懶人湯水~麵鼓湯

我近日有些不愉快經歷!

之前, 買了個韓國出品陶瓷鑄鋁五層速熱鍋, 煲了幾次就開始花, 無理由呀 ! 我已經錫住來用, 輕輕手洗同沒有用利器刮它, 想來想去也許是煲豬骨時互相碰撞而出現花痕, 最後二話不說就棄掉免吃壞身體.

早前, 又俾他跌爛了我個用了 N年電熱陶瓷鍋, 這次真的好肉痛了.  前一天, 才一邊洗個煲蓋一邊欣賞它的玻璃厚度及圓滑, 而家想買也買不到, 它跟了我很多個寒冷凍天.  真的, 有人食野唔做野擺個煲上櫃頂也可以甩手......唉 ! 咁就沒有了兩個一新鍋, 一舊鍋 .

遲點都要買返個煲, 天氣咁熱還要煲湯 ? 煲湯降火... ?

諗諗有什麼快, 靚, 正夏天湯水 ? 無呀 ! 家常湯水個個也懂. 冬瓜湯好淡口...

呀 ! 寫個有點咸味但又很有益湯水給你. 麵鼓湯(味噌湯)原來很有益對腸胃又非常好, 我也是近日才知道.  又非常咁好容易做.

材料  :  蘿蔔, 豆腐, 蔥, 菇類用水煲熟, 最後加韓國/日本麵鼓醬就完成了.

有時候懶懶, 一盒細豆腐, 青蔥, 加一細湯匙麵鼓醬即可.

原來 麵鼓湯(味噌湯) 益含有益生菌但也不能吃太多呀 !因為要注意它是高鹽份

這是一個懶人湯水.

雪
2018.05.25