為我喜歡生活而活

 

無電呀 ! 透知了 ! 為我喜歡生活而活, 我就是我...我喜歡我, 

...孤獨的沙漠. 

我就是我, 我喜歡我.  

無錯, 人最緊要就是自已要喜歡自已生活.  

聽聽歌先......

累了就停一停.  做自已喜歡事, 做自已愛過的生活. 

佢叫我唔好擺些真相出來, 唔好俾人知他在幫手刨蘿蔔. 

佢叫我刪左在FACEBOOK 那貼........

佢不喜歡有人知他過這種生活.  

雪

2021.02.

黑白間條衫

 

 

其實, 我好鐘意黑白間條衫, 又喜歡笑自已著監犯制服.  事原我喜歡是敝在家中看小說. 

呀 ! 別的顏色間條衫都有好多件... 

愛我的他總是喜歡穿著啡啡地顏色衫...也許, 他知我喜歡那一種顏色. 但他就是不知道我是喜歡間條衫.  

說起咖啡呢 ! 今日出銅鑼灣逛街時買了好幾包咖啡.  嘩 ! 回家馬上試一試...好味好香濃味道.  

一試就愛上了.  是他說很正才一次過買幾包,  我搶了他兩包等新年時送一包俾叔叔. 留一包自已飲.... 

送俾我啦 ! 送俾我啦 ! 唔好講錢... 

哈哈 ! 新年時我要著紅色衫呀 ! 買定新衫啦已經. 

雪

2021.02.06 

年假休了未 ?

太疲憊也太拼駁而壞了身體.     今晚想休格筋疲力竭了 ! 捱多幾日就放年假啦 ! 你放幾多日呀 ! 

我想休多幾日陪陪親愛的人,  想休多幾日來休休息.   

可憐啦...他新年要開工, 我新年就放長假.  

在長假中可以爬係度玩電話又得, 瞓在床上玩電話都得......唔好再寫出來啦會俾人笑放長假原來無節目.    你係咪都在LOOP 電話呢  !?

小姐, 你無人約?  無人陪無無聊聊都唔好俾咁多人知道.   

今年尚有年假有廿多日呀     !   一定要放多兩日到時就會有節目.    

雪

2021.02.05

好想去街吃晚飯

 

好想去街吃晚飯, 好想和他去撐枱腳.   

我唔鐘意吃泡菜, 他卻很喜歡泡菜辣味, 我鐘意吃魚乾仔.  飯團唔岩我.... 

我最喜歡烤肉嗎 ! 所以好想光顧韓國, 噬飽一餐美味豐富晚餐.  

想著, 想著.....他突然踩一踩我隻腳叫, 快吃吧, 食啦 ! 有排也沒有得上館子, 乖乖地吃外賣.  

要不, 明天他說親自下廚, 炮製地獄料理...

哼... 

俾心機找多幾間好味外賣啦, 唯有.  

好慘...南區無好嘢食.  

佢話....在家吃不知幾好, 不用換衫不用GEL 頭,  不用等人化妝扮靚.  

再遲點好食店舖都執晒, 想吃也難了 ! 

雪

2021.02.04

 

提早買年花

 

早幾日買了盆水仙花, 矮矮地有好多花菖.  用來佈置一吓家居為這個新年加添喜慶氣氛. 

那會想得到天氣一轉熱時, 馬上長高花開燦爛, 今日已經開得好靚啦 ! 

今年也不會買蝴蝶蘭...因為我種了一年的蘭花預算在三, 四月開花.  免得到時一屋都是蘭花. 

我年廿八再買過一盆年花, 因現時養的水仙將會開得七七八八.  

買什麼好?  以前, 媽媽最鐘意擺盆桔仔....買桔仔 ???

到時再作打算, 見到靚矮矮地合意就買. 

紅噹噹掛飾在書局一早買啦 ! 整靚家居過新年. 

要約埋家人來同他一起過新年呀 !

有工開啦

 

朋友仔失業好耐, 終於有工返啦 ! 恭喜, 恭喜, 祝她工作順利, 財來有方啦 ! 

這個朋友想法多多, 一時開網店買衫, 一時又做文創設計紙品, 小本單行簿記.  最近重開埋小朋友網上教室做直播....哈哈, 佢話係興趣為先, 唔好吓吓講錢.   

現在能有工開找到隻飯碗算好好彩.  

其實, 只要肯做不躲懶應該還有很多工種, 政府部門也大量請人, 另一個朋友剛收到短訊通知. 

你唔好太灰心降低要求好快找到工作, 或者你試試找 AGENT 介紹.  

不過, 如果不等錢洗, 就當放個長假給自已, 充充電也可多點陪陪老人家.  

又可陪陪家中小朋友去吃薯片, 在家中玩玩球類活動就可以輕鬆快樂.  

其實上班有上班得著, 躲在家也可以很快樂.  

現在收拾好心情, 開開心心, 快快樂樂去過新年啦  !

雪

2021.02.02

兔仔趕住去瞓覺

 

講緊邊個呀 !? 咩事呀 !? 

俾人使計屈你呀 !  笑....... 俾人迫走 ? 

新年啦 !  無花紅呀 ? 辛苦了一整年見到兔仔有蘿蔔糕, 唔低得呀 !? 

兔仔趕住去瞓覺...... Bye  Bye Laaaaaaa  

雪-2021.02.01