傲雪她是獨生女

 

可能傲雪她是獨生女關係, 從不喜歡孤單一個人.  

喜歡熱熱鬧鬧, 喜歡好多人一起聚首日子.  

喜歡同朋友知已無所不談, 經常結伴玩到通宵達旦.  也喜歡同豬朋好友一齊高談闊論. 細聲講大聲笑才是她最真, 最喜歡的自已.  

午輕時候好多時只顧玩樂, 悠長一晚很快就過去了, 天已漸明也不願離去. 撐著疲憊身軀去上班也無礙.  因為,  傲雪她喜歡同他們一起渡過這樣的快樂日子. 

傲雪, 真係好懶玩, 特別喜歡拉著博文哥哥要他陪了好多個的一整晚.  天南地北無所不談.  拉著博文哥哥要聽他的初戀故事, 要了解他青蔥歲月兒時生活. 這些都是多年前的事了. 

傲雪現在工作比較忙, 是慶幸在這段生活動盪時候, 卓越偵探社仍有很多工作接. 

這是要多得到做廣告傳媒朋友大隻輝的介紹,  多了很多 CASE 受人妥托要去調查.   

最近她在協助偵查網絡騙案, 也追查緊一個富二代男生是否做著一些非法勾當, 也追查一個失蹤胖胖男孩子.   幾單案搞到喘不過氣, 又適逢虎年將至, 公司同事也因為假日氣氛而沒有積極投入工作.  所以, 幾件案件也就這樣膠著了沒有大進展.  

傲雪今晚收到好朋友送來的兩個精美蘿蔔糕,    想著一個人怎吃到這麼大個肥膩糕點.    

 唔...打電話給博文哥哥.  喂 ! 在嗎?    我在你公司附近... 有禮物好想送給你. 

傲雪, 自已也想放放假見一見最喜歡的博文哥哥. 

這是, 我們的故事.    

雪

2021.01.30

蘿蔔糕 (正常版本)

 

往年都有整些蘿蔔糕送給親朋好友, 最主要是阿哥, 表哥同姨母喜歡吃, 還有是我自已都很喜歡.  

往年多數弄健康版, 因為現代人物質大豐盛都怕了太油脂豐富臘肉和臘腸.  

但因為某人關係, 今年就為他破例做個豐富點的肥膩版本蘿蔔糕  (正常版本) . 

跟網上教學短片做都是差不多...... 

材料 (兩底分量) :

1)  六斤蘿蔔, 

2) 半包沾米粉 + 兩湯匙澄麵+ 3 湯匙鷹粟粉

3) 臘肉半條, 臘腸兩孖, 蝦米四兩, 乾貝仔二兩, 鮑魚仔一隻 ( 可用可不用)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

烹煮方法:

Ａ）燒熱鑊，放蔥白 （切粒) 炒香蝦米，乾貝，臘肉， 臘腸 (順序放) 

之後。。。 

Ｂ） 再加少量油先炒切大舊點蘿白， 再放入蘿白絲， 加入蝦米水， 乾貝水。  煮約十二，三分鐘。 

之後。。。

加 入 Ａ），再加調味，鹽一茶匙， 糖二茶匙， 芝麻油二茶匙， 胡椒粉隨量

之後。。。

開粉漿， 留意如果Ｂ）有很多水要攞起備用。放涼後用來開粉漿。 不足可加水。 之後， 將粉漿倒入混合好的A +  B）之內搞均勻。 如果發現未能出現黏稠狀態，可開細火快搞裝至呈黏稠狀態。 關火後再剷糕上盆。  

之後。。。 

要裝腔作勢在糕面鋪上炒香的蝦米，乾貝，臘肉， 臘腸。  在正中央放上罐頭鮑魚一大隻。 

嘩 ！ 蒸熟時候會聞好香鮑魚味。  

阿雪心得， 想蘿蔔糕做得好味。 臘肉， 臘腸一定要買到正貨，近排好出名咩記些臘肉， 臘腸真係神仙也難變得好食。 

臘肉， 臘腸都是用香港產品好， 香港製造的正。 

嘻嘻, 留意開我寫網誌應該知道那兒有好味 臘肉， 臘腸賣。

雪

2021.01.29

PS...有些朋友連沾米粉也要選特定牌子, 我就沒有這麼高要求了。

 

她和他....有沒有然後

 感動是一件很容易的小事 !

那只是一種很簡單愛的方式,
傻傻幾個字簡短的句子,就讓我開始又想念你的樣子,
無聊的我無聊的看著電視,他們都承諾會在一起一輩子
過眼幾個字熟悉的句子,
我情不自禁的做了你的影子.

然後呢 ? 怎麼了?承諾呢?都忘了? 
有些愛情終究會面對選擇 !!!
就算是真的難過;真的失落; 真的不捨
還是可以假裝一切都沒事的. 

然後呢 ? 怎麼了?承諾呢?都忘了? 


愛過的痕跡就在手心裡住著..............

愛過的痕跡就在你心裡住著..............

然後呢 !? 她和他....有沒有然後 ? 

愛情這個話題總會勾起女生很多暇想, 他笑她幹麼這麼多幻想? 

倒數

 

剛剛呀 ! 差一點上不到來呀 ! 斷線呀 ! 嚇 C 我啦, 不知是否被壞人入侵了.   

剛剛呀 ! 又上到來, 馬上掃一掃 Microsoft Defender , 幸好沒中毒.

倒數最後一天啦 ! 返埋明天就自已提早收爐啦 ! 

今天快快手手做了桌面大清潔, 慶幸沒被迫去留堂工作. 

要快快樂樂迎接嶄新一年, 來年希望工作順順利利, 也希望得到財神關照.  

哈哈 ! 我貼了個財神在面前, 可以時時刻刻都同他近距離接觸.  

嘩 ! 財貼上一天, 我就財星高照. 甩了隻股仔賺了好幾仟元.  

預你們新年快樂, 平安健康, 幸福快樂..... 順順利利, 沒煩惱事.  

我......仍希望手頭上大匣蟹要鬆磅, 香港股市來年要長升長有呀 !  

祝大家身體健康. 

雪

2021.01.26

驚拋飯碗, 想拒絕無償加班

• 1月26日
  (星期三)

  
  18 | 20℃

  75-90%

   

  低
• 1月27日
  (星期四)

  
  18 | 21℃

  75-90%

   

  低
• 1月28日
  (星期五)

  
  18 | 21℃

  75-95%

   

  低
• 1月29日
  (星期六)

  
  16 | 20℃

  65-95%

   

  低
• 1月30日
  (星期日)

  
  12 | 16℃

  60-85%

   

  低

星期日得翻12度, 嘩 !! 落雪一樣咁凍.   其實今日晚了點收工時也很凍, 天氣驟然冷了幾度.   

幸好 ! 早早有人提醒而多帶了厚外衣, 也帶了頸巾才可頂得住冷颼颼寒風細雨. 

公司裁了人員, 年尾要加班趕工 !  驚拋飯碗, 想拒絕無償加班也不感 ! 算啦 ! 返正都無街去又無拖拍.  回家都是自已一個人吃雙拼燒味飯.   

係公司加班有老大請吃意大利薄餅.  也算有個人陪吃晚飯. 

快 ! 快 ! 快 ! 做好工作提早放假過新年假啦 ! 

雪

2021.01.25

香味泡浴, 在家自制風呂

 

天氣有點凍凍,  戲院又關門.  食店又不許堂食. 

一句講晒出街又怕染疫.  留在家中有什麼好節目可以消磨時間呢 !? 

唔唔, 吾就想學日本人弄個海鹽及香味泡浴, 在家自制風呂, 撥一些時間出來好好享受浸浴.  

當我們在現實生活中壓迫力大增時候, 將浴缸放滿熱水再放入帶花香(玫瑰花, 小丁香, 草本植物)的入浴劑, 馬上就可以在家好好享受片刻鬆弛, 在家好好享受熱熱水, 為身軀消除疲憊.  

現在沒辦法去日本浸溫泉, 為有去買定一些靚靚浴室用品.  在家都可以嘆吓.  

雪

2022.01.24

你願意交出溫柔嗎 ?

 

「你不喜歡自己的時候，讓我喜歡你吧！」

世界從來沒有很溫柔? 所以就讓我們溫柔對待自己！

明白世界並不公平，也不是對每一個人也溫柔以待；不是別人口中的天才，想要得到的，從來不是伸手或是輕易的得到，所以每天默默努力將想要的拿到手。付出與努力不是白費，只是有時候在埋頭苦幹的一刻有點累，累到有點不太喜歡笨笨的自己。

我們都需要一個出口，讓文字成為心靈的寄托，今天就好好休息一下吧～

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

應該怎樣去交換溫柔? 溫柔可以交換....? 

溫柔待人但第三者會很不爽.  她以為他會懂, 剩下太多沒有說出口, 明明是想靠近, 卻孤孤單單用距離去封鎖自已. 直到失去了才後悔沒有交出她的溫柔. 

有時候男生總是喜歡女生大鑼打鼓說出口, 糾纏迫她將溫柔沒吝惜地播送. 事實她也很想, 很想要用盡氣力去抱緊他, 又話要溫柔? 點用力?  

能活著就別分手, 她用溫柔去抱緊他愛的夢! 

能活著就別分手, 站在瀑雨中漫遊, 珍惜他的溫柔, 珍惜他所有. 

在最寂寞時候有人想同你交換溫柔, 你願意交出溫柔嗎 !? 

說到最後, 她說她不懂怎樣能成為溫柔的她. 莫非世界真的從來沒有很溫柔?

有時間就去聽聽「 交換溫柔」, 真係好好聽, 歌詞很美.  

雪

2021.01.23

有彩金分到

 

今晚開六合彩我有彩金分到.  同朋友夾份他選中了三個膽, 我呢 ! 一個都擇不中.  如果, 我能夠選中個字就發達了.  

佢擇中11 號同 10號 和 30號.  

覺得自已真是很無用竟然一個字都擇不中.  

阿四的夢想就是這樣破滅了 ! 我的夢醒了.  

阿四明天仍需努力.  

雪

2021.01.20

如果呢一刻世界末日

 這個世紀有種不一樣感覺, 地球好危險.  

現在豬流感就是小兒科了, 而OMICRON 變種病毒變到易於空氣傳播,  各區這兩天就出現很多地方有確診個案了. 是不是地球就快不合適人類居住, 是否要移去火星居住 ? 

當前, 疫情下人人自危, 聞到疫情嚴峻...就趕去超市搶米, 搶出前一丁麵, 再去搶多幾條紙巾 ?

你搶了沒有? 有沒有怕了而日日吃外賣飯盒? 

我們現在就最怕成為電視新聞中確診主角.  如果朋友約吃飯就關帳封鎖, 拔電話線避開居住在確診者附近好友.  

有時候花了點時間去想, 是否世界沒日真的在22年來臨 ?

如果如果呢一刻世界末日

我只可以打一通電話

我會打比一個我從來鼓唔起勇氣打比渠慨人

將我心裏面想講慨嘢全部講哂出嚟

因爲我唔想自己後悔

明晨　天將會塌下來吧

突然你我愛的一切未曾愛够已火化

傳聞　的審判馬上來吧

面前有數百種講法　難分真假

這末日理論像提我過得好嗎 ? 

"喂無論如何我都唔會放棄"

雪

2021.01.19

 

今年BONUS 已成泡影啦 !

 

今年BONUS 已成泡影啦 ! 熊仔你就好啦...無入錯行, 公司老闆又是大善人在疫景還能康概解囊, 派1.3個月花紅, 點解會俾點數位? 

唔理咁多你要請兔仔吃好的, 吃令兔仔吃上隱的雞扒意粉.  熊仔你要愛就要及時, 兔仔無錢開飯呀 ! 

等熊仔照顧. USE YOUR  BONUS LA ....... \\

好羨慕熊仔有薪加又有BONUS. 

無無聊聊, 亂寫一頁.  

唔好殺兔仔呀 ! 兔仔是無辜架.  

雪

2021.01.18

一個很美麗回憶

 

眨一眨眼疫情就過了兩年時間了.   算是有點好運在疫情前去了一趟日本,  逛了很多地方那是一個很輕鬆又愉快旅程.  

想起都好開心, 有一個很美麗回憶.  本來計劃好下一個地點會去韓國, 去吃活生生八爪魚, 又想吃韓牛燒但沒得去囉,  沒多久就出現疫情了. 

而家困在香港就更加想可以出門, 可以台灣也不錯, 再去多一次日本, 一定要住溫泉酒店, 喂食貓想吃溫泉蛋, 想吃日本壽司, 炙燒蝦, 爐燒扇殼, 關東煮, 天婦蘿...上次在日本旅行時遇上肚痾, 錯過了日本美食.  

現在香港晚上禁止堂食,  搞到我心養養地掛住那些美食.  

希望快點疫情減退, 希望人人都有啖好食, 食店不用無生意, 人人有工開. 

大家可以開開心心過新年...一於中午去吃好的.  

雪

2021.01.17 

毛公仔要做大清潔

 

在很久, 很久以前某一新年, 媽媽將細細個的我打扮成一個小可愛, 穿著一淺粉紅色旗袍露出一節節蘿蔔一樣小腿, 斜揹著超可愛的比卡超小手袋,   大搖大擺在大街小巷穿梭, 吸引了很多人高聲呼叫.  

也許, 是原從這個比卡超開始, 我從小就愛上了那些可愛又趣緻毛公仔. 

這款外型的小柴犬就教我一見著迷,  縱使未能飼養一隻有血有肉的真柴犬也可予補心靈上缺失.  

新年, 我要新年禮物.  敲詐阿表哥叫他幫我找一找可以在那裡買得到它 ?  也許, 他會帶它來送給我呢 !?  其實, 我一直喜歡小動物只是... 

新年啦 ! 明天要幫家中的一堆毛公仔做大清潔殺毒,  但又怕窗外會空氣垂直傳播, 將它們掛在窗外, 怕它們會染病毒, 真的很茅盾...清潔定別清潔好呢 !? 

我未開始大掃除呀 !  

雪

2021.01.15

 

億元彩票美夢

 

你買左未, 妳買左未?  我買啦 ! 我買了兩注.  買了下一期 MARK SIX.  

買完就想想億元彩票美夢啦 ! 中了億元會怎樣去過美好生活 ? 

第一件事, 當然辭工補返個月給顧主, 無鞋挽屐快快離開我監房.  想一想都好開心, 日日唔洗返工就唔洗戴兩個口罩出去拼駁啦 ! 

第二件事, 去日本或台灣買返層細細地平房,  第時疫情減退後,  我就住四個月日本又住四個月台灣, 香港就間中回來, 剩低日子四圍去流浪.  

第三件事, 當然都要在香港買返層樓, 要有一個四五百尺的小花園, 一房一廳也好了. 笑...或買大間一點, 可以開CHRISTMAS , NEW YEAR PARTY. 

第四件事,  俾返幾百萬給阿哥, 等佢都要可以退休悠悠閒地生活.  

第五件事,  送件手飾, 請吃飯給姨媽, 買隻錶買架車俾表哥.......方便他得閒來車我. 

第六件事,  買架車車俾自已.  表哥唔車我, 我可以自已車自已. 

第七件事,  買多間屋在南區, 我驚住唔慣新界地方, 又驚屯門空氣差, 會引發敏感出現.  

要數多幾樣湊足十件事...原來, 我發了達也沒有什麼大理想.  

第八件事,  或者....或者........ 買個匣萬, 買返一埋黃甘甘的金元寶, 放在家中旺旺. 

第九件事,  買一屋毛公仔, 圓圓我兒時夢. 

第十件事,  送返十份二彩金俾阿某某, 與他一齊共富貴,  咁遲才想到他 ???? 

唔好俾太多知我發了達.  

嘻嘻....

雪

2021.01.13

 

整蘿蔔糕送朋友

 

神經病架 !  迫人幫他整蘿蔔糕送朋友, 數數手指要整 5 底給他朋友, 一底俾佢自已, 一底俾佢細佬.  

無理由整咁多唔整俾自已親人, 阿哥同姪仔, 阿妹.  

加加埋埋要整十幾底蘿蔔糕, 唔好玩我啦 ! 疫情期間重要搞咁多嘢. 

出古蠱啦 ! 買些細盒, 超細盒一底.  

好煩, 佢話已應承了朋友 . 

好煩, 疫情爆發唔想出街去買靚臘肉和臘腸.  

好煩,  點拎呀 ! 要用好多斤蘿蔔.  

好煩,  刨蘿蔔都刨到手軟. 

好煩,  要成日在家看火.  

我在心內罵差緊佢................ SO TROUBLE 👎👎👎, 我要在這宣洩一點對他不滿情緒

好煩, 失手唔好食就最煩,  佢些朋友都好麻煩一些又話要多粉, 一些又話要多蘿蔔, 有一些又話要咸, 有一些又話要健康版.  

自已整一兩底富貴版 ???  諗緊點整俾阿哥的 ??? 

無煩啦 ! 網購蘿蔔糕送俾他就不用煩自已啦, 呵呵 ! 

睇吓到時心情好不好, 不煩就玩玩.  

雪

2021.01.12

 

要學識自已煮飯自己食

 

好啦 ! 今晚不用加班 LA  ! 可以準時收工, 希望可以日日都不用 OT.

人哋我啊 ! 放工後要扮施拉仔去市場買菜買肉煮飯仔架嗎.  阻住晒搞到我涯了好多外賣. 

雖然, 一個住但我喜歡吃自已做食物, 茶餐廳些碟頭飯好難食架.  

我又不是高富美, 怎可以晚晚去高級餐廳晚飯唔似那個高富帥.  

低死....而有錢都無地方開餐了.  要學識自已煮飯自己食........🙀

所以, 好運氣就能識到個廚藝高手才有好日子過. 

嘻嘻...我都好想識到懂煮飯男生, 識到個肯做家務男人, 更加想識到能賺錢容易男生, 最想是識到過十分遷就我, 愛我的男生.  哈哈 ! 想識個土豪....... 呀 ! 

喂, 喂, 喂...怎麼講到自已好似沒有男朋友一樣似的.  

因為...佢不會做家務, 廚藝又水皮, 又無水......只剩得十分遷就我, 愛唔愛就唔話你知啦 ! 

給你們一點想像空間. 

晚安啦 ! 我留點時間去追小說. 

雪

2021.01.12

 

 

入營的準備, 純粹笑話

 

無咩特別事我不去多人地方, 盡量不上館子開飯.  

哈哈 ! 我收到朋友叮囑 ! 佢話去餐廳, 酒樓吃飯撞岩有人確診, 自己就無啦啦變成接觸者, 隨時被政府拉去隔離在糟糕灣單獨困21日. 

斷水斷糧無電視, 無啖好食...... 

所以去吃飯, 免啦 ! 人多地方會有危險記得要即閃.  

乖乖地返工要帶飯啦 ! 唔好去同人撐枱腳啦 ! 

我在想...如果要入槽糕灣, 最緊要帶些什麼呀 !?  早前有朋友親戚就帶埋電腦, 枕頭, 被, 公仔麵和午餐肉.  入營的準備, 純粹笑話. 

我話帶多幾個杯麵.............

上網看一看, 嚇死我啦 ! 原來要帶好多電器用品, 要帶電飯煲又要帶拖把, 最緊要帶電話, 充電線. 

浴室用品........ 長假期使用, 二十一天呀. 

公司唔知要不要扣假呢 !  

如果, 同家人住是否一家困在一起呢 !?  

哎呀 ! 唔好再想啦 , 好驚呀 ! 

雪- 2021.01.10 

團年飯, 你有什麼新意呀 !?

 

本來追緊網上小說, 睇了幾集但遺失了條LINK , 找了半小時也找不回來.  今晚有什麼好話題? 

他呢 ! 笑....叫我寫感恩一詞.  

車...這不是我慣常口吻, 寫謝恩或跪安就差不多. 

呵呵 ! 暫不開玩笑....今晚腦內想緊無得外膳又要準備什麼好嘢食同家人慶團年呢 !? 

蟹....我就唔會買也不烹, 整得咁辛苦,卻沒有得吃...條氣點會順呀 ! 

澳洲龍蝦熱賣....

一於整龍蝦泡飯? 唔好呀 ! 炸隔夜飯好危險又容易失手.  

整龍蝦SALAD 就一定不會失手. 一於整燈燈地色的沙律. 

最主要是, 我自已鐘意吃. 

好不好, 整一桌子西菜?  考慮...ING. 

團年飯, 你有什麼新意呀 !? 

雪- 2021.01.06

封鎖來臨了

 

本來朋友話帶我去九龍灣活化工廈吃隱世多國菜, 嘆咖啡做的蛋糕甜品, 看一幅很美的大師名畫作品. 

亦都約了好友去大會堂美心嘆早茶吹水食蝦餃、燒賣、 咸水角.

也約了同學仔去銅鑼灣吃甜的班戟雪葩. 

難得約了人家出去打邊爐做團年飯.  係難得不用我去操勞這一頓晚飯. 

公司個年晚飯都要臨時取消, 慘慘豬了沒有得抽現金大獎. 

今日, 聽到新聞報道馬上悶聲不響了, 問題是疫情打擾了我們生活, 疫情會幾時完結呀 ? 

以上節目也看來要取消了因為封鎖來臨了, 又要自閉在家.  

也許, 多了點時間可以在家看看推理劇集, 聽聽舊歌, 看看YOUTUBE 教學短片. 

團年飯就自已準備, 千萬別要大封街市...... 煮飯買食材好辛苦架.  

趁疫情未擴散, 我要快點去買齊多些必需品.  

剛剛買了隻老虎仔, 好得意很可愛.  老板娘話要快點買遲點就無貨, 今年入貨不多.  

笑....生活真是有點難過在疫情之下, 希望快點回復平靜平安生活. 

雪

2022.01.05

 

好想吃蛋糕呀 !

 

似唔似俾人咬了一啖呀 !?  

你生日要請我吃最美味蛋糕.  這款朱古力蛋糕係我最喜歡的.  

可以同好友慶祝生日是不件很美滿樂事.  

記住唔漏了邀請我呀 ! 

我突然間, 好想吃蛋糕呀 ! 

CUP CAKE 都好. 

SNOW LAM～２０２２．０１．０４

喜愛著拒人千里

他說不相信我。 

我個樣子一點也不誠實， 我的樣子是喜歡騙人嗎 ！？ 

有時候能夠同新認識朋友交心， 可以一天一天地增進感情， 大家互相了解後又能夠可以欣賞對方是一件可喜事情。  

能夠找到一個知已一同行人生路絕對是一件可喜可賀的美事。 

但能否成為知已是要經過考驗，亦都很需要緣份， 也需要雙方一起努力， 更重要是我們有同一個方向， 有共同話題， 有你喜歡事而我又剛剛很喜愛的。 

一起時候要覺得時間過得很可愛， 在沒有防禦下將心底話坦誠相告。

現在， 還未到達能夠在他對前流淚，也未能夠將苦痛相告。所以，這段友情還要看看能否經得起時間考驗。 

也許， 天蠍座的我天性就愛著忽冷忽熱，間中會喜愛著拒人千里， 又善忌又抱著防禦心。

在現實世界中， 能當好友的也是經過時間考驗。 

不知道， 會否有人例外。。。你想蠍子又不怕受傷害嗎 ？   

雪

2022.01.03

  

免費樓宇天書

 

2022 年展望和目標. 

今時今日還可以有什麼展望 ? 目標要達至財富自由 ?  要在動盪社會, 疫情沒時間表退役的時日中去買樓成功? 

早幾日用ZOOM上了個網上課, 攞了本免費樓宇天書, 阿SIR 話學識點買樓隨時可以省返幾十萬喎. 

助人輕鬆置富.  唉 ! 今時今日怎會這樣容易買到樓, 一係有父幹重要唔怕大跌市. 

網上阿SIR 講了幾多利好因素, 通關後十四億人中1% 買樓就買晒香港D 樓喎, 又保正美國明年一定唔會加息, 重話花60萬就上到車, 還教導要問銀行借到盡, 有幾多借幾多就跌市都唔會輸. 聽完也差一點想買當借也要上到車呀 ! 

最後要俾多幾仟元再上精讀班才深入單對單度身教授, 帶埋同學去各區睇樓擇樓, 介紹專業財務公司給我們去借錢, 如果買得成樓重可以介紹裝修達人去協助設計, 翻新樓宇及安排出租一條龍服務, 聽落真係好貼身,好週到.  

考慮緊好唔好俾幾仟元去學學怎樣去實現我置業目標.  

但還是看看另外一些教人買樓方法 ?  有免費午餐教學課程給我去讀.  幾仟蚊對我來就說也不是一個小數目.  如果, 要買樓去作一個人生中最大投資都是要了解清楚多點好.  

其實, 係咪可以去運吉, 去找些地產代理帶睇樓睇多點做好準備, 上 YOUTUBE 看多一點有關樓宇知識.  

話時話, 為什麼阿SIR 講課中沒有提及樓宇將會下跌因素? 

1. 股市大跌 

2. 企業, 工廠倒閉, 失業率高企

3. 移民者急於吐現

4.  美國加息

5.  疫情嚴峻, 通關無望

6.  中央, 香港政策變動

7.   發展商劈價, 要錢唔要貨.  

這麼多壞因素, 又窮又膽小的我又怎會再去想這些不切實際目標. 

新一年新開始, 我只希望自已和身邊親人, 好友都能快樂地生活, 無憂無慮, 能生活安好, 能在2022年得償所願, 美夢成真.  

雪

2022.01.02