2016年的媽媽生日

2016年媽媽生日尚未及時慶祝, 因為她病倒嘔吐需臥在床休息, 醫生吩咐暫時只可吃流質食物. 奶類的食品可免則免了 ! 蛋糕都未食得呀 !!

大頭蝦我, 可能大記掛著她.  提早了一天回家相伴還問媽媽取利事.  我又怎會記錯呢 !?
生日當天, 肯定要補飛再陪伴她多一日. 

未有慶祝...因為哥哥們 !!!親友們 !!!  飛走晒...一個同妻女返中國大陸外家有喜慶, 有些又去了日本暢談, 姪女又去泰國, 有些又話公司忙.  時間就唔到.......

所以呢 ! 媽媽話最孝順的幾時都是我.  所以, 她也最寵愛我......

媽媽 !  我愛你.....先在這補充妳生日快樂, 身體健康, 笑逐顏開  .

等哥哥回來, 再同妳一起吃飯慶祝.  在我心中不管是母親節還是妳生日, 平常日子我都很記掛妳.  常常都想見多你一面陪你上茶樓, 行街購物.

雪 - 2016.07.31

構思阿寶故事

阿寶同嵐楓故事  ~

微創作故事，版權屬網主(我) 所擁有。
不得侵權抄襲, 敬請自重。

構思阿寶故事

2012年11月13日上午4:04公開累積瀏覽 23 5

 

你何年何月改名叫阿寶 ??  你不可以強行自已對號入座, 這是你人生路上的一段情, 說我寫故事以你做藍本。

硬說這是你和她故事 ?? 這些纏綿情節你那時有跟我說過咩 ??? 

要寫多一篇要阿寶失去愛人, 淚到聲嘶力蠍........要他放棄去愛其他女生, 要他33歲前都無拖拍.........得成功 !!!

嘩 ! 你好殘忍, 我唔制呀 !!!  我要他33歲前找到最愛女朋友...........

哈 ! 等我諗諗怎樣寫才不會被你誤會 !!!   我要跟你背道而馳......不過, 愛情故事通常都很相似.........

心情好番先寫啦 !! 或者, 寫好放倉底等在特別日子才當禮物送你啦 !!

好難啦 ! 俾你睇就得......但不可說是我送你的故事  !!! 

說真,  始終這才是我第一部,  散文式小說....(是不入流廣東話小說........ ) 但絕對是我自已最珍貴, 珍重的。 所以, 我會好好的去想, 然後好好的保存。

現在未有靈感, 我不想隨便亂作一通呀 !!!  到時, 你才看故事怎發展好吧 ???  然後, 話的知你喜歡不喜歡我寫的 ??

近日都好忙, 好興奮地忙於預祝生日節目。


雪 - 2012.11.14

無搞我啦 ! 拜托...

今日什麼也不說.  等我罵一罵個大叔先.  其大叔有種監人奶後手段, 我第一日識他就睇清他.

但......又係自已衰, 唔夠恨唔夠冷酷.  近排發現係我扮得好人多, 成日都俾人白使, 俾人點到團團轉. 

真係好離譜......

話說, 昨晚是一個對我來好重要日子, 縱然是有時間我本想沉思, 自已靜靜.

這個大叔來訊要取銀行聯係電話又話要好急, 要快...

好似是避騙徒喔了錢或個人資料似的, 就這樣給他花了我廿貼來來回回, 問問答答.
又上網幫他找熱線號. 一側完就十點......

今早就幫他打一個懷疑騙徒電話, 一聽就知好正常人家俾埋熱線聯絡號, 又說得出阿大叔昨天打過來了, 又俾埋員工証號碼.

最後, 花了十幾廿分鐘等熱線接駁, 也確認了是銀行支援部職員.....

又同他講回, 叫他以後有事就直接打銀行熱線, 又驚他俾人喔, 叮囑他不要對其他陌生人透露個人資料.

他回我 :  -

「明白, 我在電話時也沒有說什麼 ! 只是覺得奇異 ! 所以勞煩你查証一下 !

我做事一向小心謹憤, 主張預防勝於治療, 病中淺中醫.」

真係...大叔你無嘢呀 !   你無聊就自已找事做啦...唔走來戲弄我 !我即時無答佢, 心內講了幾句粗口..... .

這樣查一查, 講一講起碼花了我前前後後個幾鐘呀 !

下次...見到他的 wechat , 當睇不到會好一點.

重話要請我吃麵....唉 ! 無搞我啦 ! 拜托...

雪 - 2016.07.29

2016.07.28 想你,見到你笑...............

我知你想點, 你想知我在那兒返學 !?  你這麼聰明多麼的挑通眼媚...

我唔講明你都估到幾成啦 !  你唔好花錢去報名去撞我出來呀 !?

那兒, 好多學生你遇到我機會率是很渺茫, 我是不會主動跟你相認.

我轉了另一個較遠上學地點.

合適時候我會閃出來.  俾多些時間我好不好....

今晚又俾一個大叔煩住又要同一時間發訊多謝送嘢食給我好友.  寒酸幾句眨眨眼又十點.

所以, 愛情故事未打造好是有原因, 原因就是我係度忙緊, 談緊客套話.

得, 我會好好想一想, 寫篇有質量的網誌出來.

笑, 他說等好耐啦 ! 我...笑說我認為有有質量的早寫了也 POST 了 !

咁.....一個話未見, 一個話已寫....邊個對呢 ?  

雪 - 2016.07.26

  想你,見到你笑...............

真係怕了她

她明明坐底了又轉位走埋來, 問也不問我一聲, 襯住人專注地同隔離個男仔側緊 PROJECT 事, 攞我個手袋放到無雷公咁遠....喂 ! 我唔慣個手袋隔開我架...想坐我隔離同我講聲我自己嗱開俾你坐.

 痴線架 , 忍住忍住....「唔該俾返個手袋我 !」


妖  !  隔一個位有吉位. 洗唔洗坐咁埋呀 !

黏貼簿都未見過 ?  又要摸又要睇......你唔好阻我聽書啦 , 大姐.  真係怕了她. 

 雪 - 2016.07.25

會去游多兩轉.

係啦 ! 係啦 ! 一個月游八轉盡最快速度變回纖纖瘦瘦, 有回舊日影子的我.  

哈 ! 你呀 ! 見我放這麼多美食照片就知我好難瘦, 應允事遲遲辦不到. 

唔好嬲我啦 !  

唔好追我 ! 

唔好再俾壓力我 ! 

這段日子, 我真的有點壓力,  好多煩惱事一件又一件要我去處理.   但, 我又不懂怎樣同你分享, 又不想增加你沒必要的擔憂牽掛.   

每天嘻嘻哈哈的我同現實有些差別,  我時刻希望你會見到一個快樂又健康又美麗的我.   

哈 ! 咁...我有時間就會去游多兩轉.   

咁 ! 你也記住今日曾經應承及利誘我條件, 帶埋它出來.   

雪 - 2016.07.24

 

韓國石頭

港女煲我就不會買是真的, 我喜歡黑黑地廚具.  所以,家都是用生鐵鑊, 喜歡它易打理.
昨日, 有些兒沖動想買這個韓國石頭鍋, 貪佢傳熱外型又形仔.

不過, 他又抽我後腳...無幾耐前才說不會買廚房用具...咩爐都有.

我用來當碗沒想要放它上 GAS 爐慶烚烚...

得啦 !  他唔拎, 我都是說說想買.......大家都唔認真.

不過, 真係好重, 不過, 我想想地要.

中六合彩四個字就買兩個石石頭鍋.   不過, 我今日無買六合彩, 你又唔提提我.

雪 - 2016.07.22