「是什麼呀」 !?
想到頭髮白也想不到呀 ! 哈哈...
話你蠢, 話你失敗...
我是不會老老實實給你答案, 你再睇多幾次上文啦啦 !
無扇你, 不是妄想真的有意思的.
你都無用腦去想, 目前無法提供答案, 俾機會你再去想清想楚.
明早起身話給我知就請你去嘆二人茶記.
雪
2020.07.31
2020年7月30日星期四
我想跟你說的秘密.
沒有什麼靈感, 沒有好的話題去吸引你來看我寫的....
上網遊遊看看朋友寫什麼, 得個雪櫃可以點 !? 笑, 帶日式便當, 或者吃個即食杯麵/公仔麵囉.
睇下另外一個群主又說白菜, 大眼魚......岩不岩婆婆口味 ?
現在人們要求變得好簡單, 只要空氣清新, 只要有一口熱飯吃, 有陽光晴天不用撐著傘在路邊踎著來吃飯.
而家分分鐘都想, 想扮猩猩大叫, 想問一問幾時才經歷完這一個疫情呀 !? 幾時才回復有本來幸福, 變回以前一樣呀 !?
明天只可兩個人坐一張枱, 可以同你一起吃個快餐啦 ! 可以笑返了 !
靜靜雞話你知上面有創作來源的, 你自已估到就是我想跟你說的秘密.
知道了 ! 就話正式告知我你估到來源.
期望你會聽到一樣.....................
2020年7月29日星期三
雖然是神經病但沒關係
雖然是神經病但沒關係
該劇講述因為艱難的人生重負而拒絕愛情的精神病院護工，和因為本質性的缺陷而不懂愛情的童話作家，兩人相遇后治癒彼此的傷痕的如同奇幻的童話一般的治癒愛情故事。
金秀賢將在劇中飾演精神病院護工文康泰，他從小父母雙亡，獨自照顧罹患自閉症的哥哥，過著犧牲奉獻的人生。他沒有偉大的夢想， 也不寄望於自己的人生能好轉。只希望能以護工的微薄工資和哥哥一起吃飽、睡安穩，堅持度過每一天。
徐睿知確定出演有反社會人格的人氣兒童作家高文英，她由於幼年孤獨，長大后展現了極端利己主義，且目中無人、傲慢無禮，且言語粗俗、行動魯莽。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
是來自星星的你那一個男主角做的, 他說著笑著.
是他極力推介我收看的, 說這一套愛情片很另類, 劇情也很好笑. 就是因為他說了好幾次搞到我也上網先看看劇透. 追緊本網上小說已經忙到睡覺也沒時間了, 又要追多一套劇 ??
點...點...點? 好吸引啵 ! 先放低部網上小說, 太長篇又有點累贅, 唯有時間才慢慢看.
想著...想著... 又要上網玩, 又要追劇, 又要追小說, 又要勤加清潔家居....
好想放大假, 好想放假用來煲劇過日神. 笑....有人放大假無得外遊留在家煲劇.
一齊睇啦 ! 好嗎 !?
雪
2020.07.29
2020年7月28日星期二
便當的選擇
係咪好慘呀 ! 無啖好食啦 ! 明天無得去飯堂, 叫外賣啦 ! 如果無人幫你準備愛心便當.
這個高卡含豐富蛋白質就最合男仕的大胃口. 唔洗加熱當去旅行野餐一樣. 可以在那兒開餐就睇你在那兒開工啦 !
這個呢 !女仕應該會好喜歡. 可買定多些材料放雪櫃...鮭魚煎熟配多青菜. 公司叮叮就掂晒啦. 如果早上煮放保溫盒就叮都唔洗叮啦 !
也許, 可以帶些麵包配不同餡料, 配些沙律. 記住用冰袋作為保冷凍低溫.
政府政策真係考慮得不足夠全面, 要返工又唔俾人吃飯. 看來想強迫大家斷食10小時.
上面美味可口便當, 希望有一款你會喜歡啦.
如果可以HOME OFFICE 就唔洗煩啦, 大家話係唔係.
雪-2020.07.29
2020年7月27日星期一
桂花紫薯月餅
睇到新聞某月餅店廠房出現個案, 馬上就想起自已多年來的小小願望, 就是親手做月餅送給親朋好友.
這幾天都有上網看看各種月餅做法. 傳統的一定考起我. 搞不掂個餅皮也不想要多油多糖的餡餅.
終於找到個很健康的食譜, 紫薯加糯米粉, 粘米粉和澄麵做餅皮. 餡料就用金黃南瓜,鮮忌廉和澄麵. 再用淺黃色桂花做裝飾. 應該會幾靚如果配到一個清雅餅模. 搓順滑點要做出一個很好看月餅.
正想得美......
不過, 唔知能否在網上找到那個清雅餅模呢 !?
好慘 ! 係有人唔肯幫手做試食員, 有人話唔想食紫色蕃薯. 有人話唔想食我整月餅.
唯有整幾隻細細隻自已食, 佢唔肯食的話,
其實, 做食物的也會嚐過好多次失販, 失敗後不斷改進才會嚐到美味食物. 有時候一次僥倖成功也會因一點點分量出錯, 烹制時間過火而又接二連三地失販.
希望, 今年可以做到個月餅出來啦 ! 也希望能食得入口....不致於太難妥某人啦 !
雪
2020.07.27
2020年7月26日星期日
避疫
為了嚮應政府呼籲, 為了減輕醫護人員工作壓力, 為了自已染疫機會率降至最低, 為了家人健康設想等等理由下, 你有沒有做足好防禦準備: -
1. 你放假時候係咪會減少同朋友聚會. ?
2. 你有無減少去餐飲場所. 大快活, 大家樂, 麥當勞, 譚仔三哥, 美心快餐....茶餐廳 ?
3. 你有無收到請柬而拒絕出席?
4. 你有無幫年老親人, 鄰居外出購物, 減輕他們外出時遇上的風險?
5. 你有無還任意約一大班人回家打牌, 歡聚呀 !
6. 你外出時是否全程戴實個口罩?
7. 你有無在路上擇下口罩為了吸口煙?
8. 你有無去荒山野嶺同沙灘而不戴口罩呀 !?
希望香港不要演變成疫埠啦 ! 希望世界各地, 中國的病毒不要再輸入香港. 另一方面, 大家可以唔出街的就盡量留在家中避疫, 悶就看本小說, 同朋友煲吓電話粥, 上網遊遊, 又或者點套最HIT 愛情韓劇出來追吓.
喜愛做食物的靚女們就可以焗個愛心蛋糕, 做一桌子豐富晚餐給家人享用, 共聚溫馨.
這一次真是黎明前不容易, 大家唔好鬆懈也不要再掛住鼠出街同人迫啦.
雪
2020.07.26
2020年7月25日星期六
五花茶
原來22 號系大暑, 以前有同媽媽住就一定有好難飲大暑冬瓜湯. 她每年都會專登煲給我們飲用.
是太熱之過...由外熱到身體之內.
近日患了些輕微病沒有看醫生呀 ! 在這段時間害怕去醫院排隊, 無發消也沒有乾咳應該不是中六合彩. 無事的 !! 只是有點疲憊不堪, 想早點睡增強免疫能力.
可能天氣大熱, 平時又少煲湯水又愛吃煎煎炸炸食物之故. 多謝你提醒我喉嚨痛可能是熱氣, 要飲些清涼茶, 清熱解毒. 消暑去濕, 預防流行性感冒.
話時話我自細好少光顧涼茶舖飲五花茶, 也沒有飲過廿四味. 上網看一看什麼是五花茶 ?
呵呵 ! 原來是金銀花﹑ 白菊花﹑木棉花﹑棉茵陳同夏枯草. 由五種花花所組成的.
以前, 媽媽會間中會用金銀花﹑白菊花焗水給我們飲. 好方便也有益身體健康. 可平衡身體內熱, 消炎解毒, 疏熱散邪.
只是現今太多美味可口飲料...一時汽水, 咖啡, 奶茶, 樽裝鮮果汁, 紙包飲品而冷落這些傳統花茶與涼茶智慧.
得啦 ! 會出街時會試一試找涼茶舖買返樽, 鴻福堂五花茶得唔得呀 !?
喂 ! 你無病都要飲定些作為預防呀 !
雪
2020.07.25
2020年7月24日星期五
2020年7月23日星期四
2020年7月22日星期三
2020年7月21日星期二
放避疫假
某人話由今天開始放年假放足一星期, 下個月又放一星期喎. 我問他是放疫假嗎?
不是呢 !
是一早預好了申請咗要清年假.
放假去邊樹威威呀 !? 去離島?
我無空陪佢, 我要返工呀 ! 而家好多人被迫放無薪假, 又不知道在什麼時間可以有工開. 有個朋友話顧主叫她停工, 一停就停了好幾個人又無收入. 顧主又不出糧又不解顧. 最後有份臨時工請她, 她只好迫住跟顧主辭工, 可憐這樣就沒有了份, 通知金及長期服務金.
你就好 LA 行行企企又一天, 重可以放有薪假期. 唔恨得這麼多, 同人唔同命. 不過, 奉勸你也不要四圍逛耍避疫...乖乖地放避疫假啦 ! 唔好帶阿媽去飲茶呀 ! 記住呀 ! 悶就煲劇啦 !
我睇一睇可否取一天假陪佢一天, 睇怕到時都一齊悶...一係去深山行行又怕熱, 去沙灘又怕這人唔帶罩.
諗諗先...遲點才回覆某人.
雪
2020.07.21
2020年7月20日星期一
發發噏風....
追了幾日小說, 有點累. 今晚睇少陣上來寫寫字. 發發噏風....
喂 ! 你驚唔驚呀 ! 疫情這麼嚴重, 我就幾驚, 買外賣回家都放入爐過一過火殺殺菌.
好多食店有人染病都要小心駛得萬年漁船.
重有呢 ! 那些廚房大叔最鐘意戴罩唔蓋著個鼻子.
那些紅噹噹叉燒都唔知掛了幾耐, 吸了多少塵就當是大菌食細菌.
但如果吸了病毒就可大可少💀💀💀.
嗱 ! 暫時不好約我去街, 唔好約的去夜街, 費事推你傷感情呀 !
那一筆 HK$10000橫財我重未有機會洗, 等遲點市面上氣氛回復興旺, 我們才約出來見面, 好嗎 !?
部網上小說....睇了6分1, 重有6分4 未睇, 睇怕都要睇到今年11月都未知睇得完未?
雪
2020.07.21
2020年7月19日星期日
寂寞孤單得太耐也不是好事.
人長大後就要學習適應寂寞, 一定要學會一個人時也要快樂, 一個人時候也不感孤獨.
沒有了他/ 她在身邊, 會習慣, 會覺得...痛嗎 !
可會疼惜曾經有過一起共同渡過的日子嗎 ! ?
一起歡笑過, 一起努力過, 一起憧憬過將來, 成功時有她在旁鼓掌, 絕望時候有她會在旁安慰照料.
長大後你有你想要追求, 有更需要相伴人, 為生活為家人也忙得不可開交 .
今天是孤孤單單的日子. 又默言想起了一個總讓她不寂寞的他.
打想打擾繁忙的他, 如果友人不找你, 你會主動去找她嗎 !?
失聯了是出了意外嗎 !?
不想去適應寂寞, 約兩個朋友來家開火, 吃好的飲啤酒...開懷暢飲, 傻笑一吓.
寂寞孤單得太耐也不是好事.
雪
2020.07.19
2020年7月18日星期六
去街市
前幾天都買了現成食物回家, 昨晚給自己準備簡單又快捷晚餐.
聽朋友說在家附近有間新開的炸魚片及炸魚丸很好味道. 就用了25 元買了半條炸魚片, 買了些青菜回家煮通粉做晚餐.
嘩 ! 真係很美味是用門鱔魚手打, 買的時候還熱騰騰的. 好滿足只感覺略為重味了點.
誰不知半夜就口乾嘴苦到要起床去飲水, 清早醒來後灌了幾杯水吃多個梨子, 還是口乾乾.
假日就當個師奶仔去菜市埸買些材料煲翻個靚湯, 解一解味精毒.
猜到的今天煲什麼湯? 選擇題:
1. 紅豆意米甜湯, 2. 花生雞腳豬肉湯 3. 青紅蘿蔔馬碲豬骨湯
估中預你一大湯碗.
話說個街市無晒人流, 好靜靜有些檔口還貼出放假6 天避疫.
我將街市沒人流情況跟他細說, 他笑....唔係化那你重入去.
我回 : 唔去唔得...雪櫃直情已全吉了 !
終於立了兩個澳洲啤梨, 3個橙, 3個檸檬, 10只雞蛋, 一磅雞翼同買了炮制老火湯的材料.
星期六在家睇火煲湯同煲小說.
雪
2020.07.1
2020年7月17日星期五
2020年7月16日星期四
我愛散文
這幾天都好高溫, 太陽高掛, 在鏡內望望自已, 何解變黑了這麼多, 原來也不能少看早上柔和的日光.
朋友話曬曬太陽對身體好...... 就是沒帶防子外光傘子,帽子而變得啡啡黑黑容貌.
星期六, 日無節目啦 ! 疫情現時這麼緊張.
不如出海啦 ! 朋友話租隻船去荒島就沒有管制, 又不怕受感染.
我就唔想出街, 留在家中看網上小說.
睇吓個女主角最終情何處, 好多男人喜歡她. 但她未表態最愛是誰.
睇了好耐啦 ! 重未知誰是男主角.... 喔錢小說, 講來講去的是差不多情節. 但重點就拖著不說怪不得可以寫到這麼長篇.
了解一吓那些大陸小說, 大陸作者筆下女子勾心鬥角世界.
有始有終...還是想睇完本小說, 最後兩頁都 SSSSSSSSS 了 ! 但也估不到那一個是女主角所愛的人.
長篇要花了好多時間去翻手機. 都係那些散文短短地一集集較為合適我們這些沒耐性沒時間讀者.
雪
2020.07.16
2020年7月15日星期三
「 阿炮」
點解你喜歡將她叫做「 阿炮」 ?
她問: 「她好鐘意說謊」 ? 因她騙過他不下數十次他想著, 她無句真.
他說: 「 不知怎樣開始說起她的故事」. 「不想告訴你, 小八妹.....」
她自已在心內盤算著, 向著不太好方面去想, 究竟他和她有著什麼不可告人的秘密.
這個親暱的多麼的迷惑.
「 阿炮」;「 阿炮」;「 阿炮」;「 阿炮」...你好快點想個完整故事出來. 要不有人要大吵大嚷, 說你講過的都是沒有下文.
文人多大話, 話緊你呀 !
我都沒有說謊, 我係唔想寫他和她的秘密, 答應了他又應允了她, 不將他們的舊事擺在這裡任人看.
她會上來, 見到我寫「 阿炮」, 她會嬲我.
他上來見到我 寫「 阿炮」, 他會放病毒毀了我的電腦.
唔可以亂寫, 所以上面是沒有丁點他和她的事.
2020年7月14日星期二
日日煮番兩味.
今日又有什麼可以八給你知道呢 ! 隨隨便便寫寫城中熱話好嗎 !?
話說呢 !特首就新抗疫措施, 晚上六時後就不批准堂食, 只准外賣. 而我老闆今日都專登叫我們唔好外膳. 暗公啦 ! 想食好點都唔得....叫我哋乖 ! 要帶飯返公司吃. 避免一個同事唔好彩感染公司就要關門大吉全批檢疫了. 所以, 做老闆的也很擔憂.
咁, 那魔我們真係要日日煮番兩味.
而家傷緊腦筋, 明天中午吃啲咩好. 唯有買多個早餐當午飯.
選擇1 ) 一個橙, 一包麥精, 一個芝士蒜蓉飽.
選擇2 ) 一個橙, 一個唐記菜肉飽, 一隻切雞脾.
選擇3 ) 一個橙, 一碗魚片火腿通粉.
明天放工都係要去超市入定些糧餉. 日日都要補維他命 CCCCCC
真係難為了做食物開餐館同業才剛剛發放10000, 震興經濟的曙光乍現未現, 又回黑暗之中.
唉.....今時今日都唔知講咩好 ?
雪
2020.07.14
2020年7月13日星期一
2020年7月12日星期日
2020年7月11日星期六
醜女大翻身 미녀는 괴로워 200
有人俾了個免費網站我, 今日看了60多章, 而家隻眼睛佈滿紅筋, 眼痛痛地. 都係要先停下來. 眼睛不聽話就用耳朵去聽聽歌. 在 YOUTUBE 找歌聽時, 不經意發現這一套好舊的韓劇
醜女大翻身
미녀는 괴로워 200
看似幾吸引, 應該會幾好看. 劇情有點似曾相似, 係我喜歡的劇種.
不要投訴我交一篇行貨呀 ! 因為, 真係在看小說後眼睛累了, 不想太長篇文字.
點呀 ! 那明天追小醜女大翻身定追小說好呢 ?
幹麼, 搞到自已這麼忙....他說的.
所以, 當下有種小學生不想返學感覺.
雪- 2020.07.11
2020年7月9日星期四
付費網上小說
曾經意外他和她相愛 🌷再不會猶豫的時代 🌻🌼 以為明白所以愛的痛快🌹 一雙手緊緊放不開 💗心中的執著與未來 忘不了你的愛💞但結局難更改🍓 我沒能把你留下來 🌷更不像他能給你 一個期待的未來幼稚的男孩☕
今早醒來在被窩內睇了三十幾章大陸小說, 用詞華麗, 好多詞語我不懂讀. 內容有別於過去看的網上小說. 想看一看十六歲女主角幾時會遇上娃娃親男主角...暫時未看完. 極大可能變成一本難尾小說, 因為發現整部網上小說共有千多兩千卷要付費.
睇完這部網上小說突然感觸, 突好想聽首歌, 想念一下十六歲時所愛過的他. 從小說中找回他影子, 勾起了對他心動時執著.
至於那些油鹽糖Y唔該先擺在一旁, 這一晚只想隨心而寫, 隨著自已思想飛航, 去到黑暗處有他和她的足跡回憶.
早點入被窩看看能否在夢中見到他.
雪
2020.07.09
2020年7月8日星期三
一於黑佢
車...寫埋些大路的事, 係人都識啦 !
車....
人哋, 一開始就說明有點累, 那麼就一定不想用腦去思考, 快快捷捷寫完一頁健康食物主題嗎 !
唔鐘意睇這些就不要來我這兒浪費時間, 我都是按著自已同朋友飯聚時傾談過, 所說的話題而再在這兒發表多一次.
俾他串串貢完搞到我也沒心情寫減醣減糖的一頁, 其實要是寫也昨晚寫的差無幾.
一陣又給他柴多一次台, 自已就無癮啦 !
這些年來都未試過將朋友, 網友撥入黑名單, 今日終於找到一人破例, 一於黑佢, 黑佢, 黑佢名單.
咁多嘢講嗱.
有時候, 有討厭他. 開口埋口都無句好說話, 係都要自已叻晒.
一於唔采佢, 一於嬲嬲佢.
等佢唔知我黑左佢.
雪
2020.07.08
2020年7月7日星期二
低鹽低鈉
係呀 ! 返工好忙好勞累, 放工餘暇又掛住遊走臉書和觀看自已喜歡的群組. 說好了想寫寫有關健康話題網誌也只講沒做.
無理由草草寫個健康食物的食譜就當作完成目標, 一定讓你笑掉大牙.
不如說說減糖減鹽減油? 今次先說減鹽: -
調味時候可以多選擇天然香料:
香草、香料、蒜頭、辣椒、青檸、檸檬、橙、洋蔥、
蕃茄、黑胡椒、花椒、八角、青蔥、 薑、沙薑、黃薑、大蒜、 黑醋 、咖哩粉、菇粉、香茅、五香粉、薄荷葉、黑胡椒, 白胡椒.
盡量減少使用多鈉的樽裝精制調味品: -
蒜蓉醬、 豆辦醬、 麵鼓醬、蚝油、 魚露、 磨鼓醬、腐乳、南乳、豆鼓醬、 味精、薑蓉、日式照燒醬.
盡量減少醃制的食物吃:
咸魚、 咸蛋、 各種類咸菜、 檻菜、 梅菜、 咸酸菜、腊腸、腊肉.
使用低鹽低鈉鼓油, 睇清楚標籤才作出購買. 鹽就最好使用粗鹽但重口味的你就盡量戒咸. 飲湯時候盡量試試開始不加鹽, 好好品嚐食物原味, 多選活鮮食物.
其實, 要減鹽話難又似不太難...不過要買齊這麼多香料又好似好麻煩 ? 可以選黑/白胡椒 做慣常調味品也不錯. 醃肉時使用量匙控制好分量不要超多就可以了.
留意...「鹽乃百味之祖, 人不可一日或缺」; 怎樣也要吃一些才能身體健康.
雪
2020.07.07
2020年7月6日星期一
10000.00 到帳了
今天各位入不到中銀與匯豐的網站呢 ! 不用不好意思....按多幾次, 終會入到去, 查到數.
有無人情不自禁, 由早上按手機按到要親自去銀行打薄呢 !?
哈 ! 哈哈大笑 !
我一早就收了10000.00 啦 ! 6:21AM 時已經到帳了.
你們快點查一查, 記著帶我去消費, 促進零售飲食.
要食貴點, 唔食茶餐廳.
雪-2020.07.06
2020年7月5日星期日
席慕蓉 《無怨的青春》
在年輕的時候，如果你愛上了一個人，
請你，請你一定要溫柔地對待他。
不管你們相愛的時間有多長或多短，
若你們能始終溫柔地相待，那麼，
所有的時刻都將是一種無瑕的美麗。
若不得不分離，也要好好地說聲再見，
也要在心裡存著感謝，感謝他給了你一份記憶。
長大了以後，你才會知道，在驀然回首的剎那，
沒有怨恨的青春才會了無遺憾，
如山岡上那輪靜靜的滿月。
——席慕蓉 《無怨的青春》
2020年7月4日星期六
深水埗半日遊
可能太耐沒外出, 今日去深水埗半日遊竟然發現自已好開心又滿足.
去到深水埗第一件事醫醫個肚子先, 見到門外有人排隊又爆晒棚. 一於就光顧這間檸檬餐廳. 坐底後點了個炸吉烈魚柳配腸仔蛋多士餐. 去檸檬餐廳就特意點了一杯熱檸茶, 看一看是否他們的檸檬茶有很高水準, 所以才取名為檸檬餐廳 ? 店內裝修幾特別又是我喜愛配合顏色, 他們以黃及黑色做重點設計. 坐下有種好舒服感覺好靚.
食物來到時候...嘩然 ! 好大塊魚柳呀 ! 配埋薯蓉兼有酥油多士.
吃飽飽後, 沿路向前去了西九龍中心逛逛, 在先施買了把刀和較剪..... [想買好耐啦, 家中把刀鈍].
笑說: 「你驚不驚現在香港這麼敏感時期, 要你放把刀在背包內. 一陣子遇上警察搜查就有排解辦」 ?
他回應 : 「剛剛妳入黃店都食得好開心呀 ! 又唔見有什麼問題呀」 ! 之後, 再問他深水埗尚有什麼地方值得一遊? 他提議我們可以去[美荷樓] 參觀.
幢樓內有近代的公共屋村之住屋條件上變化. 由50-60年代開始, 見到以前人住在很狹窄空間, 洗手間在房屋之外. 內裡見到懷舊衣車, 木長椅, 草藤織製手袋, 舊棉被......有一種曾經在夢入面出現過的特別感覺. 這個時候想...生活基本需求掌握在少數的人手上, 希望那些人真的可以為廣大人民謀幸福, 給予大眾生活安定環境. 相信不同年代市民最是想要得到一個安樂窩, 溫飽生活. 只可惜在香港這個繁榮大都會從來的都缺乏土地樓宇, 生活艱難.
之後, 在街上遊遊看看一些小攤檔, 再走到玩具街...又有收獲啦 ! 買了一些貼紙, 印章, 花花袋, 公仔筆和可愛的漿糊筆. 那個大男孩又買了一包二包他喜愛的塑膠公仔.
之後呢 ! 去了綠林甜品...吃蛋白杏仁茶, 好香好滑. 終於找到這店子又終於能一嘗這款甜的. 再之後呢 !
去了黃金商場附近店舖又和你SHOP 1 SHOP :
戰利品 : FOLDING BRACKET 電話承托器
3D MASK HOLDER 口罩支架特點
USB FOR iP DEVICES CABLE 手機叉電線
................
................不能盡錄.
這個3 D 口罩支架特點, 呼吸更順暢, 輕軟親膚, 專利產品, 防眼鏡起霧, 透氣不悶熱.
馬上打開試用, 我主要想它隔開個口罩, 免避汗水常常弄濕了口罩之用. 唔 ! 幾好用.
哈哈...今天有點似去了外地旅遊時感覺.
雪
2020.07.04
2020年7月2日星期四
TESTING 2 - 兔仔圖
TESTING 2
好多制未知到在那兒找出來......里隻兔仔好蠢. 差一點連貼張相也貼不出來.
佢係咪好熟口熟面呢 ! 復活節曾登過牠出來?
我自已也搞不清, 你又怎會知道?
你呀 ! 搞到我成屋都是兔仔圖. 踢的免仔一腳先, 伸些積木出門口外.
發皮氣樣子, 表示不滿.
雪- 2020.07.02
PS ... 明天佳人有約, 唔洗等我. 星期六見.
2020年7月1日星期三
TESTING GOOGLE BLOGGER
TESTING GOOGLE BLOGGER
哎呀 !未做完BACK UP , 你就按制, 真大膽子.
突然想開一個新博客寫一寫有關健康飲食為主的題目. 做多一點搜集資料, 去圖書館找一些書本參考. 隔了這麼多年都不知還懂不懂怎樣開個新博客了. 笑....
實際是我怕不能兼顧到這一個阿雪博客 ? 唔得, 玩了這麼多年這都我的好珍貴日記. 怎麼能話開另一個主題就放棄呢 !! 呵呵 !
或者, 遲點, 慢點, 慢幾拍去整理. 有多餘時間才寫一篇, 慢慢去儲備.
喂 ! 健康飲食, 好多人寫. 也未必可以吸引到別人看.
好多人都喜歡暴飲暴食, 海鮮呀 ! 慢煮羊架擺到成桌都是, 大胃王就輕易吸引眼球.
健康飲食......想想就好啦 !
一邊聽住歌, 一邊糊亂寫一篇.一邊哼翻兩句.....
「沒法子拖緊你手, 唯有變成知己...... 」
「即使走過....收起腳步............講起你自幼的對象...」WO..WOO WU WU WO WU
雪
2020.07.01
訂閱：
文章 (Atom)