雪- 旅遊集 ( 偽)
2021年1 月1日有好節目喎, 沒有得去境外旅遊, 他做領隊帶一班好友去訪訪石頭, 記住要主動報名參加呀 !
她問: 「 有無難度呀」 ! 「啱不啱我」?
這些活動對好日都不出閨門林妹妹呀 !? 一定有難度啦 !
天寒地凍去荒山野嶺 ??? 最恐怖是要站在懸崖邊拍照, 係就係好靚好宏偉景致. 我偷偷地話你知我睇片幻想自已站在石涯邊都在騰騰震呀 ! 唔知是今晚凍定是驚緊....中.
好啦 ! 俾你看看我驚懼的是什麼.... 但真的拍得很美, 天然岩石及風景太靚了. 可我沒法去就唯有睇片欣賞 !
今晚要倒數嗎 ! 笑........
88 LA... 2020 , 唔要你LA . 這個害人的疫症 2020 , 88 LA !
雪
2020.12.31
寒流襲港大褸可以出場啦 ! 好在買了枝衣物殺菌噴霧, 不用煩惱著完要馬上洗.
怕污濁著完就拿去洗衣店乾洗啦 !
最好就是你啦 ! ＷＯＲＫ FROM ＨＯＭＥ ， 自由工作時間， 哩在棉被內工作又溫暖又爽爆。
重可以著件睡衣開工都無人知 ？
又有貓咪陪用電腦。
記住著多件衫別冷親呀 ！
雪
２０２０．１２．２９
《安家》（英語：I Will Find You A Better Home）這套大陸劇有種日劇原素似的, 好清新感覺在看罷第一集之後, 呵 ! 原來是改編自《賣房子的女人》. 哎呀 ! 抄襲, 真是強國的強項.
這套劇主要圍繞是以房產中介工作, 顧客買房子中帶出不同故事, 男主角有一棵慈愛正義助人, 不愛爭功霸業心. 女主角風格手碗霸氣, 外表堅強性格.
假日隱匿在家煲了兩天, 也差不多看到最後幾集了. 這套《安家》可以看到上海房子, 可以看到中國人的陋習, 看到人性醜惡, 看到上海人也跟香港人一樣生活在陝窄的小房子, 也看到王上轉了時裝劇差點沒認得之前看過他另一套古裝劇. 也看到上海一些老洋房子內外.
劇入面男主角廚藝出色, 現時很多劇集在打造一個完美情人時男人須懂得為女生做飯 !
也許, 很多不一樣劇中情都是現實寫照, 媽媽重男輕女, 女兒是遙錢樹, 迫女兒上崗賺錢, 千方百計阻礙女兒上大學.
也有一對兒子及媳婦得到父母終身努力所得財富買下房子, 但最後父母連屋也不能進, 連住地方也沒有. .......
你有空就看一看啦 ! 都幾有新鮮感, 可以了解一下中國生活及人情細故.
雪
2020.12.28
We wish you a Merry Christmas, we wish you a merry christmas, we wish you a merry christmas and a Happy NEW Year.
哼返首聖誕歌, 哼返兩句最流行的. 2020年聖誕節好多人都選擇安在家中, 無法啦 ! 餐廳又二人限聚, 外出又高危.
不過, 我就選擇戴實口罩去商場向左行行又向右走走, 都好多人在商場及在餐廳飲飲食食.
始終是聖誕節[噹噹噹, 噹噹噹] 都希望沾沾節日喜慶氣氛, 主要想去商場買份聖誕禮物給自已, 主要想去看看聖誕裝飾.
2021 年還尚有幾天就到來, 困境會隨2020 一齊退下成為過去.
雪
2020.12.25
如果聖誕節, 沒有愛 ?
祝好友們聖誕節快樂, 祝大家聖誕節平安 !
陪陪這個寂寞朋友, 聖誕樹下打開禮物箱....
好失望, 無禮物 !?
俾心機睇到最後呀 !
如果, 聖誕節沒有愛就慘了點. 記著將愛傳遞給身邊人.
雪
2020.12.24 平安夜
唔 ! 你想錯了 !
我喜歡著制服的醫生, 護士, 飛機師, 大遊輪船長.......
但, 如果一定要我選一個代表排第一名, 我會選聖誕老人那件製服呀 ! 紅色衫我不嬲都很喜歡也情有獨鍾.
唔知, 明天有無人會扮扮聖老人來逗我歡顏呢 ?
扮聖誕老人一定要戴道具, 什麼呀 !? 你話呢 !?
當然是聖誕禮物啦 !
如果, 世界上真的有聖誕老人, 希望他在今年聖誕節送給世人最好防疫的方法, 讓肺炎能自然地消失就好啦 !
願主賜平安.
雪
2020.12.23
準備明天同家人做冬至呀 ! 人少少住得近就來吃盆菜, 純粹是她自己鐘意煮兩味.
個盆菜想整好耐啦 ! 因為某個難言原因.
她又想親自安排一個自家制的簡易版出給家人品嚐.
自已沒有訂過盆菜, 因為怕不合衛生. 天氣熱就更加容易出問題.
但見到好多朋友, 網友放出來相片實在很吸引, 今年盆菜供應商應該大收收旺場,
逆市中見署光.
提早一天, 炆定南乳豬手, 炆定蚝油花菇. 明天說可以大派用場了.
她的迷里盆菜內容 :
改版底盆...選了大蘿白, 豬皮, 日本蕃薯棄芋頭, 旺菜和支竹, 墊底.
盆面...........選花竹蝦, 急凍帶子,細罐的飽魚, 冬菇, 豬手, 年藕, 鴨脾, 雞髀, 西蘭花,白菜
1.
蝦乾煮蘿蔔同豬皮
2.
枝竹暖水浸軟
3.
旺菜洗淨切段
4.
蕃薯切細,用油煎香兩面
5.
西蘭花, 白菜飛水, 冷開水保翠綠
6.
貢丸, 魚蛋先行飛飛水
7.
雞脾, 鴨脾各一隻(在燒立飯店買現成即可)
找來一個合適不銹鋼盆, 將(1)放第一層, 將(2) 揸乾水放入, 將(3) 和
(4) 放上面, 唔好漏了放小丸子, 我這次就放了台灣貢丸.
之後再舖上少量旺菜及枝竹將表面舖平, 再將豬手圍邊可隨意放入自已喜歡的例如 : 鳳爪, [柔]魚…等,
唔好漏了放小丸子, 我這次就放了台灣貢丸. 之後, 舖上了量旺菜及枝竹將表面舖平.
之後, 可以參考網友盆菜圖片, 放上冬菇, 年藕, 鴨脾, 雞髀, 西蘭花,白菜,砌靚佢就得啦.
蝦同帶子就可以任意烹調.
醬汁是什麼 : 將炆冬菇蚝油汁, 豬手南乳汁, 鮑魚汁, 加少量熱滾水即可
盆底可放香芹和大蒜或加蔥, 不加也可.
雪
2020.12.20
2020.12.21
PS .....笑, 以為有四隻蝦在冰箱, 又以為有四隻飽魚一罐. 有人有得睇無得食.
，要在網上學習怎樣炆冬菇聖誕節快到了, 準備好禮物未呀 ? 大家, 想好了送什麼禮物給所愛人.
不聚會也可以用順豐快遞將禮物送上, 或者住得近就親手送上啦.
真係十萬分掃慶, 個個都變晒高危老人家一樣, 拒見面拒約會.
唯有電話問候, 唯有在電話同他們一齊 SING A SONG ........JINGLE BELLS.
唯有在電話中, 叮嚀他們, 天氣冷了 ! 要加衣, 要保重身體 !
叮嚀他們沒特別事就別出門, 家居門窗要關好.
提起加衣, 早前經過商店見到有件專門店羽絨有折扣, 就買了它作為送給阿哥聖誕禮物.
明天呢 ! 就見見好友主要是要帶她一點小禮物.
尚有你呀 ! 見你為了我盤構思中生意提出了這麼多意見, 所以要送件花恤衫給他. 花恤衫如蝦人著......唔知他會否喜歡呢 !?
雪
2020.12.19
昨晚發了個怪夢, 在進入大廈升降機出來後, 去到一個好陌生地方又好像似曾相識.
有一些殘舊低座樓宇, 有一些電影院.
她在尖沙咀附近? 前面有一個廣場又不太似尖沙咀.
在這個夢入面她迷路了, 她盪了去什麼地方.
夢入面傳來了遠處聲音, 這是1987年空間在這裡你會重遇一些人或事, 你可以再次跟她, 他在一起. 但妳不能回到現實, 你會失去2020年所有屬於妳的一切.
突然, 好驚恐好想快點再進入升降機, 希望走出來時候能夠回到現實.
在夢入面她愛他, 在現實中她有愛人.
笑容美只留在腦海, 我們注定最終要分開, 愛上過放不下更是無奈.
回到現實好好生活, 好好地愛身邊人, 珍惜緣份
雪
2020.12.16
女孩子說: 「你收線啦」 .
男孩子說: 「你收線啦」 .
女孩子說: 「你收線啦」 .
男孩子說: 「你收線啦」 .
最後, 你話是誰先收線 ? 是誰是覺得傾到悶要收線 ?
女孩子想著, 想著.....你試吓夠收我線, 實嬲爆爆呀 !? 男仔有無中陷阱呢?
而家難好多架啦, 而家時代變了....而家會面對面 WHATSAPP 視象上CHAT , 可以見到對方容貌上變化, 見到對方細微表情. 如果, 對方不專心或者掛住去做第二樣事情. 鏡頭底下就無所遁形, 真是有好處又有壞處.
你知啦 ! 好多男朋友同 小二, 小三傾電話會匿入廁所扮大便. 而家給對方見到匿埋玩電話一定有古怪. 想作反一腳踏幾條船都會難好多了...是嗎 !? 問你呀 ! 哈哈哈.
不過, 現在這個功能就可以一解相思之苦, 想見面隨時都可以, 點一點個屏幕就出現眼前將某個愛的人.
無時間分身見面, 車程遠怕去人多地方都無有怕, 可以視象上CHAT個飽, 可以隨時隨地見多幾面.
笑...去緊廁所你咪打來呀 !
或者, 要去廁所一定要先收線這回.
他說: 唔可以再偷偷地打電話給你....因為, 因為.
雪
2020.12.12
張敬軒演唱會2020, 你同我一齊睇, 同我一齊唱大聲唱. 一齊大聲叫.
好得意他件衫, 我喜歡軒仔架. 好慘呀 ! 佢......
寫食譜, 抓左頭好耐無想到呀 ！ 聽首歌先啦 ! 有拖無欠.
雪- 2020.12.10
俗稱 「做冬」。2020.12.01 無節目
2020.12.02 無節目
2020.12.03 無節目,
2020.12.04 回阿哥家
2020.12.05 去健身
2020.12.06 慶祝生日, 取消改去百佳上貨
2020.12.07 返工等放工, 同他晚餐
2020.12.08 放假半天......
2020.12.09 約閨蜜回家吃飯
2020.12.10 約保險AGENT 吃午飯
我本記事簿中日曆部份差不就用完啦 ! 找了很耐也未找到同款記事簿.
這本記事簿是舊年底在日本帶回來的. 寫了很多2020這歲月中重要事情, 夾集我這年幸福, 心痛快樂, 不快樂與歡笑. 本來想買本新的再抄回關於那段過去, 2020 年重要的...事兒.
好鄉理呀 ! 不利用手機上日曆及備忘錄去記事呀 !?
唔知, 可能因為太喜歡本記事簿啦 !
我終於決定自已畫上2021年度的1月至12月份的格仔日曆, 再貼上一些外太空和月亮貼紙作美化.
嘻嘻 !
這樣子不獨可以依舊續使用它又可省回些金錢. 最重要是可以同它日夕相對多一年時光.
你有無寫簡短日記習慣呀 !?
雪
2020.12.06
剛剛同叔叔傾計, 也記不起什麼原因說到了風水事情.
佢好似好有研究, 說了很多我聽不明的名過詞, 又話的知古人利用銅會發放正能量, 動土就發放負能量.
我無咩心機去聽, 但又要裝出認真聽著, 聽著......
唉 ! 風水都有興趣.
我就問他來年怎可以趨吉避空呀 !? 而家整個香港都行緊惡運 ?
佢話... 新年前也不要出門遠行, 不要穿全身黑衣服, 也不要流淚, 要多吃素 !
咁, 我要忍一忍不要看苦情戲了 !
趨吉, 可以吃個壽包, 吃隻紅蛋, 著多些色彩艷麗衣服.
真定假呀 !?
新年前一定唔會去旅行啦 !
敝, 好多黑色保暖衣, 咁著得嗎!?
好悶呀 ! 好眼困...
趕去夢中約會先.........同周公子談談情會開心點.
雪
2020.12.05
好久啦 ! 好多年啦 ! 每天每夜那個 OPPA 都會在夢中出現.
好久啦 ! 好多年啦 ! 每天每夜那個 OPPA 都會在夢中失約.
好久啦 ! 好多年啦 ! OPPA 他在夢中出現也只能見到他的背影, 聽見他的聲音卻再見不到他俊美容貌.
昨晚, 终於睇清楚他了...這麼多年過去, 幼稚少男臉孔增添了大男人成熟硬朗. 但深邃眼眸來來去去在都跟以前凝望時沒變的雪亮. 黑漆皮膚變成健康的閃亮古銅色. 略胖了點的身軀在粉紅、 黑、白、 灰格仔衫下依舊見到健碩痕跡.
閉上眼睛在這個夢入面, 她又怎捨得離開那個等了多年約會........
也終於在他的陪伴下, 熟睡了一整晚, 醉倒在夢中....享受那叮點溫柔.
難捨難分, 天一亮又要跟他分別.
下次要再見再看清楚一點.......那一個不該愛的人.
雪
2020.12.01
本來約好了姨媽為她慶祝生日, 但現在疫情又開始嚴峻正煩惱不知她想怎安排.
剛剛接受到她來電話指示來緊生日日子快到, 避免感染她說稍後才出來吃飯慶祝.
而家嚇壞兼驚怕所以唔出來住喎.......
好的 ! 好的 !
收到姨媽指示, 就不用面懵懵問她要取消還是延後好呢 !!!
在電話中, 姨媽還叮囑我天氣轉涼了, 工作忙也要煲些雪梨蘋果湯飲. 這段時間滋潤補養身體好重要.
如果真的無時間煲湯也要多點吃水果, 添加營養也可以為身體排毒.
姨媽有時候都幾關心我, 有時又會送我小禮物, 有時又會叮囑表哥來照顧幫忙.
有時候能得到長輩愛護是一種福氣. 千萬不要說長輩長氣不要怕她們重覆的說話.
整張網上圖片出來看看, 好似幾好......應該滾兩滾都飲得. 最衰無榨汁機在家.
南區好似無果汁店.
雪
2020.11.29
男人在醉與未醉時所說情話, 算不算數 ?
不定會不算數的.
星爺都話...男人情話是冧女生時說的話不可當真, 那是當年想逗逗女生, 應該沒有法律責任.
隨時也可以當作廢話呀 ! 噏吓又怎可以當真......
更何況是男人在酒醉中所說話呢 !?
那個男人在酒醉時候說了什麼呀 !?
佢話「活到八十歲持著木拐杖也要跟她在一起, 永遠照顧她愛她寵她」.
這算是男女間最動人情話嗎 !?
如果他最後辦不來有沒有法律責任呀 !? 可以追究嗎 !?
所以呢 !?
男人情話是不可以隨便當真. 但如果那時候妳曾經為這一次酒後吐真言而感動過, 喜歡過, 笑過, 愛過...滿足過. 不就是曾經擁有...?
「曾經有一份真摰的愛情放在我面前, 我沒有珍惜, 等我失去的時候我才後悔莫及, 人今世最痛苦的事莫過於此, 如果上天能夠給我一個再來一次機會, 我會對那個男孩說三個字 : 我愛你. 如果非要在這份愛上加上一個期限, 我希望是.......」.
一萬年...太假啦 !
愛了那個他幾耐...諗諗先再話你知.
雪
2020.11.29
冷冷清清地過生日, 翻開舊照片發現有一些朋友不再見面, 有一些又失去電話而失去聯繫, 又有一些因沒再一起工作而疏遠了, 有些人又遷移外地.....
而某個好友她很坦白地說要將工餘時間預留給新相識朋友, 去維繫新朋友情誼. 幹麼這麼坦白, 說句美麗謊言也省下來...真的對她失望了.
幸好, 我還有妳們/你們. 友情珍貴在於大家珍惜及呵護. 慶幸也感恩這些年來我身邊常伴有你們.
幸好, 某某與某某已提早幫我慶祝了. 避過了嚴峻疫情.
今年疫情影響暫時都是不要齊人歡聚啦 ! 生日年年都有, 吃飯逛街見面遲點再約啦 !
早早收到大家在FACEBOOK 留言祝賀, 又收到好友電話問好送上至誠祝福.
我已感到幸福滿滿, 兔仔又大一歲啦 ! 要賺多點錢錢, 要身體健康, 家人和朋友幸福快樂就是兔仔今年的生日願望.
雪
2020.11.22
表妹打電話問我想不想移民去加國, 我話無錢交學費. 她說想介紹小黑, 小黃, 小白...給我.
笑了 !
什麼呀 ! ?
原來在說: 「黑種人,黃種人, 白種人都想找香港女孩做好朋友」.
她們問我鐘意什麼類形男子.
這麼多人喜歡香港女生咩 !?
我...我已有固男朋友. 不可以為了移民去加國而亂識男生. 笑, 係想找外國人做男朋友就早幾年去安排啦. 唔啦 !
我唔捨得離開他, 雖然他拖住我好多年青春. 年華老去......
然後, 她說 : 「俾他們些樣子及資料給你看看先」.
之後, 我問她你無別的事同我說 ?
之後, 她說了.......11.22 快樂.
雪
2020.11.21
多謝你 ! 多謝你留言鼓勵, 就只有你知道我最真實地存在這個網路世界外, 只有你可以在真實世界找到我.
對了 ! 有你明白, 有你說不必深究那些是真, 那些是假. 我就無唔怕有其他人有所質疑了.
因為看不穿又猜不到, 才讓人喜歡到訪.
飽歷了情路上傷痛, 嚐過了甜蜜也品到了最酸最苦, 奈何卻偏偏要假惺惺作態 ?
忍暪這些是怕將傷心, 酸澀, 苦楚心情在網上傳染給你.
我的一切全都儲存在這裹, 如果你讀懂或誤解. 你乾脆當我在寫她和他的故事.
真係, 無必要去考究是真定假, 他是虛擬出來男主角 ?
有時候, 連身邊人也不相信她會這麼愛他, 又說這個他打造展現得太美好.
喂....今日已經是11月18日啦 ! 提提你好準備囉啵. 如果, 如果........ 就一定嬲你. 一定不放過你呀 !
雪
2020.11.18日
一個不屬于真正的自已, 如果有人話這個網誌有很虛假故事, 騙人情節, 抄襲內容 ?
其實每字每句都包含著自已每段人生路中情感, 有一些是昨日的, 有一些是N 年前的, 又有一些是未出現的夢想, 也有一些是別人故事.
在安靜夜空那裹我寫了我曾經所愛過人, 在這裡聽我愛歌.....聽他喜歡歌.
你呢 ? 你會喜歡我為你選歌曲嗎 !?
你會同我所喜歡的一樣嗎 !?
還想問問......你也會認為我在寫虛假故事嗎 !? 在這出現一個不屬于真正自已......
或者, 你覺得她跟十年前不再一樣, 喜歡笑時候會笑得燦爛, 想淚時候又會同你說哭濕了很多薄荷味紙巾.
現在 , 可能真的很忘. 是累到沒有時間去笑和哭......
今日, 發現了...說我這裡是包涵了虛假資料喎....
我只可以說 JESSICA 在現實世界是存在的.
雪
2020.11.17
今日同 JESSICA 一齊, 她跳芭蕾舞給我看, 她又教我玩BARBIE 的遊戲GAME...Hide'N Seek .
她要我選一動物去玩...我擇了猴子.
然後, 她說: 「猴子好水皮好容易俾別人捉到, 然後她說兔仔最聰明多數也會勝出遊戲, 捉人時候要跟著小腳印」.
好犀利娃兒幾時有新GAME DOWN LOAD 也一清二楚. 然後, 她問我是什麼生肖. 我話是兔兔囉, 然後她 「攝,攝, 攝」發出蛇叫聲, 一雙白滑小手放在嘴巴前開開合合地叫要吃了面前隻兔仔.
之後, 同哥哥和JESSICA 去飲茶. 茶後哥哥先行回家有事幹.
她又帶我去公園玩瀡滑梯,然後要跟我一齊玩. 佢迫我同她玩角式扮演...幸好遊樂場中只有我和她霸晒, 笑死人..... 叫她再跳芭蕾舞, 又話驚遠遠叔叔見到.
走, 我們走啦 ! 去OK 便利店買雪糕.
她說...暫時唔想吃雪糕, 一陣才去. 隔了一陣子又再提她去買雪糕, 她說玩多一分鐘.
邊行, 邊說...要玩多一分鐘, 我好忍心地拒絕她.
我要買雪糕先.
終於在玩具店前停下了, 給她選了份禮物, 她竟然買了雪櫃而我們就忘記了我們要去買雪糕.
是否, 每女孩子也喜歡 BARBIE ?
之後, 送了她回家, 快樂的一個星期日.
雪
2020.11.15
用15 分鐘 想一想有什麼同營幕前的你說.
講一講剛剛電視節目 ? 哈哈哈...幾好睇疫境廚神咩咩咩盛宴.
哎呀 ! 俾佢鬧呀 ! 自已又唔可以吃蟹又要睇, 佢話又要減肥唔食嘢重睇這些美食節目 !?
而家不阿爺又肥媽, 是因為好多人都無出街吃飯. 個個在家開飯煮兩味. 所以, 這些電視節目大賣旺場 !!
好多人都喜愛煮食物給身邊另一半.
做咩上面張相出來呀 !? 主要呢 係....有日我差點買了這個款的火爐回家. 當然, 想要的炭爐重要藝術過這張照片很多. 只是沒理由在家中燒炭......架.
等我搬到去村屋住有花園時就會帶它回家. 你又想買玩具 ?
笑....想吓姐, 發吓夢都得掛, 做人有時候有夢想會快樂點.
想想這些其實都幾快樂.
雪
2020.11.14
接二連三有人要轉贈我氣炸鍋, 第一時間好想要的, 因為近排社會上較新興流行的煮食用具, 以熱氣流加熱食物. 沒有想清楚就說好呀 ! 「 多謝」.
幸好 ! 過了30分鐘, 突然間醒起自已家人蒸,焗,爐不就是有熱風功能. 不就是常用來熱風烤酥脆餅食.
是不是無必要擺多一個器具在家中呀 !? 哎呀 ! 「我都是唔要啦」. 地方細好難再放多一個.
他....好失望, 我沒有收留他的氣炸鍋.
唔緊要啦 ! 我睇一睇有無朋友岩用, 或者幫你找人要, 有消息再通知你.
有時候, 買煮食用具就要想清楚, 睇清楚是否合適自已使用才好去擁有, 買了回來用一次就話要送俾人又浪費金錢, 又要煩去找到合適人, 真是有點難度.
家中都有一些輕巧炸爐, 榨汁攪拌豆漿機, 十人電飯煲, 電子燉盅....一放就擺了好幾年未有拿出來使用. 我又不捨得送給別人, 所以還是自已好好保全愛護.
嘻...我要對它們好一點, 得閒要拎它們出來灌灌熱油, 浸浸暖水, 嘆嘆飯香.
嘻...要約一大班嘩鬼好友才可以出動這些道具.
唔好學我, 別亂買廚具, 買時要想清楚, 不要胡亂購物......擺到一地都是廚具時就笑掉大牙.
我終於知道錯, 唔好學我.
雪
2020.11.12
好朋友帶湯俾我飲...豬骨煲黑豆, 果皮加片薑.
嘩, 真係好好味. 好香陳皮兼且是一碗很好香好濃湯, 好感思身邊有這一個她.
一邊呷著熱暖濃湯, 有種很溫暖感覺. 這碗湯有點似老豆以前煲的湯但又不是一樣樣.
好朋友就是互相關懷, 大家都用時間和愛心去經營彼此情誼.
每個人也有自已閏蜜, 自已好知己.
她永遠也不會將自已放第二位, 不會說出傷害好友自尊.
也不會只想著擴闊自己朋友圈而將你擺在朋友二號位置.
這個她有時候很多美麗謊言, 滿口甜言蜜語, 她最鐘意哄人笑. 一點也不怕嘔心肉麻, 做作.
但誰叫你自已明知道是假的也會被逗得樂上好幾天.
做你好友一號 ? 所以有靚湯飲嗎 !?
有你對我好. 快樂了 ! 忘了勞累生活.
佢話碗湯好滋補, 驅風去濕...咩咁 ? 是幾廿歲老人家飲湯水的嗎 !?
她笑了 !
下次整龍蝦湯或者海虎翅放出來都潮一點毫一點.
雪
