找秀雯「寵物」陪你過這一天, 知呀 ! 我知你鐘意哥哥的歌聲.
不過, 我要你聽另一種類的聲線, 專登找這一首輕快的歌, 聽多點就會愛上我所愛.
到時沒用常聽你的歌, 你和舊愛的歌...
哈哈 ! 我鍾意秀雯歌, 喜歡她傻傻樣子, 直腸直肚, 她那把聲音就是我最喜愛的.
好耐無聽她的歌啦 ! 好想有新歌......聽呀 !
雪 - 2015.08.30
ps ....隻超可愛貓仔在 facebook 偷的, 如有侵犯請告知自會刪除.
2015年8月30日星期日
2015年8月29日星期六
蛋糕同馬蹄糕都是糕....
想吃我親手整蛋糕 !? 無呀 ! 事實, 我唔識整蛋糕....
唔得閑...我剛剛買了包馬蹄粉, 正整緊馬蹄糕俾阿媽吃.
我要做孝順女...附近店舖酒樓整得不好吃. 又硬又甜重有防腐劑. 口授食譜叫我跟著做......
細細個媽媽兩日就整一次馬蹄糕, 我唔鐘意食的...她就自已愛吃而為將最好吃的給我.
通常我吃一舊半舊敷衍,敷衍...她.
係呀 ! 這些年, 她隻腳有事就沒點花時間站立來自已做食物了.
我順便整多一底細送給大話叔叔 . 用來同他祝壽...唔知有無利事俾我呢 ?
笑......生日快樂. 祝你食完馬蹄糕, 馬運亨通, 馬仔聽晒你話, 身體健康, 工作順利, 甜甜蜜蜜.
雪 - 2015.08.29
傻傻站著的一個她
上天有時真很會作弄人, 好罪惡感覺.
沉常日子偶爾還會想一想這些年來他最愛女人會是誰, 這輩子他可曾有想起過她一秒?
早兩晚又入住這個簡陋廂房, 同一個門號, 同一地點, 同一個時間的故地重遊, 回到這個兒時那個長滿紫色花花鄉間田園, 獨個兒在花田下拍照, 腦內記憶體閃動著將遺失片段. 每年到來一次, 是為著這輩子...這一秒要記著他和她曾經甜蜜回憶,是笑不合嘴一幕.
這個他也隨著一張黑白照片在火中焚化灰燼. 愛過恨過痛過傷過, 那年冬天...她說此生也不願想起他. 只可惜, 女人通常是口爽爽, 行動總難遺背底子裡收藏情素, 剛說完不再想他, 轉頭又坐火車又坐艇回台灣, 為的是見見舊影象...尋找當日情景.
這些風景很遠, 很遠回憶像夢魘般一躺入夢, 夢中他問了很多問題, 而她呢 ?
傻傻站著的一個她, 傻傻的望著前面花園藝林.
雪 - 2015.08.29
憂慮股市大冧, 輸了多嗎 ?
做咩...唔笑呀 !?
你而家憂慮股市大冧, 輸了多嗎 ?
大上大落你這些投資老手, 應該好有準備, 早該定好止蝕位. 哦 ! 無在港無眼睇...一兩日間千變萬化, 主版大藍籌大紅籌價位變成點都唔關我事...
風雲萬變瞬間, 你自已要謹填點, 盡可以就放緊些太重磅, 我驚你到時因股市而有憂鬱症, 吃飯都唔識笑就慘啦 !
咔咔聲笑 ! 他說早就賺得漂亮, 今年幾個月前已賺足的預設止賺位, 早早離場.
月尾重可以做無腳雀仔, 飛出國境去遠遊休息...飛還飛呀 ! 成日開口埋口說自已是無腳...又愛四圍流情.
真風涼, 重估他輸好多......又唔提醒我. 所以呢 ! 買股票投資都是靠自已眼光, 量力而為.
我自已知自已事, 慘敗過教訓及記憶唔會太輕易重滔覆轍.
發財夢, 買張六合彩隱陣點.
雪 - 2015.08.28
2015年8月27日星期四
吱吱吱...浸親.
喂 ! 喂 ! 有隻黑鳥在溪伴中游泳. 唉呀 ! 好得意呀 ! 影唔到牠的樣子...
阿姊姊, 我真浸親. 是被隻肥貓追一時不慎跌落池...吱吱吱, 點解妳會唔明我, 點解你會以為我在玩.
行啦 !行啦 ! 行啦 ! 去前面影相...又話要影荷花.
咪走......吱吱吱. 大力拍翼吸引她倆注意.
嘩 ! 好靚...花. 這天要放張靚靚日出照...拍多幾張相相先.
行了兩圈, 行多一圈好吧 ? 我要去看一看隻黑鳥飛走未, 想拍張正面照片.
哎呀 ! 重係度...不過好似唔識陏, 似浸親喎....
喂 ! 你想辦法救牠出來, 我驚牠會死要是沒人發現.
點救呀 ! 今日鬼節他說唔想感染禽流感, 叫我唔好搞錯當愚人節整估他.
怎辦好...好 ! 等我跑去游泳池找救生員. 於是, 我用些唔咸唔淡的煲冬瓜說池邊有個生命等你去施援救助.
事實, 我一生最害怕的是這種濕水禽畜, 都不明白這次會做這件無謂事, 還少了點恐懼感覺以三秒三快拍了這一張相.
這隻會否是烏雅 ? 定是相思 ?
要多謝那位肯爬低身攀出池邊的救生員哥哥. 也要多謝......發現我姊姊.
驚驚...邊寫邊驚, 恐懼感覺又回來了.
雪 - 2015.08.27
2015年8月25日星期二
我的鬼計
執緊背包準備離家出走. 行裝中必備充電線器, 外置式充電器, 回鄉証, 身份証, 銀包, 人仔...錢
鎖匙.
短褲, T 恤, 底橫, 洗臉奶, 爽膚水, 洗頭水, 肥皂, 拖鞋, 藥棉, 橡根圈, 梳...毛巾, 睡衣.
真係煩呀 ! 去那一天半天帶鬼死咁多嘢.
想想, 都是將這些東東全部一次過放入塑膠袋, 準備好明天質比阿沙憎. 我呢 ! 要變身唐玄奘.
將股票虧本事拋諸腦後先, 都無辦法啦 ! 放一旁先啦...無眼睇. 等奧巴馬同習總側掂數就自然會上升軌導.
重有你...唔好追我寫日出, 要六點鐘前行到山頂, 遲點再約你邊日一起去影日出光輝, 遲多點先啦 !
到時我會早點約你.
怕到時, 你又唔知醒或者又多飲葡萄醉...甩底.
我充了電也無法上來見你架...實際是無 WIFI 呀 ! 嗚呀 !
雪 - 2015.08.25
2015年8月23日星期日
婚莎背後
三十五歲, 他終於拖著一個女生出席朋友婚禮.
所有朋友在開花炮花碎恭喜新人時, 她情不自禁地將手中花碎朝他倆方向, 手隨在眼光方向曬向他倆. 口哨聲也隨即嚮起...新娘子停步暗暗嘴笑, 好啦 ! 今日花球抱出去執到都要有好多人失望.
新娘子在他耳旁語耳說, 好彩你隔離這素質, 樣貌身材怎可搶到穿上婚莎者的風頭.
拍拍他肩膀加力搣一搣, 以後要好好戀愛. 快點, 快點祝福我.
望著他有點心疼有點難過,老是說不需要愛情, 沒愛情又怎會完滿, 終於可放下多年情事...
都唔知點解他那年沒喜歡生得白雪雪, 人人讚靚的我.
怎麼她會這麼遲也未來到婚禮現場 ? 新娘子的我專登沒給她邀請出席這環節, 是故意破壞一次機會都唔俾他見她.
哼一句贈慶 : 未許他倆見一面, 要當初都過去.
晚上啦 ! 晚宴她回來...好啦, 到時會見到你拖著一個純樸女生.
好啦 ! 大婚之期嫁作他人婦也終於可放下這件屈結多年事.
那有新娘子結婚之日重想這些滑稽事............在這老老實實說, 我創作的婚莎背後的短篇.
雪 - 2015.08.23
2015年8月22日星期六
有回報沒回報
計數題...一起身又諗著條數點計 !
1200-600-600 = 0
500X 10 -400 = 4600
無計錯呀 ! 點解答案同本書唔同...係咪本書印錯了 ?
唔啱, 都不是書中答案 ? 55 , 55 唔諗住晏點再看. 假日都做自已喜歡事.
我計數叻唔叻 ? 一定唔多叻...雖不是吝嗇的人, 間中又愛亂花費. 事實大部份日子沒什麼點用錢但總覺得自已是真正的月光族.
我計算都不是貪, 朋友話要投資又墮進天津爆炸, A 股爆破...八年省來儲備又綑綁實一實.
早就知這個命數.
有時投資回報這個問題, 不是你讀多少年報, 計算多少回報率, 看通間上市公司有多少憶元資產就會有回報. 全球形勢變數千變萬化. 所以, 寧願信命, 信彩數, 信命中注定有錢無錢.
有回報沒回報.....等終有一日八年儲備綑綁一鬆就有回報啦 ! 呵呵 !
有時, 我們化了這麼多年投資在情人身上, 回報有定無自已屈指一數, 想一想心中早有數,
又怎會說沒計較 !?
雪 - 2015.08.22
2015年8月21日星期五
唔好引誘我...我無咩定力
熱死騰騰該去那兒吃飯, 傻架咁熱重話要吃咖哩羊腩.
講下唔得呀 ! 叫你陪吃多幾餐飯...飯呀 ! 就整碟頭飯......
我想冷盤, 這個熱得死人天氣, 我啃是想吃日本食物啦 ! 可以又貴又唔飽...啱我.
有些冰冰墊住一舊, 二舊深海魚腩.
一板板海膽...哈 ! 吃一啖丁丁咁多.
孤寒鬼, 我改了生活習慣, 戒吃垃圾食物, 戒吃肥騰騰高脂高鹽.
唔好引誘我...我無咩定力, 好易失控.
唔好想太多, 再想我又去雪櫃找東東吃.
你做緊咩.......
雪 - 2015.08.21
2015年8月20日星期四
2015年8月18日星期二
火藥味的愛情故事呀 !
用一隻手指按在嘴上示意, 不要說 !
沙獨個兒都同時站在南Y島這寧靜, 聽到風聲, 聽到海浪聲, 聽見遠遠傳來風車的呼換...
如果沙愛上風, 海會說什麼話 ?
風說海不懂我, 風只想將沙帶到在身邊.
傻瓜 ! 你在說什麼故事, 你又在寫感動人的情情愛愛 >
情動, 情牽十幾年 ? 十幾歲就這麼多情呀 !
好爆爆舊情史給我, 我想看看你寫有火藥味的愛情故事呀 ! 回家後快快在床下底找個舊書包, 送我床下底的舊情信....
簡單復雜化, 簡單點拿你和女友的分手信給我看看.
哈 ! 唔方便 ??
早知啦 ! 我都是隨便寫寫, 你可不要太認真...
最美的愛情是風愛上沙, 沙又願意陪伴...... 火藥味的愛情故事要怎樣發展 ?
雪 - 2015.08.19
去 8 8 眼鏡驗一驗眼
一放工就上網查查資料做家課睇來睇去, 好多資料要看, 現一半抄半估.
做住DDDDD 先, 驚無功課交又驚答錯題.
阿 sir 係度發嗡瘋, 一時桃花島主種蘭花定種太陽花 , 一陣又講數十大星宿佔掛命理.
嘩 ! 一講入正題點計數就出急口令, 我聽都聽唔切, 隻眼鏡又蒙查查, 睇唔到黑板寫什麼東東, 抄漏個點數位.......
CCCC 唔識計, 上網再看看有無詳細點的教程.
乍乍林去 8 8 眼鏡驗一驗眼, 慳埋慳埋早餐錢無晒啦 !
唔通真係要天天減肥吃牛奶麥片 ?
而家剛嘆緊咖啡, 游一陣網舒緩一下一天勞累.
所以, 是是旦旦交住一頁先.
雪
2015.08.18
2015年8月16日星期日
與朋友網誌分享
我唔可以將朋友仔醜事放在這同你分享, 對不起 ! 就當我負了你...
我也唔可以將自已舊事, 日記跟你分享, 對不起 ! 我真的辦不到...
現實中的一個好重要人, 又一次問我近日寫博情況 ? 他說, 我寫博多年要將一篇200至400百字文章給我修改...主題是他大學朋友問他買不買國內股票.
我又怎跟他交代. 這幾年間, 我在網絡上遊走. 間中玩遊戲看文章, 小說, 聽歌同網友閒談吹水多, 沒有在寫作中努力, 所以錯字依然好多, 文筆沒什麼進展.
所以, 這個秘密花園一定不可以給真實朋友找出來. 這樣, 我才安然的呃自已呃埋你. 回頭說, 寫這些議題真需要很多內涵, 很多學識及見地才可以寫出合情合理, 無害人建議. 頭痛中...我 ! 我竟然說好, 你分享給我看看.
我不想他知道我這些年來在這白白的過. 最多到時 call 一 call 專渣鑊剷朋友惡補一課, 先膚衍得他一時算一時. 不過, 到時...我一定加多點油擦擦佢, 嘩 ! 寫得好捧就算啦 ! 點感改他的文章...說笑是還可以.
每一次, 他問到我也會找一, 二篇舊網誌給他. 然而, 這次也會將一頁「童年派對回憶」送了給他, 之後就將之變成密件免得他可搜尋了我出來.
也許, 沒必要給朋友知我有寫網誌這個習慣會好點.
雪 - 2015.08.17
為天災人禍慘劇送上祝福
上網找一找新聞, 看看專家對天津爆炸後遺症意見.
香港政府會否加額外檢驗，即山埃含量是否超標流在雨水及河流, 水源之中 ?
想都唔用想就知啦 ! 鉛水都無驗, 山埃海產就自已鍚著自已...咪買住睇定點先啦喂 !
空氣指數, 毒氣漂洋過海, 散播到港, 政冷空氣品質等監測 !? 一直以來都有些沙塵爆, 廣東省珠汪江三角洲工廠癈氣排量超級污染.
香港藍天白雲...快要變樣.
我們可以怎樣, 生活在香港的香港人早就變成了木偶人, 每人上班返工, 為生活苦幹, 為買樓做樓奴, 政改無權話事, 快樂指數不斷變低.
我們又可以怎樣...? 如果時間可以重來, 中英談回歸時就應全人類上街反對.
反對回歸中國, 我細細個就一直只知自已是香港人...
真的 ! 沒有什麼好說 !
只能為天災人禍慘劇送上祝福, 誠懇的祝福天津人們可平安渡過危難.
雪 - 2015.08.15
2015年8月15日星期六
驚恐動魄夢魘
隨意點擊了, 上載了這一段近日天津爆炸場景,天災人禍誰之過 ? 這些化工危險倉庫早就應規劃好遠離人類居住地方. 最好建在無人荒涼地帶嗎 !
昨晚做了個夢, 身在灣仔條天橋上面...看著沿維多利亞港前會展中心著火, 一座一座樓宇接著爆炸火光洪洪, 一個又一個巨型火球. 就來殺到埋身世界末日, 火勢要將整個港島包圍毀滅
, 沒人可生還似的 ! 我只管站著看也只懂 O 起嘴...驚到呆板了 !
十幾級驚嚇情度, 我驚訝到唔知點算, 第一時間掛線叫佢落街先, 都唔知叫佢走到那兒才會安全. 但夢境內他沒有接電, 我好擔憂佢安危希望火勢未到時, 佢可以去到安全空曠地方.
可...看得大多科幻片, 所有大制作最恐懼場景在夢內不停閃動, 也許是腦內記憶體在晚間不自覺的運算中 . 零亂數位就閃出不同驚恐動魄夢魘. 也許, 是太多地陷山崩, 火災爆炸新聞將記憶體引爆.
好在, 瞬間夢醒. 好在, 這只是假 ! 發夢吧了 !
我知道這刻我最牽掛著的是誰.......
所以早早起來, 就想聽聽佢把聲......想還想. 我又怎感打擾佢的清夢.
雪 - 2015.08.15
我知道這刻我最牽掛著的是誰.......
所以早早起來, 就想聽聽佢把聲......想還想. 我又怎感打擾佢的清夢.
雪 - 2015.08.15
2015年8月14日星期五
2015年8月13日星期四
2015年8月12日星期三
沒有結婚意圖
無呀 ! 無什麼好寫, 連豬扒, 牛扒點整都唔想寫啦 ! 見到佢想嘔...這個嘔是兩個解釋, 不用我再解釋也應意會到我想一拳拳打佢...
長長的, 是往年寫愛他句子, 化成飛灰啦 !
等了幾年也沒有結婚意圖, 睇來要好好為自已打算...
如果,有機會識過第個擁十匹八匹四駒車, 寶馬, 凌志的公子哥兒也不錯.
傻架, 有一部也很好了, 重想要十匹八匹靚車, 我都是日間發開口夢.
有錢仔無本心, 我都鐘愛窮窮地的他, 木門對木門, 竹門對竹門的易點及會好可蝦佢.
係呀 ! 又在扮緊發緊他難渣, 睇睇他會否買甜品鮮花來扮矮仔.
戒子唔會有啦 ! 我知...所以我嬲.
雪 - 2015.08.12
2015年8月11日星期二
誘惑我第二堂就逃學
隨傳隨到呀, 要應召聽你發勞騷, 耳仔痛啦. 我返緊學須要關了手電, 回到家好晚了.
似你咩, 晚上唔是看球賽, 就去派對狂歡飲酒唔訓 !!!
日抖又多嘢玩, 知你家中有個錢, 你爸死時有遺產剩下...你好啦 ! 而家唔洗做啦 !
做緊 OL的我 要返工賺錢維生, 又要涯貴租又要吃通漲又要交數上繳, 怎可以學似你呀 !
我好乖, 正為未來努力中, 你咪用芒果甜品誘惑我第二堂就逃學.
太肥啦 ! 又到認真減肥時段, 吃飯都唔去住......
剛剛才做完部份功課, 都是上網看文章, 按老師分付要預讀的...
要計數交功課就未做....
我都係依慣常動作做了這份日記報告...先給你們了件心事.
雪 - 2015.08.11
2015年8月9日星期日
MY QUEEN 's HAPPY BIRTHDAY......TODAY.
MY QUEEN 's (MY MOM) HAPPY BIRTHDAY......TODAY。
每一年這一天她的誕生日子， 我年年也會好重視, 我們一家由大至細集齊人馬陪在她身旁, 快樂地慶生....Woooooo, happy Birthday。 生日快樂大聲叫起，她就最會老懷安慰。
是呀 ! 這個網誌我也會讓她看這一頁的， 盡量寫得有靚多點， 事由我想見到她滿面笑容， 見到她快樂滿足樣子。
媽媽...生日時最愛吃甜甜的蓮子蓉壽包。 提一提哥哥訂壽包. 間店很細也許不預定臨時點會沒有啊 !
第一句祝福媽媽你 ~ 永享幸福, 無憂無慮
第二句祝福媽媽你 ~ 生日快樂, 身體福康
第三句祝福媽媽你 ~ 福如東海, 百歲長壽
第二句祝福媽媽你 ~ 生日快樂, 身體福康
第三句祝福媽媽你 ~ 福如東海, 百歲長壽
唔知 ! 一陣子男朋友送什麼東東俾媽媽呢 ?
那年，他送品牌子手袋...媽說太細似女生用的， 轉手送了給我.媽媽有時真的好可愛， 自已物件就喜歡質給我， 我想拋棄衣物她又說漂亮拿來用。
呀! 今日唔可以投訴...媽媽， 媽媽你喜歡怎樣便怎樣。
呀! 今日唔可以投訴...媽媽， 媽媽你喜歡怎樣便怎樣。
今天， 我只想說 : 「我愛妳 ! 媽媽 。」
2015年8月8日星期六
宅女一天生活怎樣過 ?
見到朋友生活好充實, 好多姿多彩真的可讓我羨慕不已 !!
宅女一天生活怎樣過 ?
就是看朋友給的網站, 看武俠小說啦...中午在看第三章「雪山飛孤」.
http://novelscape.net/wxxs/j/jingyong/xsfh/003.htm
看到一大半也未看完, 睡魔急 call ! 大早起身之故...還是查良鏞文筆, 寫的武俠小說不太掂當.
哈哈 ! 我又怎膽感在這說查良鏞大作家唔掂呢 ! 他的書迷柴爆我台, 掟豆沙包都有份呀 !
呵呵 ! 咪玩啦 ~ 純萃是我自已眼訓問題.......
呵呵 ! 咪玩啦 ~ 純萃是我自已眼訓問題.......
我也清楚, 也曾聽很多愛寫作男生, 愛死愛到發癲查老先生所著作寫的十幾本名著.
對嗎 !? 可...是你也曾經儲錢在書局想買書, 想擁的實體書本放書櫃嗎 ? 日與夜唔訓都想讀的書嗎 ?
有時, 我也喜歡可觸摸到的實體書...不過, 近年真的買不多了 !
網上媒體實在太多.
雪 -2015.08.08
早起.
今早, 早了點起來. 又想到媽媽, 好掛著她.
早早掛線說要同她上茶樓, 免得她出門去耍太極, 否則我就要在街上公園四圍找她踪影.
哈哈 ! 我試過好幾次沒約定, 估她實在家無所事事.
話, 這麼早就嘆這些咸菜? 她的老朋友叫點的 ! 原來, 她們一早約好了去行中上環...買乾貨,海味和黑蒜子.
蘿蔔糕是媽媽叫給我吃食的. 吃罷, 我叮囑媽媽要慢慢行, 累就叫的士車回家, 知道嗎 !
咁 ! 我飲完茶就獨自乖乖地回家. 半途中遇上要好舊同學話行山...反正無地方去又有人陪...好呀 ! 有人帶上山崗看日出吹東邊海風. 目倒那兒潦闊海岸風景真的好美.
笑 ~ 九點半到就回家. 原來起得早可以做這麼多事, 時間好似長了百幾分鐘多了很多的.
怪不得愛健康人事喜歡行山, 原來可以強身健體外還可以多了很多寶貴時間.
找日, 如果起到身的話, 一定要充足電上多次這個有四百級山崗, 希望在那兒見到美麗日出. 寫一頁美麗日出放在這兒共享.
2015年8月6日星期四
2015年8月5日星期三
飯聚匯泉居
昨晚無飲水, 紅酒白酒伴晚餐...朋友她說慢慢飲, 唔急就不會醉.
我唔是係好飲得, 一杯紅一杯白, 好快有暈暈地感覺. 好開懷暢飲談了很多舊事, 嘴巴好忙又要飲又要吃又要大聲笑, 又要回味...快樂時光.
笑...那有時間談政治 ! 見多幾次先啦 ! 一談政治怕因立場不同而吵得面紅耳熱.
這間菜館在測魚涌海灣街13-15號匯泉居, 是朋友推薦青島菜(老板家鄉食物) . 可能我比較愛這種味濃食物, 所以感覺幾好味. 但有個靚女愛清啖就要找汽水, 笑說用來沖淡味精.
朋友話這晚是老板親自落鑊...因他整晚也沒出來同他蘇 Soooooo喎.
信我的話就要試一試, 價錢也不貴, 地方細細是聚腳好地方, 不過要早點訂位好易客滿. 也搞不清是否朋友是老客,老板給予好多優待.
相片曬緊找緊......笑. 飲杯酒先.
待續...............
由於食物太多一貼出來散滿版面就不好啦 ! 所以, 花了點時間整理整理.
請客朋友也一早點好菜...實際上吃了什麼菜式 ? 我也要上 openrice 找一找才知道.
前菜已好豐富 :
1)手拍青瓜粉皮, 迷里冬瓜球, 冬菇菜, 麻香靈芝菇 ,素咩卷 ( 我食得一粒冬瓜球/素咩卷).
一句說入口清爽涼快, 感覺精緻美觀...我部手機食得好飽.
掛著側計, 拍照...重要同阿某某私下聯結...他叫我打包俾佢喎...笑.
2) 跟著主食 :
在這要再一次多謝朋友宴客, 亳情款待, 推薦這一間好有特色小菜館, 讓我品嚐到廚師精湛廚
藝.
草捆牛骨，軟腍的牛肉豐腴可口可口...牛有牛肉味 (哈哈大笑中).
松鼠大黃魚炸得熱辣辣鬆脆 , 重要是無散開, 的連魚骨也可吞下肚子. 微酸果甜治味正, 賣相外形吸引. 唔寫唔讚太多, 費事人家以為我幫匯泉居做寫手.
曬曬我朋友破費的豪門夜宴 :
樟茶鴨一隻，玫瑰露加紹興酒醉雞, 烤羊腿，賽旁蟹，口水雞，蒸青子， 草捆牛骨，松鼠大黃魚．（我傳給他時候，他說我未齊相．．．暈啦！醉咗．．．啦 ！
3. 無白飯供應, 食蔥油餅, 羊肉餃子和唔知咩餃子, 蔬菜有扒津白,好靚好甜, 重有一碟炸蒜頭 十月芥菜,無故失蹤了.
終於甜品...駕到. 我唔寫啦 ! 你自已睇啦.......金色象牙塔是拔絲番薯和香蕉.
嘩嘩聲 ! 去到尾.....
食飽還要陪唱K....我, 話醉了 ! 留下一次相會啦 !
真係好可以找回你們, 朋友聚一聚惜日友情一瞬間又全部回來了!
我真的快樂了 !
雪 - 2015.07.31
PS...部份照片取自 OPENRICE 或互聯網...酒醉關係相片模糊不清.
訂閱：
文章 (Atom)