２０２０新年快樂

\

再過一日, 咁又過了一年,  要同2019 SAY GOODBYE.  

同一時間, 差一秒之隔就又再跟你說HAPPY NEWYEAR 2020 

寫一個吉利些版本出來, 你就當我親口跟你祝賀：　

祝你２０２０　總有好運來

祝你多年願望能在２０２０年實踐

祝你和身邊人在２０２０超級快樂和強壯健康

祝你在２０２０一到立刻發大財

祝你在２０２０年可以環遊大江南北

祝你收到旅發局全城抽獎，中大獎通知書

祝你２０２０．０１．０１搶獲好彩頭

喂，　你如果中機票要帶埋我去玩。　

最後說多一句

新年快樂

雪—２０１９．１２．３１

食滯了有人

打了個電話給他,  問他這個假期忙緊什麼, 有什麼節目. 神神秘秘有咩搞作 ?

他說: [老人家無節目, 去出外商場又沒什麼好逛]. 

她說: [沒上電影院咩 ]?

他說: [沒有, 只跟居企人出外吃晚飯]; [也沒有約朋友喧嘩].

然後.....問他要不要素蘿蔔糕, 我遲點會整多次送給哥哥和至愛親朋.

他說: [吃到滯滯地, KO 了半底也未來得及消化].

呀 ! 笑.....笑...笑.

邊個整俾你吃呀 !

他口吃吃說: [是老婆...婆婆].

玩野呀 ! 老伯伯呀 !

說真架....重吃嗎 ! ?

阿哥俾了兩個細鋼盆給我, 要我再整多次呀 ! 係 ! 想吃就預多一底糕給你和令壽堂. 

唔 ! 唔是俾你一個人吃架...吃半底當然滯又漲胃啦 !

素蘿蔔糕多吃也不怕肥, 唔洗驚又要跑步. 

佢又話無臘肉唔好味...有肥淋淋的就滯原因. 

雪
2019.12.30

低糖低脂蘿蔔糕

蘿蔔是秋冬的時令蔬菜...現在又到了當造時間了!

今早落樓下吃早餐，經過佳寶🤨見到五元任選一條 蘿拔仔，點忍得住買了兩條共十元，吃飽早餐回家玩蒸櫻花蝦蘿蔔糕。

預了一細底俾阿哥，轉食譜勁多蘿蔔，只用一條先去油榮華瘦臘腸(要低脂)，少粘米粉 ( 可低糖) 🍭🍬😋😋😋

材料:
1.  白蘿蔔兩棵 約 (6-7斤)
2.   蝦米少量, 櫻花蝦少量
3.   細粒乾貝少量裝飾用
4.   榮華立腸一條
5.   三象牌水磨粘米粉一飯碗 (7分滿) + 鷹粟粉 (四湯匙) 
6.   青蔥一條

調味: 胡椒粉 一湯匙. 

做法:  
1) 蘿蔔刨皮, 用粗條刨刨長絲, 尾段可刀切粗條增口感. 
2) 瘦臘腸用清水煲十五分鐘, 可在煲之中途針剌以便劑出油份, 然後切細粒狀. 
3) 蝦米及乾貝沖洗後用半飯碗水浸水待用. 
4) 粘米粉 (份量見照) ,鷹粟粉及胡椒炒混合後, 加大半碗水混成粉漿待用
5) 用油爆香蝦米, 倒入蘿蔔略炒, 轉中火蓋上蓋子煎十分鐘. 
6) 關細火將 粉漿快手平均的倒在蘿蔔中,快手炒均關火.
7) 將蘿蔔盛在盆中, 盆面以立腸碎, 乾貝, 櫻花蝦及青蔥作裝飾.  
8) 放入蒸煮爐以115度蒸一小時, 如果鑊蒸以四十五分鐘即可.

有個幾好用的保存用剩的粘米粉方法,  麵包袋原來好好用...又有食用日期可以知道包粉幾時買落又可封口.  多一層保護那些粉不會飛散出來, 那就收藏得更好.   

寫完個網誌底蘿蔔糕就蒸好了. 見下圖:

笑...表面好豐富, 內裹很清淡.  沒下調味但美道很鮮因有乾海產...食用時隨喜歡加生抽及胡椒粉即可.  

雪

2019.12.29

解決 [累]

每個人也有累時候,  你因咩事累透了? 

有時候是工作太多勞累了 ! 有時候因為玩樂而玩到累了.

也有時候對得煩人多, 心情不好而累透了.  所以, 要出走.........

也有時候因為身體虛弱, 久不久就累了.  久不久就眼瞓......


我太晚睡又太早起床而積落了疲累,  去到外地真係好輕鬆有一種很舒服, 好享受感覺.  竟然可以瞓到天亮, 可以瞓到九點多才起床.  優閒地出發, 不似跟旅行團行程六點就要起床, 七點就要趕住吃早餐. 

如果, 你真的累了. 試試去個短期旅遊啦 ! 最近想去那兒玩?  等我話你知我在那兒玩得很開心,  自已快樂要自己制定出來.

我去了豐州 TEAMLAB 藝術館, 在那兒感受到超療癒. 
柔軟黑洞, 讓身體變成影響另一個身體的空間.  當要邁步前進時, 身體會往下沉陷, 空間不斷變化, 而身體也會受空間變化,  不想下沉, 舒舒服服躺近牆邊減少被空間變化影響, 也在黑暗世界中享受那一種奇異感覺.  [實情是在那兒瞓了一陣子(十分鐘) ......笑]

有好幾個不同主題場館, 各有不一樣感受. 觀感, 視覺.

都休格了很多天, 今日復工寫少少啦.

快新年啦 ! 好快點清理陳舊事, 調整好累壞了身體來迎接新一年. 

祝願新一年有好開始. 

雪
2019.12.28

[黃甘甘]之物體是什麼

同她去完日本, 未回港就安排下一個旅程.  肥妹馬上約男友去韓國, 三月又話去英國見識另外一個世界.

我呢 ! 就不可能羨慕...我要回歸現實努力工作. 

偷偷地來個即慶旅遊, 男朋友嬲了我.  沒提早通知他......

WHATSAPP 他竟然不理采我, 只回我一個公仔頭像.

回來了 ! 朋友都問我好不好玩, OK LA ....行程是她安排, 住宿機票也由她辦理網購, 旅程中是她扮演人肉GPS [是她自已說的....] . 

她...迷上了隻[黃甘甘]之物體, 帶我去了主題餐廳啦, 專門店啦,  還有機場免稅區內的最後衝刺....扢公仔.

呀 ! 尚有主題冬甩店...

哎呀 ! 好邪 ! 今日在公司附近見到架車內外都是立體的黃甘甘之物體.

笑.......不用猜都知我所說的黃甘甘之物體是什麼嗎 ?

估唔到就話你蠢蠢.  因為, 我已經獾WECHAT 上放了照片出來. 

不過, 很開心因為跟她一起去了很多地方, 雖然轉車轉到暈, 行又行到腳軟但最幸福就是可以不用六點起床.......

想看看我的旅遊日記嗎  !?

我驚俾人笑........窮遊.  無去溫泉無訂酒店.

雪
2019.12.19

網上改編故事

找一找以前寫過的一頁武俠小說, 原來被自已不小心將兔仔網誌錯手儲存蓋過了那一頁, 好不幸已遺失了. 

唯有上網看一看金庸筆下的令狐沖故事.  唔 !!  阿雪只在電視中看過改編的[笑傲江湖]劇集.  武俠小說故事內容得一知半解.  應怎去開始寫令狐沖故事 ? 

網上形容, 令狐沖性格 : 他是性情中人，他率性而為，做他喜歡做的事，追求他認為有價值的東西. 不喜歡被規矩和世俗束縛，想過的也是隨心所欲的生活........ 

網上寫的令狐沖是風清楊的後代 ?  是風清楊給騙婚與妓水桑小蛾之後代 ?  所以他才得以得到風清楊教授獨孤九劍....... 

看到這裡, 我突然間有點失落, 風清楊原來有三個紅顏知已, 一時又話騙婚有承子, 一陣另有妻室秋夢, 好亂呀 !?

「我生長塵世二十餘年，只有你們三個紅顏知己，現在雪兒生離，小娥死別，我或許懸念得多些，但你們三個在我心中，那是一樣的親厚，從無二致。在我身邊陪我，那是我天大的福分，我又怎會不牽掛於你呢？」
那年未看完武俠小說, 還以為他和她會一段綺麗動人愛情.  令狐沖的愛情線就簡易專情單一, 雖然初戀師妹, 她卻愛平之, 而他亦找到所愛人一起退隱江湖.

雖然家中尚有幾本新小說未看完, 真係想買金庸小說看一看原著故事. 

因為, 看網上版本一截又一截, 又不知道是否被改編了.  更可笑的事睇多兩睇有些不太對路, 不太似是金庸先生風格.

金庸先生筆下愛情事太復雜了. 

雪
2019.12.08

寫一個華山故事

俾一分鐘我寫一個華山故事 !?

俾二分鐘啦 ! 二分鐘就得......... ?

俾三分鐘啦 ?  三分鐘真係得........?

俾四分鐘啦 ? 好啦............ 四分鐘真係得. 

亂寫一通的實得.  在這說說笑就得,  想了兩個鐘也沒有好題材呀 ! 只想到寫一個華山故事. 

日日寫自已生活小品, 日日寫返大陸煩碎事, 悶走了好多網友了. 

來緊日子, 可能只可上來幾分鐘又幾分鐘.  見到就見啦 ......................

來誠實地答謝, 你伴我一分鐘加兩分鐘又再加三分鐘, 我還貪多一分鐘, 貪多........

然後一天又一天的相伴下去. 

 


晚安啦, 令狐沖. 

雪
2019.12.07

十分愛, 十分甜蜜

十分愛, 十分甜蜜. 不....?

其實這幾天很快樂, 佢變得很溫柔又很細心.   做了很多令人意外事.

看得見佢花了很多時間去準備, 去搜集資料. 

多謝佢.....

笑, 收到三十幾頁資料, 睇到她眼蒙蒙, 睇到她一頭煙.  又不禁說給佢知道.  怕佢嬲嬲豬.

唔, 撒一撤嬌, 她唔睇車資料啦 ! 睇唔明呀 !

[你攪掂佢就算啦] !

[嘻嘻............ ]
.
總之, 就快是感受到被愛著日子.

有什麼挫折也能重拾歡顏只要有佢在身邊. 

在佢不罵我的日子中的.......冷天.   

她瞓著前說;  [記住幫我關燈呀 ]! [記住幫我加被呀 ]

雪
2019.12.06

請人呀請我啦

舊同事現職公司請人呀 !  工資也不錯, 叫我介紹相熟朋友給她.

可以新年後上班, 我多麼的想直接說: [ 請我啦] !

但她說份工在觀塘返工好花時間.  又話預給無工做朋友先啦.....

叫我咪太多心, 份工平時及重要日子要加班, 要拍拖要同男朋友常見面就不太合格.

呵呵 !

哼 !  運氣好 ! 有信心, 美麗人生不會被工作所拖累.

哼 ! 快樂人生自己好好打造, 討厭人生就要想辦法遠走迴避. 

不好再給自已藉口, 我要為自已制造快樂. 

日日返工, 唔要朝朝對著討厭文件影響身心舒泰.

 另一話題...... 

笑....睇了一集半集多功能老婆人都開心了 ! 柏豪一時扮是[藍飛]表兄,  一時又變做[藍飛]老公.
笑到呀 !   

重有OLD 嬋....原來睇睇電視見到柏豪說謊時會這麼快樂.

劇中折翼天使[藍飛] 要撐起生活又遇上高富帥的柏豪, 幾好看, 也好正面. 

說到這....先說晚安啦 ! 累了. 

雪
2019.12.04

遠足兼食肥美海鮮別預我

假日去南Y島, 西貢那裹遠足兼食肥美海鮮, 行行山徑在沙灘走一個圈. 

我無腳骨力, 要行半日或行足一日想累壞我咩.

而家又不是十八廿二, 行到一半行不陏要找人揹這麼醜 ?  有人涯義氣都不好看啦.

最驚到時要CALL 直升機出返市區. 上頭條好失禮. 

不要用海鮮誘惑我啦 !  我不會到荒山野嶺去冒險的. 

實質我星期六同星期日都忙, 有時總想跟他約會排第一位.  唔可以俾他們知道......

SORRY , 我失約於你們了.

你們不要摟計, 你們不要說我次次都失約.  我真係有重要事要辦. 



雪
2019.12.02

執衣櫃一天

（HK 未来15天天氣）

切换城市

相关地区：新界天气九龙天气

• 12月01日(今天)
  多云16～25℃
  东北风 4级
  空气良
• 12月02日(周一)
  多云15～19℃
  东北风 5级
  空气优
• 12月03日(周二)
  多云15～21℃
  东北风 3级
  空气良
• 12月04日(周三)
  多云转阴14～20℃
  东北风 4级点击查看

12月1日啦! 冬天到今日也未來到?  今日翻箱倒箧摷了些冬天衣物出來, 看見一件舊的毛衣.

媽媽在慈善賣物會買來送我的 HAND MADE 毛衣, 穿了一個大孔.  要找個編織高手幫我修補一吓.

我自已之前左縫右補, 弄到污里馬刪都不知道還可不可以織補?

睇一睇來緊幾日天氣應開始轉冷但應還不用穿毛衣, 但我想將那一件毛衣修復, 因為那是體會到編織的老太太和媽媽的愛, 希望好友她能幫我完成修復這一項艱鉅差事.

等我去毛冷店走一趟, 先找出同色毛線後就再找好朋友幫忙.

喂 ! 香港很快沒有了四季, 沒有了冷天氣.

懷念十八歲那年冬天, 想念那時候總喜歡穿上他愛的毛衣.

懷念二十四歲那天冬天, 想起媽媽拿著的冷針在補補縫縫.

也找到了幾匹布碎, 送給姪女做公主裙一定很漂亮.  原來執一執衣櫃發現了很多衣物應該要送有需要的人或放環保箱了.

雪
2019.12.01

灣仔碼頭餃子

懶懶地不想做飯, 這個灣仔碼頭餃子真係幾好食, 好食過我自已包.  但如果想做煎餃就好似自已包會好一點 ? 係未試過用灣仔碼頭餃子做煎餃所以估估吓.  

這次加了勁多蒜頭配浙江黑醋...正呀 ! 我愛的.  

佢呢 ! 就喜歡紅色調味醋重要加點豉油, 芝麻油, 胡椒粉, 做私家混醬.  

真很方便, 滾水淥兩淥就有得吃...很合適常常獨處又不愛做飯的人, 省卻很多時間在弄飯而更多了私人空間使用.  

這次我加了豆腐和青菜就變成豐富晚餐. 

有時簡單食物也很美味.  

下次再介紹你怎樣弄 FAST FOOD .  笑.......... 

餃子不用次次自已包. 做食物講心情. 

雪

2019.11.30

阿拉斯加長腳蟹...no no no no

昨晚即慶同朋友約會去韓燒或者去吃阿拉斯加長腳蟹.



我第一時間說要吃韓燒, 阿拉斯加長腳蟹...no no no no no no no no no nono no no no nono no no no nono no no no nono no no no nono no no no nono no no no nono no no no nono no no no nono no no no nono no no no nono no no no nono no no no nono no no no nono no no no nono no no no no

你如果有留意就知道我因什麼事而反對吃牠.
席間我問朋友她有無出事, 她說沒有.....那麼, 我更加知道是我不受寒, 而腸胃出事了 ! 不是店舖在處理時出問題.

其實, 自細就腸胃差.  夏天就愛肚子痛. 真估不到一隻蟹腳都害倒了我.   以後要更加小心不再沾這一隻人間美食了.

而家再想回那晚情況, 自已都還有點震, 有點驚.

韓燒店得四, 五台客, 真的慘淡經營 . 可憐呀 !

好啦 ! 明天放假...一定要瞓到太陽升起才起床.  假日快樂...可以補眠啦 !


雪
2019.11.29

有人打錯字

你呀 !  唔好笑我啦 !

有人眼瞓嗎 ? 有人趕住洗白白, 有人好累, 有人邊個是 [有人] , 笑....不說也知道.

這個人咪就是網主, 我囉.

主要是慣性失憶才會 [集] 字, 寫成 [習] 字,  [漲]字又寫成[帳] 字.

有人還要我反省一下這麼一年中打了三百篇, 一共有幾多個打錯字.

我無計數的, 係寫錯了字也不知道.  你又不提醒我.  我要收到你的勉勵才有動力去寫和創作.

也許,  沒太累工作沒太忙才能輕輕鬆鬆地寫,  寫完時候能自我校正...就免除給你挖苦和取笑機會了.

算啦 ! 寫來玩玩姐,  不要太認真.

有時見到自已些錯字真係懷疑自已有咩事, 會這樣子出錯.

哈哈,  嘻嘻...唯有以笑遮醜.

雪
2019.11.28

卓傲雪推理劇場《尋夢園》

多謝學文哥哥又花心思寫了這頁祈夢圓續集篇給小妹, 遲了放上來, 遲了給你們欣賞.

今晚就慢慢觀賞哥哥在我生日時打的好文章, 聽聽《似水流年》。閱閱我們的舊故事啦 ! 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

原作創作日期：二零一九年十一月十九日（二）晴
卓傲雪推理劇場《尋夢園》
第01回《似水流年》

作者  : 學文/學文文學館

香港中環大會堂高座，著名書畫家畢華流先生舉辦一連三場，名為《華流香江再現》的書畫展覽會。『卓越偵迅』卓傲雪正在駐足欣賞一幅雄偉的山水畫《似水流年》。

卓傲雪覺得這幅《似水流年》，好像與記憶中有點不對勁，但又說不出所以然來，她對書畫真的沒有多大認識。書畫展覽完滿結束，卓傲雪依然對這幅山水畫念念不忘。直至有一天，她在一間樓上咖啡店偶然一看，她不禁怔住。

第02回《尋夢園》

這間樓上咖啡店，位於九龍灣一幢活化工廈的五樓10室，裝潢以簡約為主，店名非常特別叫《尋夢園》。卓傲雪由於工作關係，偶爾會上來喝一杯咖啡，她和這位老闆娘慢慢地熟稔起來。原來老闆娘是位妙齡少女，她對每位顧客都很熱情，令顧客們有種賓至如歸的感受。咖啡店店名與老闆娘名字祈夢圓一樣，令人頗堪回味。

今天卓傲雪又是為了公事，來到《尋夢園》咖啡店。祈夢圓忙碌過後，抬頭看見卓傲雪瑟縮一角，祈夢圓主動上前攀談。

（有關祈夢圓的故事，請參閱短篇愛情小品《星光遊樂園》）

祈夢圓親切地對卓傲雪道：「怎麼妳來了，不跟我說一聲。」
「剛才老闆娘忙得不可開交，我也不敢打擾。」卓傲雪立時作出得體回應。
「是啊！老闆娘，上次聽妳說起，妳會毅然辭職開設這所咖啡店。因為妳的父親酷愛喝咖啡，所以才會影響到老闆娘想當一名專業咖啡師。但我有一個疑問，為何店名叫《尋夢園》？」卓傲雪淡然一問。
「店名命名：《尋夢園》，說出來一字那麼淺，就是我——祈夢圓追尋一個咖啡夢樂園。」祈夢圓沒有多想，衝口說出少女時代的理想。

「牆壁上懸掛的山水畫，最近我在一個展覽會，曾經看過類似一幅，不知道是否同一幅呢？」卓傲雪一語道破問題的癥結。
祈夢圓反問卓傲雪：「妳說的，是不是著名書畫大師畢華流先生山水畫作品《似水流年》。」
「正是。」卓傲雪回答。
祈夢圓道出懸掛此幅山水畫的原由：「我很喜愛畢先生的畫作，於是委託朋友幫我購買。」
「不過我覺得很奇怪，為什麼這幅《似水流年》，跟我在展覽會看到有些不一樣。」卓傲雪好像觸摸到一些蛛絲馬跡。
祈夢圓有所質疑：「阿雪對山水畫素有研究？」
「我對山水畫一竅不通，但我直覺這幅《似水流年》，不是展覽會看見的那一幅。」卓傲雪信念始終如一。

「妳覺得這幅是贋品？」祈夢圓有心一試卓傲雪的眼光。
卓傲雪對自己推斷充滿信心：「很有可能。或許是我的職業病使然。」
「難怪認識阿雪的朋友，都說阿雪目光如炬，跟妳從事的職業：私人眼睛（私家探偵）不無關係，妳說出了重點。妳在展覽會見到的《似水流年》，與這裡的不一樣，原本這幅，於展覽結束後發現不翼而飛。而我那位朋友早已替我付款，畢華流先生不想我失望，憑他的記憶重新臨摹一幅。我沒想到阿雪擁有超強記憶力，差別這麼微小也能看破。」祈夢圓對卓傲雪翹起大拇指，不斷誇讚卓傲雪，使卓傲雪臉紅不已。

2019年11月22日，雪妹妹生日賀禮

似水流年

[似水流年] , 一首很好聽歌但總帶給我傷感情壞. 

這些日子, 只想開開心心, 我要好好地想想怎樣能夠不要讓自已日子白過, 要快快樂樂過好每一天. 

你們都要快樂 ! 要將來日子有美麗回憶, 就要今天活得精彩...

幸福是要自己掌握, 要自已去打造美麗明天, 望得見遠景.....不要誰在命裹主宰我.  不可以留住昨天, 但要好好掌握未來. 

首歌無疑是很好聽但會傷感. 

多謝 !

雪
2019.11.26

趕客呀

這幾天沒有了遍地開花, 但我們依然要5:30 就馬上收工.  避免在街上塞車浪費不必要時間. 

這幾天大家也可以過正常生活了....

喂  !  可以返大埔未呀 !?  我要過返些正常生活,  多個人在家好不方便呀 !

一時又深夜兩點也不見人, 原來去了做監票又不出聲. 

一時又整天躲在我家, 黏都張梳化實一實. 

又要照顧他兩餐, 又要幫佢洗埋衫........

今日又影都不見,  又話有緊要事做緊.  預了他吃飯又害我苦等.

俾你住多兩日好走唔送啦 ! 我要過正常生活.

雪
2019.11.25

陳腎紅蘿蔔西洋菜湯

 這款湯水在秋天乾燥影響下, 喉乾嘴苦, 也或者有煙酒習慣的你很合適飲用. 

 但對在亂世中產生二噁英得唔得就唔知啦 ! 但一定對身體有益健康.睇得太多新聞報導有關催淚蛋毒害. 

昨日襯放假又有時間煲個潤肺湯水滋養身體, 這款家常湯水兒時就最愛, 是媽媽愛心湯水, 相信很多愛烹飪人事, 家庭主婦, 家家戶戶也很慣常主理.  這個時候的西洋菜很青翠嫩綠, 很容易在市場買到, 係洗菜時辛苦點. 家人健康需要努力去洗菜來支持...😂😂😂

分享一吓我用材料 :  

配料:  蜜棗兩粒, 南北杏半小碗, 南安陳腎一大一細隻, 桂林青色羅漢果半隻

主料:  豬展 ( BATALLE - Product of Spain) 一包, 西洋菜一斤半至兩斤, 紅蘿蔔兩細個

做法, 1) 豬展 ( BATALLE - Product of Spain) 解凍飛水, 切件備用

          2) 西洋菜小心清洗, 要清洗過三次清水, 在第二轉水加鹽水浸一浸. 之後再過第三次水.                                      3) 南安陳腎飛水, 切細件備用

          4) 紅蘿蔔刨皮後切細件

          5) 蜜棗,南北杏,桂林青色羅漢果可齊水一起放入煲, 煲滾後加入主料, 大火煲半小時, 再

              中慢火煲兩個半小時即可食用. 

          

                                                   以下這碗就是我的傑作:

(網上資料)

功效  : 
西洋菜具有清燥潤肺、化痰止咳、利尿等功效。此外亦都係益腦健身嘅保健蔬菜之一；紅蘿蔔有提高人體免疫力、改善眼睛疲勞、貧血等功效；陳腎有下火清熱氣之用；蘿漢果潤肺化痰止咳、蜜棗：有补血、健胃、益肺、调胃之功能；南北杏有潤肺養生保健、預防咳嗽及口乾功效。

註:  無用新鮮豬肉, 這款 ( BATALLE - Product of Spain)豬展煲起很肉味甘香可口, 一包45-60元/ 按重量計, 分兩個獨立包裝, 可用兩次。

雪
2019.11.24

I LOVE HK

明天早點起身去投票,  我應該怎樣選擇 ? 那一票怎樣投?  想了一段日子.  本來那個候選人都應該直得投他那一票, 但朋友話要平衡兩黨勢力, 又好似幾有理由, 說得幾啱. 

多年前就是不知如何選擇而將自已一票棄權了. 

今年是多事知秋, 在過去幾個月的惶恐日子.  我真的要攝高床板好好想定明天怎樣投下那重要的一票.

你們也需要好好運用自已一票, 一齊來救救我們所愛的香港. 

希望能夠透過這次區議會選舉, 可找到有一班真正愛惜香港, 守護香港的人作代表, 為市民發聲及作有義意的地區工作. 

[ I  LOVE 💪  HK ]  

雪

小雪生日願望

笑我記錯日子.........都未到正日呀 !! [ 生日快樂] 提早了, 有人搞錯日子.
都不是他專登請了假又不早嚮朵. 今日請不到假.  這個十一月已放了很多天假.  

多謝在FACEBOOK 祝福我[生日快樂] 朋友, 也多謝WHATSAPP 傳來祝福詞.  我全收妥了也感謝你們.  

生日願望是快快樂樂, 輕輕鬆鬆, 身體健康, 出入平安呀 ! 也希望身邊人快樂和幸福. 

今年願望簡簡單單是自已和自已所愛的人都可以好好生活, 平平安安就可以了.  

小雪生日願望. 

雪
2019.11.22

明天生日小雪

真係好羨慕那些識做糕點女生,  我好想食這些勁可愛小 CAKE.  一於要去上烹飪班學做餅, 學2堂也好. 起碼可以做到一款, 兩款糕點.

今晚有人一定唔俾我睡, 阻住我瞓覺.  係度寄住某某話要提早一天幫小妹慶生. 

慶生無蛋糕?  佢話一早已在OK 店買定杯雪糕倒轉出來, 就是雪糕蛋糕.  真多謝他,  好不容易想出來的主意. 

等食那一杯雪糕專登無吃飯, 餓壞我啦 !

咁夜吃雪糕聽朝會否肚子痛, 吃件紙包蛋糕就算啦. 

有心就買半打這些可愛CUP CAKE 給我, 可以分開一日一曰慢慢食. 

其實, 我本來不太愛CREAM 同甜吃....每次都是陪人多, 吃一件半件都覺得很貳.

要再一次多謝網上朋友送的祝福, 學文哥哥提早送的珍貴禮物.

12:00 就又大一歲啦 ! 要快點送來祝福呀  !

突然間想起有件重要事未做....不寫太多了.

遲點再談昨晚預告. 

雪
2019.11.21 

免費飯

臨近生日都有餐免費飯吃. 叫了好多款食物......

吃了海膽司壽, 拖羅司壽重有魚子司壽同烤三文魚. 再加天婦羅配冷麵.

餐後飲了杯黑咖啡.

嘻嘻,  十二月再上廠又有人想約我吃飯.  都唔知要開心定不開心.  人家減肥戒口戒得好清.

被人誘惑要大吃大渴, 用美食賄賂我莫非 ?   唉呀 ! 這些政治飯好難吞嚥得下吃的.  

幸好, 她不會像轟炸機一樣, 她說的普通話說得很好聽.  

我就當上一堂普通話班又有免費餐吃,  不去想壞方向, 不要當政治飯, 要當跟老朋友吃飯便會開心很多了.  

真衰,  有人請吃飯都這麼多說話.  

眨一眨眼就到十二月, 時間真的過得很快.   

預告...明天跟你說2020年2月份的展望與目標......


雪
2019.11.20

交通大亂, 日日遊車河

交通大亂, 日日遊車河 !

大個住大埔的親戚話現在返不到工, 坐不到車.

駕單車都出不到市區, 坐船又排晒大隊.  出一次市區好似要遊車河走遍香港各地轉到頭暈都要遲到. 

出紅磡又怕紅隧塞, 在新滿崗行到宋皇台, 終於找到架車上快線去到觀塘, 點知累得滯過了站, 經東隧來了香港.  慘慘了 ! 日日都要幾個鐘才去到旺區. 

去旺區幹咩呀 ! 這麼危險. 

說了一遍又一遍, 我都不知道他上班行程, 淨係知道他被困在家. 

他說南區至安全, 想寄住在寒舍一排. 

帶男生回家住, 唔係好方便 !

等我考慮,考慮..........驚天一黑有人變人狼. 

算啦 ! 現在非常時期就借張梳化俾佢,  要帶大大份生日禮物來. 

要識做, 幫手掃地煮飯呀 !? 包外賣都成.

我明天返大陸唔知點算...希望條路無事啦 !

雪
2019.11.19

同學仔要平安

我細個時候就最鐘意劃蝴蝶同鴨仔, 間中都會劃小花貓.

有時候可以騰出時間做一無聊事, 劃一些重覆又重覆畫.  這樣子, 是否能很治癒呢?

這是, 我小學上課時候無心機聽老師過講課時娛樂.  哈 ! 有時還會畫美麗公主, 劃黑白分明大眼睛.

真不能可以想像到, 今日學生會遇到當前苦劫.......在FACEBOOK 看了很多流血畫面. 好沉重亦很擔憂, 很希望同學們能平安回家.

很希望學生可以如常上課, 學習, 考試...取畢業證書. 

更希望當權者有一棵慈愛之心, 不要發命令大開殺戮.

同學仔要平安呀 !

雪
2019.11.19




 

遇上騙徒呀 !

今早出門, 經過樓下大堂突然間有個著閃爍高根鞋女生. 

她大叫我中文名, 又問我是否住這兒,  有無返工 ? 又問這層樓你自已買?  又問我哥哥近況. 

嘩 ! 是誰呀 !? 熟人啵識得阿哥. 

所有問題一律不回.........? 這麼私隱.

她接著神神秘秘說:  [有空嗎  ?  行埋一邊同你談兩句].

我呢 ! 又傻吓傻吓, 跟著她行......

她說:

這些年來她和老公做生意, 近兩年在生意上輸了很多錢, 搞到兩公婆都破產了.  還欠落大耳窿四萬元.  還問我知不知道欠大耳窿要九出十三歸, 欠一萬元要付兩仟元利息.  她說著說著, 我就聽著聽著.......

她還說要帶我去香港仔見他老公, 老公在什麼地方工作月入兩萬幾, 她自已就月入萬多元.  只是難以負擔每月貴利利息數, 想找人借出四萬元一次過清了條貴利.  還強調不會要人家白白借錢給她, 將會借四萬還五萬.....

我終於聽完了她的故事, 然後說你倆有三,四萬一個月, 還少少貴利數應不成問題, 努力點節衣宿食啦 ! 俾心機加油.  當然想馬上閃人...........

然後,  她叫我留個電話給她方便日後聯.  我又不好意思拒絕, 說不如你個號碼俾我啦 !

她馬上說出電話號碼, 我點都要裝作輸入號碼在電話內...但我要再問她, 你叫咩名呀 !? 查實我是唔認得你....之後, 她說是我小學同學...張 某某. 

真係對她一點印象也沒有. 過了二十年無見啦, 一見面就講錢傷感情麼....兩百都唔會借呀 ! 

....這個沒見廿年小學同學, 似騙徙多一點. 

傻架....話俾HONEY 聽, 他笑一笑.  然後叫我快點刪了個電話號碼咪唔覺意按錯. 

死啦 ! 我在街上遇過她兩次.  我驚過兩日又會遇上...

話俾BEST FRIEND 聽, 她說我傻會同陌生人傾計. 

你們可有忠告給我呀 !?

雪
2019.11.17

 

情書

有無放過情書在網路上給所愛人呀 ! 

有呀 ! 寫了幾多呀 ?

我寫好多啦 ! 近日沒有多出來甜蜜可寫LA .

兩個人經營愛情才會幸福,  你有沒有耕耘 ?  你有沒有灑水 ? 

想贏到一段美滿愛情要出力啦 ! 豬仔.

小超人.........是誰呀 !?

雪
2019.11.16

溫暖靚湯待候.....滿足極了

未到五點個個人都想雞飛狗走, 鎖門落閘鬆人.   因為有排轉左車轉右車找一條逃生路回家.  今天黃竹坑和你LUNCH , 就搞到外勤姐姐飯都無得吃.  滯留在黃竹坑這個舊工廠區. 

幸好, 她重識得打電話回公司求救, 有咩方法可以回到公司??   我點了一條日日行的平地路給她.

搞到香港咁亂.  都好難講誰正誰邪.  在我心中最邪惡魔頭首推是一個女人.  她在搞風搞雨, 罪魁禍首, 剛愎自用, 又耳聾, 隻眼又濛........落埋些無人想聽命令, 定一些無人肯遵守法例.   

唉 !  無講她, 講起她又趕客啦 !

飲返枝汽水, 晒了這麼多口水.  剛飲完都口乾是天氣差定空氣差.  催淚彈的煙大風吹了點入屋莫非 ? 

都要學學網友弄些有益湯水幫身體排排毒. 

這次老闆也算有良心吩咐住得遠同事早點回家. 

我也很早回到家, 有溫暖靚湯待候.....滿足極了. 

佢唔係好識, 俾那些雪茸嗦晒些湯水. 

雪
2019.11.15

做咩笑得這麼奸

笑盈盈 , 笑騎騎,  做咩笑得這麼奸 !?

那張相都不是我來的 ! 同你玩玩, 你又信, 傻啦 !

我點得十靚歲,  橫看掂看張相是個好孩子, 最多得十八歲至廿一歲.  97後之新生代... 

你咁易被人呃,  你唔似咁屎蠢 !? 

本來, 真係想貼張真人照出來俾你看清楚我一點.  但見到你睇完後 HI 到痺, 你就當那一張相是我的真身. 

那攞了我張相要好好保存, 過幾年後要傳返給我.   到時不要說電腦DOWN 左無晒呀 !

你要張相好好收藏放在手機內, 得閒就拿出來看看. 

這樣 [ 她 ]張相就會變成你的快樂源泉, 笑完又可再笑. 

呀 ! 要擺多張上雲端, 這才可好好KEEP到實. 

我相睇照片當然沒俾某某啦 ! 你想我情人開我拖呀 !?

佢....近排都不是很好老皮, 我唔禁激佢, 費事再剌激倒他去去前線.

香港人係時候要減壓啦 ! 明晚...HAPPY FRIDAY, 無得出去HAPPY 就乖乖留家上上網閒聊同老友網友. 

雪
2019.11.14

 

救我脫離中共魔掌.

怎樣可以安定下來 ?  先不說現實環境.  世界大亂又怎能夠進入清淨安定. 

阿某某話有無興趣嫁去冰天雪地地方, 如果想就俾張靚相佢, 找三 E 婆介紹個獨男給小妹. 
這就可以搬家, 搬到遠一遠了.  離開這個中共領土.......

重話住夠日子就離婚也不怕好平常. 

笑了.......一個又是這樣說, 另一個又是這樣子說.  這些無聊笑話講完又講...

有無想想我身邊個人會點諗. 

笑著....好呀 ! 好呀 !一陣傳幾張靚相給你.

救我脫離中共魔掌.

要真正進入清淨安定, 暫時都好不容易. 

雪
2019.11.13

請你克制點

現在香港很混亂, 暴力升級由爭取和平示威, 現變成放火, 打人殺人, 全城市民也會被無意挑起事端是壓力爆煲了麼 ?   

不管你是藍絲, 黃絲. 希望大家能將情緒克制, 不要因一時意氣再與人起爭端呀 !! 

見到網上流血私鳥新聞片段, 人群中有很多人都發瘟黐線了 ! 

希望, 你在跟人吵罵時能想想身邊人, 親人會害怕, 會擔心也會憂懼 . 

她們, 會怕你被人打到頭破血流, 更怕瞬間淋油點火.  

點解 ? 我們美好香港會變成這樣 ! 誰是罪魁禍首 ? 

雪

2019.11.12

1. 
   

最好時光 可以嗎

https://www.youtube.com/watch?v=qzaJKQAb9tQ

重投樹蔭內 尋回了棲息安穩感覺

祈待屬於你 今後美好時光 可以嗎 還會 共鳴未說出的說話 祈待屬於你 今後愛的豐收 可以嗎 能為你將一生都可以花 未來 同渡變化

無心情走入文字世界, 再寫愛情也沒有人有心情看, 一天差過一天, 香港一天亂過一天.

無趣, 好無趣......

唔寫啦 ! 好無癮......

聽首歌, 來輕鬆一吓先啦 !

雪

2019.11.11

廢話

我在說 : [  廢話] ????

如果, 有人一直喜歡看我寫的就不會覺得這是[  廢話].   因為, 他們知道我在說什麼, 他們好了解我想的,   所憂思, 所喜歡....... 

因為喜歡到訪這兒人, 已經知道所有前因後果,  他們會在字裡行間找到過往故事.   看到我筆下回憶.    

唉, 妳不說又沒有人知啵 ,   過了一天又一天, 累積文字又增加了.  

近日, 預多了點時間去行山,  我操練定做長氣.  準備好氣力跟他行八千里路上山觀星.  他近日喜歡觀星喜歡研究宇宙事物.  

費事被他發現這是一個弱不禁風, 行都無力行得遠的女子,  行一條長長斜路就氣羅氣喘, 
再行幾百級梯級就上氣不接下氣, 可真笑壞人了.

暗公囉 !  隻貓咪困得太耐唔識跳一樣, 多麼的可憐可憫 ! 

雪
2019.11.10





  

我要飲粉葛湯

他說: [我要飲粉葛湯]. 

哦 !   叫伯母煲啦 !   伯母好忙 ?  近排無煲湯水? 

 我就話你俾家用欠了,   伯母在抗議中.   所以沒了湯水  ! 

你好快點識做啦 ! 增加家用啦. 

要不行動升級,  衫都不同你洗.  伯母有時都幾可愛.   用行動來表示不滿.   我有時都覺得後生仔應該為家庭出多一分力.   現時生活上各項開支都上升了很多.  

她們有時候不好思意將想說的講出來,   與長輩相處是一門學問, 就是用多一點點愛心.  社會動盪不止年輕人有壓力, 搞了幾個月社會運動, 放了這麼多毒氣.  現階段已嚴重影響了民生,   小商戶生計,    市民心情. 

 花多點時間陪陪媽媽, 成日出街.  她很擔心你在外面會遇上危險.   又驚煲了湯後你三更半夜也不回來,   又浪費了材料及心機.  

粉葛湯好難煲,  那一層粉葛皮很難批除.  

假期就好應該, 全天侯陪陪媽媽啦 !  

講了這麼多之後,  他說:   [我要飲粉葛湯].   這個我是說妳呀 !   [我] 字等如是雪...

粉葛湯可以去骨火...功效可以舒緩背肩痛, 去體內濕氣.    

嘩 ! 轉話題轉得好快.........

我剛病完, 痾完不想亂吃亂飲, 戒口中還在.  

唔采你呀 ! 

你伯母煲, 煲多點再送過來啦 ! 我咪有得痴.....

雪
2019.11.09

我吃到一碗黯然銷魂飯

好幾日呢 ! 餐餐在吃肉碎通粉.  無飯落肚......又餓瘦了好幾磅.  

今日, 終於有飯吃點了一碗叉燒蛋飯.   

原來, 無飯食係咁慘, 總有肚餓感覺.   忍住不要食太多, 一陣又肚痛又痾就知死啦啦 ! 

這一碗叉燒蛋飯莫非是傳說中黯然銷魂飯.

阿醫生俾少二粒止痾藥給我, 明明三日藥共九粒,  而家得七粒.  食埋今晚就無止瀉藥.  

希望已經康復 ! 

雪-2019.11.08

俾手手姐姐

好滑, 好肥, 好軟棉棉, 好好玩. 

玩緊什麼呀 !

你估不對的. 

再俾多點貼士 ?  說: [ 俾手手我] !!! [乖啦, 俾手手姐姐]!

[俾手手我啦]!

估到未呀 !

十二歲個女孩子說: [唔俾] ,  [唔俾], 你當我是犬犬呀  ! 

呀 ! 這個小女孩真的蠻可愛, 近排養熟了, 無咁惡狠狠, 間中還會同我說說笑話. 

找個假日要帶她出街買些她喜愛古古力. 

已食了我好多糖糖啦 ! 俾隻手手來玩玩也不成. 

摸大力點又發惡 !

要花多點時間去照顧這個伴伴兒.

曾經也有一個很可愛小女孩給傷害了.  答應同她去玩卻失約, 令她失望了, 那時的我又不懂怎樣逗回她歡笑而緣份失去了.

雪
2019.11.06

餓到手軟腳軟了

HUNGRY,  HUNGRY , HUNGRY ............

醫生叮囑可以吃瘦肉通粉但不可一次過吃太多.  重要補少少鹽份.

不知道是否吃了藥, 好眼瞓, 整天都睡吓甦醒過來.    係咪衰一邊倒落肚, 一邊嘔晒出來.

昨晚, 差點要急召的士上醫院.

搞腸沙,  這個滋味真的很難受.

有什麼可能性引至的好似食物中毒一樣 ?

有什麼可能？有什麼相關。。。　　

多數都是煲羊腩出事, 下次都不再去稻香.

而家好肚餓,  只吃了半碗通粉.   餓到手軟腳軟了。　

來緊重要出去應酬，　我點算好呀　！　

我不想又再有肚痛。　

今晚要早點休息，儲能量。。。要不明天一定很辛勞。　

雪
２０１９．１１．０５

邊個是小寶貝呀

有約會呀 ! 未有時間回覆你.  

邊個, 邊個是小寶貝呀 ? 

乖啦 ! 回來錫返啖啦 ! 

乖啦 ! 唔可以扭扭, 成日要隨傳隨到.  

同朋友一齊, 唔方便同你講電話, 驚打擾到別人, 也怕朋友覺得冷落了 ! 

有咩事, 回家才慢慢說. 

邊個是小寶貝呀 ?  唔洗問阿貴, 佢地個個都知啦 ! 

雪-2019.11.04

有人想食江蘇大閘蟹

有人想食江蘇大閘蟹 ! 我不太好, 但一隻半隻都可以陪你吃.  想來我家吃  !?

想食靚的江蘇陽澄湖大閘蟹就幫襯香港老三陽啦 ! 不過, 好高卡又好貴只限一人一隻.

做咩這麼富貴, 又著名牌又買貴價眼鏡, 又要食好嘢.

來我家吃私房菜也成, 每位收五百收平點.  包你一人一隻蟹. 一煲瑤柱滑雞粥, 四碟小炒. 清蒸大海班. 包埋打十六圈供應茶水, 藍山咖啡, 甜品.

你出街吃都收三, 四仟啦 ! 條街又危險. 

嘻嘻, 係呢 ! 你就自已帶一隻二隻三隻蟹上來.  記住問老闆取紫蘇葉及薑.

重有呢....想食什麼就帶什麼上來, 我不出街.  包煮不包買........

笑....食完不要做大閘蟹呀 ! 股票放先好呀 !

好邪架.

雪
2019.11.02

收生日禮物了.

多謝呀 ! 真香呀 ! 好清新的味道...... 

今日收2019年生日第一份禮物, 多謝叔叔禮物, 估不到他竟然還記得ME 就來生日.  

原來, 他不是來講道理, 原來專登來見見我, 同我吃餐午飯, 送一份香噴噴禮物. 

好在, HONEY 他也在場, 有他陪他吹水, 要不是我有排口啞啞, 一時又講航拍, 一時又說滑翔飛機原理..........又大談健身操FIT. 

 他竟然無問政府施政...笑了 ! 卻問我現時人工有幾多, 怕不怕貿易戰而被抄魷魚. 

幸好, 有他在我才可安心食我桌前美食.  HONEY 辛苦你啦 ! 

雪

2019.11.01   

好好陪伴珍重的人

摘錄某名人的金句:

[你們的時間有限，所以不要浪費時間活在別人的生活裡]。

約了大叔這兩天見面, 都係自已衰明明他問我什麼時間、日期、 地點。我又話等他決定。 點知他說諗諗再覆我。雖然, 我話就佢姐......早點約實好嗎 !? 

我重其他約會, 幾咁多節目等住安排。

算啦 ! 大叔話教我快速賺錢方法, 可以盡快達成財務自由, 可以改善生活。

有時同大叔傾計我獲益良多. 

 所以我們時間有限, 卻要花在值得花費的某人身上。

所以不管在風裹火裹也要赴會。

今日, 偷懶蛇王了一陣是外勤遲了點上班, 下午請了半日假某人逛街.   全日共行22 888步,  咁 LUCKY  ? 

所以, 而家很累.   
時間有限....適時安排好, 要多點時間, 好好陪伴珍重的人。

HONEY , 話要陪埋我一齊去見阿大叔.  

........😝😛😅

雪
2019.11.01

格令提早下崗

他說:
[無論悲喜, 沒有退路,
無論愛否, 沒有回程.
路盡適時拐彎, 總會豁然眼前;
平淡時點點蘊積, 總有精彩呈現.

風雨人生, 感思經歷. 笑看人生風雨路; 淡泊平和福自安].
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
祝福往後生活美滿, 事事如意,健健康康, 飛黃騰達, 錢途似錦.

都不知同他們說什麼好, 前輩被奸人格令提早下崗.

其實有賠償離開都不差, 有時候去另一個新環境才能展開新的人生, 出現另一個精彩旅程, 也許會可遇上百樂呢 !

嘻嘻 ! 我送給他千萬祝福跟他到天涯海角, 在鬱結中逗回他一笑.
 
雪
2019.10.31

心咁情願去陪他側計仔的大叔

今晚在國內專門吃雛鳥晚飯. 

好肥貳餸菜, 有一隻幾斤重大雛鳥、 一隻大肥鵝、 一條盤龍鱔、 羊腩煲、 生炒糯米飯、 南瓜煮芋頭、清蒸盧魚、 青紅召茶樹菇炒肥牛、 豬手、 鴨粥、 曼頭、 百花蛇湯、娃娃菜配雜菜.  

飲了蘋果醋都消化不來晚飯....我忍實無食 鴨粥、 曼頭、生炒糯米飯、全部最多吃兩件止. 

今晚有什麼好笑及值得一提趣事, 在FACEBOOK 說了.  

你在那兒看啦 ! 我驚俾大叔見到.....我驚有人入了這兒.  阿叔好有勢力不可得罪.  

哈哈 ! 寫住咁多先.  找日再說這個飯餸話題.  

我想你幫我做一頁私人家課, 有人想同我談一談香港最新政府政策....頭痛了 ! 

要應酬另一個大叔.  心咁情願去陪他側計仔的大叔.  

笑了 !  

雪

2019.10.30

隻眼朦朦

慘啦 ! 部腦唔知按錯了什麼制, 睇唔到短片, 去YOTUBE 又聽唔到歌.  無聲音出呀 !

你放了什麼深山雪怪出來, 俾些什麼東東我看呀 !?  我睇唔到又聽不見.

你咪笑我隻眼有問題, 見到人放藍莓就知我要補眼啦 !

隻眼朦朦, 有時都幾好.

有咩好呀 ! 有人夜媽媽摸上來, 睇不清個樣就大條道理不開門.

然後, 等他在門外守候,  先生找誰呀 !

等一等, 等我找到個黑框眼鏡先.

門外個人叫:  [ 靚妹, 你係咪係度玩嘢呀 ]?

哈哈 ! 笑到我肚痛....專登扮嘢整盅佢.

快點入來啦 ! 等住他整電腦重玩, 他走左你就知衰.

雪
2019.10.29

CALL 齊班嘩鬼

還有幾天就萬聖節了 ! 有沒有約朋友開嚇人聚會呀 !

無晒心情啦 ! 班人劃花塊臉出街一定驚俾人拉上差管,  唔拉都卜到一頭血啦 !

小販們些面具就一定血本無歸啦 ! 嘩鬼都唔謊有幾多隻. 


 點慶祝萬聖節好 ? 

約班朋友回家玩, 點劃點花臉在私人地方就無有怕啦 ! 準備好愛人, 好朋友最驚食物再醜化, 妖魔化...到時就會有驚喜啦 !

或者, 唔覺意識返個新女友, 就不用成日想住前度啦 !

快點CALL 齊班嘩鬼啦 1

雪
2019.10.28

想吃罐豬仔肉

突然間好想吃罐豬仔肉呀 ! 配出前一丁麵加多隻蛋做今晚晚餐. 

以前. 放學回家就最愛快快捷捷滾水淥個麵, 而他總是說怎麼可以常常吃這些即食麵, 你里隻正懶豬. 

那時他最愛說要請她吃飯不要常吃丁麵.   往事已經過去了多年現在他不知道有沒想起, 想起那個一邊吃即食麵一邊看麥兜急口令而發笑, 噴到他一面都是麵碎的她.

那個女孩這麼傻 ! 多麼醜的瘀事......

現在他要是會想起了 ! 他會會心微笑, 定是想想都討厭呢 !

而她每次吃午蛋麵時也會忍不住微微發笑.

呀 ! 係開罐豬仔肉吃一片, 不是吃一罐......請你不要笑得太大聲呀 !

今日, 我真係做了大懶豬, 瞓到三點才睡醒過來.

雪
2

享受寂寞生活

假日...無同朋友去玩, 無呀 ! 昨天見完啦...

她呢 !今日卻選擇自已孤身一人跑上四百級梯級, 望望個海, 曬曬太陽, 似足中國人民在梯級上坐下來聽了兩首鄧小姐懷舊歌.

四處無人可以學學人用手機播歌, 放了首好熟一時又忘記了歌名國語舊歌.

那時候的愛情　 為什麼就能那樣簡單 而又是為什麼　

愛你　你輕聲說　 低下頭聞見一陣芬芳

間中有人經過架, 笑都幾阻人行但實在太美, 太寧靜, 太喜歡.  享受那一種自在, 享受寧靜中沉醉. 好難去形容那是什麼重要感覺.  都市人煩忙追趕生活,  跟朋友宣嘩大笑.  在寂寞時候本可以找到朋友陪伴, 可是她卻想自已一人享受[靜]感覺.  

你是否也一樣, 總是想一個人獨處 ?  

他說: [沒有寂寞, 只想同妳分享快樂]. 

有咩事快樂, 什麼事要慶祝呀 !?  他說中了六合彩.....一陣請我飲咖啡 !

晏點先...在家附近間咖啡店等啦 ! 

凹出隻眼....中六合彩? 飲咖啡咁簡單 !? 

雪

2019.10.26

身體健康, 身體健康

[身體健康, 身體健康] . 做咩把聲咁得意, 整估整怪在扮動物講野. 

多謝送圖,  今晚不傾住. 要早點瞓. 瞓足時間才會身體好 !

係呀 ! 我真的是很水皮, 動不動就作病病, 一個傷風, 感冒也被纏上好十幾天. 

大家話話, 隻 MONKEY 係咪超級可愛呢 !  多謝多一次先.

笑... 我只想身體健康 !

雪
2019.10.25

養貓決定

不管是黑貓定白貓, 捉到老鼠的就是好貓貓.  咁 ! 如果是黑白貓貓呢?

那就可愛極了 !! ??

點 ! 可愛法?

養不到熊貓, 就養隻黑白貓貓當自已家裡等同擁有了國寶一樣珍貴.

嘻 ! 不用這樣想,  看一看圖片, 睇到牠戇居居個樣子, 頭大大.  真係想將牠一抱入懷.

想著, 要養多一隻貓 B .

可批準我養隻貓嗎 !? 要問問男朋友, 要他批準先,  點解要問佢又不是一齊同居. 

但, 他以前說過將來要照顧牠的是他. 

所以, 養寵物不是短暫一時意氣, 是終身決定.  養了牠就要照顧牠變老貓.

傻架....講到實同他一齊住將來. 

雪
2019.10.24

很多小擺設

在網上找呀 ! 找呀 ! 找咩呀 ?

找創作靈感, 找一個話題才寫這一晚的網址.   心緒有些不寧又有些不安.

但見到她很喜歡又可愛,  望見她有一種被保護, 有一種好安撫感覺.

我在網上買了神獸手串本來想送給加拿大回來的人,  攞了回家看看下, 有一種賣仔莫摸頭感覺.

想下想下, 都是不要送別人.   送她另一種無公仔手串算啦 !

其實, 家裡收收埋埋有很多小擺設, 有唐老鴨, 小飛飛, 小黃兵, 招財貓, 超人, 小豬仔一家大小, 未數完. 要是這樣一個, 一個寫下去都有幾十行

喂 ! 你的家一定簡潔很多.  收藏了什麼小可愛呀 ! 大叔控.....

其實, 我不是隨便送禮物給人的人,  都幾孤寒鐸叔.

雪
2019.10.23

十萬個錯

摘錄別人文章

對照其植物學中的拉丁文原意，可解作「沒有苞片」，苞片是在花或花序基部著生的變態葉。由於大多數爵床科的花卉都有苞片，但是在此屬之苞片卻不顯眼，即是「唔跟大隊」，那還不是錯嗎？假如戰場上的將令發號司令叫大伙兒向左轉，偏偏你卻向右轉，你說，是不是錯得好緊要，還不判你十萬個錯！？  誰之過？點解小花十萬錯？

~~~~~~~~~~~~~~~~~~~~~~~~~~~~~~~~~~~~~~~~~~~~

張花花照片是之前在山林深處影的, 有沒有留意一朵, 兩朵小花後面背景? 它是一棵大樹...見到嗎 !? 

早前. 看了一個日本節目, 對野菜和野花認識要透過眼、耳、口、鼻、觸摸來決戰. 

考驗眼呢...就要將植物放大特寫, 一路拉遠, 比賽誰人最快估到植物名字.  

考鼻呢......當然是聞啦 ! 佢話日日都浸浴就是用這一款香草...就是單憑一點運氣令他過關升級了.  他最後能否在餘下環節也能過關......未知呀 ! 我睇了一半乍, 下次有機會再跟你說. 

其實, 來到這裡網路世界, 平時路邊最平凡小野花也可以帶領出一種學問.  感謝網路上朋友寫出花名字, 我才可以知道美麗小花朵原是叫 [十萬過錯] , 真是很有趣. 

雪

2019.10.22