2017年8月31日星期四
閒話家常
「 祝你學業進步」;
「 攞 A 」;
「 祝你學業進步」;
「 攞 A 」;
「 祝你學業進步」;
「 攞 A 」;
咁易咩...
打完風要補堂, 補完堂一星期就考試啦. 咁易咩..這次唔可以攞假讀書. 公司有人放大假撞了時間, 但都要駁一駁入張假紙. 有點擔憂.
A 唔好講這些住...你話實我隻企鵝仔賣得未而家打和. 沒賺也沒輸...運桔.
又沒買自已隻愛股, 要不是就 888 , 可以飛兩轉日本. 我都想搬兩個行里箱回家.
不過, 這麼忙那有時間 看實個電話上股票走勢呢 !
今日偷偷地在公司做份 PROJECT , 都話唔好俾阿蛇看. 三人行又話要呀 !
睇...啦 睇...啦 睇...啦
睇完又要我改又是攞我來搞. 咪就是要改他們做那幾張之中的其中三張.
笑......阿蛇都幾醒, 咁都抽得中 (我ＣＯＰＹ ＆ ＰＡＳＴＥ）求求其其做他們的一頁！
又要從新打過兩個目錄.
阿蛇唔係唔偷聽到我們的對話, 要將他們幾張放前.......
那今晚同你閒話家常。
雪
2017.08.31
2017年8月30日星期三
2017年8月29日星期二
見他一面心願.
緣份是天定...........一半
緣份是人為...........一半
唔準嘲笑她幾年前同現在所講,所說不一樣.
1. 時間會叫人改變
2. 又要看看這番說話是對誰說的
3. 又要看自已現在心情
4. 更重要是很自已體力
不過, 如果要見人是他, 幾年見一次溝通一次. 重慘過銀河相會織女同牛郎, 重去見他嗎 ?
答案 ,她會好想,好想去見他一面, 就是遠遠地看看他,了解他近況 !
對人 ! 每一人也不一樣, 每個人總有一個虧欠他一輩子就是想見到他, 不是還他什麼情, 還他過去因情.
是要還自已一個心願.
今日, 要去見他一面唔得呀 ! 今日約了另一個他....
這就是取同捨緣份...有次序她約了他在先就不可失約.
雪
2017.08.29
2017年8月28日星期一
一段是故事 , 一是散文
完全是真的! 所以才會出現我見猶憐這一幕情景.
同一個場景, 在花園逛一圈遠遠見到他, 回憶去到兩年前本來健朗的他, 喜歡微笑, 驕傲自信, 陽光臉的他為什麼會變成這個苦苦臉, 是誰個衰女生折磨到他不似人形.
這是電台夜難人靜時候的擴播劇其中一段. 這個時候她又怎想他...只想他得到幸福, 多好呢!?
夜難人靜時候, 她最怕就是聽擴播劇, 越聽就越睡不好. 轉個台試一試聽首舒情歌曲 !
好多人說聽聽歌會有安眠作用. 是真的嗎 !?
三點啦 ! 四點又醒來 ! 播音樂成晚也不能眠, 重慘 !
如果可以發住夢再見兩年前的他, 跟他說當一輩好友又或者說要......
昨晚, 發不到夢一覺睡大天光. 可能人太累.......
我期待有一天我會回來, 回到我最初的愛.
上面是舒情文、散文定是記敘文呀 ! 請多多指教 !
多謝 ! 多謝 !
雪
2017.08.28
2017年8月27日星期日
收到隻夾回來的貝貝龍
係呀 ! 對呀 ! 近排也沒有寫作靈感 ! 有些煩悶的事情總圍繞著自已似的. 有種無形壓迫感使我半夜乍醒....
日間朋友群組爭議圍人, 都是小事一宗可理也不可喻. 有時間就入去聊一格無時間也費啋她們. 連想享受返學樂趣也遇上港女想擦鞋就自已做嗎 !? 騎刧 me 心血送給經理領功, 辦公室事返去自已公司搞, 傻傻地當正我是他們秘書呀.......碟碟不休地同他訴煩憂激氣事件簿.
他也沒有認真聽我說著, 他只從背包中拿出一袋二袋禮物擺滿桌子, 然後說著知我喜歡所以買來送我. 這也算是浪漫一節.......我而家一邊寫一邊笑. 同他一齊我是真的可從苦澀環境中轉個鏡頭就走到甜蜜快樂. 擁抱他一下就笑逐顏開了 !
一陣再續寫......
又買玩具俾我......都唔知好笑定好嬲 !? 又話夾了好耐花了很多錢才夾到的貝貝龍.
行開一陣我那些靈感又飛走晒了!? 好啦 ! 好啦 ! 寫幾隻愛情字句給你啦 !
未同跟他一起也有十個八個個男生追求過, 有錢的不英俊, 俊俏的又不愛她, 有學識有本事的又嫌人家醜樣, 😆😏 點樣浪漫得來 ? 年輕的她就是這樣子去擇男朋友.......都不懂分別才什麼條件好 ?
人與人之間緣份很奇妙才能走在一起,是恆星互相吸引還是月佬安排 ?
在人潮相聚後又能建立一份情根深種愛, 能否花開結果........
喂 !你過去有幾多個女友或男友呀 ! 她好想知....
雪
2017.08.27
2017年8月26日星期六
爭寵愛
有時候女生什麼也喜歡爭奪一翻, 她自細也不喜同別人去爭.
就如拍一張照片也要爭企前排正中位置, 在家爭父母寵愛. 在朋輩又爭誰人最多朋友, 誰是朋輩中的領導者, 當個最有領導團結者之首.
她在家爭父母寵愛嗎 ? 不用吧 ! 因為她未來這個世界前已種下了大量渴望去寵愛他的種子.
醜小鴨本來就沒太多朋友也不懂去爭取. 志趣相投人自自然然喜歡聚一起那種感覺. 能快樂地相處享受歡樂時光就會一個約會又再接另一次約會. 緣份讓人慢慢靠近.......
人長大了倒想參加一些更有質量可心靈交流聚會. 有時是想靜而避開人群還是自已想享受孤單感覺.
是呀 ! 幾個群組響個不停叮! 叮! 叮 ! 在腦內本有的靈感也飛了去巴黎似的. 係咪這麼空虛一日發廿幾三 十貼短片轉載 !?
日間給這些千里凡音騷擾, 晚間又睡不好.......
晚間瞓不著感覺像渴醉, 半夜唔好再掛著想另一個他的微笑.
雪
2017.08.26
2017年8月25日星期五
我對你報告我的報告書
每一頁POWERPOINT 或每一頁文字稿都是我這個多月來苦思出來的報告書. 從網上蒐集資料, 使用那一張圖片來配合該頁主題或者為了更盡善盡美使用美圖秀秀加工網上圖片, 在設計上運用架構圖顯示, 一版紙就花上了二小時. 搜集真實最新數據來支持內文, 看了多頁書本上作者見解, 個中艱鉅及耗費幾多個假日留在家做這份報告書 !!
這個家課好應五人一齊分擔, 這三條同一間 ABC 食店友仔, 是是旦旦交幾頁網上的文字給我就當完結了工作. 其間, 他們的項目經理一頁紙也沒交出來. 初時連分工也不肯認頭又話家有事唔得閒擇做什麼頁碼...都知他們想怎樣.
反正這次上學也是想增廣知識為自已增值, 做多做少也不跟他們計較了 ! 阿蛇說過不合作、不工作、可以不寫他們的名字 ? 哎呀 ! 我又點會這樣害人.......想就有想過.
早幾日將完成好作品貓了給他們, 問他們有沒有意見,有就提出好等我再修改......沒反應.
今天, 我留言 :
雪 : 如果份功課你們再沒無問題, 我會安排列印及準備交給阿蛇.
女同學 : 由組長 印及準備交給阿蛇 ~ 註組長是 (他們項目經理)
雪 : 你真懂說笑話, 呵呵 !
女同學 : 組長某天已表示他會印
雪 : 唔洗咁煩, 份文件他印唔齊的 , 走晒位有些字沒有了.
這些粗重工作我辦得來的
組長 : 辛苦你了
雪 : 😂👌 做這份報告真的幾辛苦, 知就好了 !
之後 , 我又找上幾科識落友好男同學話俾佢知上面事, 叫他俾個彩印地址我. 那兒影印出來圖片漂亮得像印刷品一樣的美觀. ABC班友仔上次話出公司數去影印唔洗我影. 超 ! 我都無答應......佢地做賊要我分莊 😂 😂 !!
其實, 我係公司影五十張老板也不會罵我. 上次我問過老板要影印話俾返錢公司老板已說不用了.....交功課隨時可以用彩印.
而家我要提防她在課堂上搶我本報告書. 所以, 那晚一定要遲過阿 sir 入課堂.......
而份22頁文字稿我在今天已決定是不會貓給他們了. 一定不會交出來...我當然也會留有一手啦!
除免費午餐重想要吃到盡......上堂一大見識眾生相.
「由組長 印及準備交給阿蛇 」點說得出口架 ?? 笑了 !
我現在感覺超鐘意在這, 說別人是非, 平伏自已嬲怒........
對不起 ! 改變了主意今晚沒法子寫愛情文章了 !
雪
2017.08.25
2017年8月24日星期四
載著貓貓去兜風
失眠半夜醒來好幾次, 我要回家做懶瞓豬. 我唔出街啦 ! 唔想去看戲.....唔想去吃飯.
我要一眼瞓就可以馬上入房瞓覺, 唔眼瞓就在這寫個故仔.
寫一隻貓仔故事 ? 雖然, 好多貓貓陪伴著我成長但我沒付出太多感情, 要寫貓貓故事會有些難度 ?
有一次, 學人帶貓貓去郊外玩,他騎單車載著貓貓去兜風, 車尾位置給了貓貓而我就站著, 看著他怎樣戲弄我隻貓貓.
望著他是真驚他跌親我隻貓, 快點給回我將貓貓放入布袋. 只給牠捐個頭出來我就跳上他的車尾.
箍實他60cm 肥腰, 好失禮忍不住按了幾下他腰間肥膏, 他就話反車啦 ! 反車啦再GI GI 的話.
而貓貓感左搖右擺而跟他同聲唱和著 MI MI .
個故事是否太短 ? 沒什麼趣味又無什麼內容.
如果我有力都想看集頂爺教煮餸. 都唔會去看恐佈片啦 ! 都唔岩睇......
雪
2017.08.24
2017年8月23日星期三
家居安全
今日收了很多朋友傳來短片, 大部份都天鴿所做成破壞.
數一數最熱話的杏花海浪沖擊堤壩, 海水拍打低層住戶窗, 好驚一幕影像差不多一樣情景出現在腦海. 而我影像尚有後續逃生畫面. 我不在這寫得太詳盡怕你們當我在作故事.
天災橫禍, 大自然破壞力量大威力無窮. 所以, 不用上班不用工作朋友最好也是留在安全地方. 千萬不要帶兒童觀浪, 去海旁玩大風吹. 危險發生時自已想負責任也無能為力. 到時煩到消防員冒生命危險打救, 最怕救不到你同時苦了他的家人.
這些都是舊話, 以前每每打風也說過不少了 !
而家才問我打風有沒有做好家居安全措施 !? 提定你隨時會風再起時架嗎......
又數一數要做什麼準備好嗎 !
1. 在慣常漏水地方攝好毛巾, 準備定膠盆裝雨水.（公司呀）
2. 將花花草草轉移到簷底或搬入屋內 （公司呀）
3. 門鎖壞就找繩子綁穩它
4. 一定要關好窗戶, 別忘記廚房那一隻呀 !
5. 必要時封好膠紙免爆玻璃
6. 將貴重物品, 文件幫去安全地方 （公司呀）
7. 提早上滿糧倉, 免得要冒險出街找食物 （無買，本來就常滿）
8. 我未想到...
哈哈 ! 這是我自已做過的準備. 你點呀 ! 家居安全嗎 ? 睇左咩戲呀？
願各位每日都平安.
雪
2017.08.23
天鴿來襲
天鴿來襲我們多了一天假期可以瞓晏點,可以同朋友在電話或網上閑談, 也可以在 whatsapp 內同朋友傳送危險大風吹短片.
我就多了一天時間進行我的秘密工作同將份功課作最後處理階段.近排廿四小時也分配不均.
沒爭取拍拖時間, 我倆這麼隱定也沒有驚他給另一個女人搶走.
不過, 佢阿媽驚我搶走佢個乖仔所以........
倒不如將時間讓出來好等他跟媽媽多點相處.....
哈哈 ! 佢呀 ! 我個通緝犯每次都話同母親大人一齊.
問佢有無同班豬朋好友去玩色幢,劈酒打牌局都話無,有時我都懷疑他是否這麼乖又孝順？
剛剛我問他做緊什麼 ? 佢話打風呀 ! 咪同阿媽在眼望我眼囉.
細細聲問......你阿媽同被天鴿吹跌落水你在拯救誰呀 !
笑 !
雪
2017.08.23
2017年8月22日星期二
天鴿掛8號
天鴿逼港天文台改發3號波 凌晨或掛8號
你認為明天要否返工, 估輸了你要認賬請吃一餐勁的 ! 如果,你估中了我就任你話事一次 !?
這樣的賭局都算明益你啦 ! 註明是話事一次去那一間餐廳, 唔好想壞腦.....
好想睇我寫緊什麼 !? 幹麼沒讓你看, 寫緊功課所以沒出來玩也不方便讓你看呀 !
沒出來玩是近日常常失眠半夜醒來, 胡思亂想想, 晚晚在想羊羊囉.
輸了不可笑我勁擦你架, 唔準笑我沒女生應有斯文態度.
話擦餐勁咪最多吃你一條三衫魚.
明天, 你要早點起身報告天氣, 我起身第一件事就去你到看看要否返工.
OK ~
然後定輸定贏, 如果掛八號就瞓多一轉, 起身先再找你.
雪
2017.08.22
2017年8月21日星期一
2017年8月20日星期日
家有本難念的經
憎恨一個人係好辛苦的事. 原諒一個人又是否真的如她所說訓醒一覺就可以當沒事發生過 ?
對一些無關重要人應該還可以,因為他沒有在位置上佔一個重要位置.
在乎人與不在乎人的也好, 每一次親朋好友相聚重遇也希望能和諧, 嘻嘻哈哈地舉杯暢談近況. 因為每一次聚會都是難能可貴的, 人生苦短珍惜眼前人, 好好的活在當下.
要同他們在人生路上分道楊標她這刻又絕情不來. 唯有減少見面次數........
一個見一次嬲一次的男人. 見完佢...她又要見她在網絡上表給大眾看, 看到在她發臭皮氣了. 她身邊人都怕了同她一起去約會他, 主要是她會噴足身邊嗰位人兄一星期有多來宣洩, 他為免成為代罪羔羊而說無咩特別事唔好約他出來吧了!
另一個不想原諒的是一個男人 , 這不是原諒問題是她沒法子對他太好及發自真心尊敬他. 他的事一段又一段成匹布咁長, 無法子細說太多了....寫太多苦苦嘮叨, 壞了他和她心情又何苦呢 !
情人分手就可以因了解而分開, 討厭他就一句掟煲了便可以好決絕.
但她又怎可同有血緣親戚斷絕來往呢 !? 這些也許天意安排這個人一生也會在她身邊不管遠或近.....他是上天給她修煉
盡力修補都要時間或者少些見面時......才能學懂珍惜.
這是家家有本難念的經 ! 正是她這些年正在修煉的經書.
雪
2017.08.20
2017年8月19日星期六
有夢的人是幸福
昨晚有兩個人又要數數綿羊仔, 也許受某個事情影響著. 在臉書有見到你也沒睡好. 我掛著數綿羊沒同你側計,無留言給你. 費事你拉著我側天光......
雖然,今日是星期六可以返晏點. 都係唔好三更半夜跳出來嚇你一跳, 到時你話我纏住你玩害你沒覺好好瞓,
實際是我敗了給兩隻羊仔, 數到一隻, 二隻咩咩羊時候, 手機就放在綿被上人也進入夢境. 昨晚做了個怪夢.
笑....在夢裡我去簽契買了間好靚好大有花園似的古堡, 夢入面有一個好快樂的我又有一個擔驚受怕的我, 驚緊要供幾多錢一個月, 借到銀行貸款嗎 !? 間屋咁貴人開價都沒還價沒有查清查楚所有情序就簽了個大名. 好在.......這只是個夢.
有人話夢就是反影自己腦內所恐懼或者追求或者是得不到, 渴求的事都能在夢入面完成.
我相信...有夢的人是幸福過瞓不著的人呀 !
喂 ! 你都是乖乖地去安睡不要晚晚也將嘆息聲劃滿在臉書的天空之上.
我唔出來安慰你最主要是入夢...瞓著了控制不到嗎 ! 有野側就早點找我啦 !
雪
2017.08.19
2017年8月18日星期五
你有什麼夢想呀 !? 我想知.......
我讀完這個課程後呢 ! 有咩好做......
找幾個烹飪課程再學埋怎樣沖一杯正咖啡, 為未來事業作好準備 !
真係開食店 ? 主打買海南雞飯同豬助骨 ?
我咁懶又怎涯到這些做食物生意. 想想還可以.....阿哥想做我最多同他合股又唔想哥哥太辛苦.
他說要買咖哩牛腩, 可唔可以做咖哩豬腩我怕買牛會有因果報應. 朋友已勸我唔好吃牛最好戒了牠....雙層芝士漢保都唔好吃太多.
我這些白日夢成日都發但總是很難實現.
喂 ! 我在想開間食店只做早餐,午餐同埋要放公眾假期. 賺到人工就算...
但 ! 這樣想唔執立才怪呀 !
你有什麼夢想呀 !? 我想知.......
你唔好耍我說要在樓下開士多或者雜貨站, 買零食雪條同汽水呀 !
雪
2017.08.17
2017年8月17日星期四
遺失了耳線
等車等了半粒鐘, 左手挽住個靚手袋, 右手一大包一細包食物, 日用品.
佢地呢 ! 唔忙都唔來 whatsapp ....又要準備百達通錢包上車又要拿住個電話回覆...覆得慢了點重要打電話來, 架車又來啦 ! 唔理理住按熄個電話我點都要上車先. 最衰遺失了耳線又沒用藍芽．
要不, 走了架車又要等運到.
返到家急急忙忙 call 返佢囉, 好小氣地說我ｃｕｔ佢線。咩事呀！
有咩事ｃａｌｌ得我咁急．．．
問佢又話無什麼特別事，佢又發悔氣早就說好了說我我沒裝載．忘記了特別日子。
轉頭又話忙緊收我線。
應承他的什麼呢！真係唔知。。。
晚一點再找他看他忙完未。。。
雪
2017.08.17
2017年8月16日星期三
帶眼鏡返學。。。喂黑板寫咩呀！
又講人事管理課程的事.....?
這些課程想到想到是什麼職場的事，笑！
講借碌屎延續篇。
原來我真係睇人架，上次個女同學問我借碌屎我就唔借俾佢。
今日幾堂無返學個男生要借，我就借俾佢重任得佢影餐飽，原來真係有不平等對待架。
鬼咩 ！佢一見到我就拍我搏頭扮晒FRIEND 。
衰野呀！他影完她馬上順手拿去又影一餐飽。 都唔知點講人地無上堂就要影一影我寫低筆記，她明明有上堂都要抄。其實，都無咩野寫過，笑了 ！
鐘意影就影啦 ！
煩呀！又追我份功課做起未。。。
未呀！ 未呀 ！ 等你同事交完資料我先開始收尾。
今晚無帶眼鏡返學。。。喂黑板寫咩呀！佢地都要俾我煩了幾次．．．．
呀 ！ 有手機影慢慢睇返．
雪
２０１７．０８．１６
她最愛的女人。
我很喜歡某首歌但我不可讓自已淚太多, 所以這晚都是不要聽歌, 每次一聽就會淚晒. 唔想淚到癱了似的。
【白蘭花花語：純潔的愛，
真摯的感情】
寫寫花語, 放一篇她喜歡的花, 她說愛白蘭花憂香, 她說年輕時在家的小園子種了棵花蘭花樹, 她說花蘭花帶著很多回憶.
白蘭花, 花持續不斷開放，
只是香氣不如夏花濃郁。
但是花的美麗，
是要將美麗的善心散滿人間；花的芬芳，
要將芬芳的愛心傳播社會；花的清淨，
要將清淨的真心供養十方；花的彩色，
要將彩色的好心與人結緣。
白蘭花是優雅的開， 沉靜的落， 它的綻放是那麼的安靜， 它寵辱不驚。
每一朵花都可以渲染一份心情， 一份雅致而又寂靜的心事。
白蘭花是優雅的開， 沉靜的落， 它的綻放是那麼的安靜， 它寵辱不驚。
每一朵花都可以渲染一份心情， 一份雅致而又寂靜的心事。
白蘭花株形直立有分枝，
落落大方。
在南方可露地庭院栽培，
是南方園林中的骨幹樹種。
因其懼怕煙熏，
應放在空氣流通處,其花是呈白色。 有時撞上婆婆擺賣白蘭花, 她會買貳袋來送她, 十朵八朵的小花朵就逗得她滿面笑容,笑如花靨。
她是誰.........是她最愛的女人。
雪
2017.08.16
2017年8月14日星期一
2017年8月12日星期六
我手緊時不花費
某某博評 : -
數天前的週日在電梯內遇上朋友E一家四口，他們正準備出外吃早餐，目的地是一間連鎖快餐店，他說一天要花500元在食物上，我算了一算，每月便是15,000元，看起來是很大的數目，但原來又不是這樣。
在連鎖快餐店或茶餐廳吃早餐，每位約35元，4位盛惠140元。同樣的地點，午餐每位40元起，4位共160元，而晚餐可以叫set，也可以叫小菜，每位約60元，4位便是240元，加起來，一天便花了540元在食物上。
睇完真係誇張了點, 手癢癢在這反駁一下. 一日吃 500 元食物好多人也會.. 間中也要食好點來慰勞自已, 上面計算方法真係好表面算式不設合實際環境.
如果, 女人不懂做飯也會找個妹仔回來搞掂幾餐. HKD15,000-4000 = HKD11000/30天. 每天還有 HKD366 / 天餸錢.
好 ! 計一計早餐
東莞米粉一包 (9.5) 加瘦肉(12 ) 菜(8) 加多一隻蛋(1.2x 5) 每人............. HKD35.50
午餐 :
做回茶餐廳 食物.....
豬扒 x 5 件 (25) , 鮮茄 (10/2斤, 5 元就足夠) 加個例湯, 青紅蘿蔔湯 (45)....HKD 75.00
晚餐
對自已好點
蒸魚.....(30)......青炒菜 (10) .... 肉類....(30) .....加個瓜湯 (30).....
加個雞翼..........(20) .............................................................................. HK100.00
HK210.50=======
邊度花到 HKD540 ? 自煮HKD210.5 都花多了. 所以里男人又怎懂計這些婆仔數. 如果, 我返公司問問阿姐/同小雲. 實俾佢笑一天怎會花這麼多HKD210.50 咁多錢 ?
其實, 我手緊時自已每日也不會花多, 早餐麵包 6 + 中午26粉+ 晚餐自已整都是30 分兩餐包明天飯盒.
47 元 X 30 = 1410
笑! 如果開火時計..............笑, 想省錢就自有方法; 想花錢就易過借火.......
雪
2016.08.12
2017年8月10日星期四
不用趕１２：００前回家
無呀 ! 超級離譜.
無講是非啦 ! 今晚要作篇文, 作一篇有關夢想的故事好呀 ! 定作一篇昆蟲的故事好呢 ?
但, 有人說喜歡看我寫肉麻骨痺情愛故事. 唔唔! 什麼愛情事寫了好幾年, 不斷寫就是重覆又再重覆. 怎會好看, 旁人都不會說好看.
想發白日夢都要有夢境參照才可寫出來嗎 ! 這幾天失眠數完羊羊就是想好夢......我都想夢見他在夢入面重溫著跟他的甜蜜故事, 或者在甜夢中做一些我夢寐以求事多好呢 !
可惜, 我無法控制夢境也法說想幾時有夢就有夢 ?
幸運是沒有甜夢也沒有惡夢出現......近日, 睡得算安寧除了間中半夜醒了偷偷遊網.
明晚要不要坐 TAXI 回家？現在已沒人管我幾點回家，有鎖匙了不用趕１２：００前回家。更加怕過了１２：００就會眼光光等天光。
應承了要寫另外一篇文。。。頭痛不知怎開始。
雪
２０１７．０８．１０
2017年8月8日星期二
借車俾人笑
等佢兩個飲過夠. 飲埋我嗰份因為我準備了同朋友借架車車出去威威.
所以, 一定不可以飲酒我唔會做犯法的事, 飲了酒俾差人叔叔捉到就甩不到身. 壞了我良好的駕駛技術.
佢倆人幾衰格,笑我駛駕車出來, 危害別人生命同財產....誇張 !
當眾宣佈不坐我車喎...驚我會撞到路人甲. 剷到路邊小動物而翻車總之什麼危險情節都幻想晒出來...
又在大聲笑大聲說, 我唔撞人,別人也會撞我...因我在快線下一定似蝸牛爬行....
谷氣......佢倆個唔低得我有車渣. 算啦 ! 算啦 ! 重諗住晚了車佢地返歸.
我都係坐返地鐵就算, 好人係好難做.
架車唔借啦 ! 找日先同你去郊遊才開車.
雪
2017.08.08
2017年8月7日星期一
透氣不暢順作感冒.
太用神做功課返工又睇電腦, 不眨眼的睇足八小時密密麻麻細字體. 隻精靈眼仔有點累出現圈圈...係暈定是眼累啦 !
嗑嚏 嗑嗑嚏嚏嗑 , 打完字重流眼水...
我是真的很無用, 又在作感冒其實而經幾日透氣不暢順. 一陣吃粒藥會無事的.
喂 !今晚出來見一面 ? 唔啦......星期五先啦 !
星期三就一定唔得, 星期四留家充足電 , 星期五才有電力預俾人約去劈酒. 我要忍一忍口唔好飲, 飲紅艷艷的葡萄酒都驚出事.
陪坐.......
等人飲個夠, 佢地話好耐無見我.
喂 ! 你去唔去呀 ! 帶埋另一半出來啦 ! 知你兩個都鐘意飲酒到時飲埋我個份啦 !
雪 -2017.08.07
2017年8月6日星期日
有點運氣這生遇上了我
我就是欠一點運氣 , 衰貪玩又給他捉個正著 ! 攪壞了他煲滷水....
擺在我的麵前滷水挑剔它味太濃又話它陳年滷水合不合衛生標準 ?
擺在我的麵前滷水挑剔它味太淡, 又話它滷水自已家用鼓油加四川花椒、八角、桂皮整也成 !
我沒有珍惜，等我失去的時候就唔捨得他離開我生活的範圍...
曾經教落的是什麼 !?
他教我時候沒有好好聽懂, 他辭工不幹了 ! 有好路數又唔帶我走....正衰人一名
敝 ! 原來幫我揹黑鑊被老闆辭退了......
其實, 他就是有點運氣這生遇上了我. 好啦 ! 在床底摷個盒仔出來同他合股打造飲食皇國.
其實, 我阿爺那一代曾經是御廚, 在個盒仔找埋阿爺本食譜某一頁出來益佢.
任你遇上有多少個人, 遇上這個肯無條件給你 SHARES 的人 !! 多好運氣呢 !
呢喃? 呢喃? 呢喃? 呢喃?
她曾經在食店工作也是一間飲食店舖小股東.
嘻嘻.......純粹創作 ?真人真事改編 ?
唔知呢 !?
雪 - 2017.08.06
2017年8月5日星期六
菜炒米
我都知男生要吃大碗飯才飽肚又怎可以常常叫他陪我吃米粉呀 ! 米線呀 ! 湯河粉呢 !
真係有點難妥了他...佢 ! 點會肯陪我吃呀 !
菜炒米......嘻嘻 ! 今日無同他一齊去街要留家做功課呀 ! 今日按 copy & paste按到手軟.
今日唔陪他唔知要不要寫悔過短訊 !? 又唔知他會否借 DDDD 耳要我大出血 ....罸我 !?
我多數自已一人時才吃這些簡簡單單的湯粉.
無計啦 ! 自兒時開始就愛上...無湯米不歡.
都不知是誰教我愛上吃粉類食品.
其實, 我不知幾善解人意, 你見那些食物相多數都唔係我食架.
明未呀 !
雪
2017.08.05
菜炒米 :
材料 : 東莞米粉, 韓國椰菜, 本地九菜, 本地蔥, 日本紅蘿蔔, 健美豬.
2017年8月4日星期五
超人唔爭戲
「HSBC 」已差不多回到家鄉了 ! 哈哈.......一早沖淡了四十幾時買了一手咁多多囉.
而家回報賺了一半啦 !
敝......在隻超人唔爭戲.
見到超人眼濕濕唔多老泥...早前蝕買啦 ! 一來一回又是得個桔.
所以,股票投資唔岩我命水, 你千千萬萬不要聽我亂蹹, 輸清光唔好賴我呀 !
希望.......樓市大跌啦 ! 我就望不用寄人離下生活. 唔係 ! 唔係....係租屋自已住.
高薪同事都板間房乍, 好在有包租婆關照及關顧才有地鐵站平屋住...
這幾天也沒什麼特別事可同你分享...
係悶悶地架啦 ! 有字你就睇住先啦 !
姪女叫我買企鵝仔上上落落又唔聽她說, 我有風管..........笑!
晚安啦 !
雪
2017.08.04
訂閱：
文章 (Atom)