教煮蘿蔔糕

這次是我第二次蒸蘿蔔糕啦,  襯新年快到, 學學班施拉們做一頁教煮蘿蔔糕.  我整了一大三細盒.  (上兩星期整一底, 試試味...因要送俾人, 太難吃就唔好啦...)

寫寫食材 :  白蘿蔔六大條 (秤起是六斤六兩 ) 約二條可做一底.
                  蝦米半飯碗 (二兩) , 細粒乾貝半飯碗 (二兩) , 冬菇十朵 (喜歡可按自已口味加減),
                  腊肉一條(瘦的) , 腊腸二條 (瘦的),
                  粘米粉三飯碗(粉多少份量可按煮後蘿白水多少調節) ,
                  鷹粟粉一飯碗,
                  澄麵 三湯匙 (可落可不落...上次大福時有咪落)

要缺  : 蘿蔔要買重身, 刨絲時盡量拉長一點, 刨到尾段可以改用刀切出一些粗條來.  最緊要是不會刨傷隻手.......


                                                 睇圖唔好認錯是叉燒 !!!

腊肉一條(瘦的) , 腊腸二條 (瘦的) 但點都有肥嗎 ? 腊肉切走所有肥肉, 切四大舊.  腊腸一切開二 (放滾水內煲熟) , 之後切粒.......切粒後再行飛水/過水使油份走出 .

沒法子...有人唔食得肥專登為他而做...上次媽媽整無落腊肉, 佢又話唔好食.

製成品二細盒...一陣要閃出去攞俾他們.  

粗略說說做法, 油爆蝦米之後落蘿蔔煮熟和浸蝦米乾貝的水 (約煮十分鐘-十五分鐘) ,

之後將粉先行混合好, 慢慢分幾次篩入蘿蔔絲中, 可以關火後慢慢攪....攪到差不多可加入腊肉腊腸碎粒. 最後放乾貝美化面層加多粒紅棗學足阿媽 style ....大火蒸 35分鐘 (細)  50分鐘 (大) ...蒸耐點穩陣些...費事唔蒸熟.

我啦...掛著一邊攪一邊同阿某某玩whatsapp, 忘了關火差點燶...(笑) , 好在無發現燶味.

俾多網上版本你看...我參考這個網部份資料來制作的.
http://www.christinesrecipes.com/2009/01/chinese-new-year-turnip-cake.html



雪 - 2016.01.31