芝士焗帆立貝

蕃薯芝士焗帆立貝 

這個菜臨時臨急就雪櫃取材, 急急忙忙入夜時份買了鮮帶子...本打算做蒜泥蒸帶子.  一邊洗一邊聞到好煋臭味, 洗多兩洗仲散晒.   好在冰箱內尚有1/3包急凍日本帆立貝.  

貝殼就新鮮的. 伸伸脷...剛巧又有兩條擺了幾日蕃薯, 一於做個蕃薯芝士焗帆立貝. 

1. 先用些鹽水將帆立貝解凍, 備用

2. 將切片混芥欖油蕃薯放入焗爐預叮二分鐘. 

3. 調味料, 大蒜子二粒切碎, 混入二茶匙芥欖油, 一茶匙糖.   可隨意加入適量喜歡香草, 攪拌後

待用.

4.  將蕃薯反轉放, 然後將帆立貝放在蕃薯上面再舖上蒜泥, 入焗爐再焗三至四分鐘.

最後, 在蕃薯與焗帆立貝之上, 放上卡夫片裝芝士 1/3 片 (共用芝士2片) , 放埋香菜葉做裝飾. 再放入焗爐爐三十秒. 

完成啦 !  忘了影張獨立成品照.

開飯啦 ~

好睇唔好食. 

雪 - 2016.03.13

呃個旅行袋

你對鞋用來踢波就粗粗地著住先啦! 無人買仟多元的一雙鞋去踢波架. 

係, 係過了正月三十可以買鞋, 但一想到你用它來踢足球, 我就會登隻球鞋慘, 你一點也不懂得憐香惜球鞋 ? 

舊的, 又未爛有少少開口, 去鴨寮街買枝AA膠黏黏佢又可以用多幾個月.

點呀 ! 因咩事要這麼急去買那對球鞋, 一就不是為踢足球用的.  

你老老實實講清楚點給我知道, 要不我唔倍你去買.  除非你送黃色旅行袋俾我....嘻嘻 !

他話 : 「買對鞋, 要不要給個理由你 ? 」

我鞋鞋聲說 : 「你當我說廢話, 可以了. 」

我 : 「唔講啦 ! 講多錯多……你鐘意點就點. 」

雪 – 2015.03.06

只要我對你好, 這樣溫柔你要不要

寫好了一篇沒放出來, 不想給好友給認識我的人太清楚我. 

現實同網上的我.  也許, 相差很遠.

在網上你只認識我寫字, 我生活我的鎖碎事. 擺碟菜擺條魚又呃你一日, 我唔想, 我想認真去寫....

近日情緒起起落落好大, 疑懼疑慮感好重, 真的懷疑是病患引起的. 好失常連身邊好朋友也懷疑她/他們背棄我.  不可用背棄字眼只可以說感到她不太喜歡我, 跟以前要好感情出現變化了. 

那一天, whatsapp 傳了篇寫得很好網上文章給朋友, 他們一個二個送來安慰, 打氣的說話.  原來, 佢地心目我是這樣......?? 

或者, 他/她們見我總是愛收埋自已, 不出席約會. 


唔可以這樣的下去, 我要將自已帶回現實. 我要將自帶到有歡笑地方, 煩惱事先放一旁,不想啦 !

他/她們不理解我埋頭苦幹寫緊第一篇廣東話小說嗎 !!

有時, 呆呆地想......好難 ! 真係難倒我啦 !!

「只要我對你好, 這樣溫柔你要不要 ?   」

雪 - 2016.03.09

賽旁蟹菜譜

賽旁蟹菜譜

 
這個煮家男人拍的影片中賽旁蟹, 是我想要找也找了很耐的菜譜.   旁白無疑是粗俗不堪但又幾現實貼近社會狀況.  潮流文化被自由行, 大陸, 爆粗所污染已去到如斯地步...... 找日宴客時, 要試做這個菜式, 又平又好吃.  我也試過幾次.......慢火炒, 試過幾次終失敗. 一於加多點油....學煮家男人教路.   新年飯聚朋友才話這菜式好蝦人做得好, 好難煮, 在酒樓也很難吃到好味的偶中會失水準.... 雪 - 2016.03.06

係多啦 A 夢主意 ! 我被迫架 ....

係多啦 A 夢主意 ! 我被迫架 ....

係多啦 A 夢話要對付你.....肚痛事.  都係佢搞出來.  

唔唔關我事 !

2016.03.03日

唔得閑 SO 你住, 無啦 ! 無啦 ! 無唔夠瞓不過唔知醒.

遲足45分鐘好在上次帶足糖糖送俾人, 所以佢無乍形, 佢話無問題 , 更加無投訴.

．．．不過，阿某某遲到就俾上上告去到司法部檢察院．　

我一聲 SORRY 就 OK 啦 !　

唔講住, 我睇緊電視節目, 好勾心鬥角.....好奸.

FACEBOOK都唔上去玩．　

寫完這頁日記，再去玩　ＧＡＭＥ　．　

雪
2015.03.03　

不想醒的夢

 you  //  waiting in vain......


銀色的舞鞋 ; 伴著音樂在舞台中擁著一個陌生舞伴, 想著要等了Ｎ年的那一位. 

 想著 那天他跟她在跳舞情景,   她說他抱得她很緊 , 她說她的好姊妹也陶醉與他共舞.

 想著他說怎麼妳缺席...怎麼沒見妳在他攪的私人舞會中呀 !?

她沒約會她啊 !    不是啊 !  她不知道他被邀請......

她在另一個地方等他 !?

她在另一地方, 在那兒白白等, 坐到日落.


牽著他不斷旋轉 , 他抱緊她情深疑望.   牽著他不斷轉轉轉, 只想將另一個他轉到她的夢內. 

漫漫長夜, 不想醒的夢始終也要醒. 

雪 - 2015.03.01