合和旋轉自助餐 THE GRAND BUFFET

THE GRAND BUFFET

是位於灣仔合和中心62樓的旋轉自助餐 , 一邊嘆美食一邊欣賞迷人美麗香港景色, 想想也樂透了 !

去旅行時好多時會到當地旋轉餐廳吃飯賞美景.  想一想原來自已沒去過位於香港的自轉360度餐廳 !  要試一試啦 !

朋友提醒要早點訂位, 訂位時要早早揚言需坐窗口位置.

午餐每位HKD328 加 10% = HKD360.80 (一至五) , 包餐飲一杯, 可免費泊車.

時段: 12:00  至  2 :30PM

這是屬於我們的香港...........香港真係好靚.  在這樣環境下嘆國際美食, 浮生若夢, 珍惜美好.

其實全場坐滿人, 這照片是剛進場影.  要提早幾星期訂位呀 !

睇睇我吃了些什麼麼 : -

頭盤: 第一碟,  食碟青 BB加碎蛋沙律, 青瓜好新鮮又切得好薄, 好刀功呀 .

第二碟, 在壽司巴有肥美大墨魚刺生, 鮮三文魚刺生.  赤貝剌生, 鰹魚剌生.  樣樣也試齊, 最正是赤貝剌生好鮮甜.  朋友拿了煙燻三文魚, 不錯, 濃郁煙燻味但不太咸. 

第四碟, 仍是凍食海鮮....有東風螺, 蛤蜊, 下碟有長腳蟹腳和鉗, 鮮凍蝦. 青口我無吃不是我杯茶. 

下面那杯藍莓乳酪不太甜, 巧味道

開始食碟熱的,  雞蛋仔不太掂好硬又不熱, 應該預先做好放出來, 所以不要太早取來吃.  要等後一點時才取吃..就可食到現場即做的雞蛋仔.  其實也想吃格仔餅.   芒果糯米糍入面不是原粒芒果, 有點失望怪怪地的味道.  

來多一碗芽菜, 魚蛋, 大頭蝦喇沙湯底, 好滿足.  隔離位人兄開始笑我點解重食得落? 

這個魚翅餃同燒賣,每次限取兩籠, 好想食多一轉這款魚翅餃但要等即蒸又多人排隊而放棄了, 所以最後食了叮噹豆沙包. 

見他們在笑我大食, 就開始吃甜品,  這個是柚子雪芭配涼粉, 椰凍同蜜餞紅桑子.  

這個是紅沙包子富有中秋節特色食物似的? 好似吃緊剛剛蒸出籠月餅.  

他們還有很多美食不能盡錄, 有一些我都無法再放入肚子, 飽飽了.  

朋友吃了天婦蘿蝦, 我就取不到 ! 尚有一個專做印度食物檔子, 燒味部, 沙律區同不同的芝士, 甜品款式也很多呢 ! 絕對值得再試.....

雪-2019.08.30

成就幸福開始

一定要幸福快樂, 說好了永遠手牽手, 搭著博一起走漫漫長路, 說好了要陪她一起在海邊執貝殼登山數星星,  說好了一齊就不再分開....除了那個他/她走出來呼天搶地.

想也不準想呀 ! 破壞者出現呀 ........!

妳累了, 有他在背後支撐,  你悶了, 有她帶你去外遊....去流浪出走去另一個天空.....

你眼瞓有她沖最難飲黑咖啡.  你餓了, 有她送上掟死狗的曼頭.

[ 笑了。] .

難為了他吃完重要說 : [OK ! 接受到。] ; [食到落肚。]

願一年, 兩年, 三年,四年.....要一直牽手走到見白髮蒼蒼.

原來, 選擇同一個人走在一起, 不一定是因為對方很需要自已, 而是心裡很了解, 自已是很需要他.

這樣說: [一個承諾, 一個信念, 成就幸福開始。]

生命中有你才最重要和幸福.


雪
2019.08.29

狂風雷暴快到

今晚個天好紅, 是否天氣將大變關係.
好衰做咩整個楊柳要帶來幾陣狂風雷暴.
我預將了31/8 去慈山寺, 朋友話打風就改日再去啦.
等了好耐呀 !

唔唔....無得去啦.

雪
2019.08.28

, 

等了成個月

我愛香港.

自由寶貴, 爭取有理. 

     遇上危險, 自我保護, 

生命無價,  我愛香港. 

     香港生命, 靠你們啦 ! 

在FACEBOOK 再見.  

 

繁市中難得的寧靜

現在有很多地方入夜後就變得寂寥, 街上少了很多外來遊客. 中國自由行, 大陸人, 外國人也怕怕了 !

在繁市中難得的寧靜, 可以在平時的旺區鬧市看看燈光, 慢慢行行, 又不用迫位嘆美食趕頭二輪.

以前, 香港人已活在擠迫不甚的地方, 現在真的擠到不能再擠, 上下班地鐵要等一兩班是作等閒情況了 ! 現在少人來又話無生意...作消費者不錯呀 ! 無客, 有競爭才有進步.....

有人問我驚不驚這麼多人上街遊行.....我, 笑說少見多怪, 行年宵都是這樣迫迫吓.

有人話行到累了, 要找地方坐坐, 嘆嘆甜品美食.  有人話無力再行了要食個飽先.

這麼水皮 ? 朋友做SALES 日日行都無事啦 !

行得幾個鐘就叫生叫死.  又話平時跑幾多公里, 走慣路.  同女朋友 SHOPPING 就有氣無力.







好啦 ! 帶你去吃甜的, 找個舒服點地方坐坐啦.

笑 ! 行得好辛苦咩  ?

我應承你下次會主動俾錢,  你還可以拼命吃不用我客氣作為補償啦.

雪
2019.08.26

有人快樂但有人辛苦

過了去的星期一專登請了半天假, 因為他在星期六和星期日有重要事忙.  入會展駁殺點都要找個有氣有力的大隻仔幫手. 

其實, 在會展內沒有照相片呀 ! FACEBOOK 中那是唯一的一張了.

忙於在會場中尋找 [康寧] 這個牌子, 想看一看. 因有朋友推介...有很多副產品贈送. 但款式太不切實際, 排風口在後面, 鋼水材質十足十新年蒸蘿蔔糕盆的料子, 怎搞呀 ! 所以就要巡均整個買家電的會場去找我目標產品.

俾阿德輝開我玩笑說.....灣仔遊行飯餸中 👩 , 笑了 !

A5 肥牛沒有買呀 ! 太貴啦 ! 又話唔講又講........

買了一盒180元日本可生吃級別的帶子(1KG) , 即場折了盒不記得什麼牌子了, 買了100元  [醇黑麻油即食天然海浙], 幫公司買了十幾張月餅卷有抽獎, 拿了兩包冰皮及十包杏仁脆脆餅食和綠茶餅和曲奇餅( 勁大袋) ...又買了100元越南扎肉 (1KG) , 之後又買了很多日本飲品.  差點遺漏了還買了一些清仔新出麵食.  售賣員話暫時超市也很難買到的是新出產品...就這樣又買了點回家.

場內很多中式藥材湯水, 日本蜂蜜及梅酒, 即場吃雪糕, 韓國水果, 泰國的勁貴榴槤 , 有太多與別不同的攤檔. 行行...行行也快樂了, 是我.

看見太多人又太擠擁與及見到他拿得這麼辛苦, 我們在下午 5:00 前就決定離場.  有勞他運送物資回我家. 

買這些食材當然要搞個飯餸中, 中秋節快到將會弄些巧手菜出來.

雪
2019.08.24

星期六無節目

本來想寫多一篇食評再放去 OPEN RICE 自娛自樂.  但想深一層又好似給你們知道我好無聊.

他一定第一位跑出來說 [ YES]  !

他一定說:  [ 你真是很無聊] .

所以, 我暫時擱置了我想寫的早、 午餐食評.   暫時擱置了我扮[1級]食家想法.....

我想升里..........變[二級]食家才是我所想的. 

巡上巡落在自己往年網頁幾篇中去找寫作靈感,  找另類話題跟你們分享. 

免得人人也在談政治, 談開槍, 談TEAR GAS , 談中國腐敗, 談示威者破壞, 談遊行學生被人洗腦. 

談政治會教我不快樂, 越睇越心痛.  真是怕有一日警察同學生會出現大戰爆發. 

那天回了他說 : [ 不談政治, 煩了兩個多月了].

寫吓寫吓..........不談也在談說中..........

其實, 最主要是不跟他談, 話不投機幾句都嫌多.  就一句跟他就[不談政治好了].

一個黃絲同藍絲有什麼好說, 談落去都是吵架收場又何必呢 ! 要我說奉承的說話來認同你所想是我不情不願.  所以最好停止爭議, 大家封口為上策.

今天, 開爐了 ! 焗了蕃薯.  明天買包麵粉,  我要試試蒸曼頭.



雪

2019.08.23

限量版紫色. 好靚呀 !

送一本新食諳, 一隻隔熱手套, 一個地獄廚神陶瓷高溫焗盤, 一套四件日本陶瓷碗筷.  二年免費上門補養的售後服務.  前置式出煙通風口, 三層蒸焗內量大內籠, 不用使用蒸餾水. 一時間被它外型大副折扣優惠吸引了而帶回家.

嘻嘻, 它是個肥胖大體積的蒸焗爐,  今日送了上樓送上門了 !

上網就可看到它的樣子, 我買了限量版紫色.  好靚呀 !

假期可開爐同它剪彩, 諗諗點同他點玩我這個新幫手. 弄個千層椰汁糖年糕或者糖銀茸蒸雪梨.

諗諗先..........到時再說.

雪
2019.08.23

圈錯字

不知道是否隻眼精問題, 定是個腦有問題 ?  個腦是指個電腦同人腦 ? 

明明也有核對過寫的網誌才發放.  怎樣會出現錯字連篇. 

得啦 ! 得啦...........你不圈我些錯字, 好嗎  !?

知道啦 ! 多謝你指正我的錯字, 但也不需12點打來提醒我改正字.  我晨光咁早就要起身出門去上班. 

我的網友, 好友早已見怪不怪, 知我是無心之失, 知道我未校正就沖沖放出來公開. 

其實, 是有些______ , 我會加緊注意. 

真不知道個字怎寫,  又貪快才出現這些錯失. 

好衰用紅筆來改我的文字. 

四眼仔, 這麼有心情陪我玩.

他想在文字中找出我錯字為樂趣,   

我有懷疑是個電腦.....弄些錯字出來整蠱我才是最大陰謀在背後.


填充題 : 

其實, 是有些______ , 我會加緊注意.



雪
2019.08.22

為了擁有架車仔, 不惜一切買大量飲品

他有一個短期想實現的目標就是想買架車. 

而我就為了擁有車仔, 不惜一切幫他實現這個目標.  這架車仔司機當然以後預留給他去駕駛.

這架車又實用又美觀他應會很樂意當司機.  講一講他的好處, 它又不用泊位又不要俾牌費,  撞車都不會受傷被送入醫院.   最多倒瀉羅蟹跌到一地都是黃瓜和食得之物.    

   清算一吓在香港美食博覽會買了些什麼   ?  

1. 買了好多乳酸飲品, 果汁 (三大盒加唔知幾多盒細的, 我懶得去數...有人都系數一數, 細的約十三至16盒....)

• 

      ヨーグルッペ・もも・マンゴー・りんご×各６本　合計2４本セット

  2,600円～

2.  日本唔知邊度的帶子,  即場折了個盒.  所以寫不到出來.

為了保持私隱不全部寫出來, 免用你們笑我似陳師奶, 生活時就這樣平凡而簡單的.

雪
2019.08.21 

不會悔過的保本大計

現時社會動盪, 要睇多點財經新聞.  學翻點理財大計...現在就書寫下這個不會悔過的保本大計:

一)  以後去街都用他銀包的錢

二)  以後要買貴價物品就要看準時機, 選擇減價產品

三)  以後不可以胡亂購買奢侈品, 賣唔翻錢及不會升值的珠寶, 手提包不要再買

四)   平日開餐要食多幾日譚仔米線, 省得就省

五)  無事不逛街, 出街日帶一百元, 控制好銀包免得有錢在身就會犯罪, 買買買, 買買到大出血.


[以後] ...這一詞會有另一種意思,  想想也在笑.   [以後去街都用他銀包的錢] 係就好啦 !

[以後] 算不算是永遠的同意詞呢 ?

這是好一相情願在腦內的想法,  未經他的同在實踐起上來將會有點難度.

說認真的, 不知道未來會是怎樣, 會有很多小企業倒閉, 零售無生意裁員 !? 只希望, 混亂社會快點回復安寧和諧, 香港能變回昔日的擁有自由.

開源沒法就要節流啦 !

雪

2019.08.20

第一次光顧甘牌燒鵝

這間米芝蓮燒鵝聞名久而.  開張這麼多年今天才是第一次光顧.  因為, 每次假日路經也大排長龍人們擠滿而我又不想花長時間等候.

今天剛巧中午時段去灣仔遊行...笑是去美食展覽途經, 發現只有少量人數在等候. 這次還不入去嚐一口美食好似會對不起自已.

除了燒鵝還有很多燒味...乳豬, 油雞, 乳鴿, 還有一些疑似懷舊食物.   好啦 ! 入去叫碟鵝飯快靚正,  填一填肚再入美食博覽嚐小吃. 

中午時段有套餐供應....米芝蓮燒鵝套餐承惠七十二元免加一. 在灣仔區也不算貴了.  如果, 想豪點叫一個燒鵝上裝或下裝也是百零元就獨個兒可大飽口福.

飲品有咖啡, 茶, 例湯, 凍飲要加三元;   選了例湯是青紅蘿蔔陳皮煲豬肉,  淡淡陳皮香氣很濃陏肉味...正呀 ! 這碗例湯與茶餐廳是不相同的.

前菜一共有四款選擇, 手拍青瓜, 香醋黑木耳, 滷水豆腐和酸薑皮蛋任擇一款.  滷水豆腐好嫩滑而皮蛋爆晒花同在中環阿爺開間店差不多.  相信貨源是同一供應商. 酸梅醬酸甜味道正合我意.  碟飯都未吃完碟醬已點清光.

碟主角出場了 ! 沒有失望因為預了不可能有上髀 (吃髀要加四十) , 但有鵝胸肉也不錯而骨隙位是最入味肉也是最嫩的.  好耐沒有吃 [皮 ] 的我, 今日要破戒了, 嚐了一口難忍不禁再吃多一口又多一口, 因為, 微暖及香脆 的[鵝皮 ], 皮與皮之間黏著薄薄一層鵝脂, 甘香四溢外.....美味, 美味.  

真係要俾個讚, 記著 [ 甘牌燒鵝] . 

兩位人一共消費了HKD148  

雪

2019.08.19

C君- 農夫 完整版歌& 不完整歌詞

人期望有一天 這個世界充滿愛

人人如像天使 相親與相愛

人人期望有一天 這個世界充滿著愛

點解我會出世 有我呢個人

無人肯停停望個天點解冇星

點解咁多霓虹燈 媽媽仲話個社會黑暗

點解咁多問題 係咪因為一切係

大人夾埋一齊呃細路仔

成年人類世界 點解有d Kai Kai Kai

到某個時候你變埋 你不會再覺得怪 人人期望有一天 這個世界充滿愛

跟住個社會規則 第一為乜

人人如像天使 相親與相愛 人人期望有一天 這個世界充滿著愛 怕遺失 個第一 係咪一 樣迷失

成年人類世界 點解有d Kai Kai Kai

問題天天都多 等到我大個 點解今日我仲未答到喎 到某個時候你變埋 你不會再覺得怪

真係可以 重新開始

人越大越自大 個個變到串晒

點解天氣掉轉晒 如果 2019 可以重新開始, 可以.......

雪

2019.08.17

今日行程

今日行程

本來叫他陪我去會展買蒸焗爐, 順便去行行逛逛.  要他做苦力嗎  ! 

但他說要上班.  為了見他一面我今早去了尖沙咀陪他吃早餐, 肯德機...佢鐘意食.
但我就想飲早茶食籠蝦餃. 

 之後送了他去上班附近依依不捨, 今日要送人返工....... 

之後, 我自已就回家.  無無聊聊睇返[知否, 知否....] 早前沒看的一, 兩集無線外購片.  

拿起了本怪房子想看, 但又驚驚地. 倪匡著的.  我未打開呀 ! 不如你話我之這是本恐佈故事書嗎 !?  笑...我未睇呀. 

看完, 我會驚...我一個在家會胡思亂想的.  看唐小姐的清純愛情小說會更合適我

八月 SCHEDULE 未定好.  而家街上旺區又不想去, 免遇上不可預算意外. 天氣又要熱都是留家最舒服. 



雪
2019.08.17

阿爺年代的歌

估歌名, 他傳了一隻阿爺年代的歌給我聽.

好老套一點也不好聽.  重要走晒音我聽了一陣就想關機.  有點刺耳.

對不起, 我好老實不會隨便俸承別人, 你真係唔掂我就好難說出: [嘩 !  好好聽呀 ]  .

我將首歌轉發了給阿蘇老太,  我自已在上網好辛苦找出來的, 慢慢找出原唱者. 才轉給蘇老太. 
他傳過來的, 是他自己主唱, 自已彈奏鋼琴. 我驚蘇老太收到後會好失望.

聽著一首她年代的歌.  會怎樣呢.....

隨著歌聲音, 時光倒流回到年輕時聽著同一首歌時自已.  是否這樣呀 !

你聽祖兒歌, 她聽秀雯, 而她就聽千嬅的.  點解男生愛女生歌, 而女生就喜歡男生歌.

唉,  唔係啵.  他好似喜歡聽哥哥的歌.

我自已........樂壇中歌聲個個都鐘意, 有時也喜歡播播老歌.  有時又會聽城城的.  間中會聽返黎明你請不要來 .

找一隻新歌給你聽:

我追緊大陸劇呀 ! 知否, 知否.............

你估到歌名就送你咖啡一包.  真的.....

雪
2019.08.16

想將幸福相送

想播一首歌又沒找到合心意的.

想貼一段整餅, 整冰皮月餅又無意思.  因為, 我不會整冰皮月餅塊冰皮好難整感覺上. 

說了一年又過了一年都未有動力去整.  今年, 要是整到的話就可以送俾家人或送一些給同事. 

最驚擺了幾日, 硬過石頭就失禮 CCC 人了.

又要買模又要花大半日時, 又驚失手.  算把啦 !

都吃人送給自已的自家制月餅會更為幸福.  想將幸福相送.......不易為之.

如果, 有一日我學識整月餅,  就一隻有柯華田同朱古力做餡的傳統豬仔餅送俾你. 

不過, 都要我買返個焗爐先有架生去做餅. 

你不好, 又話唔好吃... 又話不是什麼牌子就不要送來. 

你不好, 同我說有其他人送你月餅, 多到擺到上天花頂. 

 但, 我知你不會這樣不客條. 

上面說的那個臭口不是你. 

做咩還要送月餅給他, 前世欠他的媽 !?   你知, 我在說誰嗎 !?

鬼節才過一天就到去中秋節....唔係掛 ! 咁想做月餅  !?

就一隻有柯華田同朱古力做餡的傳統豬仔餅送俾你.  我只做一隻, 係最想送給你一個.

雪
2019.08.15

表哀思, 寄一份思念憶舊人

看放它🌼上來的.  是一段有思念🌼又沒恐佈形象的中國鬼節🌼詞句 . 

悠悠情意隨風傳🌼, 片片真情表哀思, 寄一份思念憶舊人,  農曆🌼七月十四中國鬼節🌼. 




我今晚好夜飯,  在飯前看了幾頁書所以可拋一拋別人書包.


點呀 ! 鬼節有無特別節目呀 !? 

他說:  [無聊呀 ! 發問出這些問題] . 

看看你在幹什麼嗎. 驚你悶呀 ! 撩撩你陪你一陣. 

他說現在無限上網 .

我見到你啦...成日閃出來.  都估到你悶.  為什麼不去朋友到留言又跟女生玩緊私密回應呀 ! 


我今晚沒節目, 早點回家連燈都要開晒佢才感覺到安全. 

喂 ! 係我撩撩陪我玩多一陣先. 這樣會才不會膽怯這一晚夜深.

你唔好講鬼故嚇我就得啦 !


不過, 一提佢呢 !  就............


雪
2019.08.14

如果真的在乎

俾俾埋埋咁多字給我看,  這是什麼呀 ?  你自已作出來, 你寫給誰的呀  ?

沒有理由 沒有原因

莫名我就喜歡你深深地愛上你

從見到你的那一天起

你如果真的在乎

又怎會讓無盡的夜陪我渡過

你如果真的在乎

又怎會讓握花的手在風中顫抖

迷戀的一場, 不想知道有沒有看到, 是無力訴情愫.  

永遠忘不了那段日子,  一生不能忘記那麼甜那麼美的時光, 那麼你還相信我們的愛, 已變成負擔?  他們的愛還可以再一次觸碰 ? 

她的心因你而受傷了. 

雪

2019.08.12

社會這麼亂我們應怎樣去計劃將來

攪珠日期	攪珠結果
2019-08-10	＋

如果有買就只會選中了22 號一個 NUMBER.  好在沒有買可省回HKD25 大元.  

平時,  沒有金多寶大獎出現就好難吸引到我去賭博,

用一張彩票買一個希望, 相信馬會近日應該投注額會上升.  身邊朋友都想安定, 都想有自由, 都想家中有柴米油鹽, 不用為了生存而獻出十幾小時來做一些重覆工作. 

男人呀 ! 你會點呀 !? 如果中了彩票 ?

他說想去曼谷與愛人共渡餘生,  在那兒好食懶飛, 繞埋雙手長嘆. 

佢話, 在香港中了彩票也要返工, 生活指數升高速度驚人,  在香港沒民生可談. 

唔唔 ,  我明天都努力去買張彩票.  

喂.......你呢 !? 

等我俾個問題你去思考 ?  現在社會這麼亂我們應怎樣去計劃將來.  

快點寫出來, 好等我可以參詳一吓.  

剩買彩票也不是辦法,  四個字都難中...........

雪

2019.08.11

為 [ 家嫂 ] 寫食評一篇

朋友們好鐘意圍爐食火鍋,  昨晚熱 C 流流三十幾求高溫, 也要去試試這一間位於柴灣利眾街的人氣店 [家嫂] 暴飲暴食吃放題.    

是晚星期五 $ 298 位加10% ; 如果星期一至星期四有八八折優惠.   

服務尚算可以, 在時間上我和朋友早到了預約前半小時,  坐低後有待應專承告知, 可先取飲料品嚐先, 蠻貼心服務, 行過來時又熱又口乾.   

混醬配料極度豐富.  雖然, 我只愛蒜蓉, 香蔥, 小辣加豉油, 但朋友就哈哈. 每種每樣也取一點. 又芝麻醬又黃召醬又辣油,  嘩 ! 得唔得架溝成十種有多的.......忍不住也半笑地話話她. 

看看, [家嫂] 的蔬菜非常新鮮, 有專人在淋花灑水.   我成晚望著她們這個位置. 

我們選了姬松茸配無花果湯底幾甜美滋潤.  

雖說是放題但這碟極上牛肉不可以加只有這一碟. 另加要額外付費.  來來看看有什麼好吃的: - 

 1) 花生, 火辣魚乾仔, 蝦米  (另收費 $30 ) 

 2) 召鹽香炸三文魚頭腩 

 3 ) 好似是奶油忌廉煮藍青口 (類似~ 菜牌無寫名)

 4 ) 花膠雞煲配豬皮和支竹 (這個可任意加添) 但朋友提醒唔好貪心, 多吃會肚子會無吉位吃其他海鮮, 花膠雞煲幾好味但勁多味精. 

5 ) 直送剌身盛宴, 有塔斯曼尼海膽, 北海道牡丹蝦, 厚切鮭魚.... 

6)  環球海鮮船, ( 這個可以按要求加添....如果, 喜歡某些海產食物要早點揚聲, 售罄即止)

      我們最後想加白膳...但無啦,  象拔蚌仔只剩三隻, 帶子, 游水蝦尚可供應. 

7.  最後甜品是日本直送芝士蛋糕. 

總括來說, 全晚我們只加了一次食物, 八隻蝦, 八隻帶子, 三只象拔蚌.  全部既定供應食物也很豐富, 份量很足. 

最值得一讚竟然是這些健康飲料, 熱CC流流真係透心涼呀 ! 

我一人飲了三大膠杯 

1) 無糖竹庶紅蘿蔔馬碲矛根水

2) 勁濃意米青檸水

3) 蜂蜜熱情果

朋友就一人飲了四杯

4) 生渣羅漢果水

尚有

5) 紅棗閨圓杞子 ( 佢地笑吃完火鍋再飲它驚爆血管, 無人飲) 

6) 好似花旗參配什麼......無飲唔記得)

7) 罐裝飲品, 花款很多但注意力己寫在上面, 所以無法介紹. 

健康店舖自家煲飲品都是有限...想飲多杯就要快手....😉

數一數原來我們一共飲了十四杯. 

整體火鍋店環境雅典舒適, 為冷氣及抽氣有感不足,  成晚被催淚熱氣蒸面, 尾聲時要朋友快點吃完, 快點關爐.

雪
2019.08.10

情人節無花收

    兩情若是久長時, 又豈在有無花收. 

    情人要經得起無花收考驗, 叫人買花是妳, 話不要花收又是妳. 

    你里啲人最鐘意口講一套, 想的又另一套............


    嗚呼 ! 一句講晒他沒買花枝 , 話拿住它行街不好看. 

    係呀 ! 今天她無在辦公室, 她叫他不要送花到OFFICE.

     雪
     2019.08.07

七夕要閉門思過

明天是七月七日 中國情人節,  要怎樣慶祝 ? 差點忙記了這個重要日子, 可藉著這一個日子敲詐男友一份小小禮物.  哈 ! 但我的七夕怎麼過..........痴線架,  他話我之前叫他不要上街. 

他話明天要閉門思過, 不出來啦 !! 非也, 情人節嗎 ! 點都要見見面. 



衰衰地也要一齊過渡中國情人節吃餐飯.  有花收就當慶祝了. 

明天要他在香港仔霸定枱等我放工回來.  閉門思過11點後也太晏呢.

報平安

希望, 快點可以變回安寧香港, 再變回繁榮安定. 


希望, 人人都可以安居樂業, 生活無憂, 爭拗不斷日子真的很煩擾.  現在, 旺區很危險, 抗爭者也好, 警察也好.  好多人都係好火爆, 好易行為失控. 除了煙霧蛋, 開槍, 鐵枝, 打人...重狠狠地對付一個女生,

所以, 無什麼緊要事就乖乖留家, 在家中可以平平安安.  要上班的盡量早點出門, 盡量塔巴士不入地鐵.  放工就盡快回家不要入夜後街上遊盪.

你回家未   !?  回家後就跟重要人報報平安, 免他/她在擔休你安危. 

罷工會安全點 !

嘻嘻........我八月份好多節目要去夜街, 要想想怎安排. 

祝願大家平平安安, 齊齊整整.

雪
2019.08.05

配菜

星期日無出外, 怕了市區政局亂世.

我住在偏僻漁村內, 大奸大惡的圍村黑邦不會惡到這兒嗎   !

我們真的糊塗了, 是誰在保護我們這些小市民, 而新聞報導又真假亂報.

我都是近近地買舊豬肉, 著返條圍裙在家弄弄小菜一碟自娛自樂.

嗱 ! 老人家們 ! 你們別四處亂跑, 一個不小心趺一交或者被年輕人推一捱, 骨頭傷了有排醫, 痛傷的都是自已, 什麼事也要諒力而為呀 !

星期一, 我要返工,老板幾個月都擺工但卻預早說明, 明天要早早上班.

擺明就是叫我們不要遲到, 要早點上班.  本來想取一天年假也不成.

話不上街但也要外出吃飯.


寫住咁多............. 一陣有空再更新.

睇睇, 一陣買到什麼配菜才再寫. 

終於沒有去買菜, 去買了對好 LADY 的新皮鞋. 

雪
2019.08.04

如梦令·昨夜雨疏風驟

CCCCC 啦 ! 唔通真的有風濕 ? 肩頭又痛了幾日, 搞到唔想再按鍵盤, 連帶同友友, 兄弟WHATSAPP 也懶聯係, 無聯好幾日.

變了做老人家🤣😉

而家塗緊安美露. 好痛呀 !

可能煲劇情坐得太耐? 不是呀 ! 已經痛了幾日, 但耐痛能力已經提升了.  強忍痛楚去看片, 是鐘意看劇透..........

该剧改编自【關心則亂】同名小说，通过北宋官宦家庭少女明蘭的成長、愛情、婚姻故事，展開了一幅由閨閣少女到侯門主母的生活畫卷，講述一个家宅的興榮，古代禮教制度下的女性奮斗傳奇   。

點解有個這麼得意劇名 ? 

原來是取自李清照的詩詞,  我本來以為是紅男綠女意思.  俾他笑了又提醒了...

【原文】

　　如梦令·昨夜雨疏風驟

　　作者：李清照

　　昨夜雨疏風驟，濃睡不消殘酒。

　　試問卷簾人，却道  “海棠依舊”。

　　知否，知否？

　　應是綠肥红瘦

古代詩人寫的字真是很美, 好有意思.  

雪

2019.08.03

甜醬伴爙豆腐

今日玩做食物, 係想了一整都沒有好的話題,  寫乜好? 

就將自已晚飯擺出來.  

豆腐兩專, 鯪魚肉15元, 共計25元.  笑....無豬食, 食豆腐補植物蛋白質/ 

有無發覺相片中些豆腐漲卜卜成粒色仔一樣, 蠻可愛呢 !  

 在豆腐中央介出部份, 再爙入魚肉,  兩邊都有魚.  一定要慢慢火煎, 否則好易變燶黑

這個白白地, 其實已經可以上碟.  只是不太脆口. 

圓形那粒好好食, 下次再做時, 再詳細一頁來分享.  食時候加豉油, 甜醬一流.

嘻嘻...........

哈哈............


雪
2019.08.01