韓國片~ 與神同行

這是一部韓國片, 男主角個樣傻傻的又呆呆的 !? 有點懷疑選角標準 !?

他說你一定沒看過我的野蠻女友 !? 係呀 ! 早幾年我無時間去追韓劇, 到現在才看過一兩套韓片.
這些韓片又幾 o岩我睇, 好耐未有過的激動.  

故事講英勇善良男主角金自鴻為救人時, 救命繩索燒斷了而意外死亡.  小女孩在他保護下在高空墮落也可安全地重投父母懷抱, 金自鴻就一命烏呼了, 就是這樣開始了地獄審判旅程, 場面好震撼, 劇情好催淚.

劇情說金自鴻是19年來第一位模範死者。為第 48 位貴人。 地獄使者要幫他辯護洗脫指證他生前罪狀，接受七七四十九天的審判。

轉世前可託夢給在世的人。他為了見年邁母親最後一面，金自鴻決心勇闖「背叛、暴力、不孝、殺戮、怠惰、欺騙、不義」七大地獄，與閻羅王終極對峙…

可憐喊濕了五張紙巾. 又唔幫人買個隱匿位置, 他笑左邊重喊得利害過我呀 !

寫影評真難倒了我, 不過信我啦 ! 真係好好看. 唔知落畫未呢 ! 

睇完套與神同行有點想看一看 [我的野蠻女友 ] !

雪
2018.01.31

「 賄選」條件

我係港島區選民

立法會補選於3月11日舉行, 今次補選主要是填補四人DQ 後所出現議席.  
真係勞民傷財, 又要再投票選過.  

選來選去都是得一個港島議席, 選贏了唔知會不會被再次奪去議席.  有時候睇得新聞多會覺得社會上公平與不公平, 正義與不正義怎樣去定.  香港是否只有做庄去話事 !? 

今次, 真的還未想到將會投票給誰.  

你這次有無意見, 有無想給我「 賄選」? 
開出代價條件 : 「  一份韓國烤A級靚牛就將我的一票交給你去話事」. 


要做助選團係要花點錢........

反正...民咩聯都有好多著數派.  但可怕我未夠老, 攞唔到呀 ! 

你諗到選那一位就私聊我.  解解背後政治理念如果候選人, 是真的有抱負又可幫到香港繁榮安定的話, 社會上民生轉好.

「 賄選」條件收平點跟上次一樣吃個早餐就幫你投給他/她.    

雪
2018.01.30

他發求寬恕聲頻

剛剛自已在幻想寫作情節. 

有時候, 自已在回憶曾經情節, 又有時候想著自已希望擁有情節, 又有時候想著要不是這樣是否情節會有變化 ?

這是我寫網誌時沒話題就砌多一點字而作出的舉動. 入翻我自已個腦先抓實那一點創作靈感. 

有咩靈感, 靈感是男朋友做錯事, 女朋友會怎樣情治他好呢!?

扮同他結領巾之後張他條領巾內用力收緊, 駁命拉實條領呔折騰他務求令他發求寬恕聲頻. 

等他, 要扮可憐求饒, 大呼透唔到氣了 !

哈哈!  哈哈! 我要你.......咩咩咩 ! 這裡留一點白等你們自已去想. 

嗱 ! 說到明這些是一邊打架又一邊笑, 要他甘願受刑被罸.

我怎會這麼殘忍去對我愛的男人, 在他臉前要學做小女人.  


以上純屬虛構, 如有類同實屬巧合.

雪
2018.01.29

真的累到爆呀 !

真的累到爆呀 ! 手軟腳軟 !  幹麼 ?  要來我窩居做團年. 

哎 ! 本想陪 HONEY 去看戲. 早就選好了[大娛樂家] , 本想這天好好地陪在他身邊,
又要留時間做執屋? 今天,  咪就是洗抽油煙機又省省抺抺黑濃石油氣爐.


也不是完全為了他們, 主因是早排太忙令到家不潔淨了 !

對不起, 套戲可能快落幕, 要是睇不到他一定很失望. 我重失望呀 !  

好想俾條鑰鎖匙給他, 叫他幫手整定飯菜, 洗洗切切都好呀 ! 笑....

佢肯唔肯?

其實, 近新年這段日子各自忙得不可開交, 他比我還要忙好多, 所以連一套戲時間我們也難夾得來. 

還奢望他會幫手整定飯菜, 洗洗切切都好 !?  笑....只是在這同你說說笑話.  

寫完這篇網誌我馬上跟黑夜相擁, 或者攤在床上看看你們留言. 


真的累了 !

雪
2018.01.28

眼光光等睡魔呼喚

剛剛是晚上 2 :15am , 剛剛是 2: 20am ,  剛剛是 2: 40am ,  剛剛是 3 : 10am,
剛剛是深更半夜 3 : 30am....眼光光等睡魔呼喚, 我明白這種想睡又瞓不到苦況. 

係咪屋外光線太刺眼呀 !  早就叫你落佈廉睡啦 !

唔關事!?  

咁就唔好掛住玩電腦又愛半夜打GAME 過了應睡時間就會瞓著, 很正常. 

好在他白天才找我說著, 說著. 
求求他半夜瞓不著時千萬不要嘈醒我玩雙打, 我同你是不同班數, 你同我打你會好悶...

他在奸笑呀 ! 

如果, 如果 !  以後失眠時候. 吞舌吐吐地...

說就是以上這個原因, 可憐這個無眠人同我玩一陣, 玩幾舖就有睡意.

好過吃安眠藥. 

唔係掛. 

最基本可用對策就是關電話瞓以策萬全.

雪
2018.01.27

1 月26日~ 生日快樂

其實一直以來我都覺得他仍在網上. 不過, 就是沒有回應是隱身了 ! 但不管他存在還是已轉了另外一個身份. 我依然想同他道一句 [ 生日快樂] !

每個人都有自已原因離開這個虛擬網上世界或者隨時隨地轉個身份, 用另一個容貌去結識新的朋友.   多謝他曾經陪在身邊日子, 多謝他私密教我很多,分享了很多我不懂事也多謝他送我他寫的文章, 相片.

或者, 他正忙於大展鴻圖為現實拼博. 又或者忙於蜜運. 

在那時候, 那個時段........

是我同他秘密唔可以在這明目張膽地說出來, 我怕另一個他和他同她會呷醋.  說我為什麼要好偏心又在幫他特別出一個網誌.  

因為, 我真的希望他在仍在網上世界, 我又可以在這兒見到他.  

其實, 我都希望妳又希望你也在.  舊網友再聚首一堂.  

或者, 如果來有日我收埋自已不見人也沒上來, 唔知你們又會否記掛我啦 ! ?  

2018年1月26日是誰日生呀 !   祝福 事事如意, 四季平安 ! 

雪~ 
2018.01.26

隨拍魚毛仔

廚房隨拍, 幾條魚毛仔又拍一拍, 傻傻地拍牠未劏時個樣, 一陣又拍牠洗乾淨排好的樣. 一邊劏魚一邊拍照, 你想想這情景是否很可笑...呵呵!                                

笑, 拍了張蒸熟了配碗白米飯樣子相.

當然是第一時間傳俾某某看. 邊個阿某某... ? 

有時候, 生活就是這樣無聊但慶幸有你陪我傻又肯給我時間又願意陪我玩. 

在南區上班就很易撞到朋友, 他剛有大收獲隨口說送幾尾海魚給我.  叫我幫他 KO 幾條但魚毛仔就細了點問我岩唔岩吃 !  我當然吾區啦 !

不知幾鐘意, 也許多晚沒做飯.  今晚, 有魚飯吃真開心了 ! 而包租婆又打了一大碗羅漢果煲靚湯.  真係有種好滿足感覺.

早兩年就想去學攝影但一直沒付諸行動, 見到朋友, 網友的相擺出來的都很靚又有藝術感. 好在他們/她們沒有笑我放些不入流生活照片, 坐車又拍... 

早兩日說那一張, 真的一放出來就笑大人個口.

雪
2018.01.25