初三 ~ 赤口

早呀，應節。
雞年食雞蛋。 考試唔會零雞蛋。

係咪 ! 真係赤口......

佢呀 ! 又蝦人啦 !
他好衰衰的 ! 完旦...大吉利事呀 ! 百無禁忌防身對著他要. 

赤口...都係唔好見佢. 避開下隱陣點....

 雪 - 2017.01.30

初三赤口, 食舊肥利蘿蔔糕

今年, 年尾太忙沒整至愛蘿白糕.
不過,  Anuite 優美 拿了一底蘿蔔糕及一底芋頭糕給我.  誠情難卻下就收了她的好意.

第二天, 一個人就 KO 了半底蘿蔔糕 (午餐加晚飯).  有排做運動跑多廿幾公里也未可消脂.

其實, 自從我學懂點做蘿白糕(健康版) 就只喜歡吃自已整的蘿蔔糕.  Anuite 優美整得都好味但嫌粉多了些, 配料太多好肥淋淋超肥膩.

喂...明年或者找日都得, 專為你整底肥膩版本.
是...同你講呀 ! 前後, 整過三次啦...這次不用你再做白老鼠了 ! 你成日做運動不怕肥...這會更好味, 到時話我知要健康定要肥膩款式 ?? 

他叫我不要吃太多肥膩也不淮吃太多 M 記, 他細細聲說太肥唔靚女.....

有時候一個人懶就好難煮的, 試問問半碗飯咪未煮會更好呢 !?

初三赤口, 食舊肥利蘿蔔糕, 祝你步步高陞, 荷包越來越漲.

雪 - 2017.01.30
丁酉雞年初三

初二開年

年初二, 大家都開年.  你有無早早同家人開年呀 !?  我呢...同三哥哥一家人加一個我在利舞台吃中午飯. 之後入了元朗同親戚拜年逗利士.

吃了些什麼麼, 馬拉糕, 生菜, 鳳爪, 燒買, 蝦餃, 雞包仔...不作詳列一共十二碟.

落雨沒帶傘, 本想在元朗行行買個新鮮熱烘烘的老婆餅也作罷了.

急急而回家.

年初二, 送張發光滿紅照片給你...整張全紅色娘了點.  這張執過的也不錯.  發光唔識整....
你又唔教我.

年初二, 先祝你們鴻運當頭, 發過豬蹄.

雪 - 2016.01.29 

初一就俾他笑

初一就俾他笑, 話我口不對心.  成晚在捧著蘋果手機玩 whatsapp 有街又不上有節目又拒絕.

咁...事實是有些心癮.  事實玩 whatsapp同玩 facebook 也是自已一人在家玩. 這點, 我沒謊言.
那我可以同不認識我卻又深交多年網友談一些不能說秘蜜; 有時有些說話真的不可讓真實朋友去了解...我最怕有人讀懂自已黑暗內裡一面世界.  

近日, 有現實中朋友好似尋訪到這兒, 所以往後網誌都會選擇式發放, 只給資歷久遠網友取閱免他們睇了又冷嘲熱瘋...

初一就說閉門匙是否有點掃慶呢 !?

唔係同你說...又怎需擔心呢 !? 呵呵....


誰叫他笑我在先,  有時說笑話會好快忘記.
你幾時將自己秘蜜回饋給我......幾時出手追她回來 !? 點樣追法...我要知你的戀事 !

唔講啦 ! 巧長氣......

等你講啦 !

初一先祝你心想事成, 早日抱得美人歸.

也祝大家心想事成, 年年有餘.....一家人平安大吉.

雪 - 2017.01.28

送猴迎雞

2017.01.27 年三十晚, 送猴迎雞. 回家吧 !

明明可以跟嫂子, 哥哥一家熱熱鬧鬧在歡笑聲中再吃多一次年三十晚飯.

這晚, 寂寞又跑來相伴. 為什麼我選擇孤單, 拒絕他們邀請.
這晚, 我的他又約我逛花市......我卻選擇靜靜待在家中. 可能, 我真有點自閉了 ! ?

也許,又不太像 有時, 一大群人相聚後笑逐顏開. 有家人相伴也可以慰藉辛勞, 但我......有時太快樂後會更怕寂寞孤單.


我的選擇靜靜地在家渡過這一晚, 一個人看看影片, 一個人回首這個猴年, 一個人靜靜地思考. 不要勉強我...好嗎 !?

今晚, 我不出去啦 ! 遲點才約你啦 ! 我知你等我空閒很久了.

擇舊年猴子片來送別. 

雞雞年行好運

佢話做咩這麼早去行花市, 襯襯熱鬧應在年三十晚, 迫我要再陪他去買冰糖糊爐 !

笑 , 我都唔食這些食物, 年宵魚蛋及小吃好污衊...咪搞.   

無咩好睇...我拍了片, 俾條片你看, 看完當去了, 好嗎 !?

笑 ! 私底下 whatapps 給他了.  條片不好看影到達哥就話姐.  所以沒放上 facebook...是我很少拍片未懂怎拍得好看.

佢話唔信有書送, 之後又話.......

唔係說以下這些 ! 這些要錢買架, 重排晒大隊.....作者是林日曦.   他竟然問他是誰... 是情深說話未曾講 ~ 黎明的咖啡呀 ! 蠢豬...

今晚, 收二點半就早點回家睡啦 ! 涯了這麼多天也不愛惜自已身體.

初一我有節目約了朋友去睇早場, 睇套賀歲片......你瞓醒先找我啦 !

預祝你, 你們, 大家雞雞年行好運, 生雞勃勃, 雞星高照, 金雞報喜, 有雞有謀.....雞雞雞全部都是雞 !

提早逛逛年宵

被佢追了幾日啦 ! 終於, 有空檔了就約他在銅鑼晚飯兼逛逛年宵.

好幾年無行, 次次都是賣好多布公仔最多檔. 年花又唔洗買...

有檔賣公仔蝦我地似情侶, 橫睇掂睇那隻毛公仔都是淘寶貨式, 就然叫價百多元. 

他問  : 「點解可以檔檔都賣冒牌貨 ? 無人拉人冚檔... ?  」

我笑  :  「唔通大半場都要冚晒檔...咩 ! 」 之後,  笑 ,  買了隻咪走雞 15 蚊.


剛巧見到黃某幫讀者簽名, 我都心思思想買他本書加個簽名應該幾著數架 ! 不過, 身邊有人又拉我去另一檔看. 


俾人民力量個叔叔....夾硬質了本「嬴」給我, 我望一望姐...

係咁話, 唔洗錢...攞啦 ! 真係俾你的.  搞到我也不好意思, 唔禁唔接住了 ! 

本贏成 280多 頁, 賣 HK68元...又要花時間看完它.  年宵市場變了各政黨宣傳必爭宣傳, 籌款之地.

報告完畢.

聽日請不要 MORNING CALL 我去吃早餐, 我要同毛公仔大洗又要執屋又要準備晚飯......

下次, 我得閑點會約你架啦 !

寫完這頁...已 23:01, 重有二天就雞年.  時間真係過得很快...又老一年啦 !

希望, 新一年自已同家人和你們, 事事順利, 財星高照, 身體健康, 如意吉祥 , 平平安安!

雪 - 2016.01.25

亂寫一通

本來, 真係想好認真寫一頁, 一頁精彩點網誌.

又壞電腦, 又想睇麥玲玲教路, 明年兔仔是黑仔年...犯太歲.

里排真係有點神經質, 一定要八八掛掛才掂當. 求財行東, TIM 丁要行東北喎.

東面同北面要放水....笑 ! 抄唔切....

有咩野, 有咩密計. 私下側啦 !

我唔同你講林鄭同梁英...太張楊驚俾敵方人員知道...

敵方人員 ?  老總, 上司...唔講得架, 老闆要我ADD 佢在 WECHAT.

好驚呀 !  我點肯 ADD 佢......傻架 ! .

你呀 ! 睇下我對你幾好在 WECHAT ADD 你.

找日早點同你 LONG CALL.

晚安先啦 !

雪 ~ 2017.01.23

唔淮纏實他

他說過了十二點就要開手機, 乖乖瞓覺唔淮纏實他.  唔淮成日打電話給他又無野講.

打錯應該是.... 他說過了十二點就要關手機, 乖乖瞓覺唔淮纏實他.


無無謂, 問出了花紅, 問他想買什麼 !?

一) 手錶
二) 牛皮帶
三) 石磨藍牛仔
四) 皮蛇一雙
五) 背包

我呢 !? 送什麼給我呀 !?

有事忙緊, 明天晏點找你......

明天, 明天又明天.  次次都話明天.  日間到我忙嗎 !? 在公司那方便同他玩姐....

今晚 !? 點呢?  好唔好找他.  唔找他我會悶架.....

聽日又不用上班.  千萬唔好找我......

有好多人明天要開工, 唔煩我呀 ! 阻住我放假要 happy.

我好悶......寫的幾無無聊聊就知我悶緊啦 !

雪 - 2017.01.20

派利事

她好年輕就派利事, 早早就嫁了人做歸家娘 !?  

笑...她細細個就想嫁俾他, 幫他派利. 可惜...都是得個恨字.
不知誰有這個福氣做到他的另一半 !?  她跟他緣輕, 緣薄.....

她, 幫過好多個男人派利事, 派過給很多人.  有專執貸兼職孩子, 有六七拾歲順風快遞老年人, 有大嬸, 有娃兒又有三十歲都未成親獨男. 

那年, 他說好怎麼這麼孤寒, 她說他沒錢你有得收就算啦 ! 他不感多言怕她不高興, 他自已說錯了話.

某年收到老板大花紅, 拿了給家人作明年過節上年貨及紅封包之用. 想著唔好再寒酸給他笑......

一邊派利事, 一邊想著那十八廿二時舊事.

幹麼十八歲就嫁了人, 傻啦 !  她幫老板派利事, 轉得老闆多咪幫過好多男人派利事.

現在, 她會喜歡送朱古力給人......

差不多十年啦 !
執貨店員還在那公司嗎 ?
他會再收到她家人利事嗎 ?
他或者已經結了婚.......

阿妹...開飯啦 ! 去幫手裝飯啦...... 

在網上作出好寫實投訴

過完年得閑點我就會取消樂施會的捐款, 擇過另外一間慈善機構去行我的小小善舉.

事緣, 早前買了兩隻羊換一張新年卡.
錢就捐了, 入數紙文件又傳了, 又話兩, 三日就有張卡寄回給我.  我想用張卡來將好運轉送給好友架嗎 ! 這次買兩隻羊不是有計劃做善事係專登想要張卡.......

之後, 再將 入數紙再傳多一次啦 ! 又等了兩個星期....終於, 想算架啦 ! 但無理由寄失 ?

我就打個電話去問問, 點解沒寄給我.
按著信上電話號碼, 接通後問問個女接線生, 她話查一查個電腦. 然後, 又話同我對地址...無錯喎, 聖誕卡已註明寄出了 !

我說 :「 沒收到 !? 我選的是新年那款, 不是聖誕卡 .  」

她回覆 :  「 好的!? 會安排補回一張卡給你 .  」

好啦 !  又滿心期待日日看實個信箱, 等到而家也未收到張新年卡.

唉 ! 新年都過了十幾日.......

我真的懷疑連一張卡也沒能夠交到我手上, 又怎麼能讓我相信他們能將善款交到所需要的人手上.  既然, 可以有這麼多巧合讓我收不到新年卡......這也不能怪我萌起轉換到別家慈善機構念頭...

由付錢, 去銀行排隊入錢, 傳真又傳真, 又用電話追, 又日日去開信箱, 失望了N 次, 個信箱日日都得個桔, 除了錢...花精神同時間去做這一件事.

有時, 我懶半個月都唔行去個信箱度一次......為了張卡, 為了想收卡人開心搞到自已而家嬲啦.

最終, 就好似被人騙了似的.

其實, 捐款給無國界醫生又得, 或者捐給保良局, 東華三院都係一個不錯好選擇.

我第一次在網上作出好寫實投訴. 

雪 - 2016.01.17

年近歲晚, 晚飯應酬特別多

年近歲晚, 晚飯應酬特別多, 一餐飯就要沒停地舉杯乾完又完.  今日又吃兩餐啦 !  我好忍口兼夾真的不想吃...巧肥膩呀 !

我想吃自已煮飯, 清清地, 淡淡地咪幾好.

上星期晚宴時圍枱隔離個男生話這翅唔夠爽口彈牙喎 ! 個湯底又煋煋地.

問我係唔係......

笑 ! 大口氣呀 ! 識慣好的極品靚翅的他莫非......? 咁大碗翅重有挑剔 ?

我唔放相啦.....費是俾公司同事點相, 認得我就多麻煩事啦 !

其實, 以前有朋友教我怎樣擇, 發同煲魚翅.  她重整得幾好吃.....

想想, 一碗翅是淋滑好定爽口彈牙好 ? 我真係不知道.....但我自已就喜歡淋滑.

喜歡上湯金華火腿炖制的.

你幾時吃年晚飯呀 ! 要早點約...撞期就唔好啦 ! 好忙有個人... ! 邊個人呀 ?

你忙嗎 !?


雪- 2016.01.17

出快樂重拾歡笑網誌

係, 我努力控制中, 希望寫出快樂重拾歡笑網誌.

但憂傷暗暗收藏在網誌中, 因為昨晚她倆跟我在夢中相遇.  我努力想解讀夢中預言.

她首次走進在我夢中. 也許, 我還未能放低, 也許, 我還受過去暗影所影響.

對不起了 ! 錯過了約定時間, 我真的累透了 .

不是出爾反爾, 有時有些感受不在面容上反影, 也沒在文字中看見.

看得到, 感受的才是知音, 正如現在我已沒法走入你的文字世界. 

你也看不懂我所重視的.

所以是的...很公平. 我的愛也不是隨便予取予求, 我只會愛和喜歡待我好的人.

愛是好是公平, 或者總有一方付出多一點.  但段估也不會是失衡的放送....

況且...由始至終也是最愛, 愛的是她自已. 


雪 -2016.01.15

「仆街」

「不街啦 」! 什麼是 「不街啦 」.

正確是 「仆街」.  隻衰野好壞啦 ! 要學人講粗口又講唔正.


幾時養架, 專登買回來養.....佢話在街見到牠隻翼斷了, 救番來的.
重識講粗口話 !

「不街啦 」, 一定是你教牠說的.

「八婆呀 !  」牠一望著電視機說水芙蓉是「八婆 , 八婆, 臭八婆. 」

有無咁得意呀 !?

傳條片出來, 快! 快速 ......

望望, 先信佢.  佢專講大話. 都唔是否在扮聲配音的.

雪 - 2016.01.15

你的眼神

聽了衛蘭, 林志美, 我是歌手男聲的幾個不用版本演繹.

找來找去都是喜歡她唱旋律, 她的聲音那一種沒法替代韻味, 無論聽幾多次 ? 是愛歌中詞句 ? 是愛歌者的音色...喜歡這歌嗎 ? 

是她帶我回到五十年代初意境, 去到歌中場境. 一邊寫一邊跟著哼哼其中幾句.

蔡琴

你的眼神

作詞：蘇來
作曲：蘇來

像一陣細雨　灑落我心底　那感覺如此神秘
我不禁抬起頭看著你　而你並不露痕跡
雖然不言不語　叫人難忘記
那是你的眼神　明亮又美麗
啊......　有情天地　我滿心歡喜

其實, 蔡琴是原唱者嗎 !? 現在再聽一次, 再細味一次歌中意境, 愛情並不露痕跡, 雖然不言不語叫人難忘記.

或者,再回頭也沒法追......

或者, 有緣有情有未來.....

或者, 一剎那已成陌生人.


三更半夜電話剛剛與歌聲連成交響曲.  他問在聽緊什麼歌, 有什麼流行歌好聽.  怎好意思說這麼晚還未覺豬重聽著這些懷舊歌 !?

沒呀 ! 剛想瞓...又上夜班找我攝時間 ?

一開聲就空了他, 嚇唬他......

雪 - 2017.01.14

屋企無咸柑桔存貨呀

屋企無咸柑桔存貨呀 ! 早幾年飲完某某俾落的咸柑桔.  之後肚痾了好幾日, 馬上拋晒落垃圾房啦 !

之後, 也沒有人再俾過我了 ! 公司阿姐攞了些千年黑黑實實回來益我們.  不過, 實在太嚇人樣子我驚肚痾...多謝 ! 你提我, 但我無咸柑桔在雪櫃.

我吃了網友推薦的食物, 好返好多啦 ! 不用掛住我口生飛滋痛痛的事.  重講到嘢......

我沒有話題才說說上學事.  這科網完成了不用再做功課.....

幾時收爐....... 上次咪已跟你說好了 ! 又忘記了......

你好煩......成日問. 找塊白板找枝黑筆寫低佢.

笑........

笑........

笑.........

雪 - 2016.01.12

是她...不是我

也不知從那時候開始就喜歡吃汕頭老鵝...手手腳腳, 片皮鵝胸, 凍蟹, 九肚魚, 水晶包...反沙芋.
最近去了趟潮江春又帶我回到那年每每外出吃飯都想擇潮菜. 

呀 ! 新年...要宴請某老人家, 知他都喜歡潮菜.  順道叫他幫幫我指點迷津, 批批流年八字. 

笑 !  又去睇全相.  唔啦 ! 請人吃餐飯聚聚舊, 閒談幾句還可以.  大批好煩架 !睇得多唔準, 一個說咁咁咁, 另一個又說這這.  那你該信誰.....

以前, 年輕時候某某就話我易呃又易騙.  那時我幾乎想折他招牌. 而家再看看又真的幾易呃咪俾他呃了我的真感情, 流了這麼多無謂眼淚.......

又有一個她, 她說我自細沒有爸爸.  我又幾乎想不再聽她說下去......
但, 當她再說第二及第三件事, 已經在說我未來. 

我現在的過去.  她說中了.......

話左不可以講就不可以講.......

找日, 等我心情靚返就寫寫(她 ) 怎樣被(他) 騙財往事.

註明先是她...不是我.

雪 ~ 2016.01.09



 

習慣孤單

生日快樂.  其實我唔肯定她是七號定九號生日 !?

上年就九號祝她生日快樂.   其實, 我記得是七號架.....

今早醒來傳個短訊給她, 「祝你生日快樂 "先"」 整多個 「"先"」 字就無錯啦 ~

今日才約她吃 lunch , 邊得閑招呼我呢 !? 又唔早點約她......

唯有...寫低個 schedule 給她, 問她那一天有空就約我啦 !

生日俾佢大晒一天.

我今日唯有孤孤單單地過啦 !  孤單快要變成習慣..........

有時候, 可以在家靜靜地渡過平靜一天也不錯.......

有時候, 在險惡或困境中我們也要早早學習怎樣去孤單面對, 朋友幫忙只會勘他於險境. 一個人受苦已經足夠, 又何必拖累好朋友.

有時候, 有一些秘密總想找朋友分享, 但又怕朋友難以守口如瓶. 這個有口難言處境點好意思拖人下苦海, 漏了口風傷了感情, 漏了口風壞了大事...又何必呢 !

一個人孤孤單單又不用就你吃肥淋淋, 不用勉強自已吃噴火食物. 又可以擇自已鐘意電影.

孤單有好多, 好多的好處的.

其實, 孤單也不錯...............

交功課

係咁二交功課, 我驚串煲抄了男同學一頁說有關歷史進程. 

我睇都未睇過相關文章, 未了解.....好醜架唔識答. 

我明天瞓醒覺一定要上網找一找相關資料, 做好準備.

哈哈 ! 借你睇...唔制 ! 費事你笑我, 費事你知我內裡太多底蘊.

笑....

MM...真係唔可以貓俾你, 你到時實玩我. 

EE....你傳你那份給他啦!

我唔講住, 有咪事 ! 明天起身再說吧.

.........多謝你送來的咩咩咩.

雪 - 2016.01.06

新租約煩惱

照舊唔加租 ? 通了地鐵我份租約可會有點煩惱......

樓又沒本事去買. 一間都難呀...! 

去工廈找劏房住...有邊樹24小時出入呀 !? 有新鴻基做管理公司, 有獨立洗手間又有獨立空調...

我又驚風險, 搖擺不定這個重擔子. 固定供款好大壓力.

早點試探試探包租婆意向.  找日約要買齊食物同她撐撐枱腳. 收收風....來年會加租多少.

真的怕了 ! 可能明年有薪加也要乖乖轉手相讓. 

如果, 可以支撐到我實際是唔想搬, 始終自細住慣漁村, 鐘意陣魚煋味, 又鍾意坐船仔回家夠方便.

希望, 大好人包租婆她會俾多 唶 soooo 我啦 !

唯有嚇嚇佢先, 外間好多租霸架. 

笑.........今晚又同發嗡風了 !

新一年幾時爆煲

投資買賣股票是有風險, 唔怪得人.  自已都有責任. 

我都知自已事, 買親股票輸多嬴少少. 唉 ! 都怪自已一時貪念, 進入了這個大賭枱. 

香港是一個很好投資地方, 這是對大陸人來說吧 ! 

所以, 他們都擁到來香港...真的是有得執ooooo  ??

點解 !? 會這樣兩極化 !? 我真想不通當中玄機在那裡...

早幾日去了看樓, 無錢買都看看先 ! 做個有準備的人.  見有個 二百尺單位, 諗住或者遲點會買到.......

痴線啦 ! 450幾尺新樓在橫街窄巷, 對面重是回收垃圾友廢品 ~ 環保店舖.  它要兩萬大元一尺.  二百尺單位沽清無貨了.

奉勸各位人姐, 勿點樓宇投資, 這次唔洗問高人都知隨時爆大泡沫. 真的 ! 想快點爆......

人民幣又跌, 樓市又無份, 股市就天命所歸...

阿高人都話唔老花鏡唔識睇囉, 唔肯俾意見給我...

今晚都是無什麼好同你說.  所以, 我咪勤力點去買六合彩囉.

雪 (大頭 B) 

2016.01.03

做個貪錢女人

數數手指都幾年了...

唔知 ! 唔知個腦可支持得幾耐, 個 MON 又要換.  希望唔好咁快變垃圾啦 !

我無錢啦 ! 股票又舊年在秋官效應時...綁到實一實.

其實, 現時香港生活指數真係好高, 一份人工又交租, 又吃飯, 所餘無幾. 想想一個人做緊兩份工幾辛苦呢 ! 

我係度想...

唉 ! 我下半生會怎樣才可以改變, 這困境 !? 唔上班都輪唔到公屋...

朋友話而家先開始排, 要排到十零廿年.

新一年, 有無財神爺指引好路數, 教教我啦 ! 求求你 ! 幫幫我, 好唔好 !?

等候天邊某人回覆.

做個貪錢女人...但不做壞事架 , 殺人放火, 出賣靈魂, 她唔做架....咔咔咔 !





雪 - 2016.01.02

元旦沒節目

昨晚, 等他電話等等吓, 蓋眼閉神, 點知真的瞓著了覺.

後來, 他來電說要收二點.  我話出去陪他吃糖水反正有地鐵又通頂行車.

點知, 他說今日又要返早, 懶得陪完我變肥仔又要涯眼瞓.

「佢老板喔 ! 收埋人命咩 ! 」

做咩除夕, 元旦都要返工架.  搞到我都要陪埋一份變成無節目的人.

我叫他, 過年後好找過份放紅假的工種或者去進修增值做專業人事.   笑...話咁易咩! 他說著,笑著說.

要不來緊三十多年都要人慶祝時, 我倆就各自孤單又可苦呢 !?

假期......無見過人咁 ! 點得架.

唔理你呀 ! 聽日要陪返我去街.  好快點想定聽日有什麼節目, 見三個鐘都好呀 !

有時, 一講到這些話題, 他沒有多說, 緊要關頭就提一提我. 轉工話咁易咩......點, 點, 點又點點點喎...

得啦 ! 得啦 !都係想見多他兩面, 都係想同他撐撐枱腳, 行行街吃粒街角咖哩魚蛋姐.

2017.01.01 新年快樂...都要想想辦法讓自已快樂.   

雪 - 2017.01.01


PS ...寫時候沒節目, 寫完就有人約啦 ! 今晚有人請吃飯...笑 !