ICE COCA COLA

再想不到話題, 就要休格了 !  得得...草草隨手寫一頁.

以前在雅虎時做識了個女生, 她同我有點投契, 記得她寫過一頁說兒時喜歡可樂加雪糕 (有個好特別名字). 不過相隔太遠我忘記了什麼好似 ~  ? 牛 ?  說以前人好喜歡這樣食可樂.

今日這麼熱, 你喜歡一杯凍可樂定是一杯可樂加雪糕 ? 我安坐家中嘆嘆冷氣, 咬多件懷舊元朗中式餅食我邊度也不願去啦 ! 昨晚老朋友送我的...

也記得以前又有個在雅虎識男生, 因舊女朋友喜歡飲 ICE COCA COLA 而偷偷地幫女兒改了個名做COCO. 真係多情...

喂...你地有邊個知我講緊那個女生, 同某某男生...

一定有朋友知, 我地一齊識架嗎 !?

最可惜是......我要介飲汽水. 嗚嗚. 

雪 - 2015.06.01

2015.05.30 行程

車 ~ 你又不是我男朋友.  做咩要話你知今日去邊...

唔想煩, 怕鬼咗你.

同男朋友拍拖, 還有什麼別事可做咩 ? 

與男朋友在佐敦商務會合, 他要找本書, 睇了一陣我都買了一本英文書用來增進知識.

之後,去 CITISTORE 逛, 想買短 T, 最後只買了隻 SILICONE 的鑊鏟和一隻比得兔木湯勺.

之後, 同老朋友聚聚在荃灣廣場 4 樓, 擇了一間好多人食府吃飯...他倆中午就要飲住冰凍啤酒來風花說月一番.  我陪坐又唔好意思玩手機上網.

之後, 坐隧巴經, 在收費停前阻塞了一陣子再經修頓轉車回家.  

今日, 好燥好熱. 行得累...腳痛.

男朋友陪住送返家.  而家隻腳重痛緊........

......................

真想罸佢. 

一天行程報告完 ! 

雪 - 2015.05.30

同阿花哥提早慶生

生日快樂～放大個ＤＤ個蛋糕先

在這提早同阿哥慶祝生日，簡簡單單放大大個蛋糕在這，叫些朋友過來按ＬＩＫＥ　啦　！


學人送上祝福話　：　
祝你抱孫女快高長大，聽晒你話
祝你登超高山，天天都快樂遊山嶺玩溪間浸清涼
祝阿哥身體強壯，龍馬精神，生活愉快，心身康泰
祝你家肥屋潤，六合常中，最緊要財星高照照呀　！


這個蛋糕好易整，有識整蛋糕女朋友肯幫手做一個真版俾我阿哥呀！

笑......

我全力獻出金莎朱古力一盒．

祝你六月四日生日快樂．

妹妹　～　雪
2015.05.30

連貓都唔食魚.

個腦實實地, 返工日子真係好苦悶, 特別是對著隔鄰板間房老姑婆. 今日又俾佢激親......

嬲爆中........

好在有你陪在身邊, 可以同你放縱的說她是非, 可以解放壓力.

得閒就 whatsapp 我一些低級笑話.....真笑到我差點喊.

太破壞形象啦 ! 恕我唔可以在這同你分享這些有味低級笑話.

圖同文字不相配, 我專登......這是我網址, 我鐘意放什麼就放什麼, 老姑婆個人咁衰咁恃讀得書多, 最慘連身材也沒有. 成日重當自已是香港小姐.  嘔呀 !

邊有男人鐘意...正式是連貓都唔食魚.



晚安啦 ~ 888  
講完是非我出出面玩...磚.

雪 - 2015.05.29

我是他的好兄弟

昨晚又一個超早起無眠夜 .

他說當了我是他的好兄弟...就像上海灘主角身邊總一個肯他上刀山的死肥仔.

上腦啦 ! 睇完套影片......

一路以來, 我倆可以無所不談, 我有事無事悶時候都會找他側側計仔.

他說, 這次排到他有事, 所以五更等唔到六更, 知會嘈住我但控制不到...重話我唔會變小氣鬼想心相反... 

有第四者 ?  好復雜的感情關係, 可以冷靜點, 冷靜點.  或者去去旅行玩完回來, 又有新局面也不一定.

喂 ! 你返天黑工, 我白日工有咩到假日再共你詳談, 好嗎 !


我暈啦 !

我明明是一個溫柔愛睡覺女子, 你唔好再蘇擾我.  

雪- 2015.05.27






預告...聽日說一個笑話給你.

害人「已掟爛個瓦煲」。

「掟煲唔掟蓋」， 「cool煲」，「已掟爛個瓦煲」。

大佬你講幾日囉喎．．．我俾你搞到好似罪人一樣，好似是我迫你掟咗她似的。　

你去玩搣玫瑰花瓣啦！　唔好五更就來找我，我要褸住張薄紗被去找回個手機，聽你說夢話。

我放假就陪陪你，平日要上班．．．你變成一個為我加無形壓力的人。　

再不是，我最多將借個有百寶袋公仔俾你，對著它說個飽。　

唉　！　愛最簡單不過，要是你真的愛她又怎會聽我話。藉口多多過幾日就識過另一個。

你放過我啦　！今晚唔好ＣＡＬＬ　我呀　！　

雪　
２０１５．０５．２７　

沒解決到我情緒起跌

無呀 ! 網上找唔到...你說的影片. 你有光碟...可惜我沒有光碟機.

我去找來的片子, 沒字幕洋文我聽些, 明點唔明點.

轉台聽女主播說 : 美麗對一個女人好重要...在感情領域, 留著美麗就可留住男人.
或者她說得對, 我愛情觀太膚淺.  慣了吧 ? 對慣了也會厭卷, 問自已平淡是有罪嗎 ?

一剎間, 想如果我們什麼也沒有,  沒有厚厚過去一起經歷, 沒有過去分開又再愛. 我該怎樣去維系這一份情, 怎樣去將這段情昇華, 將他變成我最愛親人...要他時刻都感染甜蜜, 溫暖. 

沒解決到我情緒起跌千象, 夾集快樂又憂傷同在, 是緣我我我壓力來自沒隱定的愛情?  我壓力來自工作中排山倒海數字... 

看看我神經上迷芒情度就可想而知.  

雪 - 2015.05.25



awwwwwwwwwwwwwwwwwwwwwwwwwwwwwwwwwwwwwwwwwwwwwwwwwwww

看他也是無藥可救

乾了淚水雙眼 , 寫一篇愛灑淚故事, 寫一篇有關他的愛非常非常.  

聽一首 「我本人」, 想著她和他故事. 

喂 !  唔好再想我本人啦 ! 費事俾你們笑. 

想想另一人好掛 ?? 他好多情...情人一年半載就換劃, 他說多人愛才有存在感, 直口多多說也許喜歡照顧人, 所以多女生愛.  

這樣子幾時才找到終生伴侶 ?  都唔知他幾時, 要等幾多年才找到真愛.  

喻出原因, 他唔認真愛他女生又會同他認真呢 ! 

昨天, 他又跟我說唔開心, 又話今天要再上來.   

我采他都傻......煩咗我幾個鐘, 我看他也是無藥可救.

最怕見到男生眼濕濕.  一早就想叫他飛那個她, 不過唔感說出口.  掟咗咪好啦 ! 

雪 - 2015.05.24

家用象徵式加加碼

雖然一個人住, 選點也很近媽媽居所, 所以好多時只要花丁點時間, 就可做個乖乖孝順女.

媽媽腳痛之後, 也再沒要求我陪她晨運, 想起以前和現在的我也一樣沒變喜歡懶床, 躲在被窩中玩手電, 也不願陪她晨運.  媽媽也是一個廿四孝好媽媽, 每次她都會在茶樓找定位, 有位才叫我出去會合. 

今日, 又偷丁點時間陪媽媽, 聽她說著循環式說說碎事/往事. 預時間俾她轟炸. 
有時她總喜歡問我同男朋友怎樣 ?

一問到他就好煩...我只好馬上轉轉話題, 說老闆加了人工, 我也要給她的家用象徵式加加碼...這個月仲提前俾家用, 她笑到合不上嘴.  

之後, 在屋苑庭前看花開看樹木,  陪著她坐在池邊看錦里開口閉嘴的趣怪樣子.

她總是要我留耐一點, 又追問怎麼不吃完晚飯才走.

我...撒撒嬌說昨晚沒睡好, 而家好眼訓要午睡, 另擇一日啦. 

雪 - 2015.05.24