買雪糕上來呀 !?
天氣是好熱, 好呀 ! 買來雪糕可降溫 !
今日不用上班, 笑了 ! 已在過了的15及 16 號偷懶了. 尚有十幾日年假可以俾我去偷懶, 八月會再放多兩, 三日. 但暫時未有遊計劃叫他去台灣. 他又沒覆實我. 我不嬲紅色就放假架啦.
一提放假就會好開心, 假日又怎會不笑逐顏開. 無壓力...不用為追趕工作而累透身心了.
明天, 要不要入書展看看, 不過家尚有小說未看完.
好了 ! 真的怕負了他厚愛, 這麼耐還未看完晒那些精彩愛情小說.
笑了 !
我已看了幾本偵探小說, 現在仍要努力中.
有小說陪又怎會無聊呢 ! 一日二十四小時真係不足夠, 現在想與夢中情人見面時間也迫於無奈地減少了.
如果, 你明天肯定在會展. 如果, 有折頭俾我. 我就過來找你啦 ! 但驚有遊行...出街定唔出街 !? 係未定.......
問了幾次又神神秘秘未答覆我. 有人可能都想著偷懶, 想嘆返一日呢.
雪
2019.07.20
2019年7月19日星期五
因為貪得意
因為貪得意, 所以養了隻貓......不是呀 !
因為貪得意, 所以跟他開始交往..........是呀 !
因為貪得意, 所以要買件性感泳衣.
因為貪得意, 所以要去學潛浮, 再學潛水.
因為貪得意, 所以扎兩條辮仔.
因為貪得意, 破壞他的傑作.
因為貪得意, 做了一些自已平時不做事, 因為貪得意整估朋友而激嬲了人.
好多一時沖動都是貪得意延續動態, 有時候可滿足到自已一時貪得意而不顧後果, 何樂而不為.
不過貪得意還貪得意, 要負得起責任才好幹. 不然到時候為一個貪得意而負上沉重代價.
我不是貪得意才嚷著要買個蒸, 焗, 烤爐. 因為這是我最愛的玩具.
希望, 你明白這不是貪得意表現, 它對我好重要雖然不會日日開爐煮飯.
嗱, 講到咁. 他都投降了 !
他說會資肋我去實現這個短期目標. 買到它一定好得意, 一定好好玩.
第一件事要蒸雲朵曼頭. 有無覺得我這一頁寫得好得意呀 !?
雪
2019.07.19
2019年7月18日星期四
阿雪廚房秘制豬肋排
💥💥💥💥💥💥💥💥
正都不得了💭💭
有人話好吃過高級扒房
最關鍵味料:
1. 鹽~ 1 茶匙
2. 糖~ 1 茶匙
3. 糯米酒- 3 湯匙
4. 薑汁液- 2 湯匙
5. 芝麻油- 1 湯匙
6. 黑糊椒- 少許
7. 乾辣椒碎未- 少許
8. 日本七味粉- 少許
9. 蒜子六瓣 (切大粒)
~~~~~~~~~~~~~~~~~~~~~~~~~~~~~~~~~~~~~~
近日是人都在說豬價上漲幅度很驚人. 升了幾多陪我就不知道, 不過, 好多人也在談民生確是苦了. 今日, 這個 [阿雪廚房秘制豬肋排] 是近日佳作. 忘記了影相因沒諗住寫食譜但食完又急不及待出這一貼同大家分享. 相片成品是網上借用.
在凍店買外國入口豬肋排, 要擇肥厚多肉才好. 解凍後可以飛一飛水. 在底面骨與骨之間刺針, 返轉再在面上有排序地一排排刺針, 保證沒有刺漏地方.
第一放平均地放上鹽花擦均底面, 第二再擦原糖也是擦均底面兩面.
再將上述(3,4,5,6,7,8,) 搞混好, 如上圖, 將之用來醃制豬肋排 , 2小時-半天也可.
烹煮方法:
1. 為可省火, 豬肋排先切成細兩至三條骨一舊. 一條骨一件也成.
2. 燒紅平底鑊, 再放油多一點 (1 1/2湯灼 ) 放入 蒜子待有香味再放入豬肋排. 使用平底鑊是因為我個焗爐壞了.
3. 先煎香一面後, 再轉另一面, 煎時候可轉細慢火, 要蓋上蓋子.
4. 差不多時候可關火但不牽開蓋子. 讓豬肋排熄火後慢煮, 這樣會又淋又多能鎖實水份.
5. 起菜時用刀介開一塊看是否熟透, 如果唔熟就煎多一陣.
廚房貼士 :
6 如果恐懼熱氣, 可以加少量熱水, 焗一焗. 留意蒜子可中途取走否則很易燒燶.
非常之可口美味, 真係不可以不讚一讚這個豬肋排.
雪
2019.07.18
2019年7月17日星期三
我腦內的壞主意
第一次在在網上看見時, 真係覺得很有創意. 是誰想出這些壞主意 !? 有時候, 借助一些道具可以宣洩壞情緒, 出力地禁實個紙人打落去, 是否真的能將壞人消除, 將他打痛痛.
當我在香港仔見到隻鞋時候, 真有點沖動想拿起隻鞋打一吓. 但自細媽媽就教落打小人不可說人名字, 更可況打人張相, 自已道德操守不容自已因為貪得意而去破壞.
更加怕天理循環打林太不倒, 打倒自已. 而家睇得太多抗議示威, 個個星期排著隊出來遊行, 開始動搖了, 真怕搞到警察開槍殺人, 更怕林鄭的戒嚴, 將香港推去懸崖險地.
而家只能夠祝願香港平安渡過這次危機, 續享自由民主, 大家都可以安居樂業.
雪
2019.07.18
2019年7月16日星期二
緣份由命運安排
他外型很不錯, 高高大大都有六尺, 樣子就跟你相薄穿淺紫衫朋友差不多氣質. 五官不太俊但夾埋一齊也不太差.
他喜歡穿恤衫牛仔褲, 個人都算溫柔不太自私, 不過呢 ! 他有時會出現一些大男人動靜.
她跟他很緣份, 又似沒有緣, 好多時候會失聯. 大家會在各自生活而失去聯絡.
他外型很不錯, 高高大大都有六尺, 樣子就跟你相薄穿淺紫衫朋友差不多氣質. 五官不太俊但夾埋一齊也不太差. 不算俊男.
他喜歡穿恤衫牛仔褲, 個人都算溫柔不太自私, 都幾大方...次次都做東請吃飯又會主動山長水遠送女生回家雖然大家住在不同區域.
不過呢 ! 咔咔, 他有時會出現一些大男人動靜, 他這些態度會令人好拘謹而出現一些無形隔膜.
我跟他很緣份又好似無緣份, 好多時候無緣無故而失聯. 但冥冥之中又會再遇上. 有時候這一種緣份多麼的希望能發生在兒年時認識的某個人身上.
可惜, 命運安排不是由人而定, 緣份天定. 人為也不錯, 我知他曾努力過...去尋找她.
雪
2019.07.16
2019年7月15日星期一
誘惑川菜
明明自己也不吃火辣, 幹麼買本[誘惑川菜] , 哈哈, 本書不是我擇. 是有人話這本好睇, 又叫我學習土豆樟茶鴨, 怪味爆肉花話有很多不是港式菜.
他識了個四川來的朋友, 常常跟他朋友一起吃飯雜染了一點辣口味.
唔, 有點傳染感覺, 他傳給他, 他又想感染我去食辣. 唔怕, 我要減肥, 我要減肥. 一定無啖好食啦, 辣辣我唔多好.
算啦, 既然他喜歡就先買下, 我帶回家慢慢看. 稍後, 整一兩個辣味菜式應酬他, 可能他又想帶朋友來我家玩. 真係當我這兒開私房菜館.
拍左本書, 張相己放在 FACEBOOK 啦. 你見到嗎 !?
整得好味才再放相給你看.
緊密留意. 因為怕侵犯著者版權, 相片和內容不可直接放出來呀 !
2019年7月14日星期日
做頭髮
今日去了做頭髮, 為頭髮加油. 電話無電叫髮型師遞本雜誌來看看 . 他很識趣馬上借我蘋果充電線. 每次做頭髮也要等很耐, 也要預花上一兩個小時也在所難免.
今日遇上一個美艷嬌娃出到口說要趕時間, 要求正幫我吹頭髮型師先幫她夾曲做大卷髮.
諸多要求又話要先吹直再夾曲, 又話趕時間.
他說: [要等做完我, 才幫她整髮].
她氣沖沖說: [算啦, 現在這樣子吹乾拉直也可以, 趕時間要走先].
真係好離譜, 得你趕時間咩, 點解要佔用屬於我時間...心想著. 幸好, 他懂得直接拒絕她.
她走了之後, 他說 : [好呀 ! 夾一頭曲髮起碼要花 45分鐘, 又要點又要那. 星期日最多客阻住晒].
我說: [如果, 你幫她整先, 要我多等45 分鐘, 那我一定發爛乍] .
沾沾自喜, 笑了 ! 以前有個髮型師卻主動要為我夾曲髮, 但他又不怕煩又不怕其他客人等得耐. 可惜, 不知他現在轉到那兒工作呢.
放心啦 ! 我不會隨便轉換髮型師.....想想舊事也快樂了.
本來想寫食譜但他叫我不要太辛苦,
他說: [ 隨便寫及時行樂, 你做到就做不要專為他揮筆寫長篇] .
我有時間才寫食譜, 今日未得閑煮呀 !
雪
2019.07.14
2019年7月13日星期六
在網上為他留下筆跡
要掩著個嘴先笑, 吓 ! 咩呀 ! 你早兩日又係肚痛.
問我點解知佢肚痛, 專登寫篇文影射他, 我點知你在肚痛呀 ! ? 你又無告知我, 我又沒有問過你.
我真係有個朋友近排常常無原無故肚痛, 呀 ! 昨日寫漏了M 痛.
如果, 有寫出來, 他就不會對號入座而想多了.
點呀 ! 好翻未呀 !?
原來他早在昨日睇了我篇網誌 , 應該有晒預防肚痛方法. 夏天不要貪口爽而常常吃凍品呀 ! 這一篇專登為你而寫, 當補翻給你免得又話在網誌上沒有幫你遺下筆跡.
笑......見到他真的想大聲笑著說.
肚痛咪好囉, 可以乖乖地留在家休息, 寶寶乖, 不要走出家門現在街上危機四伏.
綑在家就乖乖看書, 乖乖地陪我玩, 但希望你不用整天要霸住個厠所.
哈哈, 一陣又嬲又話我嘴咒緊他.
寫篇網誌跟好友互動一吓.
其實, 近日有好幾晚也出現夢魘, 是有些恐懼又不噤再說出來. 現在有他在這陪著笑, 也可以笑得開懷多點, 忘記那些自已嚇自己夢.
雪
2019.07.13
2019年7月12日星期五
不好吃隔夜食物就最是安全
因為我覺得不是這麼簡單, 想你不只是吃錯食物而搞肚子.
妳成日亂食野, 又不停將食物倒落肚, 剛吃飽飽意粉又吃水果又吃雪糕, 怎不會出問題.
可能你早排減肥常常忍口不吃食物, 而家有少少減磅成績又大吃大渴.
定個胃一時間未適應到. 是不是在胃痛中呀 ?
話妳知啦 ! 有時候出外吃飯時要小心, 別掛著看手機就不停一口又一口將飯餸擺進口. 今日在茶餐廳吃蒸排骨飯, 竟然給我一碟生豬肉. 幸好, 我吃飯時會關手機好專心享受桌前美食.
食豬已經好駁命重要俾碟生豬肉, 水準要保持廚房大佬. 難得我常常惠顧你間細店.
也許, 現時天氣熱, 食物要儲放好否則很易生出細菌病毒. 湯水想留過夜翻滾後放涼再入雪櫃. 記住同家中媽媽講, 不好吃隔夜食物就最是安全.
幫你假設了這麼多的可能性也於事無補, 我建議你盡快去見醫生.
食藥會快點好; 點解成日會肚痛..........
而家餓就食塊梳打餅或者叫媽媽煲些白粥給你吃啦.
其實, 我自已腸胃也很差久久就肚子痛, 真的有點同病相憐感覺.
祝妳早日痊癒, 無肚痛無病病, 身體安康, 大吉大利.
雪
2019.07.12
2019年7月11日星期四
整甜品需時
只是在網誌上講一講, 我那會在星期一至五去做很多成份組成的甜品, 又要買紅豆又要煲又要焗. 溶糖又要滾熱又要等放涼, 雪凍後才完成. 所以要想看甜品食譜及制成品, 真係要等岩時間才會去做.
平時返工真係很辛苦, 回到家個人都散晒無力, 睇一陣 晚間時段電視. 晏點最重要就是要上來玩. 試問這般那有心情去做甜的.
那麼, 今晚說什麼好呢 !?
你無來同我傾密計就無野好講, 圖就造了但好似唔係幾正 !?
本來想砌張黑白圖片但又好似跟原圖不太相對襯. 哈哈 ! 是但在整出來, 我鐘意個學生男仔同學生女仔好可愛. 希望你喜歡啦 !
你呀 ! 唔可以太高要求, 因為我不是平面設計師, 也沒有藝術家天份. 所以, 係這樣有點孩子劃畫的感覺.
哈哈 ! 他應該不會嫌棄掛 !
如果, 有人某人點菜想吃甜品, 就早點通知我早點準備材料.
雪
2019.07.11
2019年7月10日星期三
OK 手勢
咩 OK 呀 ! 唔知呀 ! 每當他叮囑我時候, 我也會給他解單一個OK 圖案. 問得多唔識都要扮識.
唔 ! 知啦 ! 我唔會亂買野.
但家中微波焗爐壞了呀 ! 想買個 [樂咩牌] 蒸焗爐 ~~~
嘻嘻, 無焗爐用無得焗薄餅又唔可以玩麵粉整蛋糕. 這件事說起來不可不買, 又要花幾千元. 荷包好痛痛.
今晚, 講個笑話先 :
細個時候, 好多人問我這生欠缺了什麼 ? 我正在思考時候....欠糖糖, 欠玩具.....
媽媽 就會話: [她五行欠打呀] !
人大了.....如果有人問你這生欠什麼 ?
她說: [五行欠丙呀 ]!
笑話說完了 ! 你呢 !? 究竟欠什麼呀 !
我就話: [她五行欠水] ;[她五行欠木] ;[她五行欠金];[她五行欠火];[她五行欠土] .
唔知有無同我一樣間中會亂噏; 或者只有網上同路人才會明白我 ~~~那有這麼多故事.
雪
2019.07.10
2019年7月7日星期日
以後每月都要見見面面.
日記 : 2019年6月30日
這天重點, 是我們在6月30日約定以後每月都要見見面面.
我要補寫一頁日記, 明明是6月30日, 自己斷估寫7月6日. 係咪真退化了...腦袋好渾渾噩噩記憶. 要是再過多五十年就一定什麼也忘記.
近日, 多了同閨蜜們約會, HONEY 見到次次也由我簽信用咭就苦口婆心, 叫我食完飯要同朋友收錢咪充闊佬呀 !
佢話我, 整天在埋怒又想辭職兼想去旅遊嘆一陣子世界, 成天想著去韓國某名店吃韓燒, 問你這個月光族無錢怎樣去裸辭呀 !
睇睇新聞也知生活民生百物騰貴, 在安記吃麵時吃旁人說豬肉價就嚇壞人, 通帳極驚人.
之後, 重叮囑我要儲多點錢啦....話找日要和我去開去獅子銀行開聯名戶口儲錢.
咿咿, 哦哦...原來他有留意這些!
笑著回應........某人請了我好幾餐啦 ! 但一班人一齊我通常也不會執意去結帳, 通常銀包無現金才說要簽咭對脱現金來用, 順便攞些CASH DOLLAR 的微著數.
叫他不用擔心, 無人會主動幫人結帳, AA制自細就慣了.
吃完紅豆糕又手癢癢想買罐椰醬整底放雪櫃.
雪
2019.07.06
2019年7月6日星期六
星期六一天
今日又給他約了去看早場, 入場時候打瞌睡了兩分鐘.
喂...........你有無搞錯呀 ! 晨早流流就眼瞓, 重要睇猛片時打瞌睡.
昨晚....半睡半醒, 又偷偷地睇手機, 遊網路.
真架, 睡魔急CALL 趁剛開場前快速充兩格. 本來想看完片就回家大覺瞓.
又收到同事來電約交收. 唯有頂住眼瞓出一出金鐘.
唔洗問都知我和他去看蜘蛛俠啦 ! 幾好看, 又緊張. 劇情也見編劇功力有令人意想不到效果.
我不在這兒劇透, 免得有人未看就知劇情而沒趣.
吩咐他幫忙去上貨, 買些水果回家等我.
笑了 ! 見到他留言說幫我補充翻時興隆蝦片, 蜜汁豬肉乾, 一丁麵, 米粉, 盒裝粟米粒.
回家後, 見他:
他開行冷氣關了窗睇多套片, 吃晒我的桃蝦多同餅乾......因我沒陪他去吃飯.
下午.....我咪在補眠.
剛瞓醒 寫於 5 :00PM
雪
2019.07.06
2019年7月5日星期五
一個見多識講好友
係呀 ! 同他一齊時候真係好快樂.
他好似識魔法一樣, 明明有點不如意又旁徨不安. 但經他講解由他指引而將頭上黑雲景象, 幻變充滿挑戰. 有歷險路程. 每一次到達目的地而充滿快樂.
其實, 我記得那一次太快樂, 而家唔怕話你知, 我將你介紹了給好友認識. 她很是羨慕又唔低得我有你這一個絕世好友, 有一個見多識講好朋友.
得啦 ! 知啦 !
再俾多次將照片和聯絡電話我.
會補回那次未送你的, 欠你好幾年的...... 咩咩咩, 唔好講出來呀 !
是我倆秘密呀 !
太多知我會好麻煩的.
你明啦 !
我得閑先WHATSAPP 你, 差點唔見咗佢個電話, 嚇死我幾驚唔見咗佢.
隱陣點要找本記事簿寫返低所有朋友聯系電話.
重有呢 ! 如果我耐沒找你們, 你地自已多來找我呀 !
雪
2019.07.05
2019年7月4日星期四
2019年7月3日星期三
再遇初戀情人
再遇初戀情人你有怎樣心情 ? 已試過很多次這樣情況, 但有點跟你說不一樣.
由最初期望, 變成尷尬變成失望多於一切, 因為自那次在梯級旁邊...他身邊有如花似玉美人.
事隔多年沒有再遇上, 沒有再在回家路上相遇.
也許, 是大腦要她忘記過去, 忘記這一個曾經深愛的他臉容.
或許, 是怕再一次遇上而傷心.
擁有這種善忘與面忘這個怪病, 認不到人病徵也許他就是引病根源.
無錯, 如果上前跟她相認而她又想一百遍, 也想不到曾經跟眼前他相愛過戀過.
是多麼的難堪 ? 難過呢 !
如果你再一次遇上她, 請放大膽跟她說 [你好嗎] ?
疏遠易, 難重遇, 找緊時光釋出善意, 將一絲眼淚收起, 送出心底祝福字句.
刻骨銘心的又怎會徹底忘記, 她腦內留住了十分愛的舊面容才會認不出眼前男生容貌.
近日心情反覆, 時好時壞. 心情好就寫篇情情塌塌出來.
這篇短文細作專登寫給你看的....... 希望, 你看完會平伏到心情.
雪
2019.07.03
2019年7月2日星期二
突然間好想變做 [好E]
我突然間好想變做 [好E] ; 我想去日本玩同浸溫泉.
睇住個預告片就同他撒嬌說要變做[好E]....
他笑了 ! 但無表示, 擺出一個無可奈何樣子, 因為他很清楚我想講什麼.
開到聲想去日本, 都沒來有反應, 收朋友旅行手信就收得多.
我話想去日本吃 A5 肥牛.
他說全部脂肪多不好吃的.
對呀 ! 我個有錢同學請我們 BBQ 時吃過了 ! 一烤起就俾我咬第一啖, 好不識趣的我, 吐也吐不切, 成口肥膏, 吞落肚一定俾舊A5 毒死.
有時候人太直都不知是好是壞, 不過自細就給父母寵愛, 給同伴好姊妹寵壞, 我的專橫野蠻都是她們錫給我的.
而家又給身邊男伴寵愛有加, 在他面前可以做一個最真自已.
沒有吹牛的, 也不是幻想出來虛假的情況. 補正不是幻想空間.
明明一開始就是幻想自已變成[好E].
想去日本吃桃子, 吃哈溫室蜜瓜, 吃士多啤梨, 吃最愛 SASHIMI .
想好耐啦 ! 幾時同我去呀肥仔.
2019年7月1日星期一
回歸 22 週年
昨日跟閨蜜出來見面, . 我們也算是圍爐取暖雖然天氣很熱, 她心身皆冷, 披肩常掛在肩上.....
由於我們自小認識, 關係實在好到不得了.
在人生中我倆吵鬧無數, 反面無情後又再次和好如初. 數數手指也數不清了. 小女孩就開始感情是可經歷歲月痕跡 ! ?
昨天我們不感談政治因各有各立場. 免得出到來又吵吵鬧鬧, 又出現爭議.
中午嘆茶傾足二小時多, 行行商場逛逛誠品, 再行時裝店買衣服, 購香水. 我們一起慣常結伴日程.
晚飯, 由我帶頭訂好位去到都要走. 某店去到時話要等十五分鐘才安排我們入座,. 先借個洗手間一用臭到作嘔. 拉隊走人...........收費與環境不符, 一睇成班大陸人服務生唔慌有好招呼.
今日7.1 回歸 22 週年, 談一談社會, 孩子迫滿了金紫荊廣場, 地鐵南區線又封鎖了 !
在新聞中看見有些人拿著鐵枝沖擊佔領立法會, 真有點為孩子安危而憂心忡忡, 沒有人想像到事情會發展到這個地步, 孩子要自由就要流血麼 ???
剛有朋友發來解放軍入境短片不知是真是假, 真怕再有孩子會失去生命.
這麼緊張悲傷環境, 教我如何能裝出笑臉???
給多一些時間我, 我會收拾好心情, 不會給這些政治影響自已情懷.
雪
2019.07.01
訂閱：
文章 (Atom)