2015~想念爸爸重陽節.

重未開始正式溫書, 今日點都要溫一題必出文字題, 阿 TAM SIR 說是必中貼士, 有十幾廿分.

慘 ! 好難背太耐無背書, 這刻真的感覺自已個腦閉關了 !  幾句好簡單短句都好難背......這廿分要背兩頁紙.

背兩背就亂鬼晒. 我要努力唔可以第一科就肥佬.

爸爸, 對不起了 ! 重陽節總說忙沒去探你, 沒去見你.

今天不可在墳前親手化燼想寄你金銀元寶, 紙祝四季衣嫦, 波鞋圍衣.

爸爸, 對不起呀 !

你夠唔夠錢洗呀 !  下次我會買多金銀衣紙點俾你...

爸爸, 對不起呀 !

今天沒做孝順女,  我唯有將對思念寫在這裹.  我唯有在腦內默默的想想你.

爸爸, 對不起 !  

我怕我失去你回憶, 我最珍貴舊日記在搬家時已失去...我要補回舊時日記只可書寫到大概, 又怎可以將當時情感一字一句書寫出來呢. 

爸爸, 我愛你永遠, 永遠.

想念爸爸重陽節.

雪 - 2015.10.21