小陽台

 

有夢想是一件幸福事, 好耐都沒有幻想也沒有夢想.  自已一直是個易滿足的人.  

生活在都市的我一直都希望可以去人煙少地方住, 可以有個小花園.  談何容易呢 ! 

如果, 有這個小露台也蠻幸福和滿足了 ! 

今天终於有個夢想就是可以擁有這樣子的私人空間.  

可以自已一手一腳去佈置, 去種喜歡的花兒,草草.  

努力呀 ! 終有一天會放我個私人小陽台出來同你們見面.   

雪-2023.03.09

想放大假

 

好多同事放大假, 忙得不可開交了.   你好嘢.......放啦 ! 輪流放假.  

等你們放完先, 就到我啦 ! 

想想地去旅行, 想去玩, 本來想復活節放幾天變十天就可以去玩一轉外地遊.  

到時先, 到時就訂不到機位.  到時坐高鐵去內地玩.  不過要找到人陪才開心.  

唔知豬豬陪不陪貓貓去玩 ?  唔知隻豬在這段日子有無假期 ? 

喂 ! 你好攞定假陪我.  

雪

2023.03.07 

想去學廚

 

突然間又想去返學, 又想去讀書找些東東學習, 是打發時間. 

你都忙到透氣都無力還想著去學習.  我想去返學去認識新朋友, 擴闊生活圈子.  

但未諗到學什麼 !? 

有個朋友話想去學廚, 我呢 ! 想去學整麵包, 蛋糕, 西餐食物. 

點知道她好認真的說要找個藍帶課程來學學.  

嘩 ! 要我花這麼多錢去學整嘢食, 寒酸慳妹是無錢的.  

笑, 笑, 傻笑吧了 !  

等我自已去報些婦女班學習完基本功, 看看有沒有天份再說吧 ! 

雪

2023.03.06

血腥的電影

 

今日又有朋友約去看花影相, 去睇黃花風鈴本 .  有什麼好看 ? 家樓下花園都種有黃花風鈴本, 櫻花, 玫瑰花, 鏽球花.   不用專登去外區觀賞, 美景靚女常在身邊出現. 

我拒絕了 ! 情願瞓晏點, 情願在家煲舊片, 選了兩套大熱時沒有入場看的影片.  

一套是正義迴廊, 都幾嚇人. 劇中男主角誤會父母偏愛兄長, 也為錢財動殺機.  

個肥仔重癲無仇無怨去殺人, 還懂得裝傻扮蠢去脫罪.   

朋友話是將原來的真人真事寫出來開拍.  

真係唔好再睇太多這些負面, 血腥的電影或者網上新聞.  

睇完個人會不快樂, 睇完會忐忑不安.  

要快點將這些劇情, 情節忘掉.  

下次, 要找就找笑片看好了 ! 最衰阿某某, 叫我睇這套片又要發問題, 問肥仔有無殺人? 

雪

2023.03.05

網絡騙案

  

真係很多網絡騙案, 用電話真的要很小心呀 ! 

今日發了些網上短訊給朋友, 提醒他們別要隨便在手機上點上連結. 隨時給陌生人取錄了手機上資訊. 

也許, 是我太耐沒有跟他聯系.  也許, 是他一朝被蛇咬?  

竟然要我用文字明確申明我是誰, 否則列入死名單并與刪除喎. 寫咗個名給他, 又問在那兒認識, 又問幾多歲, 又問住邊樹.  

我, 唯有說沒事打擾了, 晚安安啦 ! 

他就回我在微訊傾.  

真無你咁得閑, 都不知是否我自己中了黑客在套我料.  

88 就算啦 ! 走啦 ! 我都是隨手同他打個招呼.  

雪

2023.03.03

PS ...我近日接了幾次電話, 個男人一來就叫:  「阿媽」, 我話: 「別打來我未結婚架, 媽你個頭」.  

我想靜下

 

補祝兄弟生日快樂 ! 

又要祝同學生日快樂 ! 

又要睇實群組約會回應.... 叮, 叮, 噹噹. 嚮到折天. 

自言自語地說:  「 洗唔洗這麼嘈呀 ?  煩死人啦」 ! 

同事話你不是一直較靜音咩 ?

係啵,  幹麼今天無SET 靜音.   

個人不在狀態, 幸好 ! 今天已將難題解決了 ! 明天要趕起些積落工作.  

無嘢同你說啦 ! 我想靜下. 

雪-

2023.03.02

我還是戴實個口罩

 

今日我還是戴實個口罩, 點解這麼不聽話 ??

1. 唔想看醫生, 要好好保護自已

2. 唔想說太多話, 戴左口罩可以講少些

3. 唔想俾人見到個全相, 保持神秘感

4.  家還有很多口罩存貨, 點都要使用別浪費. 

不過呢, 都偷偷地除開了一陣子因為要傾長途電話.  因為戴得耐有點不舒服. 

中午吃飯時候就一定會除了個口罩,   同事吃叻哩弄污了個口罩就索性不戴了. 

幾好 !   口罩令撤除了,  室內室外也不用強迫戴口罩, 你鐘意戴又得, 我鐘意不戴你又管不了我.  

都係時候大家輕輕鬆鬆去過日子了 !  

不過多人地方, 坐公共汽車仍要保持警界, 帶多個口罩在手袋想用的時候就拿出來. 

雪

2023.03.01