2016年10月30日星期日
嫁不嫁
喉嚨痛重怎可去吃韓燒, 大塊豚肉大杯啤酒. 係一早就約好在今晚見, 見這一面難能可貴. 或者, 找個折沖方法, 你買齊你鐘意食物南妹啤酒,萬里望花生, 卡卡薯片, 韓式炸雞, 印尼串燒外賣.
嗱, 借埋間屋出來讓你們花天酒地. 我肯...他好唔好意思接受我建議 ?
近日, 有感做人點解要處處為人著想, 有時候我做唔到, 我病了還要顧慮你們感受!?
點解我唔可以自私點 !?
1. 他拋低我一個人 ? 自已去玩?
2. 他沒去玩, 留低陪我 ?
3. 他叫齊D FRIEND 回來, 笑著陪我過患病一日.
看看答案才決定嫁不嫁給他. 笑.......
1. 唔嫁
2. 嫁得過 ~ 80分以上
3. 嫁都得 ~ 間屋要好大 (最好有隔音)
祝自已快點藥到病除, 早點康復就去邊到玩都得了 !
雪 - 2016.10.30
2016年10月29日星期六
星期六 ~ 卻走來病. 唉 !
睇開的那個醫生剛巧休息, 幸好有他送盒必理痛特強傷風感冒藥來.
吃了藥剛剛瞓醒, 個人醒返點點啦 ! 剛又拍了兩粒藥丸...
佢好無聊, 無聊了一整個下午.
他說同貓貓玩, 喂喂條魚仔, 看看影片打陣 GAME ...
唔好吵嚷著要上街玩啦 ! 好嗎 ! 仙丹咩...一吃就變生龍活虎, 他說同我去濕平. 濕咩平有佢做苦力我都無力行.......
喉住人地我病攞人命........
你去找朋友娛樂, 唔好陪我在家坐監. 一陣子, 雪雪或者要再瞓多陣.
病日子快點遠離我. 我最憎病病, 我最憎痰痰卡住喉嚨, 咳極都咳唔出來.
我最憎病出標冷汗, 我最憎病到軟軟瀨瀨, 最憎病到無胃口, 病到暈頭轉向.
可樂煲薑加檸檬是嘢痰之物, 唔 WORK 的越飲越多為濃痰.
星期六 ~ 卻走來病. 唉 !
雪 - 2016.10.29
2016年10月28日星期五
咪阻我 發好夢呀 !
傻豬, 發了個怎麼樣的夢呀 !? 夢裡面有聲音, 重有好好淒厲叫聲 !
係 ! 你都不用半夜將夢境重覆說一次嗎 !
好衰衰 !
笑.....你同我說了些什麼 !? 我聽聽下他說的時候, 太累唔到 二分鐘又瞓著了.
過了一陣乍醒乍睡, 又吱吱哦哦...然後說著夢話. 我醒來時候也搞不清楚那是夢境還是他真的打電話來說耳語.
原諒你, 吵醒我 ! 原諒你, 傻得可愛 !
但下次有無關重要事就見面才說呀 ! 你飛車過來也很方便......好耐沒坐他車尾了 !
這段日子累透了 ! 又病病地才發皮四.
平時...咪給他無聊下. 有時他習慣半夜不睡覺又很難找人聊...
咳咳...
咳咳...
咳咳...
唔可以病病架, 撐不住了要是再加上病.
我只想身體健康, 每晚都一個甜夢, 幸福就是如此簡單.
嗱 ! 你今晚咪阻我 發好夢呀 ! 我會罵人架未瞓醒時候....
雪 ~ 2016.10.27
2016年10月25日星期二
能為愛情瘋狂是一種幸福
能為愛情瘋狂是一種幸福 ? 定是一種神經病...
你可曾有經歷患病過程 ? 戀愛人智商是零, 有時仲好變態, 三更半夜吵醒曾經至愛, 吵醒人又默言, 自已同自已說想聽聽她聲線.
無聲電話是嚴重患病者最常出現病態, 你病了多久, 打過幾多次, 次數頻繁情度 ?
聽到另一把男聲時候, 患病者個心此忐忑著痛, 有時重會坐緊車都會淚, 掟爛晒家中電話, 吃飯又嚥不下. 到半夜又病情急轉直下, 瞓不著又想嗱起個電話...
聽筒對面終於傳來痴線佬又打來, 神經病發就入青山啦 !
第四次打來啦 !
你有無試過患這種病呀 ! 點才可醫好 .....
無辦法...
無辦法...
無辦法... 直至到你愛上另一個她.
或者,她們分手他重新愛上她. 醫生都不懂得你.
看見這個病患者我笑了 !
這個是他...
雪 - 2016.10.26
2016年10月24日星期一
何為愛情
如果要說何為愛情 ? 你問啱人啦 ! 寫了這麼多愛情網誌和看過這麼多的愛情小品.
我自有自已一套見解...關於你問的問題. 好易就答到.....
如果, 真的愛她就名正言順的走在一起.
說, 讓愛收埋收埋收埋, 這就是不愛, 這就是你的愛另有其人, 你的愛不足額, 你愛自已多一點.
說,她身邊已有人, 點解你會覺她跟愛上隔離個司機...咪係你從來都沒懂她 !
佢屈佢...有心屈她同別人一齊才讓自已好過.
或者, 你跟本不了解她, 連她快樂, 連她在傷心, 連她緊張到想暈.
傻傻發呆, 擦身而過情感變化. 他就是沒法抓她需要他時候...
平行線永遠也接不上軌.
噢...好似文不對題呢 !? 扣你 五十分.
是旦...有點點時間寫字算好好, 不可有多要求.
雪 - 2016.10.24
2016年10月17日星期一
2016年10月15日星期六
發發嘮叨, 罵罵政府.
【置業安居】嘉湖山莊追落後（曾淵滄）
自 曾淵滄 | iMoney – 2016年10月11日星期二下午12:54
https://hk.news.yahoo.com/%E3%80%90%E7%BD%AE%E6%A5%AD%E5%AE%89%E5%B1%85%E3%80%91%E5%98%89%E6%B9%96%E5%B1%B1%E8%8E%8A%E8%BF%BD%E8%90%BD%E5%BE%8C%EF%BC%88%E6%9B%BE%E6%B7%B5%E6%BB%84%EF%BC%89-045453704.html
朋友去了加拿大又懶掛長途問他呀 ! 你疑問我沒法子幫你問他.
我上網幫你找曾淵滄博士文章給你自已分析啦 ! 我這陣子那有時間去看產經, 港聞版.
樓市會唔會跌. 笑...我早幾個月不是已同你說我做淡友.
現在我就天水圍也不買, 不是2047 年問題, 這問題等國家領導人同銀行高層(經濟學家) 去商討.
我同曾淵滄博士打對台. 而家買樓除時咩一身債以後點還呀 !? 如果, 市況轉跌這就好啦 ! 才是上車機會就好好把握時機.
原來, 有一百萬人活在貧窮線, 好多人住劏房虧個 689 重話在扶貧方面做出成績. 又說政府沒有住宅用地 ! 言下之意又在攪亂香港為目標. 私樓出的辣招剪斷香港的經濟命脈, 公共房屋又話無地, 叫無樓想住公屋市民走出來撐政府 (撐佢689).
政府有錢架 ! 無地咪同大地主買翻轉頭囉.....有錢也不懂運用 ? 有咁蠢特首香港點會有運行呢? 香港人要一個有腦有承擔有遠見的人做特首. 香港人一慣見錢眼開不管政治, 中國想香港人乖乖地......
我而家才知香港咁差有這麼多人活在貧窮線下. 這一百萬人怎會乖, 屋都無得住咪出街瞓.
等我也發發嘮叨, 罵罵政府.
2016.10.15
唔感招積...
辛苦旅行又說完, 火辣辣山區手信又寫埋. 重有什麼話題 ?
我諗了一整天. 今晚同你匯報什麼好呢 !? 煩惱垃圾思為我倒緊半有多啦, 是給長輩開解了點, 個人好似放鬆了點沒那強烈的憂患意識...有咩事到時先算啦 ! 以家唔再己人憂天住.
本來,有些招積事想分享但費事俾你抽後算帳. 驚你笑我幼稚園攞兔仔印...又扮巴巴敝敝.
所以, 我唔係這裡再煩你地一次啦 ! 又唔感招積...
近排睇 三星手電爆炸有點慶幸自已早前轉蘋果.
哈哈 ! 係呀 ! 係跟你囉 ! 見你用蘋果我又要用蘋果. 啲起心肝轉用蘋果才避過這次災禍 !
多謝你啦 ! 更加多謝幫我攞折扣那位人兄.
你呀 ! 整多點笑話逗我笑......今晚 , 我睇完偷笑了 !
唔淮笑我寫錯字, 唔淮叫我查字典...這是, 我累又唔想認真時候, 錯咪由佢錯囉.
雪 - 2016.10.15
2016年10月13日星期四
2016年10月12日星期三
小豬帶小白出行遊記
續上次在山洞一晚小豬攬住小白熊又凍又冷煎熬, 一清早, 小豬呢 ! 牠兩手鉗實小白熊迫牠行快點. 因為小豬肚子餓餓, 小豬要吃好甜的莓子.
小白熊話已筋疲力竭, 小白熊坐在構橋邊俟著大樹, 大力好勁力地吸氣說 : 「我唔行啦 ! 唔食紅莓子啦 ! 」;
小豬, 小豬你自已行啦 ! 「你食完紅莓子帶兩棵給小白熊就可以了 ! 」
轉個頭, 小豬帶了架木頭車, 小白熊快點坐上去, 小豬要帶你離開這個森林去另一個花花世界.
望著小豬滿頭大汗拖著自已, 小白熊終於在木頭車上忍不住落淚了 !
小白熊說 : 「好啦 ! 好啦 ! 」
小白鳶自已嗱起檔雨檔太陽荷葉行一陣啦 ! 一野又跳落地拖著小豬, 撥撥牠耳朵, 桔桔牠個大肚兜.
一陣小白熊累就要小豬揹揹過山林危地.
喂 ! 幾時可以返去你個豬欄 ? 小豬話 : 我咁辛苦跑入森林再行千里去花花世界就是不想留在豬欄俾人吃落肚.
嘩啦 ! 嘩啦 ! 小豬帶小白熊去那兒呀 !
雪今晚要轉一轉換心情, 寫篇動物故事.
2016年10月11日星期二
2016年10月10日星期一
拒絕同行
有時候我寂寞難於啟齒, 有時候在某一段路我必須孤單一人面對.
你有你們快樂, 你有你們歡笑臉, 我拒絕同行當然有我要選擇的另一條路要走 !?
你有藍天白雲相伴, 你說美麗水清沙幼, 怎麼我要拒絕這翻美意......
我文字裡沒有說, 是有必要掩藏著的某些事. 所以你永遠也不會讀懂.
因為, 無必為你要事事交代.
懂的人自然會看到也會知道......
風雷爆雨, 崎嶇不平路我也一定要行. 因為路上經歷著我想撿的一葉.
要懂自然會懂, 不懂的就說多少次寫多少次也不懂. 或者懂的裝不懂,
又或者跟本沒有人懂......
懂又怎樣, 知道又怎樣......
也不是依然要孤單一人 ? 想真, 非也.......
雪 - 2016.10.09
訂閱：
文章 (Atom)