醉雞翼

由於是冷盆食品又方便又快捷 , 好幾次參加朋友派對女生也愛弄「杞子醉雞翼」。

笑...其實, 她們廚藝真係很捧。 看她們做蛋糕, 整 CUP CAKE , 放出來食物相片真的好吸引似足藝術品一樣漂亮.  終於, 在派對嚐到朋友的做「醉半骨」滋味。  真係有點期望大失望也大......是好平凡味道。 也許, 是其他食物較濃味 ? 又或者是其他食物較出色, 可能食物太多......選擇多就有比較了而感覺不到當中美味 ! 一句係唔好味......

另一次派對, 到我的好姊妹要出手做同一樣的食物 。
我唔客氣啦 ! 無味, 無味又無咸味又無酒味. 喂 ! 點解要落杞子 ? 我笑笑口說著一串, 串串貢說話。

早幾日, 我手痕痕花了廿分鐘整了六隻醉雞翼, 測試一下自已廚藝有無天份 ? 沒有說謊的這是我人生第一次做的 「紹興酒醉雞翼」。  由於, 我自已覺得幾好味所以就將簡易食譜分享給你。

程序

     肥佬食譜或者是懶人食譜  :

1. 將水煮沸, 加入雞中翼轉慢火煮約10分鐘至熟, 取出浸凍開水至涼瀝乾。
2. 將雞中翼放入1樽李錦記醉雞汁中浸 1½小時, 倒去多餘汁液, 排好放在碟上即可享用。

程序

     雪雪食譜  :

材料       : 雞翼十至十五隻

香料       : 八角2-3隻, 適量花椒 , 一片細的桂皮 , 適量白胡椒

醉雞酒料: 紹興酒半碗 , 水一碗加黃糖 4 - 5 茶匙, 生蒜子適量 (不用煮同浸) 

     

1. 先將雞中翼解凍, 用鹽水或溫水浸泡將血水及凍氣迫出。 切底清洗在雞中翼後在中間位置刺一或二針, 先給半茶匙鹽略醃。
2. 燒沸一細鍋水, 放桂皮、八角、白胡椒，煮15分鐘。
3. 等香料水煮沸, 加入雞中翼轉慢火煮約8 分鐘, 再焗 5 分鐘熟, 取出浸凍冰水至涼瀝乾。
4. 將醉雞酒料做法, 放水煮滾下酒同糖即成。再放白胡椒及生蒜放涼待用。
5. 將雞中翼放入預先做好的醉雞酒料中,放入雪櫃半天可吃, 一天更入味 或者 其間中倒轉隻雞中翼放以便更入味。

夾雜著清甜、陳酒、辛辣、淡淡香料的醉雞完成了 ! 好幾個層次味道......著實不錯.
我相信整多兩次控制好火喉, 雞中翼淋滑多一點會更好.  這次糖味重了點所以可依據自已喜好控制鹽及糖份量.