醃子薑食譜

閨中蜜友懷孕了 ! 第一個同我報喜.  還說預計產BB 日期在 6 個月後.  就會同BB 搞生日會.

她說近日作嘔又作悶, 連飯菜, 牛扒, 家香雞都無法子好好品嚐, 聽年紀大嬸嬸說這情況可以吃些酸酸濕濕零食有助開胃止嘔.

但她又說怕坊間現成酸薑多用糖精, 又怕了國內食物有不知名化學成份, 到時生了隻怪獸 B 出來就喊都喊唔返了.

然後, 她欲言又止.  我問她想點呀 !?

她說有張GOOD SO GOOD的醃子薑食譜但要找人幫她整, 然後就眼咁咁, 又眨晒眼地望著我.

我未整過喎......她說: [試一試啦! 明天請你吃早點].
就是這樣...這樣成就了這一頁醃子薑: -

我沒跟足她GOOD SO GOOD 食譜, 份量太多了.

原- 醃子薑

醃子薑
材料：子薑三斤、白米醋兩大瓶、冰糖三包、鹽少許
做法
1. 子薑薄切後撒鹽，醃一會
2. 白米醋煮開後加入冰糖碎，用大火煮溶，拌勻後稍為待涼
3. 將子薑放進瓶子裡，用筷子拌鬆一點
4. 加進糖醋，冷藏一晚後即可食用



變更後食譜- 醃子薑 :
十二兩子薑 , 白米醋一樽 ( 怡仙庭白醋)惠康有售, 冰糖一包, 鹽少許.

1. 子薑 粒狀切 後撒鹽，用少許鹽醃一會廿分鐘,

2. 白米醋與糖一起煮溶 (糖可調節按自已口味 ) ，用細火煮溶，拌勻後稍暖也可.
    (如果沒瓦煲, 可用不銹鋼煲,  煮溶後但盡快轉到瓦碗待涼)
3. 將瀝乾水份子薑放進玻璃瓶子裡，用乾淨筷子拌鬆一點
4. 加進糖醋，冷藏一晚後即可食用







變更的食譜是向另一廚藝精湛好友請教後所得.  我現在未知道按她食譜可否做到同她一樣水準否.

到時好友不要吃到開合,眼笑渣埋一舊就得了.   看看我制的醃子薑...原來十二兩得好少, 得半樽.

一睇就知我初哥未能預好份量, 如果, 你們做一樽可以改為斤四兩薑會好一點.

   

咁煩, 你都是不會弄婆婆食物.  笑....成樽送給她, 我都唔食這些東東.
為食她一個早餐搞到而家好眼瞓...花了我一個鐘頭制作.  

雪
2018.06.03