牙痛呀 ! 有岩嘴形話題都側唔到啦 ! 吞口水都痛. 幸好, 在這兒跟你們交流是不用開口說話.
今晚, 最想同學文哥哥說聲HAPPY BIRTHDAY. 他是我在網海中認識了很耐的哥哥, 很喜歡的哥哥.
點首HAPPY BIRTHDAY SONG 給他 就當今年的禮物啦。
祝生日快樂， 身體健康。
雪 - 2023.01.31
2023年1月31日星期二
2023年1月30日星期一
2023年1月29日星期日
2023年1月28日星期六
超可愛毛孩來修補缺失了心靈.
這個假期也蠻開心, 見了很多老朋友. 昨日去了行山俾隻小牧羊撲埋身上. 幸好, 我自細都喜歡小動物. 牠又幾可愛, 怎麼不撲去我朋友身上而撲過來. 搞到牠的主人也嚇了一跳, 不好意思的跟我陪罪.
沒事, 沒問題的. 我喜歡牠, 我不怕. 我一直都喜歡毛孩只是怕負責任. 所以, 就找來沒生命超可愛毛孩來修補缺失了心靈.
係咪超可愛呢 !?
遲點又想帶多個回家.
雪- 2023.01.28
2023年1月24日星期二
2023年1月23日星期一
2023年1月21日星期六
兔仔牠究竟養左係邊個度 ?
明天要開始當值, 要做足一年. 唔可以懶, 懶, 懶.
要當值就不能外遊, 又不可回鄉探老友, 又不可以掛住瞓覺不開工. 明天就是兔仔年. 究竟是誰定十二生肖, 誰人安排兔仔要當值.
喂 ! 我隻兔仔而家過成點呀 !?
喂 ! 你有無遺失了牠!?
喂 ! 牠有無封晒塵呀 !
過年啦 ! 快點, 放牠出來應應節啦 !
你放牠出來俾我見牠一面, 等我可以同牠團年好嗎? 笑.
兔仔牠究竟養左係邊個度 ?
雪
2023.01.21
2023年1月20日星期五
2023年1月19日星期四
長期有花花開
剛剛看回以前POST , 看翻往年在新春時照片. 還記得自已本來喜歡百合花. 因為, 喜歡滿屋清香花味, 也喜歡百合花名字, 更喜歡她粉紅色嬌艷.
但, 某年有人話怕花香味, 花香味而引發敏感病症.
為了佢就轉了擺蝴蝶蘭, 由一點也不懂到能自已種到開花燦爛, 又多了一份別的滿足.
今年自己種的未能及時開花, 所以又買了新的. 但牠已長出花梗如無意外三月或者四月就會開花.
這樣子, 家裡就長期有花花開.
蘭花是最岩懶人去種了, 因為不用點打理又不用多淋水, 水太多會浸 C 花根, 花兒就會謝.
差不多一星期俾一次水就OK了。
有時候， 都會幻想吓自己住在村屋有個小露台， 或者有個小花園就可以種很多， 很多花花和植物。 在這麼美環境下生活一家沒有都市人壓力了。
好的 ！ 我要為自已定下目標去努力， 要積極地達成這個幻想。
雪
2023.01.19
2023年1月18日星期三
2023年1月17日星期二
掛彩頭 大吉
昨日逛街時候見到隻綿布與金線布夾縫出來的大吉仔, 好靚. 就 FOUR 了水帶了它回家.
係準備帶它回公司找個良晨吉日高掛起它, 以便全年能招來好運, 大吉大利.
做咩不掛在家中?
窗前個最佳位置是留給當年十二生肖主角的, 哎呀 ! 差一點找不回買開那一款毛毛公仔.
嘩 ! 越買越貴, 以前好似十二元一隻, 現在要38 元一個.
其實, 年前, 幾年前我已儲起了隻豬, 今年又可以收埋隻虎仔.... 儲足十二年就有一套. 要儲多幾年才儲到馬仔....而家得三隻, 真係有排儲.
掛足一年還都要儲起佢, 會不會太慳家? 傳統上是否可以環保再用 ?
現在, 如果自己識製作角仔就好, 剛買了半磅要45 元好貴. 做咩成日掛住錢錢錢.
係呀 ! 好希望, 新年有財爺關照, 好想財神駕到, 財神鐘意我.
2023年1月16日星期一
薄脆皮的蘿蔔糕
他說這間店的蘿蔔糕很好味 ! 我要吃飯不吃蘿蔔糕, 我遲點會自己整. 街外買蘿蔔無料唔好食的.
太多材料, 太多臘肉臘腸又怕高脂高膽固醇. 所以, 可以自已整就最岩自己胃口. 今年, 我已經手快快整了一底吃了. 我自已就覺得幾正. 一陣認真點寫個一底份量給你們.
因為, 有人話要煎起時不要易散, 要一舊舊企身靚點. 可能我舊年放得太多蘿蔔比較軟身. 又沒有溝粉去做。
材料：
蘿蔔兩條, 粘米粉兩飯碗, 澄麵兩大湯匙, 粟粉一湯匙, 臘肉臘腸少量蒸熟切細, 冬菇浸軟切粒, 蝦米預先浸水.
三種粉夾在一起加半碗至一碗水, 開稀即可.
調味, 煮熟蘿蔔後加半茶匙鹽, 少量古月粉.
詳細做法可以多參考網上視頻如果睇唔明我寫的.
做法:
用油爆香蝦米， 冬菇，然後放入蘿蔔粗條爆炒之後再加入蘿蔔絲。如果蘿蔔沒出水就加細半碗水煮十至十五分鐘之間, 搞均勻就可入調味， 再加入臘肉臘腸粒粒，炒均幾下就可以慢慢分四次加入粉漿，再將蒸盤套入蒸爐蒸 45-50 分鐘即可。
這個粉漿較果幾好，外面可以很容易煎到一層脆脆地薄皮， 內裡就軟軟綿綿蘿蔔絲。
我放影相所以用了網上照片.
叮囑自已和他, 別吃太多好熱氣, 好高卡路里又高糖份. 所以, 會落多點蝦米, 冬菇減少臘肉臘腸份量.
想紅薄仔步步高陞就要多吃蘿蔔糕. 咁點呀 !? 吃多定吃少 ?
雪
2023.01.16
2023年1月15日星期日
花墟已經人山人海
今日又去了花墟, 因為總覺得早前買的蘭花有點不太正常, 雖然有很多花蕾, 花又開得很燦爛. 但就是有點不太順眼.
於是, 又獨個兒去了從香港跑去花墟一趟, 今日花墟已經人山人海, 擠滿了㩜實花卉人群. 我沒有悠閒地購花, 為目標而努力. 好幸運, 逛了一轉外圍就買了兩棵不同品種的蘭🌷花🌷🌱拼在一起. 好了 ! 這一一次很清雅, 很是漂亮.
點解唔貼張相出來, 唔知呀 ! 唔知呀 !
迎春花是要留代新年的時候才會貼出來同大家分享.
回家後就花點時間從新整理從新插過些蘭花, 這一回加了海苔, 掛了新買的紅絲帶球. 也想將舊的也一拼落盆. 但實在太迫了三個一齊的話.
在換個另一位置擺後又不是差的, 因為在這個位置可以很輕易地觀賞到花開燦爛奪目.
問題出在那裡, 原來我之前將盆花返轉了擺放, 靚的一面對著窗外. 花背面在我的視線中, 怪不得望了多日, 左望右望都覺得它奇奇怪怪.
今年, 有一個悠長新年假期, 而現在家中又擺滿了我喜歡花花, 真係好開心可以慢慢欣賞. 好有新年氣氛.
還有幾天就到兔年啦 ! 要同老虎仔拜拜囉.
雪
2023.01.15
2023年1月14日星期六
2023 投資策略
其實, 我不是貪錢的人. 但無錢又不行. 人係要上進的, 要為未來努力增值. 我們簡單的先為自己知識去增值, 當有機會來臨就可以找緊機遇.
嘻嘻, 以上我聽些前輩教誨轉述的.
所以, 我希望能在網上學到多一點新知識, 可以知道現時90後是怎樣在互聯網上生活, 工作, 做營銷賣買. 有時, 我都會看看一些世界大事, 怎樣可以點擊網站, 看影片, 打游戲都當成網上工作, 怎樣瞓住覺發達......
真係要好小心就真, 別要太相信網上高薪兼職, 隨時套走個人私隱. 也別要相信什麼高息網上銀行, 投資網站. 多數有入無出, 只可放錢進去. 想贏錢可以割禾青走人, 別太天真啊 !
係呀 ! 你說得對, 我本來就不輕易相信人, 時刻抱住戒心, 防人之心須要有, 現在生活艱難有些人為生活迫著去頂已走險.
咁, 而家最簡單又不會墮陷阱就是將錢放定期收高息, 不過唔好貪呀 ! 又走去放一些網上不知名財務公司.
我自已 2023 年投資策略是想買些日元, 或者買些韓元賺匯對換率, 也想買 D 金仔防身.
雪
2023.01.14
2023年1月13日星期五
HAPPY BIRTHDAY TO MY Dear
一月份有很多YAHOO 識落網友生日, 也有自已的BEST FRIEND 生日.
在這, 補充或者預祝她們 / 他們 HAPPY BIRTHDAY .
祝她們/他們身體健康, 長命百歲, 兔年大展鴻圖.
真係好多, 好多....祝福送給特別的你們. 我不寫名字因太多太長.
笑...我驚寫漏. 不過一定提祝靚靚契媽, 同學文哥哥生日快樂, 新年快樂.
重有星夢哥哥都要生日快樂, 笑口常開.
我成日都會在心裡記掛著她, 他們.
Happyyyyy birthday to my dear..............
雪- 2023.01.13
2023年1月12日星期四
網上工作
見到有個朋友在網上工作, 我就上YOUTUBE 看看視頻怎樣在網上賺錢. 嘩 ! 原來有好多方法.
真係覺得自已脫節了 ! 原來, 有些網站可以俾人放文章就可賺錢.
不知有無會點擊我寫的...
愛得這麼辛苦, 明目張膽去愛她, 墜入他陷阱, 愛到想殺死情敵, 愛的時間不對.
唔知可否有一些被動碎銀收下.
你是可覺得很陌生上列的愛情標題, 係 ! 係 ! 我未寫出來的.
YOUTUBE 邊個網站, 她說是"MEDIUM" , 不過好似是全英文的.
放中文 BLOG 文 ? 會不會無人睇呀 ! 英文我都唔識寫又唔識睇。
她說只放一篇每月都有20 收, 係真唔系真呀 ? 老友.
我瞓先啦 ! 無力呀 ! 無眼睇。
雪
2023.01.12
2023年1月11日星期三
2023年1月10日星期二
犯太歲, 要早點去攝太歲
「L樣」、「廢柴」相信大家都知道甚麼意思，那你有沒有聽過「磨碌」、「卡啦蘇」、「打靶仔」、「蛋散」 ??? 點解無形容些八婆?
我專登上網摷的, 我想講粗口罵人, 又要罵得斯斯文文, 又要貼切.
公司來了一個大媽, 好很惡頂. 搞到七國咁亂...真佢唔同文化, 好難溝通, 老闆請她回來做部門經理但一上任就抄晒班做左幾年妹妹仔 .
「仆街」, 同 「八婆」在心內罵了了七次, 八次但還要裝出友善姿態.
打份工姐, 洗唔洗搞到自已咁樣呀 ! 點解一個新人可以咁惡?
因為, 個「卡啦蘇」一定有後台照. .
其實, 我唔識解....「蛋散」同「磨碌」 ???
嗰條大媽SET 左個局害我, 真係好陰險. 幸好我尚有貴人照住, 靜靜雞通風報信.
同事叮囑我話步入十一月就已經犯太歲, 要早點去攝太歲才能避過一劫.
實際, 我還是保存一點口德, 我隱, 隱, 隱. 唔好罵.
雪
2023.01.10
2023年1月9日星期一
新年特色菜
某日在電視見到一個很有喜慶色彩的菜餚, 應晒兔年吃的. 一碟紅噹噹的炒紅蘿蔔絲, 我找來了差不多視頻給妳參考. 一定唔考起妳這個廚藝高手, 清炒紅蘿蔔會有一點草青味, 幾特別的.
改良版, 可以加丁點銀牙應該會多一點口感, 同時都幾好意頭...
新年菜式走不甩又雞又豬手又雪花肥牛, 做多兩個素吃也無傷大雅. 笑呵呵 !
有人(阿家嫂) 要煮二十人飯局, 要出錢又出力. 我在幫她想一想平靚正重易做菜式.
另一素菜, 一紅一綠擺上桌已經很漂亮. 簡單的加上黑醬油扣生粉水就完成. 如果想豐富點加多一點菇類也可以.
無所謂啦 ! 在今時今日可以煮20人飯菜真令人羨慕, 這是好幸福的飯聚.
雪
2023.01.09
2023年1月8日星期日
通關啦 ! 1 月 8日
通關啦 ! 通關啦 ! 通關啦 ! 講三次.
1 月 8日最開心就是大陸人啦 ! 個個都笑容滿臉, 好囉 ! 她們終於可以過關回國內同家人過很濃喜慶日子.
在港受了幾年苦, 是嗎?
有錢有知識的往外國跑. 連早期移居香港的國人也跑回國內. 人流大癲倒了.
細菌呢 ! 會否跟著人流來拜訪.
實會啦 ! 唔講都幻想得到出來.
我就不會去多人地方, 酒店, 大酒樓都要暫避, 朋友見面也約在春節後. 小貓幾隻回家聚聚, 或者去山森登高.
笑......可能今年初登高遠足後, 虎年算幾好運. 總有一些意外之財.
希望大爆發後, 生活可變返平常. 我就可以計劃去旅行, 近近地返國內, 或者去日本, 韓國, 台灣都是很好的選擇.
雪
2023.01.08
2023年1月7日星期六
2023年1月6日星期五
2023年1月5日星期四
2023年1月4日星期三
兔仔的幸運顏色是什麼.
剛在網上查閱2023 年小兔仔的幸運顏色是什麼. 原來是白色, 藍色同棕色.
白色 可以提高戀愛和婚姻甜蜜指數.
藍色 兔仔多穿藍色可提升健康運, 免病魔來侵襲
棕色 讓兔仔變得自信和大方, 多穿棕色, 日積月累所有運勢會提升.
好 ! 好 ! 好 !
閒時就最鐘意著白色, 藍色和棕色的優悠服, 一於少點穿著黑沉沉衣服.
最重要就是吃多點蘿白 , 以形補形 ! 信嗎?
吃蘿蔔是無邏輯也沒有風水師說, 是我自已的跳皮哲學.
好快啦 ! 好期待新年, 可以有個比較長假期.
祝你兔年幸福.
雪
2023.01.04
2023年1月3日星期二
PAYME QR CODE
好大壓力, 順得哥情失婦意. 左右做人難...1個叫你行東, 第2個又叫你行西. 原地不動都不能滿足他們. 拖又拖不到...點好呢 !? 可能兔仔犯了害太歲所影響. 心情極差.
好羨慕你呀 ! 可以做網紅, 可以有人課金, 可以掌控生活節奏, 可以想去旅行就旅行.
我都好想向你學習, 我想1個人去日本做SPA , 嘆嘆風呂浴, 可以不用工作, 可以不為生活去煩惱.
笑......我都想放個 PAYME QR CODE 出來, 睇睇有無有心人課些金金給我. 快點教教我怎樣找外快秘訣.
在這同你側吓, 寫吓都放鬆了點.
雪
2023.01.04
2023年1月2日星期一
2023年1月1日星期日
Happy New Year 2023
Happy New Year - 2023 .
喂 ! 新年快樂呀 ! 先祝賀你人生有一個新的生活, 將會有更好助力, 更大的人際網絡, 更加健康的身體, 更加有成就感的工作. 最重要的是很高慶地知道你已準備好擁有更樂於助人心態.
新年就要快快樂樂, 與好朋友開懷地聚聚, 要出盡力大聲地笑. 更美好的明天在為你等候.
2023 年我祝願世界和平, 無有戰亂, 無有疫情. 人人也可以有幸福居所, 可以好好享受生活.
雪-2023.01.01
訂閱：
文章 (Atom)