住這邊四面環海, 加上有風爆來臨是有點寒風剌骨, 加上這晚天空是黑暗的 ?
不過, 人總要有希望, 黑暗之後一定會見光明, 一定會春暖花開.
明天就是 7 月1日.......大街小巷都掛滿了紅星旗慶祝 ! 我就掛一朵小紅花在這為自已慶祝一下,
有什麼事值得慶祝 ?
昨晚咪已經說了..........要找個人一齊慶祝, 請佢吃好的.
雪
2022.06.30
2022年6月29日星期三
我不客氣地接旨了
此折紙不是我想說的, 應該是想講接旨. 擺張相出來因為上面隻狗仔又真係蠻可愛.
什麼接旨呀 !
偷偷地跟你說今年環境差但公司生意卻勁好. 老闆生意額火爆地上升50% , 可惜是人手又唔加, 人工又唔加. 老闆就是在乍窮扮蝕本.
所以有些同事就玩緊抗旨, 返工打完卡就完撕紙, 一撕就半日係度慢條斯理地撕紙, 擺明就係度發皮氣.
我呢 ! 我早幾日前就幫某人做一些私人事務. 講明先, 我好乖...放工之後才用私人時間去做. 又出埋錢俾快遞費用.
時代進步, 科技發達他人在中國而我在香港, 遙遙相隔兩地, 也可以透過微訊, 電腦幫他完成工作.
嘻嘻...今日他竟然皇恩浩蕩話要償鍚微臣.
今日快樂了. 因為我不客氣地接旨了. 俾了個獅子銀行戶口給他.
雪
2022.06.29
2022年6月26日星期日
唔出..........街
兩天假期在家靜靜地做自已喜歡事, 眨眨眼就一天了. 時間真的過得很快很充實.
睇幾頁小說, 看看YOUTUBE 的趣味節目, 弄個豐富午餐, 再上來寫一頁網誌.
一陣去追兩集大陸劇, 然後小睡片刻.
本想已找定個夕膠飯盒準備弄個冰凍涼粉消消暑 , 但家內沒有水果, 又不想出門去超級市場旭日高掛...好熱好曬, 免得身水身汗......
算啦 ! 反正, 明天有好朋友的約會.
整到也不能馬上吃, 就等下一個長假才再弄這個凍涼粉吧.
好了 ! 明晚可以同朋友開懷唱飲, 又可以大發牢騷.
嘻嘻, 本來都不想出外去人多地方但朋友主動邀約, 勉為期難地出主意, 跟她們說不去熱鬧人多的銅鑼灣, 找間枱少些, 細細間, 要近 DD , 靜少少的店呀 !
雪
2022.06.26
2022年6月24日星期五
整吓里樣, 整吓那樣
31
°C°F
降水概率：20%
湿度：75%
风速：8 公里/时
大熱天時呀 ! 去行山去水霸, 荒山野嶺, 無人荒島別預我啦 !
我星期六或者星期日會留在家開行冷氣, 要整到騰騰震, 軟棉棉的麵團為目標.
笑, 其實去太危險地方我會驚的, 我怕高的. 我會幻想有危險出現.
還有, 我驚缺水驚中暑呀 ! 真係不去啦 ! 你們自己玩得開心點啦 ! 88 LA , 唔講啦 !
點講都是唔去啦.
你們自已小心點, 帶多些水.
他們就話去睇石頭, 我呢 ! 就希離望飽飽唔好變石頭.
疫情爆緊在家可以整吓里樣, 整吓那樣, 一個人孤孤單單也不寂寞.
我還在雜貨店買了白涼粉, 想緊怎樣整才會好味........ 未整過白涼粉的我.
雪
2022.06.24
2022年6月23日星期四
想整生煎飽
在 YOUTUBE 上已經睇了很多影片, 點擊了好多有關做生煎飽的教學影片. 今日我在惠康了乾酵母和一盒BAKING SODA 又在雜貨店買了發粉 . 準備再一次挑戰難關. 真係好希望可以成功發起個麵團.
「麵粉」這個難關可以闖過, 那麼我廚藝就能夠大大改善. 其他, 以前我上過烹飪班學過亦整過沒失敗的. 不知, 現在錯在那一個步驟 ? 好煩惱, 因為試過很多次個麵團都發得很不理想.
我睇中了一條由個比較大年紀婆婆影片, 她就是用了乾酵母同發粉 . 她做飽子同上面的外型一模一樣的飽滿又煎得很漂亮, 然後片尾她說, 她弄過很多次都很成功.
也都多謝某位好友送我這些影片.
寫寫吓, 個肚子又來咕嚕咕嚕, 想去找東東吃. 這些飽子係咪好靚呢?
如果, 能整到這樣就好了, 自已做可以選擇不同餡料, 豬肉肥瘦比例, 調味咸淡又可不落味精, 外皮厚薄也可因應自已喜好或者為了吃的那個人而特別安排.
加油呀 ! 我總有一天會成功只要不放棄. 自勉之....
雪
2022.06.23
2022年6月21日星期二
雪雪 DREAM KITCHEN.
喜歡自已弄食物的我, 時時都夢想著有一個 DREAM KITCHEN. 上面張圖片有點接近, 有隻大大窗戶, 可以有陽光曬照戶外, 再加上一些綠色植物. 憑這一點就是我最喜歡的.
但我不喜歡OPEN KITCHEN, 不喜歡是廚櫃沒有櫃門, 好油煙會很污衊好難清潔的. 這些是SHOW ROOM 擺設不設實際的. 洗 C 人呀 !
香港人生活在陝窄房子守寸金尺土要這麼大隻窗, 大空間廚房, 真係要去移居外地或者移居返祖國才成.
如果...你找到一個完美情人, 他廚藝了得又願意每天為你做飯是否很幸福呢?
相反, 你找到一個不懂廚藝男生, 而妳卻可以每天每晚在吃妳, 為他口味而花盡心思弄出來食物 , 而快樂嗎?
而問問你啦 ! 嘻嘻...屬於你的那個人懂做飯嗎 !?
雪-2022.06.21
2022年6月20日星期一
誠實豆沙包
PANCAKE 都整到, 但一時時, 有時OK 有時又不足夠漲卜卜. 想吃豆沙包都係去買更方便快捷.
不過, 唔知那裹有供應靚咖啡配新鮮做豆沙包呢 !? 家附近好難買到豆沙包.
兩者配埋一齊可以將咖啡苦味和紅豆甜味在口腔中完全混和. 好特別的, 你們都可以試試. 我誠意推薦這個食法.
如果我可以擁有誠實豆沙包, 我會請你吃, 請他吃. 要某人吃希望聽到佢的講出真心話.
自已都要吃一個誠實豆沙包然後對你, 對他講真話.
可惜, 誠實豆沙包是虛構出來的. 幫不到我......
但, 我們每人都應勇敢面對親密人, 不可以暪暪騙騙. 唔洗吃豆沙包都可講真話.
雪
2022.06.20
2022年6月19日星期日
父親節快樂, 喂 ! 你做了父親未呀 !
今日是父親節, 很多人都有家庭聚會, 同爸爸好好慶祝這一個表示敬愛父親, 共聚天倫日子.
點呀 ! 今日上午同阿囝吃? 晚上同爸爸吃? 那麼老爺爺、外父又點安排? 分身乏術呢?
早點安排嗎 ! 好應該約早一點慶祝. 平時多點關心老爸、 外父、老爺爺.
父親節, 個個人都忙到不得了. 我要拉衫尾去吃飯, 但有時候見到別人可以同爸爸慶祝, 而自己就孤孤單單......
今日想約朋友都沒有人SO 我啦 ! 呵呵 !
睇了鋒味廚房, 霆鋒整牛柳短片, 真係幾難整. 食都好難又要約埋好多人一齊吃. 整得不好又浪費金錢之餘尚要害親朋戚友吃失敗難嚥食物. 所以, 只在看看而沒有真的弄出來.
笑...熟網友都知那些粉類, 對我是一大挑戰, 好難成功的. 見到用粉整就頭痛....以前, 我識但不知怎樣現在就是整不到.
或者, 買張現成酥皮, 塗磨菇醬包個牛柳看就容易, 做衰了就一定赤赤痛.
要找一些半唐番朋友教教我怎樣做, 學識了才可放膽做, 做多幾次沒失手才可以宴請親朋好友.
父親節快樂, 喂 ! 你做了父親未呀 ! ? 有無孩子陪你過父親節????
唔好喔我.
雪
2022.06.19 父親節
2022年6月18日星期六
2022年6月17日星期五
你重夠膽買樓
竟然, 真係有意外之財. 收到股原派特別股息. 雖然那丁點股息不能將蝕了股價追回來. 但都快樂了一陣子.
除了我, 相信好多香港人也不想見到香港經濟崩潰 !?
如果 !
可以.......
細細聲在心裡面說, 我願望係秘密, 係不可透露給第三者知道的.
我願望跟多年之前仔差不多, 全部都未能夠變真.
今日, 多了兩個願望, 就是希望他會變成我的好朋友, 在將來日子感情會一天一天地加深. 我們會有好多話題, 不會厭棄對方.
另一願望, 樓價可以跌一些, 好等我買到石頭, 有一個安樂窩就very good la.
你重夠膽買樓, 嘻嘻, 嘻嘻,哈哈...講吓姐. 好難實現的.
雪
2022.06.17
2022年6月16日星期四
沒錢講什麼也沒用
你們填了報稅表未呀 !? 真的不想填, 不想交稅呀 !
我想儲些錢來防身, 將來病了沒有工做, 要看醫生都有錢花嗎 !
儲到錢又可以坐飛機去想去地方遊玩, 當疫情放寬的時候.
有次朋友還說想跟我一起坐遊輪, 飛去澳洲上鐵達尼號玩一頭半個月.
哎, 想吓在這吹吓風就得. 那裹有錢......俾男人喔晒, 輸股票輸晒了.
沒錢講什麼也沒用 ?
有錢都要等疫情消失, 近日又死灰復燃染病人數又開始上升. 大家出外用膳或者喜歡酒吧飲酒的人你就要管好自己啦 !
要不到時困你入高高灣就苦過DD.
最佳防疫方法不出街外膳?? 就來人都癲困這麼耐.
祝大家平安, 快樂人生.
雪
2022.06.16
2022年6月15日星期三
2022年6月14日星期二
扮忙
九唔搭八意思是牛頭不對馬嘴，一件事和另一件事無關扯不上關係。多數指人說話邏輯混亂，前後矛盾，表達的內容風馬牛不相及。九唔搭八是粵語詞彙，粵語源自北方中原雅語，經過較長時間的語言交流融合與調適.
有些人真係好煩, 寫了一大篇, 長篇大論歪理. 重要點名要我答覆.
搞到我又要不得失他面子又要回應他的歪理. 真係好討厭.
想了一整晚怎樣回應他, 怎樣寫出自已認為合情合理的事.
最後, 我想以九唔搭八再配上牛頭不對馬嘴來應付他的無理取鬧.
哈, 再以武功最高強的太極一式, 打到他落花流水.
嘻嘻, 什麼武功大耍太極.
本來想當收不到他的電郵, 我當睇唔到又看不見, 扮忙.......
雪
2021.06.14
2022年6月13日星期一
2022年6月12日星期日
2022年6月11日星期六
這是我們的網絡情緣
你好, 可以給我你的電話號碼嗎?
想也沒有多想就將手提號碼打了, 按一按就傳送出去? 因為, 我們早己相識了多年, 雖然我們未曾見面也沒有電聯但我已把她當為好親愛的人. 沒有想過會出什麼問題....沒事的我沒問題的.
希望, 姊姊她FACEBOOK 快點可以取回運作如常.
網絡情緣, 大家要小心點. 看得新聞太多, 寂寞的心遇到陌生人的噓寒問暖, 無微關顧, 最後就是損失金錢也損失對人僅有信任.
不過, 我從來都是幸運的, 在無邊無際網絡上我認識到你和妳, 由不相識的一個點讚變成無所不談知己 , 從你文字鼓勵讓我學會怎樣面對自已最黑暗, 在最難過和驚恐日子也有你陪伴. 伴我渡過了多個無眠晚上. 誰人呀.....講緊邊個呀 !
在網絡上這些年來, 有幸遇到你和妳, 能讓我將難而啟齒說話, 不滿的, 發牢騷的也一一包容, 願意聽我的苦水. 在分享我的喜悅和自滿時從不帶妒嫉.
希望, 總有一天我們會由網上朋友變成現實朋友, 我們可以圍在一起碰碰茶杯, 你飲你的藍妹啤酒我飲我愛蘋果汁.
這是我們的網絡情緣, 是沒有行騙成份呀 !
珍惜我們的網絡情緣直到永遠.............................................................................................................................................................................................................................................................................................................................................這是無休止符號.
雪
2022.06.11
2022年6月10日星期五
黑咖哩豬扒飯
.png)
女孩子問: 「 做緊什麼呀 」?
男生回應 : 「 正在吃飯， 飲緊威士忌 」 ！
女孩子說: 「 咁開心， 慶祝呀 」?
女孩子苦笑地說: 「 咁慘， 真的嗎 」?
男生哈哈大笑後說 : 「 無你咁慘， 餐餐吃青菜，齋米」 ！
女孩子冤屈地回覆: 「 不， 今晚吃黑咖哩豬扒飯 」?
她同大家說不是日日吃青菜呀 ！她 間中都會找些美味食物醫肚。 不過烈酒就真的戒了 ！ 陪他吃好的還可以， 陪飲酒就太傷身了。 下次約埋一齊去吃美味的， 喜歡吃什麼她也可以遷就他的， 有時候陪喜歡人吃飯， 吃什麼也沒所謂。 對嗎 ？ 你話呢?
雪
2021.06.10
2022年6月9日星期四
2022年6月8日星期三
2022年6月6日星期一
漢堡飽
上日吃了個貴貴地漢堡飽, 平時都是吃麥記多(以前..而家唔鍾意食) .
這是我, 第一次吃漢堡飽可以ORDER 要幾多成熟.
最衰朋友唔喜歡吃生嘢, 叫了七成熟真的浪費了這麼好的一個漢堡飽餐.
我多想, 叫五成熟生生地才美味, 貴牛肉就要生吃...要生蕃野人.
之後, 還點了西冷扒都要就住她們吃七成熟. 浪費了真的.
喂 ! 如果吃牛扒你喜歡煮幾熟呀 !? 我估你們也是喜歡血淋淋的. 呵呵 !
我呢 ! 要貴的才會吃五成熟, CHEAP 野就要煮熟點, 驚有細菌呀 !
問吓某人先, 他最鐘意吃漢堡飽做正餐. 睇睇邊樹漢堡飽最好食 ?
補充....上日吃了個貴貴地漢堡飽, 唔好食架. 好鞋又肥又無香味又無牛肉味.
雪
2021.06.06
PS...網上圖片, 不貼原圖.
2022年6月5日星期日
來緊是什麼重要的節日呀 ! ?
喂 ! 記唔記得呀 ! 來緊是什麼重要的節日呀 ! ?
唔好到時又忘記了, 快點好訂定位, 買定禮物呀 !
帶鬍鬚老子去高檔餐廳, 攞家叠銀紙出來威威.
同你講我, 提定你呀 !
帶埋我去呀 !
雪- 2022.06.05
去M + 沒預約
昨天 64 同朋友在中環午飯, 飯後乘港鐵去了九龍站. 沒見到藝術品 ? 只看了一些４０，５０十年代孩童零食。
朋友竟然沒預約，所以只在空曠地方走一個圈, 無耐她們又話熱熱, 而我就看著城市中的汪洋大海著迷, 見到遊人扎營野餐很是羨慕呢 !
馬上口頭預約好了 !
找日秋涼點我們要再去野餐, 帶張大大棉巾作地墊, 舖在松樹樹陰下, 我們坐在綠油油草地上, 要嘆上一個早已嚮往的悠閒寫意日子. 躺著吹吹涼風, 望望藍天白雲, 看看小孩與遊人喜戲.
題外話:
經過名店一扎絲花竟然可索標價HKD18,888. 貧窮的我真無法想像 ?
其實, 送禮的會是什麼人? 是浪漫的人定是一個大冤頭? 我們笑著, 說著......
誰人想要呀 !?
笑, 有打折, 打到得返一折, 也不想要呀 HKD1888 ! 阻地方.......
我現實點要隔離店個銀包仔多過想要扎遲早封塵的絲花擺設.
好多時候．．．．．．
我們女生聚會有時也會帶些小禮物給好友, 也都是一般自家手作小飾子, 手作食物， 不花多錢禮物卻讓人生出喜悅之情。
雪
2022.06.05
2022年6月4日星期六
Pretty Crazy 容祖兒演唱會 第16場嘉賓 張敬軒
Pretty Crazy 容祖兒演唱會 第16場嘉賓 張敬軒
找了首歌陪你這一晚, 幾好睇幾好笑. 我睇了才放出來.
無因為去了玩, 沒有隨隨便便放首歌出來.
記著一定要睇到最尾呀 !
祖兒件衫好得意， 好多車車。
祖兒同軒仔對話幾好笑。 慢慢睇呀 ！
雪
2022.06.04
2022年6月3日星期五
2022年6月2日星期四
我的碎碎寫
2022.06.01 幫朋友辦一些事情, 他會在香港重開一間公司還說遲點要我幫他秘撈. 煩 CCCC 但實在想趁機會多點跟他聯系.....
2022.06.02 同同事去撐枱腳, 這個他好好記性. 不可以在他面前說謊, 一定會穿煲因為我無記性講過事眨眨眼就忘....啦!
2022.06.03 未知呀 ! 端午節, 或者返居企...... 或者自已四圍遊盪, 也想去游水, 在端午日子沉在水底裹....
2022.06.04 已約了朋友, 遲點才說有什麼節目
十八, 十九歲時候寫的, 怕日記給人偷看, 被人知道了少女心事. 可現在就大膽到每晚在這寫我的網上日記; 寫腦海中想法.
呀 ! 突然好想有一枝小枱燈, 又想有些能自動發光LED 燈泡. 半夜醒來也不用摸黑. 又可以開住枱燈看手電睇小說.
早兩天還在YOUTUBE LOOP 完又 LOOP 看包糭子方法, 有一段是欣兒學包上海糭, 一班朋友陪著她一齊拍片蠻開心, 但有時她又沒化妝又流淚.
明年, 我也學她找一班朋友回家, 一齊玩包迷里咸肉糭, 找來水草纏圈圈, 能纏實隻糭子係好大挑戰. 早年就約定她們陪我玩, 誇張嗎 ?
雪
2022.06.02
2022年6月1日星期三
不懂殺生, 我佛慈悲
雞仔同鴨仔夾在一齊畫面蠻可愛, 選出那一張圖你認為畫得最好的 ?
我喜歡磨刀同洗碗, 準備好日後寫食譜煮嘢食時就找牠們出來亮亮相吧 !
找日要劏咗隻鴨仔...NO NO NO 是不懂殺生, 我佛慈悲.
你唔好搞錯黃色那一隻是鴨仔不是小雞, 白色是公雞爸爸.
雪- 2022.06.01
訂閱：
文章 (Atom)