一個墟

本來計劃好去大埔墟...去發哥推介市政大樓吃排骨飯, 就開始一天行程, 準備行大半日又回去約埋表哥吃牛腩粉, 然後屈佢結帳. 

有條友仔話只去飲茶不去行回歸塔. 阿姐無理由叫你山長水遠入去吃碗飯.  為有就一就她改行程去中環飲茶.

俗語說三個女人一個墟, 五個女人嘈到拆天, 直情當隔離枱些人聾了一樣.

好好笑.....

A 說:  [唔該馬拉糕].

B 說:  [我飽啦].

C 說:  [ 我唔食].

D 說:  [唔要, 唔要].

A 說: [ 阿姐, 佢地話唔要, 唔該].

推車個位阿姐....都是聾了一樣, 一手夾實件馬拉糕放落隻碟度, 一邊就說: [我知, 你地想要什麼].

她放下一件馬拉糕 (是糕邊位的馬拉糕).

阿姐, 她竟然偷聽我們剛才所說過的話...... 知我地某個朋友最鐘意食(糕邊位的馬拉糕).

但鐘意食馬拉糕位靚女無出席這個墟期.

最終,  我們大家都忍不住笑, 一人一口 KO 左件(糕邊位的馬拉糕).

重有些勁好笑的,  笑料太多不能盡錄.  假日能夠與三五知已共聚, 真係可以肆無忌憚鐘意怎樣說也只會笑呵呵 ! 笑到淚水都流出來.

有個朋友重笑到噴水.... 真係有搞錯呀 ! 害我要叫人換過晒面前些碗, 茶杯水都要倒走換過.

之後, 我們去了看桃花, 看書畫展覽.

喂 !  唔好講野住....冷靜一吓先好入場呀 !

雪
2019.09.24