2018年7月8日星期日
俾返些甜頭我吧 !
做了幾日終於做好了個三年財政預算案, 有齊數字可以寫埋入去個報告內. 休息一陣上FACEBOOK 玩一陣, 一陣同他出街吃飯. 伸一伸懶腰, 吃碗豆腐竹蛋糖水做我的下午茶.
份問卷調查尚未開始, 但已擬好了題目了; 也假設了答案.
好友說...叫我將這一份 JOB 外判給她, 收我HKD3 - / 一份. 總數要做150份, 講價後HKD2-/一份總數100份. 答案要跟我要求來做出來.....
笑到我肚痛, 咩而家咁樣樣上學同做家課 ? 或者啦 ! 她失業了一段時間是應該好等錢用才有這個念頭.
就乍乍弟弟, 益她一回...... 其實, 只要她說沒錢要問我借, 我一定不會拒絕她.
另一方面, 我會自已做不會假手於人, 這是最後一份功課也是我上學最終目的.
但份問卷調查正規是要陌生人來做. 如果, 我自已做就是非曲直任得我去說, 沒法引証我的論點和見解對定錯.
同你說這些事, 算不算在風花說月中.......呀 !?
喂 ! 同你談了這麼多次, 好好醜醜也俾返些甜頭我吧 ! 一陣SEND 條LINK 就幫我分發給你們的好友, 嗱...講真的我只意晒你幫我.
唉哎....不說啦 ! 不談啦 !
他叫我去吃飯啦 ! 晚點見, 晚點再同你風花雪月.
雪
2018.07.08
2018年7月7日星期六
雪櫃無位呀 ! 哥仔...
喂 ! 你買滿個雪櫃了 ! 見你狂推介搞到我也想試試. 其實, 我知自已不會喜歡芝麻溝綠茶. 但有人話綠茶味醇厚甘甜,芝麻味幼滑香濃. 兩種經典口味都不能錯過！
你過開來幫我買一枝. 我減緊肥要忍口也不想吃太多生冷雪糕.
講笑乍...雪櫃無位呀 ! 哥仔...
哥仔....誰呀 ! 講緊邊個呀 ?
明天, 要早點起身去做運動減 FAT.
雪
2018.07.07
2018年7月6日星期五
少爺兵
按以下的條件他算不算是一個少爺兵呢 ?
1. 他不用吃苦頭身邊很多人寵愛.
2. 好多人都對他好好, 好愛護他...就晒他喜好.
3. 手指尖尖, 滑滑溜溜...睇隻手就知他十指不掂楊春水.
4. 辛苦一點, 去到差一點環境就落晒型.
5. 不會放下身份也不會低聲下氣.
6. 平時鐘意食好, 著好. 又愛悠手好閒.
7. 間中又鐘意飲下酒.
阿少爺又點會去做人家個兵, 阿少爺長大後就一家要做大爺, 再老點變大老爺.
以後留在他身邊小妹就變成真真正正的近身妹仔, 貼身僕人.
諗清諗楚才好決定留不留在他身邊.
喂 ! 你不要將來後悔今天選擇, 愛一人愛他外表, 愛他是少爺都要有財有勢才是真少爺.
我就話人品是最重要...
喂 ! 其實我不是很了解你身邊個男人... 你唔好俾他知我地在這講是非.
雪
2018.07.06
2018年7月5日星期四
雪
猜一猜我喜歡什麼字體 !? 在GOOGLE 雪的BLOG 字體是既定的, 我沒有特別擇選.
寫這個網誌時候又提醒了自已要去找一找一件很重要又遺忘了的東東.
暫時不說上面事, 寫寫雪字 ! 你會想到什麼 !?
1. 喜歡同你們風花雪月日子
2. 雪櫃記著擺滿雪糕
3. 冰雪聰慧
4. 大雪紛飛
5. 雪中送炭
6. 雪地無人
一個雪字真係好可愛, 你地要記著要多點來雪BLOG 探訪, 不留言也沒關係. 都靜了很耐很耐這個無人雪地就變廢墟.
在FACEBOOK 朋友在呀 ! 在無 @@ 係度呀 !
唔....我寫完就入FACEBOOK 睇睇直播. 在FACEBOOK 那裡才同你們風花雪月啦.
雪
2018.07.05
2018年7月4日星期三
屯門公園
說說上個月某一天去屯門公園有好多大隻烏龜, 又有游水烏龜, 又有似企鵝仔禽畜同肥胖錦鋰魚魚看 , 自覺好似小朋友一樣好興奮, 好大隻石龜. 好靚的養殖玻璃箱, 影低她他日用來做新居設計參考....又在日間發發白日夢.
行完公園又行 V-CITY WINDOW SHOPPING. 有得睇無得買....叫他中了六合彩就買隻鑽介俾我.
哈哈 ! 無臉紅的, 因為講明中六合彩, 就已說明了是買鑽介俾我機會率相等於 0 ~
還去了些什麼地方 ? 就是行街吃越南河粉...本想留肚入元朗再吃點地道食物, 又烏雲密佈沒傘子就打道回府...買不到老婆餅有點失望.
那天我哀求他陪我行菠蘿山再行去白泥睇日落再落元朗買老婆餅在天朗氣清的另一天.
笑.......
想重溫以前跟他看日落的日子.
雪
2018.07.04
2018年7月3日星期二
是是旦旦做得啦
又送禮物, 點解有這麼多禮物. 又不是生日又不是相識記念日, 回歸日也有禮物收!?
一定是有一些事 ? 問又唔肯講就是在暗暗嘴出現個奸樣.
唔, 唔通加了人工 ? 加了幾多個 % 呀 ! 搞到又送花又送禮物.
佢呢 ! 就是有時不懂儲錢, 不懂投資股市輸錢又擺埋一旁.
加到人工就卡卡笑, 系在講緊你乍.
算啦 ! 見你又送花又外賣又送禮物. 俾你入來坐坐好啦 !
咪 ! 咗住我做份功課呀 ! 雖然, 好辛苦但我好認真架......
幾衰呀 ! 第二科個老師教上網找岩樣本, 是是旦旦做得啦 ! 而家做功課交到就得...
我聽他說完, 笑了 !
咁似我些口頭禪 : [是是旦旦做得啦 ] !
男朋友他等到無聊.....時又在說著, 說著 : [是是旦旦做得啦 ] !
哼 ! 唔係咁呀 ! 我得把口說不是心想的.
男生, 又點會明白一口是心非女生...叫你唔好送花, 你又識送....
你呢 ! 你什麼情況下 [是是旦旦做得啦 ] ! ?
雪
2018.07.03
2018年7月2日星期一
小卡子上收藏情意
現今年輕人慣愛速食愛情, 這種情與愛彼彼皆是, 美麗得說成是一見鐘情麼 !? 跟電影中舊式愛情比較起來...那時候就愛得含蓄得多, 拖拖拉拉總差一點點才可以相愛更覺淒楚.
今日聽電台廣播主持人與女嘉賓互相發言...令我有一份新體驗原來用幻想去虛擬的一份收藏情意是這麼浪漫又兼可開出情花 !??
由一件平常不過事也可以想著他為她費盡心思做一份與別一同禮物, 主持人說那時候他有很多廠商免費贈品, 送的人滿街也是而她只是其中一人. 真估不到她會為了幾個贈品上不同愛情詩詞而想多了 ! 成就了他和她一個美滿愛情故事.
怎麼另一個她直直呆子, 無心乾...是沒有這樣一樣的情懷? 因為她沒想去高攀又怎會想到他會為醜小鴨的她費盡心思.
他寫過什麼唔記得, 寫了什麼沒留意. 那幾晚她拿著一張又一張小卡紙看見了什麼 ? 看了幾眼, 看了他的字形, 他的筆鋒...他的字績秀麗硬朗是很漂亮麼 !? 她暗笑...有點作狀全不自然.
他劃的插圖是美, 很可愛的米奇與米妮...是真的.
另一邊的她說:
現在另一個女生說小卡子一行一行親筆文字, 是有字的意思, 是有字靈魂是可構成一個有連串的愛情故事. 去感受吓他內心世界去, 同時也認識清楚自己內心想要的是否跟他一樣.
是他專誠為她而寫的第一章愛情故事大綱.
是時間對不上...可惜她不懂寫暗喻, 沒寫出她幻想中的愛情回饋給他. 她的愛永遠停留在模糊不清的米奇與米妮那紙上面.
現代愛情, 喜歡就要主動爭取, 失敗了也算得是爭取過, 不用去幻想不要含蓄模糊不清, 想愛便去愛, 想做就去做才不會有後悔. 爭取想要的好結果就要爭取, 不要讓這些年白過.......
姊妹....不爭取就注定失敗, 緊記......但妳不要說我教你一腳踏幾船, 見一個又愛一個呀 !
雪
2018.07.02
可能這首歌不太襯....儘管聽聽
https://www.youtube.com/watch?v=QmAZIB9jy1E
訂閱：
文章 (Atom)