最佳時機威脅老闆

 

那個新同事(會計) 話我們同事份工資水平偏低 , 特別是我的差不多俾少一半 (佢傻, 最多俾少 3 幾仟) .  提醒我要看準時機同老闆攤牌, 迫老闆加工資, 唔洗驚怕老闆不願, 現在是最佳時機要強硬點. 

佢好似痴痴呆呆的, 有無睇到通街店舖關門大吉, 有無睇新聞恆生大幅裁員10%-50% .  現今世界很多公司都投入AI協助工作而縮減職位, 也不知道美國搞緊關稅戰? 看來很快會出現大量負資產, 樓市大跌價.......銀行都可能要爆煲, 真係要好小心. 

最佳時機威脅老闆 ??? 

現時我有工做, 有糧出還有錢放豬仔那裡. 幹麼要變 ? 

我不會放棄長期服務金的 !  一遞辭職信就送大禮俾老闆佢以為. 馬上批准我無鞋挽屐走, 好行夾唔送. 

係舊同事走了後請左她才辛苦, 以前雖然有很多苦水(老實點,是不滿意老闆做事作風)  但自已工作很順利又可以隨時放假. 做人不可以太貪心, 工資也不算少又有花紅又可遲到早退.  

不過, 這個月真的很辛苦, 希望她(魔鬼) (死蠢) 快點上手. 

薯, 放一陣好啦 ! 秘密來的. 

雪 - 

2025.05.14