橡皮筋運動

近排無節目, 返工放工間中拍拍拖, 無得上電影院, 無得大班人柴娃娃. 

本來返工可以去健身室玩但又封閉了 !

一部腳踏機只可以操到雙腳, 隻手....其實更需要多點運動嗎 ! 日日上班扮薑 SEE.

今日氣橡皮筋終於到手了,  馬上開始作手部運動.

這是最低級版的橡皮筋, 拉了十吓就發現兩臂發軟, 盡了九牛二虎之力也只可拉動...ONE , TWO , ONE , TWO , ONE , TWO , THREE.

決定了每日加三吓希望到12號呢, 就變成二十吓. 唔知到時候打個交叉來拉動成不成呢 !?

他還幫我買了一個[亞零] 重到呢 !? 連提也提不起二英吋.

他說重量可加減, 又唔幫調教好......點玩喎.

唔傾住啦不寫太多, 因有電話響起來, 趕住去煲粥. 

雪
2020.05.07

勤飲水

今氣好熱呀 ! 記住要多飲水呀 ! 唔好怕麻煩, 怕除口罩而忙了多飲水.

找來貓貓示範給你看怎樣去勤飲水.  咁慘...休魚期無魚食, 剩得飲啖水😂

佢是否很可愛呢 !  掛住係度飲水, 老鼠都忙了去捉, 係咪巧可愛呢 ? 

我家隻貓重會走入房, 痴上床嘆冷氣.

你呢隻衰嘢咁可愛, 我又怎捨得一腳伸你落床. 

牠好熱, 個BODY 會發熱.  鎖好門瞓唔俾牠跟入房.  這麼可愛又有一些不捨, 有點矛盾.

雪
2020.050.06

遷就

近排腸胃不太好, 太多油脂, 烹煮太多油, 殼具類海產暫時也不知會放入口.  俗語說病從口入, 明知自已腸胃差還要捨命陪君子 !? 

叫他要多多遷就我, 唔好吃香脆炸雞, 唔點那些勁辣紅噹噹食物.  

剛染一頭棕金色頭髮的他, 面露不脫但還是點了較清淡的青菜一碟.  說專登為我而設.  

真係, 好似難為了他, 後生仔常常陪我吃清清淡淡食物,  薯條, 漢堡飽好耐無俾他吃啦 !

笑...他沒同我一齊時, 大大件炸雞脾又大大塊豬扒.  

其實, 我和他對食物喜好有著很大差異, 平時都是我遷就他多,  無論在食物, 上電影院或在逛街目的地.   

有時候, 倆個人一齊重點是跟誰在一起, 食物呀 ! 喜好呀 ! 都可以互相遷就, 都可以當成學習一部份, 投入他的喜好, 欣賞他愛好事物.  

下次就吃西餐各自一碟不用就來就去. 我其實好擇單點西人餐咪就是想吃豬扒...

笑了. 

雪

2020.05.05

                           

可愛的公仔製造

將這些公仔做型化身成為可愛饅頭.  都是原饅頭加減少少頭角和眼耳口鼻. 

唔寫情情愛愛住, 好眼瞓呀 ! 草草放一頁就早點睡個早覺.

找日先再整可愛饅頭.



這個八爪魚紆妹都非常可愛呢 ! 可愛的公仔造型.

晚安安啦 !

雪
2020.05.04

買新衫

悶悶地出去逛逛街?  唔啦 ! 三天假期已花耗了好強大勞動力.  今日要玩一些靜態活動.  在家上上網, 遊遊網店睇下衫衫. 

 唉 ! 這件衫都幾岩心水.  不過唔想再買灰色衫,  HONEY 話我太多灰色衫.  著得灰色太多, 搞到個人無咩生氣活力.  

所以, 近排就他喜好改買藍色, 粉紫色, 杏色, 白色.  夏天時分一一般也不可穿著黑色太吸熱了. 買多幾件淺色衫迎接夏天來臨.

要買多幾件新衫因瘦了不太岩身, 著新衫扮靚點才能行好運. 

這是朋友教落的, 哈哈 ! 信嗎 !? 

昨天, 送了件輕身外套和鴨仔帽給哥哥.  也希望新衣服能戴給他喜悅和歡笑來. 

雪

2020.05.03

辣親隻手

前日不小心下辣親隻手起了個小水泡, 之後小水泡穿了因為自己忍不住在抓痕癢. 

為免自已手癢癢又去抓, 為免細菌感染就急急忙忙找來牛奶妹敷料貼實個傷口.  

人們道假若戮破傷口會變成深層傷口, 只是唔穿都穿了唯有勤換敷料. 

辣親時也不覺又沒有痛只是見到啡啡黑黑地,  以為是污槽了才用手 R 搔搔癢.

無事的, 相信過兩三天就會復原.  

無發炎無流濃又無痛痛, 係就係撒撤嬌.  

貼塊膠布提醒某人唔好摔到我隻痛手呀 ! 

貼塊膠布可以偷偷懶什麼也不幹. 同他說手痛.  你話得唔得呢 !? 

一定唔得啦 ! 


笑........

剛跳完舞好熱, 要沖多次涼先. 

寫住咁多先. 

晚安啦 !

雪
2020.05.02

勞動節...以大掃除來應節呀

5月1日勞動節快樂 ! 希望世界各地想工作的人都可以有工作做, 可在勞動中能獲取生活所需得到溫飽, 得到工資,  得到柴, 米, 油, 鹽, 得到豐足食物.  

希望社會上一切可以快點回覆正常, 人們不再憂慮沒有了工作.  失去工作的人很快可以再出賣自已勞動力. 

與此同時, 希望這段時間不眠不休在抗疫醫護人員, 維持社會正常運作工作人員可以有假期, 可以同家人享受美好時光.  

我的勞動節...以大掃除來應節呀 ! 

洗屎坑擦瓷磚, 拖地板抺牆, 洗衫曬衫, 換床單, 洗冷氣機隔塵網. 攰到呢要停一停, 透一透.  

這樣子的勞動節不太快樂.  

..........自已攞來超辛苦的勞動呀 ! 

另外樣子.....是感謝這一天仍是有薪的勞動節假日.  

雪

2020.05.01