今日去花墟, 多麼想買隻紅蘿蔔盆栽慶新年啊 !
另外
我想找隻肥肥白白小兔兔擺設.
送走2022 , 迎接2023.
一齊倒數慶祝除夕, 好嗎?
不過, 我忙了一整天, 有點累...
撐 ! 撐 !撐 !
雪-2022.12.31
2022年12月31日星期六
2022年12月30日星期五
2022年12月29日星期四
愛著享受假期日子
唔好說我前言不對後語, 又話驚又要出去玩. 是呀 ! 趁通關前去郊外玩一轉. 之後再乖乖坐監啦 !
真的喜歡去玩, 現在我最清楚自已是很很喜歡有很多好朋友陪著一齊玩.
這一生, 最愛著享受假期日子. 原來不在星期六, 星期日外出, 會比較少人, 在郊外餐廳地方也比較寬敞. 就不怕會易染疫.
去了一間優雅花舍, 店員服務真的很友善, 讓我們能很輕鬆地賞花, 也不時介紹花名字及養植方法.
朋友就帶了棵小花花回家, 又有朋友帶了種子回家栽植. 我懶得拎呀 ! 重呀 !
哈哈...
陪我長路走過的人, 要多謝在我人生中有妳們陪伴, 我笑和淚也可以坦坦白白, 在妳們面前我不用戴面具, 感激我們的情, 感激帶我溫暖的妳們...
WOO WOO WOO WOO
今天都行了很多路, 也講了很多嘢, 講到有點喉嚨痛.
要早點瞓啦 !準備明天作戰.
雪
2022.12.29
2022年12月28日星期三
驚二次感染
明天放一天年假, 約了好友去迎新年. 早知不答應她們出去玩, 有點擔心這個疫情爆發, 我驚二次感染. 又開始里埋在家中日子了. 又要自律戴好口罩, 不去人多地方, 不去餐廳吃飯, 不去打邊爐啦.
都不知這個政府想點, 明明有個疫苗通行証可以好好地區隔染病人及密切接觸者, 現在卻急急忙忙至一時間就要全民感染. 係網上見到大陸出現白肺, 肺部功能受侵襲會透不到氣. 好似有很多重症又有新病毒株出現. 真是啊 ! 要大駡, 她媽的! 她媽的!
喔...不, 玩埋明天. 別以為剛中過就沒事. 長新冠還未開始康復又來另一個大形病毒群.
心又開始慌, 又想去惠康 SHOPPING, 又想去補一些藥物.
雪
2022.12.28
2022年12月27日星期二
藥物好緊張了
今日出去了, 去探親人同佢飲茶. 有點覺得自已好衰.
早前病了, 拿到一點政府免費物資, 藥物, 撲熱式, 測試劑等. 因自已又看了網上醫生之故. 所以又多收了一次藥物...有咳水, 收鼻水藥, 發消藥和止痛藥等.
大陸未爆發時候就已將剩餘藥物 (國產必理痛) 送給國內同事, 他倆剛好可以應急. 但爆發情度實在太嚇人了. 些微藥物只能幫到其中兩個人. 真是愛莫能助.
今日飲茶時她跟我說未能買到必理痛, 在藥房只能買到保濟丸.
唔係呀 ! 香港藥房也有搶購一空有這一回事麼 ? 怎麼我不知道? 怎麼我不早一點問問她有沒有買定足夠藥物?
然後, 她說道....早三星期前阿囝就提她去藥房買, 但就見不到有必理痛, 也買不到幸福傷風素.
我安慰她說, 別怕你已打三針沒事的. 我尚有點儲備, 藥物等我回家找一找來送給你.
1. 特可定含片.....二排 (20粒)
2. 北京同仁堂....感冒沖劑 (1盒)
3. 六神丸 ..........一排( 5 小樽)
4. 特強必利痛.... 二排 (24粒)
用這些來睇門口應足夠, 別太擔憂, 別太恐慌大軍殺到. 疫情過埋這一關就很快完成.
SORRY ! 忘記了沒做好 ! 這麼重要事情.
雪
2022.12.27
2022年12月26日星期一
隻貓霸住部NOTEBOOK
隻衰貓爬住我個NOTEBOOK 來瞓覺, 重要瞓到好冧好甜點, 推佢都不醒. 都不知是否在整盅我. 等我沒有電腦用.
聖誕節在家聽聽歌, 沒有聽聖誕歌, 也沒沉迷有打GAME . 用手機在聽曾經喜歡的舊歌. 透過歌聲回到那些年在外地孤單的時候, 就只有他歌聲陪住我, 讓我在他歌聲中支持著悶悶日子, 真的很不容易沒有可以傾訴人, 沒有人分享成敗, 沒有人旁邊照應.
幸好尚有他的歌聲作故勵, 在歌詞中找到依靠, 又可以陶醉在舊日我們曾經一起走過日子.
雨天也轉晴, 寂寞中浮現出歡笑的舊情.
雪
2022.12.26
2022年12月23日星期五
2022年12月22日星期四
2022年12月21日星期三
2022年12月20日星期二
2022年12月17日星期六
2022年12月16日星期五
2022年12月15日星期四
想吃外國菜
新冠疫情確診人數日日上升, 最得人驚是死亡人數也上升到37 人快接近40 人.
為了他們的安全起見, 我主動通知哥哥們冬至那一天都是別飯聚, 唯有遲點疫情退減時再約.
而我呢 ! 應還存有自身產生免疫力. 也許, 還可以高高興興出去食好的.
反正有人將會有年終花紅, 馬會又送了錢給他. 找間靚靚餐廳慰勞一吓自已 2022 年辛勞, 好好獎勵自己一番啦!
他問: 「 最想吃什麼呀 」?
想想...不如找間摩洛哥餐廳者法國菜也不錯. 喜歡摩洛哥餐廳的裝潢, 但更喜歡法國菜的精緻.
其實, 我都從未吃過法國菜和摩洛哥菜. 如果, 有人肯做東我就一定會出席.
笑呵呵 ! 阿根廷都未食過呀 !
不怕再染疫, 一定出入平安.
沒事的. 別怕這只是新冠感冒.
雪
2022.12.15
2022年12月14日星期三
2022年12月13日星期二
錢, 錢, 錢.
財富大縮水了 ! 係咪這樣呀 ! ?
股票有排都未能回升, 百物騰貴食個快餐都幾十元, 超市柴米油鹽又駁命加價.
樣樣都是講錢, 錢, 錢.
來年人工有無得加, 有工做就偷笑啦 ! 呵呵 !
係咪好想有人工加, 或者想增加收入? 而家加息放入銀行收息啦 !
那天行街時候聽到陌生人說要買9百萬中移動股票可收6 里息, 一年收息就有54萬. 未經考証...股票可升可降.
真係不明不白點解人家可以這麼有錢?
錢隱錢真係很容易 !?
丁蟹同類是不可沾手股票的啦 ! 睇下那一間銀行最高息, 將那紅簿仔內結餘轉晒去做定期. 賺返少少利息. 錢是不會白白俾你的, 做定期是否也有風險呀 !?
生活動盪都是節省一點好 ! 別亂花錢, 別再亂買東西. 好朋友要留多個錢防身.
雪
2022.12.13
2022年12月12日星期一
佈置家居
倒數14日...好快, 好快就到平安夜, 然後就25號聖誕節. 比較喜歡柴嘩嘩地開聖誕PARTY.
早幾年公司都有在開工時, 撥一些時間出來讓員工開PARTY , 重有很多, 很多食物. 食足兩個鐘, 又有利事逗, 真的很熱鬧快樂.
事實自己也喜歡佈置聖誕樹, 可以桔一些小飾物, 星星, 雪人, 聖誕老人公仔, 聖誕掛鐘, 又可以放一些閃閃爍燈泡, 銀光彩帶就最浪漫. 今年, 好不好為自已小窩居美化一點 ???
想緊! 想緊 ! 又要花錢啵 !
到時, 約齊親朋好友, 在節日時快快樂樂吃大餐.
家人就簡簡單單圍爐...不用煩, 呵呵 !
好友就吃竹籤孜然烤物...當然要準備花生, 薯片同啤酒.
雪-2022.12.12
2022年12月11日星期日
淚灑球場
好頭痛, 個心又好痛, 我要食止痛藥.
怎麼會這樣的, 為什麼 C 朗要由球王變成後備, 要他坐冷板櫈 ??? 好嬲嬲呀 !
我很懷疑, 很懷疑是會長/領隊要在世界面前, 全力灌注地喧示 C 朗球技只屬後備人選 ?
現在失手, 終於敵不過黑人守門員. 好啦.... 現在輸波啦 ! O 比1八強止步啦 ! 無得踢啦.
我還想著他會為葡萄牙會一口路贏, 還想著C 朗他靜候世界盃必會要完夢, 怎麼會變成淚灑球場成為電視機前最耀眼傷口.
我見到這一刻畫面, 也感染到那傷口的痛, 很想陪他一齊大淚.
很想放聲大淚才能平伏下來, 管他是平凡人也好, 球星球王也好. 人生總不能完滿,
總會有一些事是自已不能控制的, 人們喜歡自已時候可捧到如天上星星一樣美好, 但要踐踏時候就簡單的...只需要將你由正選變成後備.
他說...成就冠軍可能除了球技仍要運氣. 別太認真可能領隊怕他攰所以安排C朗做後備. 別傻別傷感情, 快再估估誰拿冠軍.
一個球場比賽, 終點就只能得一個冠軍.
他還說法國會贏到最後...咁幫我買 $100 -
雪
2022.12.11
2022年12月10日星期六
最想見到你呀 !
本來想摘錄了一些愛情金句. 但最後我寫了這一句: -
曾經好深刻對話讓她一輩子回味, 一輩子快樂. 人生就是由各種回憶和邂逅組成.
這句是抄的......
我覺得如果問別人最喜歡吃甚麼, 就代表喜歡這個人對嗎?
不肯定, 可能只是隨便問問, 可能也沒有擺上心. 你認為呢 !? 如果, 這麼簡單 ?
剛剛就問一問身邊那位, 最喜歡吃甚麼呀 ? 他答她最鐘意吃橙, 所以每天都會吃一個.
然後, 她問他, 那她最喜歡吃甚麼呀 ! 他說...很多啵, 妳樣樣都喜歡吃. 嗱 ! 他也答不出來.
其實...她覺得他喜歡吃牛柏葉, 牛肚因為每次圍爐, 他也會點來吃的.
也許, 上面這一句話只合適套用在新相識男女朋友.
在這世界上, 她想再見一面人是誰?
想知道這些年來他幸福嗎 !? 他經歷過什麼喜悅, 遇到過什麼刻骨事情或者見見他現在女友.
然後送上最珍愛祝福.
如果時光可以倒流...隨了他. 她還想能見到也有好幾人.
最想見到你呀 ! 想問問你最喜歡吃什麼 ? 你說說這個你是誰 ?
雪
2022年12月9日星期五
2022年12月8日星期四
記起一年中所有重要日子
已經講了好幾天, 勁眼瞓, 瞓極都不足夠一樣的. 每朝起床都有未瞓醒感覺 !! ? 腳步浮浮, 企係度行緊, 陏緊但個靈魂沒有附體.
而家有些好憎居企樓下個女保安員, 人家都未瞓醒,「早晨」; 「早晨」 ;「早晨」
早咩晨 !? 好似鬧鐘一樣, 但鬧唔醒卻搞到我變成很不禮貌似的.
一天沒答你, 第日就別叫我「早晨」, 真係未瞓醒, 沒見到我撐著癡癡呆呆眼神咩 ?
腦內一片空盪盪, 直至到達公司附近吃完美味香脆早晨全餐, 飲完咖啡才會醒過來.
才會想起了 ! 剛才沒有跟你說「早晨」.
有時吃完早餐, 仍未 LOAD 到........ 將重要工作一直放在一旁.
笑....醒時候要找本記事簿寫低, 記起一年中所有重要日子有什麼工作必要完成.
雪
2022.12.08
2022年12月7日星期三
蘿漢果茶
你就好啦 ! 成班朋友一齊玩又唱歌又跳舞, 又話放了工要去輕鬆吓, 玩吓好開心.
鬼唔望你唱到喉嚨痛, 瞓醒講不到嘢.
哈 ! 我涯了很耐啦, 日日痰上頸, 醒你一個獨一無二配方, 你知不知世上有一種植物叫蘿漢果 ?
羅漢果，味甘性涼，是對付喉嚨痛、聲沙及咳嗽的良藥。若容易氣管敏感、咳嗽，飲羅漢果水可有助滋潤喉嚨，亦有清熱潤肺、化痰止咳功效，適合熱氣聲沙人士飲用。
我都是聽人家說用蘿漢果 + 陳皮 + 蘋果 + 雪梨...好滋潤. 岩晒你和我一齊飲用.
秋風飛起, 寒冬殺到...係時候要學像黑色飲料.
好似係度咒緊你??? 唔係呀 ! 係勸諫你, 甜的不苦, 別怕.
雪
2022.12.07
2022年12月6日星期二
苦味的初戀
是真的, 近日沒有看電視, 又少去逛旺角, 銅鑼灣. 何解....
咪 !就是成日想瞓覺, 今早又遲到了...返8:30am 瞓到8:15am , 還以為早了起床.
所以, 沒有什麼豐盛趣事, 也沒有生活小品可以寫出來.
寫初戀情人...? 都好耐無見, 可能他長滿了鬍子鬍鬚, 見到睇怕也認唔到.
哈哈 ! 這樣子說, 你定覺得我很是無情?
有時候, 可以忘記也可能是好事, 可以抽身去成就另一段愛情, 去擁抱一個愛自已人.
這才是應享有的最大幸福.
初戀, 只是陶醉被虐待, 被虧待, 被弄淚, 是苦味的愛情. 苦味初戀未能寫出來......
別說, 再說下去便又再想起, 免得又淚腫了雙漂亮眼睛.
冷一冷, 鼻子又在索索. 今晚也是要早點睡.
苦了 !
雪
2022.12.06
2022年12月5日星期一
中伏了
有晚出了去吃飯, 四圍遊見到間小店坐滿人全店十二個位. 價錢跟靚靚環境店舖不相上下.
以為撞到隱世廚神小店, 一於入去試一試. 明明自已也不愛吃四川麻辣, 真係有點兒撞邪才會走入去.
點了幾款串燒, 一串燒白膳, 一串雞腎, 兩串豬腩肉, 兩隻雞全翼, 一串燒豆腐再加一串燒秋葵.
叫了個什麼北川炒河, 一枝青島啤酒.
這個北川炒河走辣是生菜絲幾條, 加廚師腸仔粒, 雞蛋炒一碟. 嘩 ! 嚇得我呢.....
吃完個河粉就見到大嬸切菠蘿, 切切吓就用雙手拉個垃圾桶去椅枱底, 完全沒洗手又去拿菠蘿去串串, 叠來叠去. 又拉開個垃圾桶, 原來要找竹籤. 救命呀 ! 中伏了 !
見到佢這樣我就同朋友說, 食物未整我哋趕時間不等啦 ! 走啦....唔食啦 !
佢不知幾好生意, 十幾張外賣單....不差我們這一張枱.
期間重有個揹著幾萬元 CHANEL手袋, 穿著白毛毛超短裙美少女買了幾百元外賣.
我真係好想, 好想去 OPENRICE 寫一頁負評送給這間小店. 可惜我忘記了看他的店名.
唔病至有鬼...吃這些食物.
雪
2022.12.06
2022年12月4日星期日
天氣冷就記住要著返件衫
香港現在好難得有幾日凍凍, 冬天衫可以出場啦 ! 快點摷摷個衣櫃找多幾件衫出來.
我一早就買了幾件新衫來過冬, 我有靚衫著啦.
你未執衣櫃又未買新衫就一定係無衫著啦 ! 小心凍親, 小心不停打噴嚏, 到時身邊朋友, 陌生人都怕咗你, 見到你咳, 打噴嚏就俾些黑面色, 厭惡神情出來, 就多麼的尷尬呢 !
所以天氣冷就記住要著返件衫, 別打出個背門吹到冷風好易病病. 還有呢...好攞定厚棉被.
而我自已就最鐘意這些天氣, 著多件衫或者蓋上厚被暖暖的感覺, 很是舒服.很是好眠. 你話係定唔係....聽聽你說的感覺.
病了一段日子才剛剛好轉真的別要再冷倒.
雪
2022.12.04
2022年12月3日星期六
放工後去行山, 唔好掛
約我放工後去行山, 唔好掛. 我驚天黑有賊又驚有蛇. 更加驚有咩咩咩.
想約我就早點約假日, 晨光咁早去行. 就多晨運客, 賊都少一點嗎 ! 蛇仔就一定未起身啦 !
笑...想行路姐. 可以去多人行, 多人到的山邊嗎 ! 有時好彩會見到發哥, 薯片叔叔或者會撞上有明星拍戲. 夜媽媽, 風景又睇唔到, 別說會見到大人物了.
推了他啦 ! 放工後去行山太大風險啦 ! 有危險地方, 我不去的.
記得都試過一次行夜山但那時候像行年宵一樣多人, 因為大家都有同一樣目標就是登山觀賞煙花美景.
明天如果早起就去行一轉啦 ! 唔知BEST FRIEND 有沒有空相伴呢 !?
雪
2022.12.03
2022年12月2日星期五
2022年11月29日星期二
2022年11月28日星期一
出賣別人愛情
寫了這麼多年, 我的愛情故事都寫完了. 我又不是多情男生又怎可能有一段又一段愛情畫面寫出來,
我又不是專職寫作人, 所以不要對我寫的有太多期望.
而我又沒有24小時可以不停地想, 去構思每日話題.
無啦 ! 我不會出賣身邊朋友, 我是不會將你和你女朋友的平淡或是轟烈的愛情寫在我這個網頁上.
所以, 唯有放些生活點滴出來.
車......炖蛋有人私聊話正, 有人又話不如吃水蛋, 又人話點解不吃蕃茄蛋花湯.
今晚不寫食譜啦 ! 費事有人話又吃雞料理呀 !
笑..... 隔完離, 放監後吃了幾餐喜歡的平凡美食. 因不想到多人地方去.
要對自已好一點.
雪
2022.11.28
2022年11月27日星期日
隔離時可吃甜品- 炖蛋
在隔離 10 日中, 雖然有熊貓仔幫手解決了好幾餐. 但貪嘴的我也總感覺期間無啖好食. 還好尚有蕃茄薯仔肉碎湯通粉, 也吃了兩餐乾具咸肉碎粥.
後期就蘋果和橙也沒有了, 幸好給我找到了, 找到了什麼呀 ! 就是雪櫃內裡尚有雞蛋同鮮奶.
以前細細個家裡沒有零食, 口痕痕就會弄個炖蛋來滿足自已口同胃. 都好耐沒有做這款甜的, 想不到在隔離期間我還可以吃到美食. 煮法就好似蒸水蛋一樣簡單, 打散一隻雞蛋加兩匙糖再加半碗水. 好簡單的, 不用猛力打散. 份量不用拿得很準繩是不會失敗的.
放入蒸鍋時候可用微波保鮮紙封一封它, 防止它變老. 睇實個火不要蒸太耐, 不然就又老又鞋.
現在可以將清水改為牛乳就更加香滑美味.
甜度可以隨個人口味調節呀 ! 哈哈....因我只咳了兩, 三天, 所以之後可以吃微甜的.
雪
2022.11.27
2022年11月26日星期六
2022年11月25日星期五
2022年11月24日星期四
2022年11月23日星期三
新冠初愈期間絕對不能再冷倒
這幾天天氣會出現變化, 有時會氣溫下降, 有時又會大灑雨點, 有時又有暖暖陽光. 他叮囑我出門要帶外衣, 手袋要帶雨傘. 在這新冠初愈期間絕對不能再冷倒. 要是給冷風吹倒著涼, 噴嚏和咳嗽再纏身就好手尾長.
還有, 還有....不可涯夜去追小說. 假日才去看看傾城之戀的電影 ? 未必的, 好舊的片...看YOTUBE 了.
我沒有呀 ! 我自己都知道身體實在撐不到. 所以, 昨晚未到九點就睡著了. 他昨晚收工後在12:00PM 前趕過來也白行一趟.
多謝 ! 多謝他沒有吵醒我.
放假才給我補祝小雪生日快樂吧 ! 哈哈.
雪
2022.11.23
2022年11月21日星期一
浪漫露台餐廳
有些話, 有些少女心事又怎可以一一直說? 你不要真的去關心這個女生在想著什麼.
昨天塔著博著在照相, 分享一對新人喜悅, 見証她倆擁抱幸福和甜蜜地說我願意, YES, I DO.
浪漫花海配上白酒影響讓她沉醉了片刻. 想了想自幼時的對象 ! 記起一些古老心事.
那些回憶已經很遠, 很遙遠. 在腦中很想跟他一起, 一串串開心日子, 她倆在沙灘上慢步, 他說過將來.......在每個月有特別日子就帶她去那兒慶祝.
沒有他相伴, 這也是多年以後首次踄進這個想去地方而未曾到過地方.
以後, 我要帶一個喜歡男生去浪漫一番, 鋸個靚牛扒, 好好補償自已所失去的.
突然間想看看側城之戀, 看看名作家筆下的愛情故事來滋潤吓乾枯了心靈.
雪
2022.11.21
2022年11月17日星期四
2022年11月6日星期日
涼了幾個鐘冷氣. 所以病倒了
轉天氣仍穿著短衫短褲, 冷倒了也不知. 佢可能不知道我病緊, 不停地騷擾我安眠.
唔知, 是否牠肚餓, 唔知, 是否牠太悶. 想我陪牠玩.
瞓了一個中午但人仍是累累的,鼻水沒停過, 還有點頭痛.
現在趁牠瞓了, 我就打幾隻字.
今晚, 沒飯吃啦啦 ! 想叫FOOD PANDA 食海南雞 ? 好似要戒口, 今晚唯有吃個飽又一餐.
下星期..希望不要太忙. 下星期可以好好地休息.
醫生明明話可以寫假紙, 你又說不需要. 真係賤 !
好能昨日去做完運動無換衫又涼了幾個鐘冷氣. 所以病倒了.
雪-2022.11.06
2022年11月4日星期五
放個空給自已, 那就不如不上班.
幾晚無覺好瞓, 黎明不要太快來呀 !
反反覆覆, 瞓得不好.
終於在澎湃風聲中睡著了.
終於有個好夢.
終於9:30 仍在夢中, 遲到一分鐘都算遲到, 更何況是一小時.
放個空給自已, 那就不如不上班.
突然間, 好想有隻狗仔, 可以帶牠去公園玩.
雪-2022.11.04
2022年11月1日星期二
2022年10月30日星期日
2022年10月29日星期六
行南朗山頂
今日晨光咁早入了黃竹坑, 同朋友行南朗山頂再落山, 行去海洋公園後門.
嘩然 ! 第一次去這些地方, 原來南區真的很美, 在山上見到汪洋大海, 又見到一排排白色遊艇, 再遠點又見到海洋公園, 南Y島三枝煙囪.
空氣很清新, 沿途還撞上一隻好肥胖大頭野豬, 幸好! 牠是路過沒有襲擊我們, 只嚇了一跳.
不過, 真係好累, 行到腳軟可能平時運動不足.
笑, 好啦 ! 找到個好朋友陪我去行山消耗卡路里, 估都估唔到她說可以好早起身, 下次一齊睇日出, 還說想去野外露營, 在郊野留宿一晚可以睇星星.
我話, 要找到一兩個男生相伴啵. 怕有壞人又怕有危險.
我都想, 有人陪去浪漫下.
雪
2022.10.29
特別推薦路線
黃竹坑港鐵站＝＞南朗山道＝＞南朗亭＝＞南朗山 ＝＞南朗山道
長度： 全程約4 公里
需時2.5 小時
詳細交通資訊
去程及回程： 黃竹坑港鐵站B出口
原文網址: 南朗山行山路線︳慢行4公里輕鬆登頂!360°飽覽南中國海超Wide靚景 | 香港01 https://www.hk01.com/article/518025?utm_source=01articlecopy&utm_medium=referral
2022年10月28日星期五
2022年10月26日星期三
收囍帖
收了二張餅卡, 好在沒有請我去飲. 又有一個舊上司嫁女都無請我飲. 不過, 撞到她, 她話剛嫁女要請我吃飯夾硬要埋我張單.
一個朋友就只派卡, 所以今晚我有流心芝士撻做宵夜
公司形英帥的新上司, 11月結婚派左張一男一女邀請卡. 重要去埋些勁高級豪華尊貴地方.
慘啦 ! 都唔知要做多少人情才不失禮. 荷包好傷呀 !
算啦 ! 自已安慰自已都未去過這麼靚地方, 他們俾個機會我去見識一吓.
可能近日放鬆, 又可能等了太耐關系, 這個11 月真係好多朋友結婚. 也慶幸尚有限人數, 不然就收囍帖收到手軟.
在這兒要補祝他們有情人排除萬難, 終成眷屬找到好伴侶.
雪
2022.10.26
2022年10月25日星期二
2022年10月23日星期日
假期是這樣過
放了三天連假, 第一天去了帶了很多禮物入新界找姨媽, 之後同她們去在逛公園睇蜻蜓看孩子踩單車, 行到腳仔軟我不知幾想踩單車. 之後陪她去商場 , 她說有消費卷要SHOPPING. 我要幫手擇又要幫手拎. 晚上很晚才回家. 差點要留我在她家中過夜, 要孖埔我不太習慣.
第二日本來好了好姊妹去SHOPPING , 整頭髮. 點知那個有俾兼職糧老闆在大陸回來了, 話給他知約了朋友. 可以下星期見面, 但他卻死纏不休, 唉 ! 唯有推了好姊妹約會. 俾他折磨大半日.
無計啦 ! 收得人工就要開工交人. 佢話下星期重要再見見面呀 !
今天, 本來想做點家務, 做做清潔, 但點都要先去整頭髮. 又要應酬返失約那個好姊妹.
我幾天假期也沒有好好休息, 剛剛又要去百佳上糧.
HONEY 重話要約我去看 9:30電影, 我真係無力啦啦 ! 俾我放日假啦 ! 我在求求他......
昨晚還失眠了三個鐘, 四點醒來就睡不著了.
怎麼好像沒放假一樣 ??
雪
2022.10.23
2022年10月21日星期五
喜歡看供樓表
樓價貴時望塵莫及, 樓市下跌又出現加息週期, 工作不隱. 隨時也變為無業遊民. 要有一個完完全全屬於我和他屋企真係一點也不容易. 無論樓價升抑或樓價跌都無比到機會給我們.
數數手指要有幾多錢收入才足夠應付供樓? 所以, 我會耐不耐就看一看上面個表去計計收入與供款能力. 大大力拍拍枱, 嘿 ! 又計唔掂條數.
等等啦 ! 剛剛睇電視新聞說今明兩年各冧 15% , 合計 30% . 到時候我倆就可以一齊住, 一齊還樓債 , 會很容易過買樓/供樓/住屋這一關, 往後就輕輕鬆鬆地生活, 仍可有錢快快樂樂去旅行.
今明兩年各冧 15% , 合計 30%係就不要走失千年難得機會, 要捉緊啦 !
是否想得很美??
2022年10月20日星期四
BB 也要移民
朋友話眨眨眼唔覺, 唔覺孩子已長大了, 睇到現今社會很多人移民, 也很想送他的BB 到美國生活, 可以同那些金髮碧眼同學和老師一起生活. 這樣子將會提高他們的獨立能力, 外語口音, 擴闊他們的眼界, 學習世界觀. 最主要是唔想小孩子在香港返學好辛苦.
我們這些沒有小男孩, 是不會明白這個年輕母親想法, 怎麼狠心送走自已孩子, 讓他獨個兒在外地成長? 沒有親人陪伴, 沒有表兄表弟們一起去踢波, 或者長大了後連廣東話也說不出來.
沒有親人陪伴, 沒有長輩在身邊童年 ? 你真忍心讓他上飛機嗎?
小心將來他送你回大陸, 送你去大環區老人院呀 !
BB 不如你自已同 MUM 話想不想飛去美國, 如果不想離開MUM 就說 NO NO NO.
雪
2022.10.20
2022年10月19日星期三
約朋友去玩瑜伽
見到有些女生做瑜珈的時候, 真的很美. 展現出極美好身段, 擺出來姿態又美麗動人.
瑜珈可以強身健體, 瑜伽可放鬆神經線. 應該也可以強化肌肉關節又可以提升自已能量.
講得出咁多好處, 係咪好想去玩, 好想去學呢 ??
係呀 !
係呀 !
係想去找導師教教, 想認識冥想和放鬆技巧, 希望能將崩緊的肌肉放鬆. 好慘 !! 久不久就肩背梗塞, 痛不欲生.....哭哭.
最衰, 她玩緊高級組. 如果, 我要玩就初級組, 所以不可以約埋一齊去.
自已一個人去報名, 我又有點驚無朋友陪會戇居居.
好 ! 一於CALL CALL 其他朋友, 有興趣去玩瑜伽, 約埋一齊去玩啦 !
雪
2022.10.19
2022年10月18日星期二
2022年10月17日星期一
2022年10月16日星期日
2022年10月15日星期六
秋風起我很喜歡你呀 !
夏天很好, 秋天很好, 冬天很好 ! 但我更喜歡秋天, 喜歡涼風, 喜歡秋涼時落葉的郊野.
秋天到啦 !
秋天曾經藏著的愛情, 情感已變, 愛情己變成了平淡生活.
如今 : -
出門要帶多件外套呀 ! 他叮囑說.
嘻嘻, 買了個細手袋放不下, 只放到手機, 銀包, 紙巾, 匙包已漲卜卜了.
她換個細細個手袋. 可以好瀟灑不用揹個大手袋也不用揹背囊減輕負重量.
嘻嘻, 你帶風衣吧 ! 好嗎 !?
涼了 ! 就借給我披一披.
平淡愛情, 甜蜜愛情是怎樣 !? 秋天牽著手在大樹下坐著, 然後散散步,吹吹風, 看看小飛飛.
無微不致愛情在平淡生活中發現了. 秋風起我很喜歡你呀 !
雪
2022.10.15
2022年10月13日星期四
2022年10月11日星期二
2022年10月9日星期日
網上課程
好忙呀 ! 一早出門了 ! 本來只想去市場買些食物, 買些日用品就馬上回家.
因為, 想在家靜靜地聽聽歌, 享受一下寧靜和秋天涼風.
誰知道在路上又會接到家人電話, 又被安排了一些鎖碎事務.
回到家中同阿某某聊了一陣子, 他傳了好幾個教學網給我, 叫我上網好好學習.
哎呀 ! 唔好咁勤力得嗎 ! 夠用就算 ! 真係唔想采佢.
但為了討好他就唯有投奇所好, 學丁點,免得他問起無話題/
轉頭又要裝返一些網上銀行, 近排很多銀行更新系統, 搞到我也要跟著更新.
你呢 ! 有上網學習? 網上有什麼好的, 又免費課程呀 !?
朋友傳些英文, 計數教學網, 我無興趣.
雪
2022.10.09
2022年10月8日星期六
被人騙財騙情
騙財騙色 ?
早兩日悶悶地, 隨手寫出來, 想問一問他有沒有被女人騙財騙色?
佢話, 年輕時候有個讀大學女朋友, 每月供養她生活上洗費, 直至她大學畢業.
當年, 她剛剛畢業就嚷著要分手, 分手原因不就是男生職業低微, 男生謀生技能不高.
她和他在學識上, 生活層面上已經不再匹配. 係咪, 好可惜呀 ! 一齊多年但最後因為男生不上進而分手? 其實, 初初相識時候就知道, 怎麼後來會後悔. 因為, 後來識到個更好, 識到另一個更夾的麼?
擺明他就是被人騙財騙情, 色就唔知啦 !
他有很多秘密, 收埋好多舊情, 好難才喔到他一五一十說出來.
塞翁失馬, 別怕...... 別傷心.
將來, 會遇到一個更好的她.
為有好好安慰他, 不再挖苦他.
雪
2022.10.08
2022年10月6日星期四
猜猜.....這是什麼玩意
猜猜.....這是什麼玩意 !
回答問題:
1. 細個時有沒有玩過未 ?
2. 將來會不會認真的去幹一次?
3. 你喜歡上面我幫你選的樣子圖嗎?
4. 你會將她放在那兒.
猜啦 ! 猜中送你米老鼠一隻.
猜啦 ! 猜中送你一丁麵 5 個.
雪
2022.10.06
訂閱：
文章 (Atom)