時間夠了, 時鐘出錯...... 歌詞, 聽歌. 一邊聽一邊亂想這一頁.
希望會有意外, 希望是有驚喜, 希望的意願要一直存在, 希望黑夜已來到盡頭.
明天一覺醒來就有意外驚喜, 惡運會慢愎地離開.
要保持良好的, 要正面的心境, 一定會變好. 你的好運就要來啦 ! 然後迎接明天美好.
2024年9月29日星期日
2024年9月28日星期六
自己煮飯
佢唔識用這款韓式陶鍋煮飯的 ! 想吃飯盒現在就容易啦 ! 上淘寶淘定一箱即食白飯盒都是 $4-5 , 自已加隻雞蛋,加兩件午餐肉就得啦 ! 反正, 去幫趁某些連鎖店都是給你吃這些.
香港人真係將由美食天堂變成劣食世界, 茶記執得就執,業主不降租反加租, 人工又貴連大集團也出怪招. 反正都無競爭真是不怕顧客不惠顧 ?
笑呵呵 ! 我而家隨了想學扎花也想學學廚藝. 因為, 現在茶記好難食又多糖又多鹽和味精, 食化學嘢落肚.
而貴的好味的又唔可以日日吃. 維有希望將自已變做星級大廚 !!
話說轉頭, 我一直最愛吃就煲仔飯, 用上面那款韓式陶鍋十五分鐘就煮熟, 非常正, 我極力推薦這個韓式陶鍋 :
想快點飯熟:
1) 米可預先浸一陣, 唔浸都得.
2) 大火煲到差不多見飯眼轉細火, 中途可以搞搞佢, 免黏底.
3) 預備食材, 可以是臘腸潤腸, 可以排骨, 雞, 梅菜肉餅...我喜歡食鱔, 正呀 !
4) 加多條靚菜就可以開飯.
不用出街吃垃圾白飯, 我一定唔去那間連所餐廳, 自細也不吃隔夜飯菜. 平時也很少帶飯盒回公司吃 !
雪
2024.09.28
2024年9月27日星期五
HAPPY FRIDAY ar
喂 ! 有幾耐無HAPPY FRIDAY ar ? 有幾耐無去蒲吧 ? 有幾耐無約好友去大吃大醉呀 ！？
說真的?
我都想 HAPPY FRIDAY ar 但人大了， 好多朋友拍拖的去拍拖， 結咗婚啲人唔可以自主，出去威要同老公老婆交代。 知道又男又女一大班人。 家那個會呷醋， 會叮一聲就發皮氣。
而家要慳錢留返北上消費， 儲埋儲埋去國內吃好的 ？
佢唔係呀 ！ 佢約人飛一轉日本玩三天，真係HAPPY FRIDAY ar ！
佢話有平機票， 怎麼我學不到他的瀟灑， 也學不到她財務優勢 ！
我仍然在為自己 DREAM HOUSE 做好準備，努力再努力儲備。
我一陣先嘆一口啤酒，吃塊牛肉乾滿足一下。
ＧＯＯＤ ＮＩＧＨＴ ＬＡ 。
雪
２０２４．０９．２７
2024年9月26日星期四
2024年9月25日星期三
2024年9月24日星期二
黑白大廚
喂 ! 你做緊咩呀 !?
佢話在NETFLIX 睇緊劇集, 好精彩追了一整晚. 真係這麼正?
佢又補充因為昨晚與朋友外出, 飲了杯冷泡綠茶 (因含咖啡因) 所以整晚輾轉反側也未能睡好. 所以隨便在NETFLIX 找套劇看看.
笑...幸好 ! 幸好 !
有劇集陪他的無眠夜. 要不! 半夜三更找我的閒聊就害人（我) 不淺了.
雖然我也很想放縱自已, 想半夜三更也不去睡覺, 想一天有24小時來做自己喜歡的事, 但我有排也不能財務自由, 明天還要早起去勞動.
佢做緊什麼 ? 哼 ! 睇緊黑白大廚喎...今晚會再追多四集. 他還說一定推薦餵食貓的我去看.
我都無JOIN NETFLIX，要借你個密碼給我，我才能睇到。
可以嗎 ！？
假期啦 ！ 有時間會去看的， 但來緊的幾個星期六， 日都有事情要外出未必看到。
雪
2024.09.24
2024年9月23日星期一
黃竹坑商場好吃的
SOUTHSIDE 商場開了一段日子了. 近日才去行行找好吃的 ! 是原, 朋友擁介這一個健康的MEET MET MET CAFE . 假日時已光顧了但卻沒有點這個健康的美食.
下次啦 ! 下啦再光顧時就點這個餐, 個樣係好吸引, 紅紅綠綠的色彩又有我喜歡的溫室小青瓜與牛油果, 怎麼又不吃? 因為, 平時常常跟他一起吃飯, 他說好味的一定中伏, 口味不夾.
所以. 都是選自已平時喜歡的意粉...喂 ! 又話要低炭? 好細份量, 好好味加了一些韓國的紫菜碎, 又有什麼唔記得咩名芝士呀 !
下次啦 ! 下次吃過好味就幫這間店寫食評, 會用心點品嚐及留意細節位, 環境靚唔靚, 用什麼材料, 菜名是什麼, 幾多錢等. 笑寫食評都幾煩.
不過, 尚有其他店想去吃吃, 特別是另一間好靚裝修西餐廳(有熟成牛扒) 和韓國燒肉店.
喂食貓貓出來了.
雪
2023.09.23
2024年9月22日星期日
2024年9月21日星期六
又買花
今日自已在黃竹坑 SOUTHSIDE 商場行行吃個午餐， 不寫食評啦 ！ 不過， 這間MEET MET MET 主打健康食物， 有好多款沙律餐又有很多飲品選擇。 應該會再去吃多次。 之後， 隨隨便便行商場， 睇睇波鞋， 睇睇狗仔貓仔美容又經過花店睇吓花花。
其實， 之前都買了扎薑花搞到滿室芳芬， 無奈，我沒先將它浸浸水，開了兩天就謝晒黃晒。
早兩個月又買了燈黃色蝴蝶蘭花，還正開得很燦爛， 今日這棵是淺粉紅與棕紅色的蝴蝶蘭， 它真的很美。 望住它有種好平靜和好優雅感覺，如春風般掛起了那一點他最愛的棕紅。喜歡的就買了它帶回屋企。
笑， 想緊。。。有一天屋企有個花園開滿了他所愛的顏色就好完滿和幸福了。笑 ！ 發吓夢都得掛。
無無聊聊的， 本來想去看場電影。 那知， 這時候我的蘋果手機上出現了他的短訊 ：「 快點回家現在紅雨」.
回到家都沒雨。
雪
2024.09.21
2024年9月20日星期五
2024年9月19日星期四
減息
一邊聽歌, 一邊寫這一頁. 其實聽聽歌真的會很輕鬆和快樂, 只要不聽那些傷心情歌, 只要不太投入歌入面世界.
幹麼放個 % 出來呀 !? 不是寫你的愛有多少% , 而我的愛又比你的愛多了幾多個% . 不是要用它來比一比這份愛情誰付出多, 誰付出的少?
今日要寫的不就是美國聯儲局減息0.5厘, 大象中銀又跟減 0.25 厘. 係咪有很多人開心呢 !? 可以供樓降了幾多 % 佔總比例, 還聽說是減息週期的開始......別開心到失去理智.
但應該會有人不太開心了, 定期利息要跟著降低. 三叔說會收少幾百元而興興地.
提提你呀 ! 七師傅話九運屬土的行業有排衰, 還語重心長地一再叮囑, 別買樓; 別買樓.
在這段時勢, 商業樓已大跌外資撤退, 零售業小商人紛紛關門大吉, 小市民除時飯碗不保.
如果樓價真的多跌30-40% 就會輸掉紅簿仔上積蓄, 朋友這舖不好去賭, 輸機會率是很高的, 到時候家人就會責備你.
雪
2024.09.19
2024年9月18日星期三
明月千里寄相思
追到月亮未呀 !? 昨晚見不到月兒不要灰心, 今晚月亮才是最大最圓最光亮的.
聽了幾首月亮歌才選到這一首「明月千里寄相思」; 也許, 因為是蔡琴唱所以喜歡, 也許是創作人寫歌詞實在太美太切合我對月兒特別情感.
他創作了這一首不避時代淹沒歌, 也得到很多歌手翻唱, 亦得到不同年代人去欣賞. 要好好多謝歌者.
吴莺音小姐 和作曲作詞和流金先生的.
本來想在YOUTUBE 找有關月兒年輕版本 ! 我這晚就是想聽聽一些老歌旋律, 藉著歌聲帶我去到她們的年代. 去到原唱者年代感受不一樣情懷.
夜色茫茫罩四周
天邊新月如鉤
回憶往事恍如夢
重尋夢境何處求
人隔千里路悠悠
未曾遙問 心已愁
請明月代問候
思念的人兒淚常流
《明月千里寄相思》发行于二十世纪四十年代.
雪- 2024.09.18
2024年9月17日星期二
再同您多說一次 ： 「中秋節快樂」!
中秋佳節祝願您們, 中秋節快樂、花好月圓、如意甜蜜、 幸福滿瀉、 身體健康.
找來一個亮亮圓圓大大的超級月亮， 加多一隻玉兔做這一頁主角. 這幅海上月亮配上月兒倒影, 不知道你們感覺得她美嗎 ! ? 估唔估倒這個月亮在那裹拍 ？
早兩日已經同與家人相伴慶祝, 已品嚐了最好和幸福滋味. 但是在節日正日中難免要再找多一些快樂感覺給自已.
所以, 我找兔仔出來陪我, 唔找唔知原來收埋了三隻環保小兔兔, 一於在窗前掛起晒牠們陪我過中秋節.
中秋節, 當然吃個流心奶皇月餅來應一應節.
而我平時都喜歡賞花的。
為配合花好月圓應境, 於是買扎花🌺🌷🌼🌻逗逗自己快樂.
無奈, 迷信的我今年要避月就不陪你出去賞月了.
再同您多說一次 ： 「中秋節快樂」!
雪～２０２４．０９．１７
2024年9月16日星期一
2024年9月15日星期日
湯中撈月 - 瑤柱冬瓜蓉羹
湯中撈月 - 瑤柱冬瓜蓉羹
材料 : 冬瓜 1 斤 ; 瑤柱 5-6 粒; 瘦肉 4-6 兩 ; 咸蛋一隻, 雞蛋兩隻.
調味: 鹽半茶匙, 生粉 5-6 湯匙
做法:
1) 先將瑤柱加水泡軟
2) 瘦肉搞碎至免治狀態, 先加生粉, 再加半匙鹽, 糖, 醬油略醃, 備用.
3) 冬瓜, 去皮切塊, 放進搞拌機打碎, 要打耐點盡量細.
4) 放開水六至八碗水進鍋, 冷水放入泡軟的瑤柱煲半小時至出味.
5 ) 加入打碎後的冬瓜, 滾十分鐘即可. 再加入瘦肉滾十分鐘其間可試味, 如咸味不足可加少量鹽
6) 咸蛋只取咸蛋王, 蛋白不用. 原隻輕力加進湯羹中,滾5 分鐘即可
7) 之後, 將生粉加 5-6 湯匙冷水拌勻, 同生粉水埋濃茨
8) 最後, 關火將雞打散雞蛋白拌入湯中即成.
這個湯羹很清爽解膩, 味道的清清地. 要記著步驟不要更改程序否則出來效果,口感會不一樣的.
註明:
如果想更加好味可以按喜好加入蟹肉或其他切碎小粒蝦肉, 海鮮等. 也可加入一盒即食雞湯.
雪
2024.09.15
提早慶中秋
剛剛睇翻已前在雅虎同某某的對話, 我真係忍不住笑了! 都不知道為什麼會寫出這麼多的肉麻情話.
阿彌陀佛, 罪過, 罪過. 我真係沒有勇氣將那日情話在寫在這裡.
所以, 好耐專登不寫情愛之事. 怕醜了 !
而家社會上大什麼大事? 今日, 突然間發現街道上很清潔, 多一點垃圾都沒有. 是否有關部門嚴加執法中呢? 罸款再罸款, 苦了小商鋪.
每年中秋節是否會有很多人外遊? 莫非很大新香港人會返鄉慶祝. 唔知呢 !?
我今日去茶樓慶祝沒有什麼特別的, 所以好難寫飲食食食評論.
飯後, 開工的繼續開工, 而我就同哥哥再在附近地方詳談家常.
提早慶中秋, 中秋節快樂了 !
雪
2024.09.15
2024年9月14日星期六
想開網上花店
想想地去報個扎花課程, 學多一們手藝. 將來為那些一往情心男孩扎花送女朋友. 小男生追女仔好肯花錢的.
嘩然 ! 原來學扎花好貴的, 四堂要三仟幾元. 學得四堂也不知學到什麼技巧.
我上網睇睇韓國花藝, 看看現時流行的扎花方法就算啦 !
以前, 也寫過出來. 曾經在某一地方開過一間小花店, 可能不是自己落手落腳去經營, 很快就關門大吉了. 還虧了些錢, 都是阿哥害, 為了追女仔開間花店俾人做. 我又傻吓傻吓陪佢癲.
也許, 是情意結. 也許, 是我喜歡花花. 所以, 又想起了這一個不切實際夢想.
現時, 很多民生店舖都經營困難, 開花店. 別想多了呀 !
唔係啵, 現時無人寫情信表白的, 傳個WHATSAPP 去表白無誠意, 嗱嗱 ! 送扎花最實際. 應該好易找到客源.
其實, 網上店是新發展. 不用開店都得.
喂 ! 我講吓, 吹吓水, 發夢夢, 連扎花都不懂怎可以開店呢 ?
等我學識先會開網上花店. 到時你要幫我整個網站,靠晒你啦男朋友 !
雪
2024.09.14
2024年9月13日星期五
掛燈
中秋節, 當然要玩花燈, 我仍然好有童心的. 今日係公司在自已張辦公桌上放隻卡通閃閃筆, 真係幾好氣氛自娛自樂一番. 興致未減所以在這再掛多一次可愛的燈燈...這隻塑膠恐龍仔.
現今, 很少在街上見到小朋友玩燈籠. 以前住屋村, 就可以跟一大班同是彌嫩朋友仔拿著燈籠去冒險. 真的很懷念以前. 現在才明白最快樂日子就在童年時候......
幾天假期好應該約班朋友回家一起慶中秋, 嘈嘈吵吵熱鬧一番. 無奈是我懶了很耐無執屋, 又怎能出醜人前. 要用二天假期來執屋, 招待完朋友又要大洗廚房又要大清潔廁所.
所以, 你們別說要來我家開爬地呀 !
其實, 我都好想明月和你們笑聲能徹徹底底驅散灰灰暗暗的情感.
雪
2024.09.13
2024年9月12日星期四
2024年9月11日星期三
中秋應節糖水
帶家人去吃貴夾唔飽食物? 還是自己親自下廚去弄一些粗茶啖飯 ? 可以溫溫暖暖在家搓搓四方城 ? 你們會怎樣去慶祝呀 !?
近日有無睇廚藝節目? 我吃完老師菜式都有些靈感可以分享.
老師煲了一大鍋腐竹, 意米, 雪茸白果少甜糖水, 正到不得了.
好[傑]撻撻、 好滑、好濃、好香白果、 微甜的糖水, 如果要中秋應節就加多幾粒流心芝麻湯圓. 或者加一隻蛋扮月亮也不錯。 那天， 不愛甜的我也忍不住吃了兩碗甜的。
煮這個甜水要很小心看著爐火, 因為好容易溢瀉的. 真的要化花思時間別看少這一鍋甜的。
我自已的心得:
~ 腐竹可以凍水落一半, 煲到差不多時（十五分鐘前）又再下另外一半.
～ 白果可以先加糖水煲熟或丁熟，煲到差不多時（十五分鐘前）；記著要挑走啲芯呀 ！
～ 雪茸做方法找了下面的留給你們參考。 我懶得寫。
～～～～～～～～～～～～～～～～～～～～～～～～～～～～～～～～`😋摘錄文章
煮爽口雪耳2秘訣：
1. 選購爽口雪耳
不同種類的雪耳，口感有不同。蕭欣浩表示，一般來說，漳州雪耳口感較爽，貴州、台灣等地的雪耳本身較腍身，煲湯烹煮較容易煮腍。蕭欣浩教路，想吃爽口雪耳，可買漳州雪耳，如果不清楚，可以在購買時向店內職員查詢。
2. 留意烹煮時間
廣告（請繼續閱讀本文）
雪耳煮得愈久，雪耳愈腍身及易起膠。雪耳浸發後宜先去蒂洗淨才煮，如想在煲湯或燉湯時保持雪耳爽口，可以在較後時間才加入雪耳烹煮；若想湯水既有雪耳的膠質，同時吃到爽口雪耳，可以在煲湯時先將部分雪耳與其他材料一起煲，餘下的雪耳在較後時間才下鍋。留意雪耳體積愈小，愈易煮溶。
浸發雪耳貼士
蕭欣浩指出，愈大愈厚的雪耳，浸發的時間愈長。浸發雪耳時，可以將雪耳放在保鮮盒，加水浸過雪耳，令整個雪耳均勻地吸水，加水後蓋上蓋子再放進雪櫃，至少需放置2小時（不論大小）。建議浸發中的雪耳存放於雪櫃，避免室溫太高致變壞，亦可存放數天
雪
2024.09.12
2024年9月10日星期二
秋天皮膚護理
漸漸來到秋天了 ! 雖然, 天氣還是很熱, 但秋天一到就很乾燥, 是時候要找板洗面奶來保護.
笑 ! 平時懶懶, 用清水多. 現在, 人過了三十就要學習皮膚護理.
首先要將洗臉奶在手中摔到起泡才好往臉上摔, 慢慢打圈. 手力要好溫柔太大力會弄傷皮膚將來會提早出脡皺紋. 清洗完臉要塗水份精華, 要塗眼霜面霜. 原來, 有些人早上都跟我一樣只用清水洗臉. 晚間才做護理.
有時真的很懶懶, 很少在面上敷上一層層面膜膏. 也許這個原故, 近日皮膚有點繃緊. 係時候要急救啦 !
想要皮膚緊至, 還要學習怎樣做臉部瑜伽, 一天花十分鐘做扭曲臉譜去做運動.
你們自己上網找臉部瑜伽的視頻. 記住啦 ! 想靚就別偷懶.
雪
2024.09.10
2024年9月9日星期一
在對陣中
收到了 ! 他說喜歡我寫快樂, 歡笑動人的情境, 也喜歡看我寫苦苦地又帶甜的愛情故事.
我呢 ! 就喜歡看他的苦戀, 看他寫的一段又一段無結果的情情塔塔. 唔知幾時睇到他寫到男, 女主角結婚呢? 他...次次都失戀收場. 要不是怎麼又有新故事呢 ! 呵呵 !
我的...從一而終. 寫來寫去都是早該付諸流水的舊情. 一篇一篇地寫當中夾雜著哭流滿臉, 情緒會失控啊 !
對呀 ! 有時常常翻動那些最痛, 會好傷到自已的.
一於聽他說的:
寫快樂, 寫歡笑動人的情境, 也喜歡寫苦苦地又帶甜的愛情故事.
不過, 我怕你們會悶, 再寫就變成老人家在講來講去的十年前舊記憶.
近排又很少看電影, 又少約會連網友都走下一個又走下個. 我這裡就只有孤單寂寞, 還可以怎樣寫.
別怪我, 現在孤單寂寞與歡笑快樂在對陣中. 亞雪仍在努力中對抗.
雪
2024.09.09
2024年9月8日星期日
2024年9月7日星期六
2024年9月6日星期五
買金仔保值
近排睇得網台多, 人民幣貶值利害, 很快就輪到港元了. 不知真定假但要做好防禦方法, 保本呀 !
問問大家可以怎樣保值呢? 做美元定期? 開離岸戶口? 我未做呀 ! 因又不會移民, 外面又打緊仗隨時亂起上來, 香港未出事, 外國銀行先行關門大吉.
想來想去都是買多幾粒金仔又方便又易收藏, 又會慢慢升值. 就是沒有利息收.
本來我想買美元但聽完財經達人意見, 暫時就不買住. 好似, 好似好大風險.
起金仔一粒都要兩萬幾. 也很貴. 等它回一點就買一粒, 再買一粒. 朋友幫他媽咪問我. 想買政府年金是否一種很好的生活保障? 等我睇完 YＯＵTUBE 些財女點講再寫出來分享。
買左金仔就收埋在家最安全, 銀行保險箱都不要放....老人家教我的.
笑....佢幾年前就跟我說但沒聽他的.
不如你...你好教一教我. 我真擔心的.
雪-2024.09.05
2024年9月5日星期四
2024年9月4日星期三
犯太歲, 要避月
沒有人陪的中秋節, 安排什麼節目給自已?
兔仔今年犯太歲, 網上話要避月 ???
要避開最大最圓最光月亮呀 ! 有無邊個都同兔仔一樣要避月呀 !?
龍仔, 馬仔, 狗仔, 兔仔呀都要乖乖留在家別給月光照到 !?
中秋節個個都同家人慶祝, 誰會陪你?
本來想去賞花燈， 賞賞月， 行海邊玩燈火來打發時間。 現在只可以留在家中發呆。
約定你 ！ 約定你在網上見好嗎 ！？
無人喜歡孤單一個，月圓晚上就連站在窗邊看月亮權利也要剝奪我。
別怕 ！ 我怎樣也買個卡通公仔燈龍給自已， 或者悶了就自已弄顏色的營光圈佈置一下我的小窩居。
晚點 ！ 等幾條友仔吃完團月飯就來我這裡吹水，吃水果， 咬月餅 ， 打機， 煲劇！
我等你們來探監。
雪
2024.09.04
2024年9月3日星期二
中秋節有 5 天連假
不是虛構的, 是真的 ! 很開心呀 ! 來緊中秋節有 幾 天連假. 可能公司訂單不足, 全部人一齊放多兩日假. 伸伸脷公司無單重咁開心? 只是, 是這一兩個月, 老闆話遲點會好翻不太擔心.
2024.09.08 約了老人家去打牌局, 逗逗老人家開心.
2024.09.14 星期六約了肥妹去慶祝生日, ! 正日她不排給我啦 !
2024.09.15 星期日約了家人吃午飯, 好難得 ! 他們/她們偷到個中午2 粒鐘給我.
16-18 未有節目....努力安排中 !
阿某某話我幹麼日日都想躝街, 找日不上街成嗎 !?
會的 ! 無節目就在家同網友聊聊天, 上來寫篇網誌. 我投入的時候就會好 ENJOY.
很想好投入的去寫一寫, 寫個創新小說. 不過呢, 要想想寫故事大綱先.
是不是不要寫愛故事會好一點呢? 我等等有無人俾些虛疑情節和意見給我去發揮.
2024年9月2日星期一
能令自已快樂的瞬間
今日天氣很熱穿了件新的薄莎透氣新衣嫦, 清涼了上半截 ?
趁老闆去門...我膽粗粗著了條短褲返工.
開到冷氣最高加多兩把風扇仔吹著吹著, 可能又有些秋意個人感覺很舒服.
其實, 在熱天日子我好怕熱, 如果沒有冷氣真不知道怎樣生活. 這個一定是「愛冷」壞習慣.
昨日執屋時候, 有個裝蜜桃的小玻璃瓶, 都幾精緻要是拿去環保站真有點不捨.
今早上班前去了花店, 買了扎紅紅紫紫小花蕾, 放進小玻璃瓶擺在辦公桌上.
整天都可以直視它, 突然感覺生活原來可以很美.
自已有一個小小空間, 可以好自由的在辦公室內有自己的小天地
歡愉地擁抱美好每一天, 要腳踏實地工作, 為自已生活努力, 愛好身邊事物, 能令自已快樂的瞬間.
可以著靚衫, 可以買花俾自已, 又可以去吃雞脾飯. 真是好她開心的一天.
以後都要好好愛鍚自已.
雪
2024.09.02
2024年9月1日星期日
送月餅
喂 ! 還有半個月就到中秋節啦 ! 收到幾多月餅呀 ? 將它轉送出去未有?
本來今日早上想出去送禮的, 問她有無約人, 這個親友話未知或者會約人, 言下之意就是不接見我. 算啦 ! 反正我都很忙, 山長水遠去見她就要花足一整天時間.
阿哥又唔約住...去了SHOPPING 買靚衫逗自已開心, 消費後原來又有月餅送. 那麼再看一看這盒月餅會送給誰.
有人話心情悶納時候只要碌卡購物說會變快樂, 對嗎 !?
找卡數時你就知味道.
笑 ! 某個他跟我說一盒月餅太貴不值, 情願吃個蛋黃蓮蓉飽. 這個中秋節是大部份港人為餅店送禮的.
我無買月餅亦都未吃月餅. 甜的 ! 哥哥們會不太喜歡, 諗緊有沒有更好的代替品.
雪
2024.09.01
訂閱：
文章 (Atom)